تناغم الارواح .................

[لاريمان]

السلام عليكم ورحمة الله وبركاته

مرحبا بيكم أعضاء آل اللمة الكرام

نتنى تكونو بخير وبمناسبة حلول شهر رمضان

ربي يتقبل مناصيامه وقيامه
​

حبيت نطرح موضوع وهذا اخر مافي جعبتي وبقاو على خير

نعيشوه بزاه بصح مانحبوش نخشو في تفاصيلو​

في مرات بزاف نتلقاو عباد تحير في التشابه الكبير بينك وبينهم

يقدر يكون الشبه فيزيولوجي


كيما تصرا بزاف يقولك انت شفتك في بلاصة و انت عمرك لرحتلها

كيما قادر يكون الشبه في الأفكار واش تحب وتميل

وكاين مرات انت تفكر في حاجة تلقى نفس الفكرة عند واحد متعرفوش خلاص

وهاذي تصرا بزاف نتلقاو بعباد ترتاح ليهم وتحس كانك تعرفهو من بكري

والجميل ما قرأته في سنته صلى الله عليه وسلم أنه حين ابلغه أحدهم
أنه يحب هذا الرجل قال له رسول الله صلى الله عليه وسلم هل أعلمته؟
قال لا
قال له فاذهب اليه فأعلمه بأنك تحبه، فذهب الرجل وعاد
فقال اعلمته فقال لي أحبك الله الذي أحببتنا فيه

سؤالي

شكون لقى شبيهه في الواقع
وهل صراتلكم انو شبهو عليكم؟


وخلونا نسقطوها على المنتدى هل تلاقيت مع عضو ولاعضوة يشبهلك في الافكار
او انو سبقك في طرح الفكرة هي نفسها كانت عندك​

:regards01:​

 

[ليليا مرام]

رد: تناغم الارواح .................

السلام عليكم اختي
موضوع رائع والله نحييك عليه ويستجق التميز
نعم فعلا مرات تتلقاي اشخاص والله تقولي خوك او اختك مي انت اصلا ما تعرفيهش ومرات ناس تقولك شفتك فالبلاصة الفلانية سبحان الله
نحكيلك انا رحت ضيفة لولاية وهران ودخلت محل حتى جا ليا راجل وقالي فلانة درت الحجاب وينتا شفت فيه قتلو خويا تحكي معايا من لهجتي عرفني غريبة قال سبحان الله واش يخلق دخل آخر بقا يشوف فيا ويسقسو مول الحانوت قول ما شي فلانة الخالق الناطق مول المحل قالو واه والله انا كي دخلت دهشت وبقيت انا والطفلة اللي معايا وهرانية قاتلهم واه صح مي انا ما بغيتش نخبرها حتى نديها تشوفها وداوني عندها ونقولك لو تصدقي حتى شكيت فيمى او سرقوها وهي صغيرة كانو نشوف فروحي فالمرايا نسخة انا وياها الفارق هي سمينة شوي علي وعندها نفس مواهبي وتخدم حفافة وانا عندي شهادة نتاع خلاقة نساء وخبرتني كي كانت صغيرة بواش مرضت ويا سبحان الله تكسرت كيما انا تكسرت من رجلي والله لليوم راني حايرة وراهي تعيطلي وتحكي معايا ونحسها اختي توام فكل شي
نرجعو للمنتدى مش هنا كاين هشام هشام انا وهو تقريبا عندنا نفس الافكار ولو نعترف افكارو تحفة عليا
لي اخت فمنتدى اخر نيروز انا وهي والله مخ واحد ونحسها تفكر فبلاصتي ومرات نحكو لبعضانا امور وافكارنا تقولي سبحان الله حتى انا فكرت هكذا ونحييها ونقولها توحشتك واع خليني ندير اهداء توحشتها
مش لازم الشخص يسكن قدامك او عشت معاه حتى تحبيه راهي المحبة هذي من ربي والله فعلا قلبو باهي وين يروح يتحب وانا نحب نتلاقاها ناس فالمنتديات يشبهولي فالافكار لانو تحسي بحاجة انو عندك خوك او ختك توامك والله حاجة روعة
نحييك على الموضوع ونتمنى تبقاي معانا افكارك هايلة
شكرا

 

[الورد الأحمر]

رد: تناغم الارواح .................

السلام عليكم ورحمة الله وبركاته

أهلا أختي ... ايه صح مرات تلقى شخص يشبهلك إما في الشكل أو في التفكير وتلقى بينك وبينو تناغم كبير في العقلية ... في الحياة الواقعية صراحة ما لقيتش لي تناغمني بزاف ولا تشبهني أما في المنتدى فأم ياسمين هي لي من زمان لقينا بيناتنا تناغم كبير وتشابه كبير في العقلية وفي المبادئ وفي كلشي وفي وقت سابق كانو الأعضاء يغلطو بيناتنا وما يفرقوش بيناتنا وكاين لي حسبونا شخص واحد بازدواجية عضويات برك ... نتمنى نلقى لي تشبهني في الشكل كيما الأخت زهرة الزبق يبان شعور غريب حبيت نجربو :p

مغسي على الموضوع ونتمنى ما تبقيناش على خير وتزيدي تخرجي مليح ما في جعبتك

 

[انا ناس ملاح]

رد: تناغم الارواح .................

هذا اسمو توارد الخواطر و الأفكار
و يسموه علميا التيليباثي ، هو واحد من مجالات علم الباراسيكولوجي
و هو بالعربية اسمو التخاطر
احنا عندنا في الاسلام يشبه لظاهرة الفراسة
كان عمر بن الخطاب شديد الفراسة ، و حكاية سارية الجبل معروفة
ايه كاين منها ساعات نجي نهدر حاجة تخرج من فم اللي معايا قبلي انا و ساعات ننطقوها مع بعض و هنا معناه ان الأرواح متآلفة و درجة إحساسها ببعض قووووية ، بصح هاذ الشي يكون اكثر شي بين اللي يحبو بعض سوا أزواج او صحاب او ام وابنها ...الخ
و ساعات صح نروح لبلاصة و تبانلي بلي رحتلها من قبل!!! و هاذ النقطة قال فيها فريق من العلماء ان تفسيرها ان الأرواح خلقت قبل الاجساد علاهاذيك الأرواح تعارفت قبل ما يحطها ربي في أجسادها علاهاذيك تلقاي مثلا واحد كي يشوف واحد يرتاحلو بلا سبة و يحير علاه ! يقولو هنا انو ارواحهم ديجا تعرف بعضاها و متحابين من قبل ما يتحطو في الاجساد .
يقول صلى الله عليه و سلم : الأرواح جنود مجندة ما تعارف منها ائتلف و ما تناكر منها اختلف .
يعطيك الصحة اختي و رمضانك كريم و كل الأخوات و الاخوة الاكارم

 

[آمِيْرَتُه]

رد: تناغم الارواح .................

السلام عليك
لقيت لي يشبهوني فالواقع و الله منزيد على آختي هه زوجي كامل يحطوه خويا تبا لهم جميعا خخ نهار قعدنا متصدرين ناس ولات تقول سبحان الله خويا و نطقها قالي كنت برك نشبهمك مي مين شفتكم قاعدين مع بعض زدت تحققت و خطرة كنت نقرا في ليسي كانت وحد الأستاذة ديما تقلي اختك عاقلة عليك اختك قاع متهبلنيش و انا نقول شكون اختي لي تهدر عليها حتى قتلها راكي غالطة ملا خرجت فالحصة وراحت جابتها كيما نقولو الخالق الناطق فوطوكوبي انا وحرت هه قتلها وين كنتي متخبية ههه و نتاع تشابه في الأفكار لقيت ولكن مش نسبة مئوية شوية برك سواء فالواقع او في الافتراض
شكرا على الموضوع

 

[tistissa dj-tissou]

رد: تناغم الارواح .................

انا جامي لقيت وحدة تشبهلي خلاص لا في الحقيقة ولا في المنتدى
لي عودة حاوزتني ماما للكوزينة
سلام
​

 

[بنـ MaPa ـت]

رد: تناغم الارواح .................

يخلق الله من الشبه 40
عندي صديقتي المقربة نفس العقلية ونتشابهو حتى في الفيزيك ديفوا نتمشاو في الطريق يقولولنا انتم خيات ؟؟؟
لقيت شبه تاعي مي ماعلاباليش وين ساكنة هاد الخليقة،، تغيض كي انا في الدزاير نتلاوح و هي مانعرف وين هههههه

قالك تشبهلي 90 % نحي غير لاكولاغ تع العينين ^^

 

[لاريمان]

رد: تناغم الارواح .................

السلام عليكم
اسفة جدا لعدم الرد على الموضوع
خاطر كان مع رمضان ان شاء الله
نرد عليكم
وربي يحفظكم على التفاعل
تعيشو

 

[~أمِيرَة الخَجل~]

رد: تناغم الارواح .................

