درآري فالبآك .. قلة أدب

[همس الوُرود]

السلام عليكم نآس اللمة ~

حبيت نحكيلكم على حآجة قد مآهي حيرتني على قد مآهي حيرتني

أكيد أنتم علآبآلكم بلي أنآ معيدة سنة البكآلوريآ و صرآحة هذي الكلمة وليت منخممش فيهآ بزآف لأني حبيت ننسى ونحسب روحي عآدي وكأني أول مرة رآيحة نجوز البآك

لكن للأسف حطوني في كلآصة عيآنة عقلية تع درآري صح

صح عندي صديقآت بل أخوآت أقل مني ب 5 سنوآت فمآ أكثر بصح جآمي كآن معآهم بروبلآم عقليتهم نورمآل

بصح هآدو تع هدي الكلآصة مش عبآد صح

تلقآهآ طفلة قد صبعي خآلقة ف 99 وجآية تحسدني على حتى كون جآت علآمة مليحة كون نجيب زعما المعدل برك باو تجي ودبرتيها ومش كيمآ أنآ وتشنف وحآلتهآ حآلة

ديجآ أنآ مقلقة من العلآمة تآعي و مورآلي تحت 0 وهي جآية تطعز عليآ نولي نشوف فيهآ الدوبل

ومرآت كيمآ دآرنآ تع الإسلآمية فرض فجآئي المهم أنآ كنت شآكة وقريت من 12 لل 13 شوية الدروس و تفكرت تع العآم الي فآت

وهي جآت مش حآفظة

كي خلصنآ جآت تقولي خدمتي؟؟ قلتلهآ كي تجي الورقة ونشوف بدآت تدعي وكنآ أنآ و 2 بنآت ديمآ معبعض بحكم أننآ صحآبآت من بكري وزيد في 3 معآودين قآلتنآ يآ ربي والي تخدم مآتجيبش البآك

واللخرة كآمل قآلتلي أنتي و أمينة هآدي وحة أخرى صآحبتي قآلتلنآ نتومآ مآتجيبوش البآك

وقآحة ~ قلة أدب ..........كيفآش تسموهآ هآدي

وزيد هآدي مآعندهآش بزآف يوم الأربعآء الي فآت كيمآ كنآ فالسبور وأنآ مآنلعبش السبور هآد الفترة بحكم مرضي الحآلي المهم كنآ أنآ وأمينة نتمهبلوا وتضحكني أمينة يآخآاااه وأنآ كيمآ تحكمني الضحكة طبيعة فيآ مآنسكتش خلآااااص يآو سوآيع وأنآ نضحك وكلمآ نتفكر الجآست نزيد نضحك

المهم نلقى الطفلة قآلتلي بلعي فمك

مرآت أنآ نبخصهآ مرآت صدقوني نتشوكآ نبقى بلآ رآس ونسكت نقول درآري خليني منهآ

بصح والله تقولولي وشمن عقلية هآدي


ومش غير هي هآدي يعني الي عيآنة بزآف ولوخرين كل وحدة وكيفآش

بصح كآمل تلقآهم يجوا يقولولك دبرتيهآ نتي معآودة وووو

هههههه كي يبدآو يقولولي هكآ بعد نقوللهم صحآ عآودوا البآك وتوليو كيفي مدبرينهآ

حنآ العآم الي فآت كيمآ كنآ مش معآودين والله نفرحوا للي معآودين كي يجيبوا معدل مليح ولآ و كيمآ حنآ منجحنآش صدقولي كيمآ أنآ وليت نحوس على الي معآودين وش حوآلهم خفت عليهم أكتر من نفسي ودعيتلهم بيسك هومآ سيبون هدآ هو العآم

تآعهم مش كيمآ حنآ بصح هآدوا دوكآ العكس تمآاااااامآ والله الي يشوف تقول قآعدين نديولهم من أروآحهم بش نعيشوا حنآ وهومآ مآيعيشوش ولآ ...



