العلم يطبق على الأجساد ولكن أين تذهب الارواح؟

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلاااام عليكم أهل اللمة الكرام وأسعد الله أوقاتكم
نتمنى تكونو كامل بخير وعلى خير
موضوعي اليوم هو استفسار شخصي أكثر منو موضوع خاطر شفت حاجة وحبيت نتناقشو فيها ونوصلو لإجابة
كامل نعرفو أنو العلم راهو يتطور وفي كل المجالات بما في ذلك مجال الطب
لكن حنا سمعنا نجاح عمليات زرع الكثير من الاعضاء بما فيها القلب، يعني حتى كي تسمع عملية ناجحة لزراعة القلب
تقول ماشاء الله العلم وين وصل يعني نحن أكيد مع تطور العلم بما في ذلك مجال الطب
ولكن أنك تسمع عملية زراعة رأس :unsure: هنا الأمر شوي غريب مع أنو ماكانش شي غريب مع العلم
ولي ما يعرفش علاواه راني نهدر، هو أنو قريبا سيشهد مجال الطب عملية زرع رأس حيث كاين شخص معاق رايح يزرع راسو في جسم واحد يمشي والانسان هذا صرح وقال بلي راني فرحان خاطر رايح نولي نمشي
درك هادا إنسان حي يجيبولو جسم انسان ميت ويربطوهم ببعض بصح كي ينوض ينوض بالروح تاع صاحب الرأس ولا صاحب الجسم ههههههه والله ماتضحكو عليا لأني أنا نفسي مستغربة ومحتاجة اجوبة
كيفاه تحافظ على روح إنسان يتمحور جسدو في رأس فقط وتربطلو الروح تاعو بجسد آخر ميت أنا ماش مستغربة من العلم ولكن حابة نفهم العلم هذا كيفاه رايحة تكون نتيجتو؟ هل فعلا نقدرو نهزو روح انسان في رأس برك
ونحطوها في جسم آخر، لو تقول نزرعو رجلين نقول بالاك مازال محافظين على القلب وبقية الأعضاء يعني تصلح
لكن أنك تحتفظ بالرأس برك جاتني بيزار
المهم لي عندو معلومات ولا يقدر يفهمنا في هاد العملية مايبخلش علينا باه نفهمو كيف كيف
اتهلاو في رواحكم
سلام
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
موضوعك فلسفي اكثر من كونو علمي
لانو لحد الآن العلماء الدينيون والعلماء التجريبيون والرياضيون والسحرة والمشعوذين ولاعبي كرة القدم خخخ
مختلفين في ماهية الروح وكيفاه مدايرة
عملية زراعة الراس ما تخرجناش لانو هكاك وحد العبد يقدر يترشح للعهدة الخامسة
طبياا صعب العملية لانو تحتاج وصل للاعصااب والاعصااب ارواحي انت وافهميها ولسقيها مع بعضها البعض
انا نضن انو هذي دعاية اكثر من كونها عملية بامكانية التحقيق على ارض الوااقع
شكرا لك
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
موضوعك فلسفي اكثر من كونو علمي
لانو لحد الآن العلماء الدينيون والعلماء التجريبيون والرياضيون والسحرة والمشعوذين ولاعبي كرة القدم خخخ
مختلفين في ماهية الروح وكيفاه مدايرة
عملية زراعة الراس ما تخرجناش لانو هكاك وحد العبد يقدر يترشح للعهدة الخامسة
طبياا صعب العملية لانو تحتاج وصل للاعصااب والاعصااب ارواحي انت وافهميها ولسقيها مع بعضها البعض
انا نضن انو هذي دعاية اكثر من كونها عملية بامكانية التحقيق على ارض الوااقع
شكرا لك
اهلا بيك خويا حكيم نورتني بمرورك
هاديك هي والله راني نتساءل بيني وبين نفسي ونحوس على إجابة رايحة ماش غير تدخل في الفلسفة
أنا باه نهز راس بوبية نحطو في جسم بوبية خلاف وتجيني صعيبة هههه خلي يا إنسان
أنا صراحة لا علاقة لي بالطب لكن نحس أنو باه تبدل عضو بعضو آخر وتبقى بقية الأعضاء تخدم بالاك تقدر
كيما مثلا عملية زرع القلب صح القلب رايحين نستبدلوه لكن الرئتين يخدمو والكبد يخدم وغيرهم من الاعضاء
بصح أنك تنحي الاعضاء كامل وتبدل جسم بجسم تجيني واعرة وغير مقبولة
تفاجأت لما شفت هاداك الانسان المعاق قالهم رايح نتبرع برأسي وفرحان رايح نولي نمشي يعني قلت
هو مد راسو وروحو وين تروح تنتقل مع راسو تاني؟ ولا تبقى حاكمة في العصب وتنتقل هههههه
وزعما قالك جربناها على افئران ونجحت وزعما الروح لي تمشي داخل الفأر تاع من؟
تاع صاحب الرأس ولا الجسم هههه والله وسوسوني
شكرا خويا حكيم على المعلومات بارك الله فيك وشكرا على كرم المرور
تحياتي
 

Salah eddin

:: عضو شرفي ::
إنضم
27 جانفي 2016
المشاركات
10,188
النقاط
1,886
محل الإقامة
الجلفة
الجنس
ذكر
السلام عليكم و رحمة الله و بركاته
...
موضوع في الصميم اختي مريم ... و لدي ما أقول بهذا الخصوص ...

سمعنا بأن طبيبا ايطاليا قد اعلن انه سيقوم بعملية زرع رأس .نهاية السنة الحالية

و لكن في الحقيقة هي عملية زرع جسد و ليس رأس ... لكن ما يجب معرفته ... ان هذه العملية ... غير ممكنة و مستحيلة جدا

فالطب الحديث رغم تطوره لم يصل الى نقطة زرع النخاع الشوكي و ما فيها من معضلات و تعقيدات

فكيف بزراعة رأس أو جسد ان صح القول

ثانيا ... زرع الاعضاء الاخرى من قلب و أعضاء و انسجة و حتى مجموعة خلايا ...... فانه حسب تجارب قام بها باحثون

فانهم وجدو تغيرا لدى الشخص المزروع له ... تغيرا سلوكيا و نفسيا ...لدى المريض " الشخص المعطى له " .. أي ان الامر يخلق خللا في جسد المريض و نفسيته

و قد لا يتعايش مع الاعضاء الجديدة ...

اما عن عملية زراعة الرأس ... فهي خرافة العصر ... و من المؤكد أنها ستفشل فشلا ذريعاً ... و لن يجنوا منها الا موت المريض

لان مخ الانسان يموت بمجرد فصله عن الجسد ... فكيف بحفظه طوال مدة العملية ...

و قولي بفشل التجربة ... ليس لنقص خبرة الاطباء المقدمين عليها ... انما ايماناً ... انا الانسان ليس مجرد دابة فوق الارض تدب كغيرها

انما الانسان أرقى من ذلك بكثير ... الانسان روح و جسد ... روح الله التي نفخها فيه

و هم بذلك مستمرون في تكذيبهم للأمر ... و ما سعيهم الا محاولةً لاثبات العكس

و يأبى الله الا ان يتم نوره ولو كره الكافرون

 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلام عليكم و رحمة الله و بركاته
...
موضوع في الصميم اختي مريم ... و لدي ما أقول بهذا الخصوص ...

سمعنا بأن طبيبا ايطاليا قد اعلن انه سيقوم بعملية زرع رأس .نهاية السنة الحالية

و لكن في الحقيقة هي عملية زرع جسد و ليس رأس ... لكن ما يجب معرفته ... ان هذه العملية ... غير ممكنة و مستحيلة جدا

فالطب الحديث رغم تطوره لم يصل الى نقطة زرع النخاع الشوكي و ما فيها من معضلات و تعقيدات

فكيف بزراعة رأس أو جسد ان صح القول

ثانيا ... زرع الاعضاء الاخرى من قلب و أعضاء و انسجة و حتى مجموعة خلايا ...... فانه حسب تجارب قام بها باحثون

فانهم وجدو تغيرا لدى الشخص المزروع له ... تغيرا سلوكيا و نفسيا ...لدى المريض " الشخص المعطى له " .. أي ان الامر يخلق خللا في جسد المريض و نفسيته

و قد لا يتعايش مع الاعضاء الجديدة ...

اما عن عملية زراعة الرأس ... فهي خرافة العصر ... و من المؤكد أنها ستفشل فشلا ذريعاً ... و لن يجنوا منها الا موت المريض

لان مخ الانسان يموت بمجرد فصله عن الجسد ... فكيف بحفظه طوال مدة العملية ...

و قولي بفشل التجربة ... ليس لنقص خبرة الاطباء المقدمين عليها ... انما ايماناً ... انا الانسان ليس مجرد دابة فوق الارض تدب كغيرها

انما الانسان أرقى من ذلك بكثير ... الانسان روح و جسد ... روح الله التي نفخها فيه

و هم بذلك مستمرون في تكذيبهم للأمر ... و ما سعيهم الا محاولةً لاثبات العكس

و يأبى الله الا ان يتم نوره ولو كره الكافرون


اهلا بيك خويا صلاح وشكرا جزيلا على ردك القيم
لأنو استفدنا وتلقينا الاجابة بطريقة علمية ولقينا أجوبة على اسئلتنا
وراك قلت كلمة عجبتني بزاف وهي أنو العملية هي زراعة جسم وليس رأس
خاطر كيما قلت للأخ حكيم في ردي أنو ماراهمش رايحين يعوضو عضو بعضو راهو رايحين
يعوضو جسم بجسم ولهذا تسمى عملية زرع جسم وليس رأس بعبارة أوضح
وبارك الله فيك على كلمة وهي أنو الانسان من أعظم ما خلق الله سبحانه وتعالى ومهما واش يديرو
مستحيل يخلقو انسان ولا يغيرو جسم بجسم كأنو لعبة بل الامر معقد أكتر
يعطيك الصحة خويا صلاح نظن ردك كافي ووافي وماعندي مانزيد عليه بارك الله فيك
وشكرا على كرم المرور ربي يهنيك
تحياتي


 

الورد الأحمر

:: عضو شرفي ::
إنضم
6 مارس 2008
المشاركات
18,163
النقاط
671
محل الإقامة
سكيكدة
الجنس
أنثى
السلام عليكم ورحمة الله

الموضوع هذا ديجا تناقشت فيه مع :Love: وكان رايي كيف رايك ! أوك فهمنا رح يزعو راس بصح باه ينحيو راس الشخص معناها يموت ! كيفاه رح يحطوه في جسم ثاني !

يعني مثلا الكبش يوم العيد واش نديرولو ! ياك نذبحوه ونقطعولو الشريان والوريد وواش يصرالو ! يموت :cool:

مالا كيفاه ينحو راس من جسم ويقطعو الوريد والشريان والأوردة والأنسجة والخلايا والملايا خخخ هذي خرطتها ويحطوه في جسم واحد ثاني مبعد ؟؟ ينفخو فيه الروح ولا واش !!

العلم أو الطب ممكن يتحكم بالجسم بصح ما تدخلش في راسي بلي وصل أنو يتحكم بالروح ! يعني الروح لله وواحد ما يقدر يتحكم فيها. هكاك مالا واحد ما يموت !! ديجا الروح مش مفهومة وين مركزة ! في الراس ولا في القلب ولا في الأعصاب ولا وين بالضبط ! الروح شي مش ملموس كيف الجسم !

المهم ممكن أحنا أو نهرسو برك عن جهل بالمجال بصح قانعة قناعة بلي الروح واحد ما يتحكم فيها وكان دارو عملية هك ونجحت أو من درك نقوللكم أو فيها آفاغ شمهروش :ROFLMAO:

مغسي حبيبتي ع الموضوع :kiss:
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلام عليكم ورحمة الله

الموضوع هذا ديجا تناقشت فيه مع :Love: وكان رايي كيف رايك ! أوك فهمنا رح يزعو راس بصح باه ينحيو راس الشخص معناها يموت ! كيفاه رح يحطوه في جسم ثاني !

يعني مثلا الكبش يوم العيد واش نديرولو ! ياك نذبحوه ونقطعولو الشريان والوريد وواش يصرالو ! يموت :cool:

مالا كيفاه ينحو راس من جسم ويقطعو الوريد والشريان والأوردة والأنسجة والخلايا والملايا خخخ هذي خرطتها ويحطوه في جسم واحد ثاني مبعد ؟؟ ينفخو فيه الروح ولا واش !!

العلم أو الطب ممكن يتحكم بالجسم بصح ما تدخلش في راسي بلي وصل أنو يتحكم بالروح ! يعني الروح لله وواحد ما يقدر يتحكم فيها. هكاك مالا واحد ما يموت !! ديجا الروح مش مفهومة وين مركزة ! في الراس ولا في القلب ولا في الأعصاب ولا وين بالضبط ! الروح شي مش ملموس كيف الجسم !

المهم ممكن أحنا أو نهرسو برك عن جهل بالمجال بصح قانعة قناعة بلي الروح واحد ما يتحكم فيها وكان دارو عملية هك ونجحت أو من درك نقوللكم أو فيها آفاغ شمهروش :ROFLMAO:

مغسي حبيبتي ع الموضوع :kiss:
وعليكم السلام ورحمة الله وبركاته
اهلا بيك حبيبتي نورتيني بمرورك العطر
ههههههههه عجبتني تاع شمهروس هههه ماش غير شمهروس داخل فيها شمهروس وخربنوس وبرنوس ههههه
والله عندك الحق انا تاني توسوست مهما يلحق العلم لدرجة كبيرة ماش لدرجة تبدل جسم بجسم
تبدل عضو بعضو نقولو معليش خاطر اثناء العملية بقية الأعضاء راهي تعمل وتمشي الجسم وهكاك وفيها خطر
على الانسان، ودرك جابلي جسم وحدو وراس وحدو وتلصقهم في بعض والروح تبقى تستناك؟ ولا تتنقل معاك؟
ونفرضو السيد عاش واش من روح راهي تدور لداخل تاع مول الراس ولا مول الكور هههههه
وكيما قلتيها أفضل مثال كبش العيد كي نذبحوه ونقطعولو راسو خلاص رانا نقصولو القصبة الهوائية ولا معرف كيفاه اسمها
يعني القلب ماكانش والتنفس مكاناش وحتى حاجة ماكاينة ونجيب الراس يشطح وحدو ونركبو كي نلعب في puzzle
وكيما قلتيها اذا نجحت أكيد فيها أمور خفية
شكرا حبيبتي على كرم مرورك ربي يهنيك
تحياتي
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
السلام عليكم ورحمة الله تعالى و بركاته
موضوع قيم جدا يعطيك الصحة اختي لؤلؤة
منكدبش عليك مام انا تبادر في فكري دات يوم هذا الموضوع
وبحتت عليه لذلك ساثرثر علما قليلا ههه قريت انو نسبة نجاح العملية راهي قليلة بزاف بالنسبة للانسان البشري
قالوا الصينيين رايحين يديروا وحدة في اواخر 2017 ومازال ماسمعنا والو
في عالم الحيوان باءت معظم التجارب بالفشل وماتوا الحيونات ولكن كانت اخرى ناجحة لوقت الله به اعلم
اما بالنسبة للروح والجسد فالامر باين بلي الانسان مادام حي الروح فيه سواء كان
في غيبوبة او في غرفة عمليات او اي مكان لا يعلم ساعة خروجها غير الله
وصح تيجي غريبة كيفاه راس تع انسان يعيش بيه انسان اخر
مي لازم نبينوا بلي الروح ماراهيش متمركزة في الراس قال تعالى (ويسالونك عن الروح قل الروح من امر ربي)
لازم نأمنو بفكرة انو كيما يتم تبادل الكلى والقلب وكل الاعضاء الراس تاني راهو عضو من اعضاء الجسم
والروح ماراهيش متمركزة فيه كما هو كيما اي عضو صافي عادي جدا ان يتم زرع راس في جسد آخر
ولكن نحطوا سطرين تحت سواء نجحت العملية ام لا الامر عائد لربي سبحانو والروح اجلها مايتبدلش
لانو لما يموت الانسان الروح راهي تنفصل على الجسد وتطلع عند ربي سبحانو وبقية الامر امور غيبية والله بها اعلم
اما الجســـد فيبقى هامدا لا يتحرك حتى يوم البعث
نحكيو شوية على العملية هادي انا شفيت على موضوع تع باحث مسلم
كي تربط راس انسان بجسد اخر ماراهيش ساهلة يا جماعة
الجهاز العصبي وش هو راه بحر من الاشارات الكهربائية مبعد يرسل هو هادي الاشارات للدماغ والدماغ يبدا يحللها
شغل راهي تع الانسان اللي كان فيه ومبعد نحطوه حنا في جسد جديد رايحين نجيبو انسان مختل عقليا
لانو الاشارات العصبية كيما قالوا راح تكون مختلفة تماما
والدماغ يضطرب من كل هذا وراح يكون خطر كبير
يعني كان عندنا انسانين الاول نحتاجو راسو والثاني نحتاجو جسدو الاول معليش ميت والثاني أكيد رايحين نخسروه صافي بش طيرنالو راسو برك مسكين
ديجا الطب راه حاصل في عملية زرع الجسد باش يقبل الجسم الطعم اللي حطوه
وبش ينسجم ووو وبزاف عمليات اخرى ساهلة مانجحوش فيها
وجايين يقولوي عملية الراس تنجح انقرضوا ! تموا شغلكم لهيه ومبعد
وكي عدتوا لقيتو الراس ممكنة وفريولنا المشاكل والامراض الصغيرة
راك تلعب مع الاعصاب والحبل الشوكي وجماعتو
في رايي يطور العلم لوش يطور ماراحش ينجح في هاد العملية
لانو ومااتيتم من العلم الا قليلا وجسم الانسان معقد بزاف واذا نجحت ماتطولش ونرجع نقول سواء نجحت ولا منجحتش راه الاجل تع الانسان
و الروح باجلها ماتتحكم فيها ني زراعة القلب ني الراس ني اللفت ني البصل
اذا كتب الله لاحدنا عمرا جديدا والله تعيش كيف في راسك وقلبك ورجلك ويدك وكلشي كاين اpاراي
واذا ماكتبش تموت واقف
فكلشي اذن راه بعلم ربي وحكمة ربي وامر ربي
ومشيئة ربي يعجبوني بزاف مواضيع كيما هادو تحس بالنقص وتحس بالضعف وتحس بمدى الصغر تع الانسان امام قدرة الله سبحانه وتعالى وامره
شكرا لكِ ودمتي بخير♥



 

الورد الأحمر

:: عضو شرفي ::
إنضم
6 مارس 2008
المشاركات
18,163
النقاط
671
محل الإقامة
سكيكدة
الجنس
أنثى

السلام عليكم ورحمة الله تعالى و بركاته
موضوع قيم جدا يعطيك الصحة اختي لؤلؤة
منكدبش عليك مام انا تبادر في فكري دات يوم هذا الموضوع
وبحتت عليه لذلك ساثرثر علما قليلا ههه قريت انو نسبة نجاح العملية راهي قليلة بزاف بالنسبة للانسان البشري
قالوا الصينيين رايحين يديروا وحدة في اواخر 2017 ومازال ماسمعنا والو
في عالم الحيوان باءت معظم التجارب بالفشل وماتوا الحيونات ولكن كانت اخرى ناجحة لوقت الله به اعلم
اما بالنسبة للروح والجسد فالامر باين بلي الانسان مادام حي الروح فيه سواء كان
في غيبوبة او في غرفة عمليات او اي مكان لا يعلم ساعة خروجها غير الله
وصح تيجي غريبة كيفاه راس تع انسان يعيش بيه انسان اخر
مي لازم نبينوا بلي الروح ماراهيش متمركزة في الراس قال تعالى (ويسالونك عن الروح قل الروح من امر ربي)
لازم نأمنو بفكرة انو كيما يتم تبادل الكلى والقلب وكل الاعضاء الراس تاني راهو عضو من اعضاء الجسم
والروح ماراهيش متمركزة فيه كما هو كيما اي عضو صافي عادي جدا ان يتم زرع راس في جسد آخر
ولكن نحطوا سطرين تحت سواء نجحت العملية ام لا الامر عائد لربي سبحانو والروح اجلها مايتبدلش
لانو لما يموت الانسان الروح راهي تنفصل على الجسد وتطلع عند ربي سبحانو وبقية الامر امور غيبية والله بها اعلم
اما الجســـد فيبقى هامدا لا يتحرك حتى يوم البعث

نحكيو شوية على العملية هادي انا شفيت على موضوع تع باحث مسلم

كي تربط راس انسان بجسد اخر ماراهيش ساهلة يا جماعة

الجهاز العصبي وش هو راه بحر من الاشارات الكهربائية مبعد يرسل هو هادي الاشارات للدماغ والدماغ يبدا يحللها
شغل راهي تع الانسان اللي كان فيه ومبعد نحطوه حنا في جسد جديد رايحين نجيبو انسان مختل عقليا
لانو الاشارات العصبية كيما قالوا راح تكون مختلفة تماما
والدماغ يضطرب من كل هذا وراح يكون خطر كبير
يعني كان عندنا انسانين الاول نحتاجو راسو والثاني نحتاجو جسدو الاول معليش ميت والثاني أكيد رايحين نخسروه صافي بش طيرنالو راسو برك مسكين
ديجا الطب راه حاصل في عملية زرع الجسد باش يقبل الجسم الطعم اللي حطوه
وبش ينسجم ووو وبزاف عمليات اخرى ساهلة مانجحوش فيها
وجايين يقولوي عملية الراس تنجح انقرضوا ! تموا شغلكم لهيه ومبعد
وكي عدتوا لقيتو الراس ممكنة وفريولنا المشاكل والامراض الصغيرة
راك تلعب مع الاعصاب والحبل الشوكي وجماعتو
في رايي يطور العلم لوش يطور ماراحش ينجح في هاد العملية
لانو ومااتيتم من العلم الا قليلا وجسم الانسان معقد بزاف واذا نجحت ماتطولش ونرجع نقول سواء نجحت ولا منجحتش راه الاجل تع الانسان
و الروح باجلها ماتتحكم فيها ني زراعة القلب ني الراس ني اللفت ني البصل
اذا كتب الله لاحدنا عمرا جديدا والله تعيش كيف في راسك وقلبك ورجلك ويدك وكلشي كاين اpاراي
واذا ماكتبش تموت واقف
فكلشي اذن راه بعلم ربي وحكمة ربي وامر ربي
ومشيئة ربي يعجبوني بزاف مواضيع كيما هادو تحس بالنقص وتحس بالضعف وتحس بمدى الصغر تع الانسان امام قدرة الله سبحانه وتعالى وامره
شكرا لكِ ودمتي بخير♥



أو هلابالك بلي الروح تاع ربي ديجا كلش تاع ربي مي كيفاه رح يحافظو على روح الشخص لي نحاولو راسو باه يحطوه في جسم ميت !! ياو كي يتنحا راسو تزهق الروح ! لا الأكسجين يوصل للراس لا الدم لا اي شي !

يعني الشخص لي رح يتنحا راسو رح يبقا جسمو وراسو مفصولين ع بعض ومعليش يا سيدي نقولو يخلوه مبغونشي بشوية عروق مي مبعد يضطرو يفصلو كلش باه يلصقو الأعصاب ولعروق والخواليط لي كاينة كامل في الجسم الثاني !! والجسم الثاني صاحبو ميت بالأصل ! يعني كيفاه راح يحافظو على روح الجسد الحي لي تنحا منو الراس !! علما أنو الراس راح ياخذ فترة طويلة باه يتثبت بالجسد الثاني ! يكون الشخص لي كان حي شبع موت !!

احنا اذا ضاق نفسنا برك نحسو بالدوخة على خاطر الأكسجين بطل يوصل بطريقة سليمة وبالمتسوى المطلوب للراس ! من الخلعة برك وقت تضطرب عملية التنفس تحكمنا الرعشة وراسنا يثقال على خاطر نسبة الأكسجين الواصلة للراس تغيرت نقصت بمعنى آخر ! فكيفاش يفصلو راس عن جسد ويبقاو محافظين ع الروح ! في وقت كل عضو عندو وظيفة مع العضو الثاني وإذا غاب عضو ممكن يكلف الجسد روحو ! مع العلك كاين أعضاء مش بالساهل الاستغناء عنهم لفترة طويلة !!

الراس !! لي هو مركز العمليات الحاصلة في الجسم ! لي فيه اللاوعي متحكم في كل شي ! تفصلو ع الجسد !!

والله حيروني وممكن راني نهرس برك عن جهل بالمجال بصح كي نخمم بواقعية وبمنطق ع حسب واش نعرفو عن وظائف الجسد ما نقدرش نقنع بلي يفصلو راس عن جسد ويبقى مولاه عايش !

شكرا ع المداخلة الطيبة :)
 

ضيوف وسـنغادر

:: عضو فعّال ::
إنضم
18 أكتوبر 2013
المشاركات
1,734
النقاط
171
محل الإقامة
skikda
الجنس
أنثى
اهلا وردتي الحمراء الجميلة♥
مممم رايحين نتناقشو ان شاء الله وحدة وحدة♥ زعمة باحثين هههه
أو هلابالك بلي الروح تاع ربي ديجا كلش تاع ربي مي كيفاه رح يحافظو على روح الشخص لي نحاولو راسو باه يحطوه في جسم ميت !!
ياو كي يتنحا راسو تزهق الروح ! لا الأكسجين يوصل للراس لا الدم لا اي شي !
ايه راني معاك
مي ختيتو احنا مارايحينش نزرعو روح وانما نزرعو عضو كما الكلى كما الكبد كما اي حاجة وهوما راهم اكيد يستعملو مواد واجهزة وغيرها تحافظ على خدمة الراس
نعطيك مثال مثلا كي نزرعو قلب من شخص لاخر هاو نزعنا وكلشي ومي تنجح العملية علاش؟ لانو عملية الزرع تتم جسديا مش روحيا
لذلك انا قلت اني ضد عملية الزرع واستحالتها للصعوبة المعقدة في ربط الاعصاب و محاولة دمج النخاع الشوكي وغيره
اما الراس فمثله مثل اي عضو نزع من الجسد الاصلي كالقلب او الكبد او غيره
مي والله غير راهم غير يخرطوا
يعني الشخص لي رح يتنحا راسو رح يبقا جسمو وراسو مفصولين ع بعض ومعليش يا سيدي نقولو يخلوه مبغونشي بشوية عروق
مي مبعد يضطرو يفصلو كلش باه يلصقو الأعصاب ولعروق والخواليط لي كاينة كامل في الجسم الثاني !! والجسم الثاني صاحبو ميت بالأصل ! يعني كيفاه راح
يحافظو على روح الجسد الحي لي تنحا منو الراس !! علما أنو الراس راح ياخذ فترة طويلة باه يتثبت بالجسد الثاني ! يكون الشخص لي كان حي شبع موت !!
والله راني معاك في تساؤلك
والروح أثناء العمليات الجراحية انا نعتبرها غيبيات ماحباش ندخل فيها فقط اللي كاتبة كاتبة
وديما نرجع للمثال تع زراعة القلب انت بش رايح تحط قلب صافي راح تنحي القلب هاداك صافي كي تنحى القلب كيفاه الجسم رايح يمشي؟ أكيد الانسان يموت
مي منشوفاهاش بالبساطة هادي الطب مش حاجة ساهلة مستحيل تخدم مع جسم ميت
جبت تفاصيل عن زراعة القلب كيفاش نجحت باستعمال نقل لقلب نابض واخر غير نابض
القلب الحي او النابض:
في فبراير 2006، وبعيادة مدينةباد اونهايزن للصدر وجراحة القلب والأوعية الدموية بالمانيا نجح جراحو زراعة القلب في نقل "قلب نابض" إلى مريض.
وبدلا من تبريد القلب، تم ابقاؤه في درجة حرارة الجسم، وربطه إلى جهاز خاص يسمى نظام رعاية العضو (Organ care system) والذي يسمح للقلب
بمواصلة ضخ دم دافئ مؤكسج. هذه التقنية يمكنها الحفاظ على القلب في حالة مناسبة لفترة أطول بكثير من الطريقة التقليدية.
القلب الميت او الغير نابض
تحققت أول عملية ناجحة لزراعة قلب غير نابض (قلب ميت) في أستراليا في عام 2014، بواسطة الطبيب جراح القلب كومود ديتال. تم زرع القلب بهذه
الطريقة بفضل تطور تكنولوجيا "الحفظ" القادرة على الحفاظ على القلب وإنعاشه وتقييم وظيفة القلب. وكان أول مريض هو ميشيل جريبيلاس البالغ من العمر 57 عامًا.
احنا اذا ضاق نفسنا برك نحسو بالدوخة على خاطر الأكسجين بطل يوصل بطريقة سليمة وبالمتسوى المطلوب للراس ! من الخلعة برك
وقت تضطرب عملية التنفس تحكمنا الرعشة وراسنا يثقال على خاطر نسبة الأكسجين الواصلة للراس تغيرت نقصت بمعنى آخر ! فكيفاش يفصلو
راس عن جسد ويبقاو محافظين ع الروح ! في وقت كل عضو عندو وظيفة مع العضو الثاني وإذا غاب عضو ممكن يكلف الجسد روحو ! مع العلك كاين أعضاء مش بالساهل الاستغناء عنهم لفترة طويلة !!
(فكيفاش يفصلو راس عن جسد ويبقاو محافظين ع الروح )الله أعلم
مي والله راهم غير يديرو في حقول تجارب وماضامنين والو وبزاااف اطباء صرحوا بخطووورة عمليات كما هادو
تنجح البعض وتفشل اخرى بمشيئة الله
ولكن أين ذهبت الروح حينما تم فصل هذا او ذاك فالله اعلم وكما قلت مستحيل الاطباء يخدمو مع جسد ميت سير راهم دايرين اجهزة تخلي لجسم
يقوم ببعض الادوار المهمة والعلم في تطور ممكن يخليه يدير اجهزة تساعد على الحفاظ على الإمداد الدموي للأنسجة العصبية بالنسبة لعملية زرع الراس
الراس !! لي هو مركز العمليات الحاصلة في الجسم ! لي فيه اللاوعي متحكم في كل شي ! تفصلو ع الجسد !!