لسلام عليكم

انا وحدة نعرفها ديما لاصقتني تقولي راكي تشبهي لخالتي
و مام هي اسمها اسيل ... و تاني وحدة تقرا معايا يقولولنا نتوما توأم و لالا
و وحدة اخرى تاني في مسلسل شبهوني بيها .. و انا جامي شفت روحي
شبيهة طفلة اخرى و الله مستحيل يخلق انسانين كيف كيف
غير مجرد تشابه بسيط ...​

 

[لاريمان]

رد: تناغم الارواح .................

السلام عليكم اختي
موضوع رائع والله نحييك عليه ويستجق التميز
نعم فعلا مرات تتلقاي اشخاص والله تقولي خوك او اختك مي انت اصلا ما تعرفيهش ومرات ناس تقولك شفتك فالبلاصة الفلانية سبحان الله
نحكيلك انا رحت ضيفة لولاية وهران ودخلت محل حتى جا ليا راجل وقالي فلانة درت الحجاب وينتا شفت فيه قتلو خويا تحكي معايا من لهجتي عرفني غريبة قال سبحان الله واش يخلق دخل آخر بقا يشوف فيا ويسقسو مول الحانوت قول ما شي فلانة الخالق الناطق مول المحل قالو واه والله انا كي دخلت دهشت وبقيت انا والطفلة اللي معايا وهرانية قاتلهم واه صح مي انا ما بغيتش نخبرها حتى نديها تشوفها وداوني عندها ونقولك لو تصدقي حتى شكيت فيمى او سرقوها وهي صغيرة كانو نشوف فروحي فالمرايا نسخة انا وياها الفارق هي سمينة شوي علي وعندها نفس مواهبي وتخدم حفافة وانا عندي شهادة نتاع خلاقة نساء وخبرتني كي كانت صغيرة بواش مرضت ويا سبحان الله تكسرت كيما انا تكسرت من رجلي والله لليوم راني حايرة وراهي تعيطلي وتحكي معايا ونحسها اختي توام فكل شي
نرجعو للمنتدى مش هنا كاين هشام هشام انا وهو تقريبا عندنا نفس الافكار ولو نعترف افكارو تحفة عليا
لي اخت فمنتدى اخر نيروز انا وهي والله مخ واحد ونحسها تفكر فبلاصتي ومرات نحكو لبعضانا امور وافكارنا تقولي سبحان الله حتى انا فكرت هكذا ونحييها ونقولها توحشتك واع خليني ندير اهداء توحشتها
مش لازم الشخص يسكن قدامك او عشت معاه حتى تحبيه راهي المحبة هذي من ربي والله فعلا قلبو باهي وين يروح يتحب وانا نحب نتلاقاها ناس فالمنتديات يشبهولي فالافكار لانو تحسي بحاجة انو عندك خوك او ختك توامك والله حاجة روعة
نحييك على الموضوع ونتمنى تبقاي معانا افكارك هايلة
شكرا

وعليكم السلام
مرحبيك اختي
صحيح هناك تشابه قد يكون تجذاب روحي وقد يكون الشبه
سبحان لله ليك توأمة ماشاء الله
ربي يدوم اخوتكم
شكرا عل التفاعل
واسفة عن التاخير ي الرد

 

[لاريمان]

رد: تناغم الارواح .................

السلام عليكم ورحمة الله وبركاته

أهلا أختي ... ايه صح مرات تلقى شخص يشبهلك إما في الشكل أو في التفكير وتلقى بينك وبينو تناغم كبير في العقلية ... في الحياة الواقعية صراحة ما لقيتش لي تناغمني بزاف ولا تشبهني أما في المنتدى فأم ياسمين هي لي من زمان لقينا بيناتنا تناغم كبير وتشابه كبير في العقلية وفي المبادئ وفي كلشي وفي وقت سابق كانو الأعضاء يغلطو بيناتنا وما يفرقوش بيناتنا وكاين لي حسبونا شخص واحد بازدواجية عضويات برك ... نتمنى نلقى لي تشبهني في الشكل كيما الأخت زهرة الزبق يبان شعور غريب حبيت نجربو :p

مغسي على الموضوع ونتمنى ما تبقيناش على خير وتزيدي تخرجي مليح ما في جعبتك

وعليكم السلام اختي
مليح اك لفيتي هذا الناغم ي العدديد من الجوانب مع الاحت ام ياسمين
ولما تلقاي الشبه اكيك احساس مليح بزاف
نتمنى تلقاي شبيهتك
صحيتي اختي

 

[لاريمان]

رد: تناغم الارواح .................

