أميرة ميرال
:: عضو مُشارك ::
- إنضم
- 25 ماي 2016
- المشاركات
- 254
- نقاط التفاعل
- 615
- النقاط
- 21
مساء الخير لgاع لبنات مرحبا في الموضوع
الموضوع هذا حبيت نبينلكم فيه أهم الخطوات لي نعملها منين نحط المايك أب
وحطيت فيه حتى صور من مستحضراتي حتى نوضح مليح ونبين الخطوات
هيا نبداو
أول خطوة نعملها نحط لpرايمر نابليكيه على الوجه كامل وهذي صورتو
رايحين تقولولي هذا لابري رازاج تاع الرجال وي هو بذاتو وراه أحسن
من لبرايمر لي يتباع خصيصا للنساء جربوه وما تندموش راه أصلا للبشرة
الحساسة ويرطب الوجه وفي نفس الوقت ما يخليهش يكون دهني ويفيكسي
الفاوندايشن عجب لدرجة حتى لوكان يسيحلك لكحل على وجهك بالغلط
يصعب عليك تمسحيه من كثر ما يفيكسي المايك آب هذا نستعملو يرجعني :thumb_up02:
وملاحظة برك لازم هذا نيفيا فور مان والعبوة تاعو تكون زجااااج :-r
الخطوة الثانية لي نعملها نحط الكونسيلر فوق لعيون وتحتها حتى نحي علامات
التعب والهالات السوداء وحتى لو ماكانش نحب نحطو وهذي صورتو
نمشيه بلطف فوق عيني وتحتها حتى نحسو تشرب في البشرة تاعي نحبس
بعدها نحط الفاوندايشن وأنا نستعمل ال BB Cream والمني بزاف وبقيت
عليه نحبو هذا تاع أوريفلام يوحد لون البشرة ويغطي الندبات إذا موجودة
وهذي صورتو
طبعا كاين بيبي كريم للبشرة الفاتحة وكاين للبشرة الداكنة الوحدة تعرف
برك واش من درجة تختار لبشرتها باه تبان طبيعية مش مفبركة :p وتاني
أنا حتى ما تصراليش تاع نوزع البيبي كريم في منطقة أكثر من الثانية
نحب نستعمل اسفنجنة لتوزيع لكريم بطبقة متساوية وتبان طبيعية
الخطوة لي بعدها المفروض بودرة الفاوندايشن حتى نشفو الوجه من لبرايمر
والفاوندايشن السائلة بصح أنا ما نحبش نكثر بزاف بعدها الوجه يجي باين
بلي معبي طبقات تاع مستحضرات وما يجيش طبيعي ألور لازم نشفو بلا
فاوندايشن والسر تاعي هو :p:p
ايه :p:p الطالك من جونسون نحطو في يدي وبالفرشاة نحط على وجهي ونوزعو
كيف ما نوزع الفاوندايشن بودرة وغير ما نحس وجهي نشف خلاص نحبس
وكمعلومة تتوقعو مثلا الوجه يرجع أبيض وباين بلي طالك لالا ما يبانش خلاص
ويبان الوجه طبيعي وتعرفو الطالك يعطي للبشرة نعومة وتحسي وجهك رطب
جربوه وقولولي :p صدقوني ما تندموش
:-hوأنا كي نكمل توزيع الطالك وقبل ما ننتقل للعيون نحب نستعمل الفرشاة هذي
نمررها على كامل وجهي باش أي بودرة زايدة ولا تتبعثر وتروح
بعد ما نعمل الخطوات هذو كامل نروح للعيون نكحلهم وما نستخدمش الكحل
البودرة ولا قلم الكحل نستخدم الآيشادو الأسود نحطو على منبت لرموش
في الجفن الفوقاني والتحتاني ونستخدم فرشاة رفيعة ومايلة حتى تكون النتيجة
مليحة وطبيعية أنا ما نحبش نكثر ولا نبان بلي مكحلة علابيها نخدم الكحل غير
على منبت الرموش غير باه يكحال حيز العين ويجي بارز وفي نفس الوقت يبان
طبيعي :p:p:p ما نحبش نبان غولة كيما شيمن بنات يجو يخلعو :d
وهذي صورة الآيشادو الأسود لي نستعملو والفرشاة
وكي نكمل نحط الماسكارا راه مش حدايا علابيها ما صورتوش
وكي نكمل من لعيون نحط لبلاش على لخدود على حسب واش لابسة نخير
اللون تاعو ونحطو بفرشاة كبيرة حتى يكون التوزيع طبيعي وهذي صورة
علبة لبلاش لي نستخدمها والفرشاة مش حدايا ما صورتهاش
وفي الختام نحط على الشفايف اللون لي يتناسب مع اللباس لي لابستو وانتهى
هذي طريقة وضعي للمكياج اليومي وهذو مستحضراتي البسيطة
للاستخدام اليومي وان شاء الله نكون فدتكم ولو شوية
شجعوني نزيد نعمل مواضيع أخرين هههه
تشاو
المرفقات
آخر تعديل بواسطة المشرف:
