كيف اصارحها بحبي

[maroua-babia1]

أولا صلي صلاة استخارة .وباعد اتوكل على ربي و واخطبها قبل ميخطفوها .........وتندم و تتحسر

 

[شيماء الشرق]

توكل على الله و اشري طورطة و ماتنساش التمر و ابعت الوالدة تخطبهالك

 

[beba.jenti]

ياو روح اخطب بركاك متخمم تا الله

 

[el baze]

لكانك قادر على المسؤولية ومجهز روحك متزيدش تضيع وقت اشري باكي نوار وباطة باتيسري وادي بابك وامك وانت متوكل على ربي​

 

[اللبؤة الحمراء]

القرايه كانت بكري المهم تكون خدام لكن كاين حاجه واحد اخرى لكانت هي ثاني تحوس عليك روح اخطب ومتخممش ولا كانت هي عقليتها مهناش يعني انا قاريه وهذيك العقلية العيانه اخطيك بصح انا نقولك ادرس الدوسي وتوكل

 

[34hwawei]

نوصيك اتكل على ربي وصلي صلاة الاستخارة وشوف لي يخرج عليك ولازم تكون واثق من نفسك والمستوى الدراسي نتاعها يفيدك اكثر.. فقط اعرف كيفاه :thumbup1:

 

[sarah02]

بما انك قادر تتحمل مسؤولية الزواج ماينفعش الاعتراف روح
خطبها وشوف شكون قلك ترفضك

:thumbup1:
تقبلك ان شاء الله مي ماتننساش تعرضنا للعرس

 

[hichem.karate]

khaouya enwi w rabi ysahelek nchalah

 

[The Master]

يا راجل توكل على الله واجعل مصيرك بيد الخالق القاهر ولا تندم صلى صلاة الاستخارة وادهب لها انكان ربك رادها لك فهيا لك وان راد غير دلك فهو خير انشاء الله وعسى ان تكرهو شيئى وهو خير لكم مع تحياتى و تمنياتى لك بنجاح والتوفيق فى حياتك العملية و العلمية اخوك the master

 

[yaciine]

واش راك تسنا روح ليها و لا ديرلها jest يبينلها انك حابها ولا عادت ما تشتيكش ربي و رحمتو

 

[دعاء الليل]

اخي الفاضل قبل كل خطوة تقدم لسؤال الله عز وجل جلاله
صلي صلاة الاستخارة وتوكل على الله
ووفقك الله لما يحبه ويرضاه ورزقك بالزوجة الملتزمة المتدينة والذرية الصالحة
" واظفر بذات الدين تربت يداك"
والخير فيما اختاره الله

 

[Lonely Girl]

اذا كنت حاب تصارحها وناويها صح روح اخطبها هاذا رأأأأأااي

 

[بنت الـ25]

ازرب صارحها واخطبها لاخاطر كون تبقى هكا رح تزيد غير في الهواجس
وادا هي تاني حابتك مش رح تعتبر المستوى الدراسي عائق في طريق سعادتها
(القراية في الراس مش في الكراس)
واللي مايدافعش على حبو يعيش تعيس
لاخاطر مش كل يوم تلقى شخص تحبو ويحبك
سلاااااام وربي يوفقك​

 

[الورد الأحمر]

ما تعبرلها على مشاعرك لا والو
روح أخطبها طول
كي تخطبها تفهم وحدها مشاعرك
...​

 

[طيور الجنة21]

أقصد الدار خويا........ومايهمش المستوى المهم التفاهم
​

 

[فريد43]

أقصد الدار خويا........ومايهمش المستوى المهم التفاهم
​

شكرا لك اختي طيور الجنة على متابعة مواضيعي بصح هاذ السوق راني فتو وكلمت سوق راكي فاهماتو اذا كنت 43 حرة
merci

 

[sara_k]

مازال مافهمتش علاش يشكللكم المستوى الدراسي نتاع البنت عائق
بالعكس مادابيك تكون مثقفة وواعية
اخطبها وتوكل على ربي راها تحل عينها على جيهة اخرى ههههههه ومن درك نقولو الله يسخر
​

 

[Moha le sage]

ربي يفرج عليك خويا فريد

 

[amir.dz]

تبع الخطوات التالية


روح لباب الدار نتعها // طق /// طق /// طق

جيناكم بالحسب و النسب

هههههههه

أخي الكريم

الحب نعمة من الله تعالى للإنسان

فلا تنتظر متى ستتمتع به

توكل على الله

و توجه إليها

تحيات matrix​

 

[violeta]

انا في رايي تروح و تخطبها و ادا كانت عاقلة ما نضنش راح ترفضك بسبت مستواهااعلى من مستواك ، وادا رفضاتك بهاد السبة انا نقولك راهي متكبرة و ما تستاهلكش... و ما تنساش تآمن بلي كلشي بالمكتوب...​