بففف المهم عيآونآ وزيد كيمآ نكونوا أنآ و 2 بنآت هآدوك مع بعض حنآ شغل هكآ نبعدوا منحبوش نتخآلطوا مع النآس يآو يدخلوا بالسيف يحبوا يعرفوا وش رآنآ نهدروا

يروحوا وليدآتي و الله بصح يقولوا إن لم تستحي فافعل مآ شئت ~ الله يهدينآ ويهديهم على كل حآل

حبيت نحكي برك ونفرغ قلبي .......سلآمي..​

 

[لؤلؤة قسنطينة]

رد: درآري فالبآك .. قلة أدب

السلام عليكم ^^
ان شاء الله اختي الغالية بخير؟؟
رانا موليناش نشوفوك بزااف هنا، على كل حال ان شاء الله ربي ينجح ختي وتدي الباك هاد العام
وتكون من الاوائل، واذا عاودتي هادي ماش نهاية العالم، يا ماعاودو 5و 7 مرات وما استسلموش
المهم ، بالنسبة لمثل هاد الفئات والله قبل يومين برك طرحت نفس موضوعك
وحكيت على هاد العباد لي يشيبو الراس، تحشم وتكست وهوما مايحشموش
حبيبتي انا متأكدة بلي راكي كتبتي الموضوع غير باه تفرغي قلبك، كتر من انك تستناي نصيحة
وهادا لي حسيتو انا لدرجة جيت فرغت قلبي قلت غير نخرج الهم لي قلبي
المهم واش عندك في هاد الاشخاص، خاطر بقاو على الاكثر 6 اشهر، وكن نحيو العطل وغيرها من الامور
تلقاي بقا 4 اشهر بالاك برك للقراية، صمطي قد ماتقدري حتى يفوت العام وتتهناي من مثل هاد الاشكال
ربي يوفقك عزيزتي وينجحك في قرايتك
تقبلي مروري
​

 

[حكاية قمر]

رد: درآري فالبآك .. قلة أدب

ربي ينجحك اختي
ونورمال بفمك قلتيها دراري

عندي ولد خالتي سيزيام وعاوده بيام منع بشعرة ولباك فوته معايا وخسره وعاود وخسره ودار المستحيل باه يعاود في ليسي مره ثالثه وراه يعاود فيه من ليسي بعيد على دارهم وهو مواليد92 جانفي وكنسقسيه ع لي يقراو معاه يقولي نورمال خلاص ما يشوفش فيهم بويسك دراري ^^ الا قلة
ربي ينجحك وتفرحينا معاك

 

[yac94]

رد: درآري فالبآك .. قلة أدب

ya twinkle el jil li raho tala3 rabi yestor yela3bouha marghin men sghorhoum ou homa mazalhom mourahi9in msakn ma dirich 3lihoun sin el mouraha9a bihoum rabi yjib el khir berk 3lakouli 7al puisq sah jil ma yechkourch neshoum lekbir m3awj men soghrou

 

[همس الوُرود]

رد: درآري فالبآك .. قلة أدب

السلام عليكم ^^
ان شاء الله اختي الغالية بخير؟؟
رانا موليناش نشوفوك بزااف هنا، على كل حال ان شاء الله ربي ينجح ختي وتدي الباك هاد العام
وتكون من الاوائل، واذا عاودتي هادي ماش نهاية العالم، يا ماعاودو 5و 7 مرات وما استسلموش
المهم ، بالنسبة لمثل هاد الفئات والله قبل يومين برك طرحت نفس موضوعك
وحكيت على هاد العباد لي يشيبو الراس، تحشم وتكست وهوما مايحشموش
حبيبتي انا متأكدة بلي راكي كتبتي الموضوع غير باه تفرغي قلبك، كتر من انك تستناي نصيحة
وهادا لي حسيتو انا لدرجة جيت فرغت قلبي قلت غير نخرج الهم لي قلبي
المهم واش عندك في هاد الاشخاص، خاطر بقاو على الاكثر 6 اشهر، وكن نحيو العطل وغيرها من الامور
تلقاي بقا 4 اشهر بالاك برك للقراية، صمطي قد ماتقدري حتى يفوت العام وتتهناي من مثل هاد الاشكال
ربي يوفقك عزيزتي وينجحك في قرايتك
تقبلي مروري
​

وعليكم السلآم أختي لؤلؤة ~

صح أختي رآني مريضة علآبيهآ والحمد لله ~ شكرآ حبوبتي

آمييين يآ رب شكرآ غآليتي ~ صح أختي بصح والله صح تشوكيت منهم هههه

مآعليش أختي هآديك أنآ نعرف نتعآمل معآهآ

صح مبقآش بزآف ربي يوفقنآ إن شآء الله يآ رب ويوفق كل إنسآن في حيآته ~ ربي يخليك

شكرآ على مرورك الجميل:$​

 