والله حيروني وممكن راني نهرس برك عن جهل بالمجال بصح كي نخمم بواقعية وبمنطق ع حسب واش نعرفو عن وظائف الجسد ما
نقدرش نقنع بلي يفصلو راس عن جسد ويبقى مولاه عايش !

شكرا ع المداخلة الطيبة:)
بلا مزية ختيتو الشكر ليك خليتيني شوية نخدم الخشخاش خخخخ
وبالنسبة للعملية كفاش تتم انا قريت نص وخلاني ننظر للجهة العلمية مقبولة
جبت النص كوبي كولي وراهي مخططات برك شغل (الهدرة بالفم ساهلة)
لأنو الراس راه خدمة كبيــــــــرة
سيكون الإجراء الفعلي على النحو التالي: سيعمل فريقان معًا، لعمل شقوق عميقة حول رقبة كل مريض وإظهار الشرايين السباتية
والفقرية، والوريد الوداجي العمودي الفقري وسيتم إجراء ثلاثة شقوق أخرى، لتثبيت العمود الفقري لاحقًا والوصول إلى الشرايين السباتية،
والقصبة الهوائية والمريء. والجزء الأكثر أهمية هو: قطع الحبل الشوكي باستخدام شفرة النانو الماسيّ ويُقدَّر سعره بـ 200،000 $ومجهر
سيتم قطع كلا الحبلين الشوكيين في وقت واحد كخطوة أخيرة قبل الانفصال وبمجرد فصل رأس المستلم، يجب نقله إلى جسم المتبرع إلى
الأنابيب التي تربطه بالدورة الدموية للمتبرع. يجب أن يتم الإجراء في غضون ساعة لضمان الحد الأدنى من تلف. ثم يتم تعديل الحبال والتحامها
في غضون 1_2 دقيقة، يُوضع الغليكول بولي إيثيلين في مجرى الدم على مدى 15-30 دقيقة وتطبق خياطة فضفاضة على جسم إلى رأس
المُتلقي لإعادة تدفئة رأس المتلقي على الفور "نظريًا". وسيتم أيضًا مخيط الجافية بطريقة مضادة للماء بالأسلاك والمشابك. يمكن أيضًا ربط
القصبة الهوائية، والمريء، والعصب الحائر، والأعصاب الحجابية بطريقة مماثلة لكيفية ربط الحبل الشوكي. وسيتم مخيط الجلد من قبل جراح التجميل
للحصول على النتائج القصوى. بمجرد الانتهاء من العملية، سيتم الاحتفاظ بالمتلقي في غيبوبةلمدة 3-4 أسابيع، لمنع أي تمزق عفوي في الغرز
خلال فترة الشفاء. كما سيتم إعطاء الدواء لقمع الاستجابة المناعية، على غرار كيف يتم إعطاء أي مريض زرع آخر.
والله أعلم يبقى العلم ضعيف ويبقى الانسان اضعف امام الله وقدرته الواسعة التي لا تحدها حدود
عالم الروح ومايدور حوله الله اعلم ثم الله أعلم
تقبلي مروري يآبنت أرض الوطن VيV
♥21♥
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
شكرا حبيبتي @ضيوف وسـنغادر على تواجدك وردودك القيمة
آسفة البارح جيت نرد عليك بلوكا الميكرو ودرك راني بالتيليفون
غير نشعل الميكرو نرد عليك كما يلزم غاليتي
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,319
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته
رانا في ديسمبر وقريب نشوفو قصةهاذ العملية لي عندهم وقت وهوما يهدرو عليها
انا لي غايضني غير داك السيد لي فرحان ويحلم باه يمشيo_Oo_O
معنديش تعقيب من غير انو هاذ العملية مستحيل تنجح ولو كانت عندهم اكبر واضخم وافضل الاجهزة الطبية في العالم
عجبتني الردود الثرية بقيت نعاود فيها
يعطيك الصحة :kiss:
 