هذا اسمو توارد الخواطر و الأفكار
و يسموه علميا التيليباثي ، هو واحد من مجالات علم الباراسيكولوجي
و هو بالعربية اسمو التخاطر
احنا عندنا في الاسلام يشبه لظاهرة الفراسة
كان عمر بن الخطاب شديد الفراسة ، و حكاية سارية الجبل معروفة
ايه كاين منها ساعات نجي نهدر حاجة تخرج من فم اللي معايا قبلي انا و ساعات ننطقوها مع بعض و هنا معناه ان الأرواح متآلفة و درجة إحساسها ببعض قووووية ، بصح هاذ الشي يكون اكثر شي بين اللي يحبو بعض سوا أزواج او صحاب او ام وابنها ...الخ
و ساعات صح نروح لبلاصة و تبانلي بلي رحتلها من قبل!!! و هاذ النقطة قال فيها فريق من العلماء ان تفسيرها ان الأرواح خلقت قبل الاجساد علاهاذيك الأرواح تعارفت قبل ما يحطها ربي في أجسادها علاهاذيك تلقاي مثلا واحد كي يشوف واحد يرتاحلو بلا سبة و يحير علاه ! يقولو هنا انو ارواحهم ديجا تعرف بعضاها و متحابين من قبل ما يتحطو في الاجساد .
يقول صلى الله عليه و سلم : الأرواح جنود مجندة ما تعارف منها ائتلف و ما تناكر منها اختلف .
يعطيك الصحة اختي و رمضانك كريم و كل الأخوات و الاخوة الاكارم

يعطيك الصحة اخي ناس ملاح
على هذا الشرح كفيت ووفيت:thumb_up02:
يعطيك الصحة على هذا الاضافة

 

[لاريمان]

رد: تناغم الارواح .................

السلام عليك
لقيت لي يشبهوني فالواقع و الله منزيد على آختي هه زوجي كامل يحطوه خويا تبا لهم جميعا خخ نهار قعدنا متصدرين ناس ولات تقول سبحان الله خويا و نطقها قالي كنت برك نشبهمك مي مين شفتكم قاعدين مع بعض زدت تحققت و خطرة كنت نقرا في ليسي كانت وحد الأستاذة ديما تقلي اختك عاقلة عليك اختك قاع متهبلنيش و انا نقول شكون اختي لي تهدر عليها حتى قتلها راكي غالطة ملا خرجت فالحصة وراحت جابتها كيما نقولو الخالق الناطق فوطوكوبي انا وحرت هه قتلها وين كنتي متخبية ههه و نتاع تشابه في الأفكار لقيت ولكن مش نسبة مئوية شوية برك سواء فالواقع او في الافتراض
شكرا على الموضوع

سبحان الله يقعد الواحد اما م هذا الشبه
وراك محظوظة لما لقيتي شبيهتك
نشكرك بواف على المشاركة واتفاعل
صحيتي اختي

 

[لاريمان]

رد: تناغم الارواح .................

انا جامي لقيت وحدة تشبهلي خلاص لا في الحقيقة ولا في المنتدى
لي عودة حاوزتني ماما للكوزينة
سلام
​

ان شاء الله تلقاي شبيهتك
شكرا عى هذا الرد

 

[لاريمان]

رد: تناغم الارواح .................

يخلق الله من الشبه 40
عندي صديقتي المقربة نفس العقلية ونتشابهو حتى في الفيزيك ديفوا نتمشاو في الطريق يقولولنا انتم خيات ؟؟؟
لقيت شبه تاعي مي ماعلاباليش وين ساكنة هاد الخليقة،، تغيض كي انا في الدزاير نتلاوح و هي مانعرف وين هههههه

قالك تشبهلي 90 % نحي غير لاكولاغ تع العينين ^^

صح هذا التناغم في الارواح ومليح لما لقيتي شبيهتك
ماشاء الله ربي يحظك من العين

معلومة قريت مؤخرا انو يخلق من الشبه اربعين ماكاش منو
شكرا اختي على امشاركة
تحية

 

[لاريمان]

رد: تناغم الارواح .................

لسلام عليكم

انا وحدة نعرفها ديما لاصقتني تقولي راكي تشبهي لخالتي
و مام هي اسمها اسيل ... و تاني وحدة تقرا معايا يقولولنا نتوما توأم و لالا
و وحدة اخرى تاني في مسلسل شبهوني بيها .. و انا جامي شفت روحي
شبيهة طفلة اخرى و الله مستحيل يخلق انسانين كيف كيف
غير مجرد تشابه بسيط ...​

وعليكم السلام
ربما لانو هناك شبه في الملامح
شكرا اميرة على المشاركة
تحية