[همس الوُرود]

رد: درآري فالبآك .. قلة أدب

ربي ينجحك اختي
ونورمال بفمك قلتيها دراري

عندي ولد خالتي سيزيام وعاوده بيام منع بشعرة ولباك فوته معايا وخسره وعاود وخسره ودار المستحيل باه يعاود في ليسي مره ثالثه وراه يعاود فيه من ليسي بعيد على دارهم وهو مواليد92 جانفي وكنسقسيه ع لي يقراو معاه يقولي نورمال خلاص ما يشوفش فيهم بويسك دراري ^^ الا قلة
ربي ينجحك وتفرحينا معاك

آميين يآ رب~

ربي يكون في عونه إبن خآلتك وينجحوا يآ رب~ صح أختي عندو الحق يبعد عليهم ~ ..

ربي يهديهم على كل حآل الدنيآ كل مآرآيح كل مآتزيد تفسد~بغض النظر عن القليل طبعآ

شكرآ أختي على مرورك ~إن شآء الله نجيبو ونفرح عآيلتي ومآمآ الغآلية وأنتم بإذن الله إذآ أحيآني الله

أفرحني توآجدك أختي ​

 

[همس الوُرود]

رد: درآري فالبآك .. قلة أدب

ya twinkle el jil li raho tala3 rabi yestor yela3bouha marghin men sghorhoum ou homa mazalhom mourahi9in msakn ma dirich 3lihoun sin el mouraha9a bihoum rabi yjib el khir berk 3lakouli 7al puisq sah jil ma yechkourch neshoum lekbir m3awj men soghrou

صح ~ yac94 كل الصغآر هكآ مي أنآ حسبت كي يكونوا صغآر برك معوجين ويتصلحوا مع الكبر ~ مآعليش يقولوا عيش تشوف

شكرآ على المرور ​

 

[بنفسج]

رد: درآري فالبآك .. قلة أدب

السلام عليكم
اهلا بيك اختي والله غير صح قلة ادب ميستاهلوش تقيميهم راكي قلتيها دراري وزيد ربي يشفيك وينجحك ويفرح والديك بيك انا شايفة سي نورمال تعاودي وين راه ااعيب صح عباد ميفهموش انشاء الله تجيبي الباك باعلى معدل ساعتها قوليلهم موتو بغيضكم :p
تحياتي ليك حنونة

سلام

 

[السلطانة]

رد: درآري فالبآك .. قلة أدب

وعليكم السلام

تاع 99 بعد داخلين في خمس سنين وعقلية دراري
قد خويا الصغير بعد تبا تقول نضرب راسي على حيط

لاعلينا انتي هدفك النجاح ان شاءا لله

مالا متقلقيش بالتفاهات لي قدامك

انتي اقراي باه تنجحي العام لي ساع يفوت ليه ليه

ان شاء الله ربي يوفقك

 

[la lune rose]

رد: درآري فالبآك .. قلة أدب

عقليتهم صغيرة
تجنبيهم
رايحيين يزيدوك غي همهم وانتي ماعندكش الوقت لهدو التفاهات
ركزي في قرايتك في هدا الوقت وديري القلب
نصف النجاح في الباك جانب نفسي
وما تزيديش تركزي على انك معيدة نساي الي فات
والعام غمض عينيك يفوت ان شاء الله تجيبيه وبمعدل مليح
لله يوفقك للخير

 

[Hakan]

رد: درآري فالبآك .. قلة أدب

راكي قلتيها قلة ادب

اذن لازم تعامليهم على اساس قليلي ادب
وتعامليهم بكل ادب

يااختي انتي عندك باكالوريا تستنى فيك ونااس من ورااك تخمم فيك ابوك امك خاوتك احبابك واذا تنشغلي بهاذو التافهين رايحة تحطمي امنيات النااس اللي راهي تبع فيك
وتهتم بيك
اذن يااختي كيما يقولو الهدرة في الملعب
حاولي تبذلي مجهوود كبير وتجيبي معدل مليح
وتبرهني انو الاعاادة نتااعك كان فيها خير
بالتوفيق ليك ..​

 

[Salam Fleur]

رد: درآري فالبآك .. قلة أدب

السلام عليكم

اختي كلامهم يدخل من زذن و يخرج من الوذن الثانية و اذا حبيتي ما يدخل خلاص ... حطي في الثقيل وفوتي و مرات اذا لقيتيهم زودوها حطيلهم النقاط على الحروف و خلي كل واحد يعرف حده .... نقولك ربحيهم بالظرافة باين فيهم ماشي تاع ظرافة ...

