سهرة الثانية......... قهوة وتاي

[ليليا مرام]

رد: سهرة الثانية......... قهوة وتاي

ضيفي الكريم الدار دارك
مضطرة نخرج واكيد غدوة نكملو الموضوع وانا راح نشوف السهرة وين وصلت وغدوة نكمل
ما زال المفجاعات ما خلاصوش ما تقولش راني ناسية
اجوبتك روعة تمنيت نكمل نسهر معاكم مي تاعبة ومريضة وانت عارف اعذرني هشام
الموضوع موضوعك احباب اللمة تهلاو فالضيف
شكرا لكم وصحا سحوركم وليلتكم اطيب من المسك

 

[الحلم الوردي]

رد: سهرة الثانية......... قهوة وتاي

أني جيت يا الحلم الوردي وش هادي لاكوست الوردي كي شفتها من لول حسبتها ليا
قلت واش كاين هذا حتى البارفان ولونها وردي وش بيهم غالبهم رمضان هادوما
نتمنى تكون السهرة في مستواكم
ربي يهنيك اختي الغالية
​

اهلا بيك خويا
ايه شفت كيفاش مام الذوق نتاع الاخت زهرة
تالمو اسم وردي جابتلي بارفا وردي
هههههه
ان شاء الله يارب
وتكون سهرة مليحة ليك ولينا
:thumb_up02:

 

[قرصان الساحل]

رد: سهرة الثانية......... قهوة وتاي

خويا هشام اهلا بيك مع السهرية هذي
واش نقلك شويا اسئلة خفاف ضراف :
أهلا خويا أو ليكم جا صاحبي حكيمو وي وي نديسكتيو في الخفاف هادو
واش هو اول يوم قررت تحارب فيه العقلية الافرقية وواش كان السبب؟
والله يا حكيم وش نقول لخويا انا هاد القارة اي تعييني المرض الهم الغم المشاكل الفقر الحروب التخلف الجهل يا ودي غير ما يوجع القلب والمشكل عندنا كلش خيرات ربي بكل كنا اطماع المستعمرات ونهار كامل نعسو في بعضانا من نهار شفيت على روحي وانا ناقم على شعوب هاد القارة ما قالهاش عثمان عريوات شعب متخلف رجعي في راسو بلوكة ها شوف كل يوم انقلاب ها السودان خير ربي بكل فيها تقسمت تروح دير ماتش يضربوك اااااااااااااااااااعععع خويا سامحني بلادكم تعيف خلي نتكيف
اعطيلي بلاد افريقية تتمنى انو لو تحرقها بالزلاميط ؟
ههه علاه خويا حكيم علاه اي محروقة ديجا بار ديفو وش نزيد نحرق فيهم انا بلا ما نحرق اهم محروقين نربح ذنبهم برك اكل عايشين في الهوا سوا
كاش حرقة خويا ولا والو .؟
والله والو منكذبش عليك تمنيت نروح قانونيا مي ما كتبش ربي بلاك نهار اخر
قرصان الساحل انت تموت على القراصنة
واش رايك في لوفي زعيم القراصنة هههه .؟
ههه لوفي المجنون والله شخصية روعة تعجبني بزاف حركاتو وتعاملاتو مهبول وخلاص وانا نحب هاديك العقلية تاع ما علابالوش بالدنيا وين صادة ههه
ايا ومن بعد نخلو ليسباس للاعضااء الكرام ..​

يعطيك الصحة حكيم خويا نورتني بهاد الخفاف ومرحبا بيك معايا ... حكيم قالي قول خويا وماشي صاحبي ديما ديما ههه
تحياتي
​

 

[Skor m@k]

رد: سهرة الثانية......... قهوة وتاي

السلام عليكم
مرحبا بيك خويا هشام
شفت يا خويا حبو يبهدلونا على كبرنا هههه مي التوصية الجايا
واش نقولك اي ولاية انت
كيفاه عرفت المنتدى هذا
وبيناتنا الاعضاء لي هنا هايلين كاملين ميخيقوش وقليل لي كيفهم فالمنتديات الاخرى
اصمط عضو ( عضوة هههه متبيعش ) باينا شككونها هههه
ايا راني نولي والى حبيت نشاركك فالمناضرة تاع الشعر راني هنا بصح تعرفني شعر تاع الضحك ههههه​

 

[قرصان الساحل]