حلم كبير

:: نجم اللمة ::
إنضم
24 ديسمبر 2016
المشاركات
5,061
النقاط
2,751
العمر
35
محل الإقامة
فرنسا الجزائر وطني
السلام عليكم ورحمة الله تعالى وبركاته
شكرا على طرحك لهذا الموضوع المعقد استفدت منه حقا
سمعت سمعا فقط عن هذه التجارب
لكن في نظري فقط
عندما ننام أليست أرواحنا منفصلة عن أجسادنا
عندما يكون المريض في غيبوبة أليست روحه تحلق وموجودة
فصاحب الرأس السليم والجسم المعاق يحاول إيجاد جسد ليرجع ويمشي
والاطباء سيحاولون إنقاذ صاحب الرأس السليم وصاحب الرأس المريض حتما سيموت مباشرة بعد قطع رأسه عن جسده إذا حسب رأيي حتى وإن نجحت العملية ستكون روح صاحب الرأس السليم من تسكن ذلك الجسد فهو في النهاية ،كزرع القلب والكلى وووو مجموعين ،فهم سيزرعون الجسم للرأس وليس العكس
فالرأس هو أساس الحياة
وعندما يستفيق( هذا إن استفاق ونجحت العملية ) سيحس بغرابة شديدة داخل ذلك الجسد الجديد ،وسيمر بتغيرات نفسية عديدة { ضاڤت روحي في بلاصتو ههه)
لكنه على الاقل عندما ينظر الى نفسه في المرآة سيجد أنه هو ووجهه الذي اعتاد أن يراه

هذه خرافاتي الكارثية هههه

والله أعلم
بارك الله فيك على الموضوع الجديد
احترامي وتقدير

 

بنت سطيف

:: عضو مُشارك ::
إنضم
4 ماي 2016
المشاركات
136
النقاط
13
عملية زرع رأس مجرد خرطي
لماذا تلقى رواجا كبيرا؟!
لأنها الدعاية الكبيرة لحاجة في نفس يعقوب
الدعاية تكون ضخمة وبوسائل متعددة وقد تستغرق سنوات
ثم يتم تفنيد الكذبة في خبر أو سطر صغير ليس بحجم عملية الترويج والدعاية
والنتيجة:
برغم تفنيد وتكذيب أصحاب الأمر للأمر ذاته
يبقى الناس على يقين بصحة الأمر(رغم تكذيبو)
الدليل:
عملية الاستنساخ روج لها سنوات كثيرة...
رغم أنها فشلت فشلت ذريعا...
لكن الناس مازالت مصدقة الأمر
كذبة الصعود إلى القمر:
تم الترويج والدعاية للصعود إلى القمر لمدة سنوات طويلة
ثم تم تكذيب الأمر من طرف الاستخبارات الأمريكية
وقالوا بأنهم كذبوا لأنهم أرادوا التفوق على الروس
ورغم ذلك الناس مازلها مصدقة كذبة الصعود إلى القمر
أتمنى الفكرة وصلت؟!
!!!!!!!!!!!!!!!!!!!!!!!!!!!!
 

GI Joe

:: عضو مُتميز ::
إنضم
9 أفريل 2010
المشاركات
1,170
النقاط
71
الجنس
أنثى
khami fiha kima ana djik sahla
hada l 3abd li rah yezer3o rasso, yek djissmou kamel handicapé?? il n empeche que howa howaa machi djismou li y3abder 3lih tekhmamou baark donc kolech f mokho , w madam djismo li habess rayhin ydjiboulou djissm ta3 3abd mokho rah habess doonc au lieu tkhami que rasse rayhin yezer3oh khami que rayhin yezer3o djissm kamel en bonne etat fi rass en bonne etat, ama rouh ta3 donneur rahi rahet ki rah mokho voiila hakda tekhmami w allaho a3lam
 

الصحافية الساخرة

:: نجمة اللمة ::
إنضم
5 جانفي 2017
المشاركات
3,486
النقاط
1,441
العمر
25
محل الإقامة
Jijel
الجنس
أنثى
السلام عليكم و رحمة الله

ههههههه خليني نضحك عليك انتي قبل دختي ههههه روحي كملي الحسابات والاحصاءات شا جابك لمجال خاطيك ههههخخخ وزاد بغيتي دوخينا معاك o_O

قالك زرع رأس ومعرف واش :cautious: ياو تحيير حتى العلم وليت نحسوا بدا يتخلف حتى برى ههههه هذا ما يكون غير جزايري اقترح فكرة هذي :ROFLMAO: ياو امراض مقدروش يداووهم رايحيين للراس بن عمييي شغل عندهم حاجة حابين يثبتوها معرف واش باغيين يخلقوا روح جديدة يتمسخروا باينة وزاد يروجوا وووو ... كلشي باين .. كما حكاية استنساخ و بزاف امور شيعوهم و يجهلوا يا سبحان الله اودي خليت واش قدامك مزال مالقيتلهش حل جاي تحوس تزرع رأس بنادم في جسم !!!! انا منعرفش فالمجال هذا بصح في هذي وليت نفهم شغل حسيتهم كما اللي قالك الجزائر في السنة الجديدة راح تولي تصدر السلاح للدول الافريقية يعني يخمموا فالسلاح باش يزيدوا يقتلوا الناس كتر و يستعملوه فاغراضهم و مصالحهم الشخصية و نساوا بلي رانا حاصلين فالبطاطا و الحليب يا عجبا بودرة الحليب نجيبوها من برى جاي تقولي نصدروا السلاح هااابدا من تحت وطلع بلعقل ياخي تخمام هههههه نعيا نشوف نكره

مرسي مريومة على الموضوع القيم ^^
 
Top