انت الهدف تاعك هو الباك حطي راسك ليه و ربي ينجحك ان شاء الله ... و حكاية معيدة اضحكي عليها لانه و الله يا اختي و عسى ان تكرهوا شيئا وهو خير لكم ... انا تاني عاودت الباك و جبته بالعام الثاني و الحمد لله درت ليسانس و زدت ماستر و كاين لي داوه بعامهم الاول لقيتهم 80% تلاقيتهم في السنة اولى جامعي و كاين حتى لي ماقدرش و بطل و كاين لي لما تخرجت انا مازال في الجامعة .... ماتحطيش في بالك خلاص حكاية معيدة ولي تقولك معيدة قوليلها معيدة و نص واش ما عاجبكش الحال الحيوط فيهم بركة .......

ربي يعينك و بالتوفيق ​

 

[خفيفة الروح]

رد: درآري فالبآك .. قلة أدب

السلام عليكم
اهلا بيك اختي والله غير صح قلة ادب ميستاهلوش تقيميهم راكي قلتيها دراري
نشالله تجيبي الباك

 

[بنت الـ25]

رد: درآري فالبآك .. قلة أدب

أخطيك منهم اختي عبير احقريهم ، ما تعمريش راسك بيهم
هوما علابالهم بلي كلمة معاودة تلعبلك على المورال وهي نقطة ضعفك متخليهمش يستغلوها
كانت تقرا معايا وحدة معاودة الباك ، كانو بنات معانا يحبو ينارفيوها وفي اي محضر يجبدولها على لحكاية
صحاباتها لخرين يتنارفاو مي هي تقعد تضحك تقلهم العبرة بلي يضحك فالأخير، وراه العام ما بقالوش ويخلص واللي يضحك عليا يجي نهار ويضحكو عليه الناس
وتمشي عليهم ، توجور تضحك ، وفالأخير 90 بالمية من كلاصتنا ما نجحوش ورجعو كامل معاودين
وديجا لي ما ينجحش وش صرا؟ طاحت السما؟
الباك منقولوش زهر مي كاين لي يتخلعو منو علابيها ما يركزوش وديفوا تلقايهم من الأوائل ، والله وحدة نعرفها مليح قارية دات البيام بـ 17
تلاقيتها هداك نهار قلتلها وش درتي فالجامعة ، خاطر علابالي 100 بالمية راهي دات الباك
قاتلي راني نعاود فالباك؟ هدرتها عادي ما راهيش مشوكية ولا حزينة ، عادي قاتلي ترويت معرفتش نجاوب علابالي بروحي خلطتها:d
مالا يا عبير متعمريش راسك بيهم عيشي حياتك واقراي واجتهدي وديري في بالك الباك راهو امتحان كيما الامتحانات لوخرين وعدم تحصلك عليه مش نهاية العالم
المهم انتي ابقاي مصرة وما تيأسيش وبربي ان شاء يكون اسمك هاد العام في قائمة الناجحين ، وجميع لي ضحك عليك ولا جرحك يجيه يوم وكلي ربي هو حسبه نعم الوكيل

​

 

[همس الوُرود]

رد: درآري فالبآك .. قلة أدب

السلام عليكم
اهلا بيك اختي والله غير صح قلة ادب ميستاهلوش تقيميهم راكي قلتيها دراري وزيد ربي يشفيك وينجحك ويفرح والديك بيك انا شايفة سي نورمال تعاودي وين راه ااعيب صح عباد ميفهموش انشاء الله تجيبي الباك باعلى معدل ساعتها قوليلهم موتو بغيضكم :p
تحياتي ليك حنونة

سلام

وعليكم السلآم ورحمة الله وبركآته أختي ~

آميين يآ رب ربي يخليك صح أختي أمر عآدي أنآ صح تقلقت شوية فالبدآية مي دوك نورمآل مآعنديش بروبلآم فهذي الحكآية