رد: سهرة الثانية......... قهوة وتاي

السلام عليك
وعليكم السلام يا هلا يا هلا بصاحبة اللون الوردي
واش راك ان شاء الله راك مليح
مليح الحمد لله وانت ختي
صحا فطورك
الله يسلمك ختي وانت زادة
بون اسئلة خفاف برك
هه عندي ما كليت الخفاف اليوم
_انت انسان عقلاني ولا عاطفي؟
والله عادة يا ملاك غير نحكم العقل أكثر من العاطفة .. عادة من تجربتي المتواضعة العاطفة تجرح ..
_كي تكون منارفي واش دير؟
ندخن ببساطة ههه
_واش تعلمت من هد الدنيا؟
اممم والله حوايج بزاف ما يكفيش باه نذكرهم هنا مي نقلك حاجة مليحة بزاف جامي تقيس ناس وخلي قدرك عزيز ناس يهابوك
لخاطر لراحت مهابة الناس ليك راح تعيش ذليل وهاد الشي صعيب بزاف
الواحد ديما يخلي نيفو للسما ويقول كلمة الحق والخوف غير من ربي سبحانو
ولو ناس دنيا كامل جتامعو عليك ما يديرولك حتى شي مش مكتب ليك
هادي هي
_مواقف صراولك ومازالك متفكرهم لدوركايا؟
مواقف مواقف وش راح نتفكر مي الحاجة لي ديما راسخة في بالي كان يقولهالي جدي الله يرحمو كونك راجل هاد الكلمة الى يومنا تجي وحدها في راسي
_تحب المغامرات ؟
وهل يعشق القرصان شيئا اكثر من المغامرات .. هه نموت في المغامرات لبغى بالخسارة
الى كاش ماتفكرت راني نولي
هكدا خونا القرصــــــآن
ايه مرحبا بيك ختي استمتعت بنقاشك
راني في المتابعة
​

يعطيك الصحة ختي ملاك والله راكي زايدة نص في سهرة مزال نستناك تولي ... ربي يحفظك
​

 

[قرصان الساحل]

رد: سهرة الثانية......... قهوة وتاي

اهلا ضيفي راج تشوف حنة يديا ونقولك حاجة لو تصدقني انت درت رقم 7 وانا خيرت بوقالة رقم 7 وشوف النية واش طاحت نحن في استماع للنية

ههههههه
يويويويويويويويييييييييييييييييييييييييييييييييييييييييييييييييييييييي
صحيتي صحيتي ديما ديما كثرلونا من الامورات هادو تاع التزغريت اني نشتي نشوف الحالة زاهية ههه
اييه يا السي هشام نظن هذي وحدة راهي حالفة تديك يا لطيف مش افار كادنة برك ولا الواحد يخاف على رويحتو
انت سبيبط وهي خويط فيك معناها محال راهي راحا تخيطك بالابرة والخيط حل عينك هشام
تسما هي كي الخيط تاع السباط اه مزية تنفست الصعداء الخيط ديما ديما يتبدل الصح في السباط ههه
انت سنيسلة وهي خامسة تحميك .... اييه كان الراجل يحمي المرا ضرك تقلبت ياو جاك فوندامة مرا هههه
امممم خامسة وتحميني ايه حجة وحويجة كاش قدي فوندامة وتحميني من فوق تسمى هادي راجل ربي يسترني برك
انت خويتم وهي حجرة فيك ...... ربحنا يا السي خاتم هشام وراهي داخلة بالحجر وجد روحك للتخياط فالسبيطارات
وين تروح تلقاها وغير هي اللي تديك ..... انا نظن هذي كاش وحدة راهي تستنى فيك هههههه
بابابابا يا لطيف داك الميمون لي نسمع فيه في رمضان وش هادي شبح معول يخطفني قلها بلي مزالو صغير وحاب يعيش واش دانا للسبيطارات بابابا اغربي ايتها الارواح شريرة وين هي ام راس يابس تجي تعاوني عليهم
واش رايك فالبوقالة يا ضيفي الكريم

بوقالة تخوف تاع كادنات هادي ربي يلطف بينا .. ايه حقا نسيت انا ما نامنش بيهم هههه طلع المورال لروحك حملتنا لهادي السهرة
​

 

[قرصان الساحل]

رد: سهرة الثانية......... قهوة وتاي

السلام علييكم

اييه الشعب قااع راه هنا وا نا نحوس على كيتماني منهيه :down:

بصحتكم السهرة جماعة الخير

اهلا بالضيف و شكرا للاخت ليليا على الفكرة رووعة :thumb_up02:​

اييييييييه مرحبا بيك ختي فيولا نورتي سهرتنا نتمنى تعجبك
مي عندي ليك سؤال ديما منين ندير ليك اقتباس يجي رد تاعك مقرقش ما فهمتش المشكل وين
-_-
​

 

[قرصان الساحل]

