الوفاق السطايفي... ايام زمان لا تمحى من الذاكرة

[دعاء الجنات]

تحية لكل عشاق الكرة المستديرة ، خاصة عشاق النسر الأسود
هاذي أول مرة ندرج موضوع في هاذ المنتدى ، لأن نحن البنات . . أغلبنا مانميلوش للكرة كيما لي چان ...
بصح حبيت نتذكر أيام كنت مهبولة على الوفاق السطايفي وفي نفس الوقت نذكر لي مازالو فيدال لهاذ الفريق
-في الوقت الحالي مانعرف اسم حتى لاعب لأني في الحقيقة عشقت فريق زمان بلاعبيه وكيما تبدلو ماقدرش نزيد نتبعو كيما كان
الفريق المثالي لي عمري ماننساه هو جيل * لزهر حاج عيسى وعبد المالك زيايا وسعد بورحلي ورمزي اديكو وكايطا وبومعيزة والحارس حجاوي وجديات و يخلف ورحو وحماني (ربي يرحمو برحمتو الواسعة ) وجابو
فريق رائع واحسن لاعبين بالنسبة لي ، لازلت اتذكر المبارياة لي كانو يلعبوها خاصة في كأس العرب والبطولة
انا كنت نسمع المبارياة في راديو سطيف .. ومستحيل تفوت عليا مباراة ومانسمعهاش في الراديو او التلفزة ، وكانت عندي مذكرة كاتبة فيها جميع نتائج المباريات وشكون لي سجل الأهداف ، خاصة كيما يلعبو في الثلج وانا نبقا نسمع في الراديو ونموووت بالفرحة كيما يسجلو ، بصراحة كنت نموت على اللاعب حاج عيسى مالڨري ماكانش يسجل بزاف لكن تمريرات تاعو هي لي كانت تجيب اهداف
بعدها بورحلي ترك الوفاق وراح يلعب مع اتحاد العاصمة ، ولعب اول مباراة ضد وفاق سطيف وزاد سجل الهدف الأول لصالح الإتحاد وانا نسمع في الراديو ونقول ياربي ويسجل زيايا... وكامل انصار الوفاق زعف على بورحلي ومن بعد تحققت امنيتي وسجل زيايا هدفين في شباك الإتحاد..
ايام جميلة وتشكيلة رائعة للوفاق عمري ماننساها
تحية للجميع​

 

[خفيفة الروح]

رد: الوفاق السطايفي... ايام زمان لا تمحى من الذاكرة

والله عندك الحق
لكن انا من عشاق اتحاد العاصمة