هههه إن شآء الله يآ رب ننجح برك بمعدل عآلي ولتم النآس وحدهآ تفهم بلآمآ نحكي وآلو ههه ربي يخليك أختي طلعتيلي المورآل ربي يفرحك:$​

وعليكم السلام

تاع 99 بعد داخلين في خمس سنين وعقلية دراري
قد خويا الصغير بعد تبا تقول نضرب راسي على حيط

لاعلينا انتي هدفك النجاح ان شاءا لله

مالا متقلقيش بالتفاهات لي قدامك

انتي اقراي باه تنجحي العام لي ساع يفوت ليه ليه

ان شاء الله ربي يوفقك

هههههه إيييه عمرهآ 16 سنة هههه أنآ الي شوكآتني أنهآ صغيرة وتحسدني وكأني رآيحة أنآ وهي الخآسرة ~

مآعليش أختي ربي يهدينآ يآ رب

صح أختي هذآ وش رآهو لآزم نفكر فيه دوك شكرأ أختي سآندي ربي يخليك​

عقليتهم صغيرة
تجنبيهم
رايحيين يزيدوك غي همهم وانتي ماعندكش الوقت لهدو التفاهات
ركزي في قرايتك في هدا الوقت وديري القلب
نصف النجاح في الباك جانب نفسي
وما تزيديش تركزي على انك معيدة نساي الي فات
والعام غمض عينيك يفوت ان شاء الله تجيبيه وبمعدل مليح
لله يوفقك للخير

صح حبوبتي هذآ هو الصح هومآ معلآبآلهمش وش رآهو يستنى فيهم

ربي يكون في عوننآ يآ رب ربي يحفظك أختي شكرآ على النصيحة ​

 

[همس الوُرود]

رد: درآري فالبآك .. قلة أدب

راكي قلتيها قلة ادب

اذن لازم تعامليهم على اساس قليلي ادب
وتعامليهم بكل ادب

يااختي انتي عندك باكالوريا تستنى فيك ونااس من ورااك تخمم فيك ابوك امك خاوتك احبابك واذا تنشغلي بهاذو التافهين رايحة تحطمي امنيات النااس اللي راهي تبع فيك
وتهتم بيك
اذن يااختي كيما يقولو الهدرة في الملعب
حاولي تبذلي مجهوود كبير وتجيبي معدل مليح
وتبرهني انو الاعاادة نتااعك كان فيها خير
بالتوفيق ليك ..​

إن شآء الله يآ رب هذآ هو الصح ~ وربي يهديهم برك صحآب هذو العقليآت بيسك هذي العقلية ميروحوش بيهآ بعيد .. ينجحوا ولآ يفشلوا

شكرآ أخي ​

السلام عليكم

اختي كلامهم يدخل من زذن و يخرج من الوذن الثانية و اذا حبيتي ما يدخل خلاص ... حطي في الثقيل وفوتي و مرات اذا لقيتيهم زودوها حطيلهم النقاط على الحروف و خلي كل واحد يعرف حده .... نقولك ربحيهم بالظرافة باين فيهم ماشي تاع ظرافة ...

انت الهدف تاعك هو الباك حطي راسك ليه و ربي ينجحك ان شاء الله ... و حكاية معيدة اضحكي عليها لانه و الله يا اختي و عسى ان تكرهوا شيئا وهو خير لكم ... انا تاني عاودت الباك و جبته بالعام الثاني و الحمد لله درت ليسانس و زدت ماستر و كاين لي داوه بعامهم الاول لقيتهم 80% تلاقيتهم في السنة اولى جامعي و كاين حتى لي ماقدرش و بطل و كاين لي لما تخرجت انا مازال في الجامعة .... ماتحطيش في بالك خلاص حكاية معيدة ولي تقولك معيدة قوليلها معيدة و نص واش ما عاجبكش الحال الحيوط فيهم بركة .......

