الروتين في الحياة الزوجية

[Lila 22]

السلام عليكم

الحياة بصفة عامة فيها الروتين , حيت ان الروتين موجود حتى في العلاقات الزوجية الناجحة
لدى يجب على الانسان ان ينظم حياته , ويعرف كيف يقضي على الروتين اليومي......

ادا فلتخبرونا كيف تقضون يومك دون الشعور بالملل ؟!!!!!!!!

شكرًا ،،،

 

[ليليا مرام]

رد: الروتين في الحياة الزوجية

السلام عليكم اختي ليلى اراك نشطة الحمد لله واصلي على هذا النحو
انا لست متزوجة ولكن لدي تصور وتفكير في هذا الامر
ان الملل اذا تسلل الى الحياة الزوجية تصبح حياة لمجرد الزواج وفقط وهنا واجب الزوجة والزوج الانتباه لهاته النقطة المهم
انا اظن التجديد في كل شيء تعلمين المرأة دائما معروفة بإهتمامها الزائد بالاولادك والبيت وتنسى نفسها وهاته نفطة البداية للملل
يجب الاهتمام بالاولويات ايضا يجب ان يرى الزوج كل فترة اهتمام زائد من زوجته له وفقط يعني دون انتظار مناسبة ما ليراها متزينة وفي احسن حالاتها
ايضا الزينة وحدها لا تكفي المرأة عليها ان تغير من طريقتها المعتادة وتخلق كل يوم طريقة لمحاروة زوجها وتكون ذكية في جذبه
انا ارى المرأة بالدرجة الاولى مسؤولة عن الملل
شكرا لك

 

[Lila 22]

رد: الروتين في الحياة الزوجية

السلام أختي زهرة الزئبق
انا جديدة في المنتدى ، ربي يجيبلك انشاء الله الزوج الصالح ، في ما يخص الاهتمام بالبيت و الأولاد والله غير قولتيها ينسو في كل شيئ ,اما عن الزينة والله لوكان تبقي تزيني ههههههه،
(الرومانسية منعدمة ).
وبالنسبة لطريقة الكلام قصدك كل يوم تهدري بأسلوب يعني هدا تبديل شخصيتك كل يوم هههه
والله غير صعيبة هدي يا أختي بزاف علينا ههههه

 

[ليليا مرام]

رد: الروتين في الحياة الزوجية

السلام أختي زهرة الزئبق
انا جديدة في المنتدى ، ربي يجيبلك انشاء الله الزوج الصالح ، في ما يخص الاهتمام بالبيت و الأولاد والله غير قولتيها ينسو في كل شيئ ,اما عن الزينة والله لوكان تبقي تزيني ههههههه،
(الرومانسية منعدمة ).
وبالنسبة لطريقة الكلام قصدك كل يوم تهدري بأسلوب يعني هدا تبديل شخصيتك كل يوم هههه
والله غير صعيبة هدي يا أختي بزاف علينا ههههه

اهلا بيك
ايه جديدة وتقدامي راح تبقاي جديدة رانا حفظنا اسمك وماشاء الله راكي تكتبي مليح واصلي
اييه على الرومانسية منعدمة انا درت عليها موضوع ولو تشوفي الردود واش قالو الرجال يا حسراه
مي الراجل لما يدخل للدار ما لازمش يلقى صاحبو عمر يا بنتي شوي تغيير اليوم ما ينتبهش غدوة لالا مي اكيد راح يشوف تغيير
لالا انا قتلك كل يوم تغير الكلام معاناه ما تبقاش دور فنفس الموضوع وماشاء الله علينا حنا نسا كان حكمنا سوجي ما نسكتوش شهر
لالا ما تغيرش شخصيتها لانو هذيك تتبدل فيها امور بعد الزواج راجلها يوالفهم وهي توالف شخصيتو كاين فرق بين العزوبية والزواج
لا صعيبة ولا شي وانت راجلك كل يوم يلقاك بنفس الهدرة تخيلي لابسة نفس اللبسىة شهر انت روحك تكرهك ماشي حتى هو الراجل هكذا سواء فالكلام او المعاملة او اي شي لازم تبدل حتى ما يكونش ملل

 

[Lila 22]

