ما احساسك

[الم الحياة]

زوجي يخاصمني علي اتفه الاسباب مرات يكون الخطاء منه لكن هو من يبداء بالخصام

 

[Hakan]

رد: ما احساسك

قبلت الموضوع رغم انو مافيش بزاف تحديدات لمشكلتك
اختي في الله اذا ما رديتيش على الاعضاء وعطيتي المشكلة نتاعك بالتفصيل رايح نغلق الموضوع
لانو مافيهش اي اشيااء يمكن نعتمد عليها في تحليل مشكلتك​

 

[الم الحياة]

رد: ما احساسك

المشكلة انه ينايف بالايام دون سبب يعني لا كلام ولا سلام و من الحبة يعمل قبة

 

[Hamasaki]

رد: ما احساسك

اووووف اكره هيك النوع من الرجال اختي عندي حل الك شوفي انتي ايضا بادريه بعدم الاهتمام واتركيه دون اي اهتمام ولو جا هو وكلمكي كلميه ببرودة وسوف يصير هو يجري من وراك

 

[الم الحياة]

رد: ما احساسك

هو راسو ناشفة وعنيد قد ما تبعدي عليه يبعد عليك وما يهموش علي فكرة ما عنده حتي علاقات خارجية

 

[بنت الـ25]

رد: ما احساسك

السلام عليكم اختي ، زجك عنيد وعصبي مي لازمك انتي تكوني اليد الحانية
كي يعصب عليك وينايفك حذاري ثم حذاري تنايفيه وتقاطعيه ، لأنو الرجل رح يتعود على مقاطكعتك وميعودش يهمو رضاك
لكن لو قابلتي عصبيتو بهدوءك وقابلتي جفاؤو باهتمامك رح يرجع كي الحمل الوديع، أهم شيء ما تتكلميش معاه بنرفزة كي يكون معصب خليه يهدأ ويركح وتناقشي معاه بهدوء رح تتوصلي للحل
راني نحكي عن تجربة رغم اني مزال ما تزوجتش مي عشت هاد السوفرونص مع خطيبي هو عصبي وعنيد ويحب رايو لي يمشي
تنازلت تنازلت وكل مرة نسمح في حقي مي وحد نهار رميتلو جملة خليتو يتخبط ههههههههه شريرة
قتلو الحياة بين اي اثنين باش تستمر لازم مرة يتنازل طرف ساعات المراة وأحيانا الرجل ، ومش معناها كي تسكت المرأة او تطلب السماح كي يكون الرجل معصب معناها راهي ضعيفة بالعكس المراة العاقلة متصبش الزيت على النار ، تخليه يبرد قلبو بالهدرة والعياط ممبعد تخليه مع روحو ، والراجل راه ذكي ويعرف يفرق بين الصح والخطأ ، كي يهدا ويقعد مع روحو ويفرز المشكل في مخو ويكتشف بلي هو الغالط يعرف بلي المرا ما حبتش تعقد الأمر وسبلت في حقها باش المركب تسير رح يتفكرلها هاد الجميل ، ويعرف قيمتها وتكبر في عينو
من هداك النهار مزادش دارلي المشاكل ، يقولك بينو وبين نفسو اني مهما نقابد ونعيط رح تسكت عليا سواء غالطة ولا لالا يولي يطفا خخخخخ

وربي يبعد عليكم المشاكل ويهنيكم اختي
​