ربي يعينك و بالتوفيق ​

وعليكم السلآم ورحمة الله وبركآته

وهذآ وش رآني ندير أختي بصح نربحهم بالظرآفة منقدرش ههه لأني إذآ مآحبيتش نآس منقدرش نضحك معآهم صرآحة
صح أختي والله عآدي جدآ أصلآ الي نجحوا ورآهم يعآودوا لآلآ مآعنديش إشكآل فهذآ الأمر ومآعدتش معقدة من هذآ الشي الحمد لله
شكرآ أختي ربي يخليك:-r​

السلام عليكم
اهلا بيك اختي والله غير صح قلة ادب ميستاهلوش تقيميهم راكي قلتيها دراري
نشالله تجيبي الباك

وعليكم السلآم

آمين يآ رب شكرآ أختي على مرورك الظريف ~ :up:​

 

[همس الوُرود]

رد: درآري فالبآك .. قلة أدب

أخطيك منهم اختي عبير احقريهم ، ما تعمريش راسك بيهم
هوما علابالهم بلي كلمة معاودة تلعبلك على المورال وهي نقطة ضعفك متخليهمش يستغلوها
كانت تقرا معايا وحدة معاودة الباك ، كانو بنات معانا يحبو ينارفيوها وفي اي محضر يجبدولها على لحكاية
صحاباتها لخرين يتنارفاو مي هي تقعد تضحك تقلهم العبرة بلي يضحك فالأخير، وراه العام ما بقالوش ويخلص واللي يضحك عليا يجي نهار ويضحكو عليه الناس
وتمشي عليهم ، توجور تضحك ، وفالأخير 90 بالمية من كلاصتنا ما نجحوش ورجعو كامل معاودين
وديجا لي ما ينجحش وش صرا؟ طاحت السما؟
الباك منقولوش زهر مي كاين لي يتخلعو منو علابيها ما يركزوش وديفوا تلقايهم من الأوائل ، والله وحدة نعرفها مليح قارية دات البيام بـ 17
تلاقيتها هداك نهار قلتلها وش درتي فالجامعة ، خاطر علابالي 100 بالمية راهي دات الباك
قاتلي راني نعاود فالباك؟ هدرتها عادي ما راهيش مشوكية ولا حزينة ، عادي قاتلي ترويت معرفتش نجاوب علابالي بروحي خلطتها:d
مالا يا عبير متعمريش راسك بيهم عيشي حياتك واقراي واجتهدي وديري في بالك الباك راهو امتحان كيما الامتحانات لوخرين وعدم تحصلك عليه مش نهاية العالم
المهم انتي ابقاي مصرة وما تيأسيش وبربي ان شاء يكون اسمك هاد العام في قائمة الناجحين ، وجميع لي ضحك عليك ولا جرحك يجيه يوم وكلي ربي هو حسبه نعم الوكيل

​

والله يآ أختي هذي الكلمة معآدتش تقلقني نهآئيآ الحمد لله الي قلقتني هي أنهم يحسدونآ شغل حنآ خسرنآ العآم وهومآ حسدونآ على المعآرف القبلية

ربي يخليك أختي لآلآ بإذن الله نجيبو هذآ العآم وعلآش نفكر في تعآويدة 02 لآلآ

إن شآء الله يآارب كون إسمي في قآئمة النآجحين شكرآ أختي الغآلية منيوثة ~
​

 

[نقاء الورد]

رد: درآري فالبآك .. قلة أدب

مرحبا عزيزتي
مليح كي تفرغي قلبك تنحي شوي على همك
بصح متقلقيش راكي قلتي هادو غير دراري تسمى متعمريش راسك بيهم
انتي هدفك قرايتك والباك ديري جهدك باه تنجحي وفرات خلي يقولو وش يقولو انتي برك تعرفي وش يصلح بيك
موفقة وربي ينجحك ان شاء الله
بالشفاء عليك ختي
تقبلي مروري​

 

[كاتمة الاسرار]

رد: درآري فالبآك .. قلة أدب

ماتعمريش راسك بيهم ياه هوما دراري وعلاه ديري منها قصة
نقولك هاجة وديريها في راسك مليح
كي يهدرو معاك ماديري حتا ردت فعل وسوايع ديري روحك ماسمعتهمش ...ولاطحتي في موقف لازم ترجعيلهم ردي عليهم بالاهتهزاء والامبالات وقوليلهم ماعلاباليش .ماعنديش ...نورمال في الوجه
يكرهو ويبعدو .....يعرفو بلي الدسرة على الكبار ماشي مليحة ...يروحو يلعبو بعيد عليك
ربي يوفقك السنة

 

[Princesse Diyor]

رد: درآري فالبآك .. قلة أدب

متراعيش ليهم المهم قرايتك اختي العزيزة و ربي ينجحك نشالله