رد: الروتين في الحياة الزوجية

الله يسلمك شكرا

هدي هي الدنيا واش تحبي ، والله غير كاين شي نسى نورمان لا زين ولا حتى شيئ
وتلقي رجلها مخلوع فيها دايما يهدر عليها
الحق الحق كل واحد و زهروا ,,, هدي هي ،
شكرا

 

[ليليا مرام]

رد: الروتين في الحياة الزوجية

الله يسلمك شكرا

هدي هي الدنيا واش تحبي ، والله غير كاين شي نسى نورمان لا زين ولا حتى شيئ
وتلقي رجلها مخلوع فيها دايما يهدر عليها
الحق الحق كل واحد و زهروا ,,, هدي هي ،
شكرا

نعم راكي قلت المفيد كل وحدة وزهرها تلقايها شابة ونقية وقايمة دارها وولادها وراجلها ويروح يخدعها مع وحدة الكوشة نقية على وجها تنخلعي
وتلقاي وحدة حاشا خلقت ربي تقولي وحيد القرن ويموت عليها الدنيا زهور
الحمد لله فكل الاحوال شكرا

 

[تـريـــاق المحـبـة]

رد: الروتين في الحياة الزوجية

السلام عليكم الدراسة والعمل او البحث عن العمل و هناك الاصدقاء والتواصل معهم وايضا التلفاز والعبادات والبيت ليس سيئا جدا في بعض الاحيان​

 

[" ام بلقيس "]

رد: الروتين في الحياة الزوجية

والله يا اختي
انا في راي اذا فقدت الزوجة روحها المرحة وشخصيتها القوية
و سيطرتها على اعصابها
رغبتها في تحقيق احلامها حتى لو كانت بسيطة
بشاشتها الدائمة
فالروتين ماشى راح يدخل حياتهم
هو راح يشد غرفة من غرف المنزل و يصبح فرد من الاسرة
​

 

[ishak09_alg]

رد: الروتين في الحياة الزوجية

انا حاليا امارس هوايتي المفضلة كمال الاجسام...والحمد لله بها انتظمت في اكلي ونومي ...وحاليا بدات العمل يعني لايوجد وقت روتين كثيرا والحقيقة اشتاق للروتين القديم...ايام الجامعة هههههه.......لكن بعد الزواج عندي شيء يمكن القول انه مخطط لتجنب الروتين وهو زيارة كل ولايات الوطن مع الزوجة الغير معروفة حاليا حتى يكون عندنا ذكريات في جميع انحاء الوطن
الروتين يقتل الحياة الزوجية.....خاصة في العلاقة الحميمية بين الزوجين لذا هناك قاعدة معروفة وهي تغيير المكان والزمان بين الحين والاخر
كما اقول دائما الحياة الزوجية اخذ وعطاء....كل طرف يحاول تجنب الروتين دون انتظار الطرف الاخر ...كل مرة فكرة جديدة او قيام بعمل جديد
الاحسن ان يتقن الزوجين الالعاب الالكترونية هههههه فيها متعة لا يعرفها الا من يعيشها......ممارسة الرياضة معا في البيت وهذه احد الامور الضرورية لي ان شاء الله
واكبر خطا يمكن ان يقع به الزوجين هو تجنب الروتين بالنت ومواقع التواصل الاجتماعي وهذا يؤدي الى اتساع الفجوة بينهم دون ان يدركوا ذلك................سلام

 

[zyd87]

رد: الروتين في الحياة الزوجية

عندنا في الجزائر زيني ولا اقعدي لم يكون زعفان والله غير بعدي من الطريق وادا كان نورمال ماعليش وكيما قولتوا اللي عندها الزهر مع زوجها ياربي وهي مافيها قطره زين.

 

[الدويرية]

والله غير قلتيها ياختي بصح المرا ثاني لازم شوية تتزين باش الراجل مايكرهش علابالي الشغل والاولاد مي شوية

 

[*رحيق الزهور*]

السلام عليكم
اختي نظن الحل في يد المرا ماشي راجل
انت بدلي شوية لون شعرك طريقة لبسك مكياجك ماشي لبسة تلبسيها تحصلي فيها سمانة حتى يكره مسكين
وتاني واش يشوف برا البسيه انت في بيت وكي يوصل الليل هاديك حاجة أخرى بلما نقولك ههههه
وشكرا اختي على موضوع