رد: سهرة الثانية......... قهوة وتاي

ضيفي الكريم الدار دارك
مضطرة نخرج واكيد غدوة نكملو الموضوع وانا راح نشوف السهرة وين وصلت وغدوة نكمل
ما زال المفجاعات ما خلاصوش ما تقولش راني ناسية
اجوبتك روعة تمنيت نكمل نسهر معاكم مي تاعبة ومريضة وانت عارف اعذرني هشام
الموضوع موضوعك احباب اللمة تهلاو فالضيف
شكرا لكم وصحا سحوركم وليلتكم اطيب من المسك

والله يعطيك الصحة مريومة ختي موضوعك اكبر من روووعة عجبني بزاف نتمنى يداومو عليه الاعضاء حتى اخر يوم من رمضان
مي سكر علاه ديري ليه هكاك مسكين اني قتلو في بلاصتك منخليلهاش هادي لي طبع فيك على راسك
وي عارف ادعوا كامل ربي يشافي اختنا زهرة الزئبق رغم المرض ومشاكلها تجي هنا وتتعب وتحب تضحكنا والله ما كان الكلمة لي نجم نقولهالك
غير دعوة كل مرة ندعي بلاك ربي يستجاب لينا
ربي يشافيك ختي الغالية
اتهلاي في روحك
​

 

[قرصان الساحل]

رد: سهرة الثانية......... قهوة وتاي

السلام عليكم
وعليكم السلام
مرحبا بيك خويا هشام
شفت يا خويا حبو يبهدلونا على كبرنا هههه مي التوصية الجايا
ههه والله لقاوك ناس ملاح طبعوك على راسك ههه اي باينة انا ما في كرشي تبن ما نخاف من النار واعرة زهرة
واش نقولك اي ولاية انت
ولاية 28 المسيلة
كيفاه عرفت المنتدى هذا
ايه لازم نرجع للخلف شوية باه نحكيلكم حكاية كيفاه عرفت هذا المنتدى
من حوالي 5 سنين فاتت تاريخ اخر تسجيل ليا في منتدى حتى جيت هنا كنت مسجل في منتدى اسمو جزائرنا المهم مطولتش بزاف دابزت مع واحد مشرف عام ثماك علخاطر تكلم كلام مش محترم مش ليا أنا مي أنا ما سكتش عليه أيا رحت لقسم الشكاوي هزيت وش قال في الارشيف وقلتلهم هذا لازم يتعاقب وما يشرفش منتداكم يكون مراقب عام .. المدير حاب يكالمي الحالة انا قتلو والله منسكت عليها المهم دينا وجبنا في الهدرة حتى انا قتلهم اي ليكم يا لي متحشموش ورحت ...ايا جا ليا واحد المشرف عام تماك اسمو يونس الصديق قالي اصبر معاك حق خليها عليا المهم ومبعد ردوه عضو عادي ومبعدا حكى معايا هدا يونس وقالي ان منتدى جزائرنا يكوبي على منتدى اسمو اللمة لي كان هو مسجل فيه وقالي اني نعاون في منتداكم المهم انا وقتها عطاوني الاشراف ومبعد كرهت حبست المنتديات دوك ليام مريح مع راسي جات في بالي هاد الحكاية وجيت للمة لي قالي عليها هدا الاخ يونس الصديق
هههه وش رايك سكر
وبيناتنا الاعضاء لي هنا هايلين كاملين ميخيقوش وقليل لي كيفهم فالمنتديات الاخرى
اصمط عضو ( عضوة هههه متبيعش ) باينا شككونها هههه
ههههه كاين وحدة في بالي نخليها في قلبي موتو بالتوسويس
ايا راني نولي والى حبيت نشاركك فالمناضرة تاع الشعر راني هنا بصح تعرفني شعر تاع الضحك ههههه
اييييييه واخير لقيت متحدي اوكي سكر نستناك خويا نديرو قعدة شابة
​

صحييييييييييييت سكر خويا والله انت عزيز عليا من عند ربي مش عارف لاه ههه مي اليوم داروها بيك ضحكت من قلبي .. تعيش وتاكل غيرها
​

 

[قرصان الساحل]

رد: سهرة الثانية......... قهوة وتاي

.......

اختي اشواق صحا فطورك
اني مقبيل قريت رد تاعك فيه اسئلة وكنت مجايبها نرد عليكم بالترتيب كي رجعت لقيتو تحول نقاط
ياك ما زعفتيش عليا بلاك طولت عليك اني كنت نرد بالترتيب
تحياتي اختي
​

 

[قرصان الساحل]

رد: سهرة الثانية......... قهوة وتاي

هههه بما أن الأخ سكر تحداني في الشعر الهزلي الشعبي وانا في الانتظار
نتحداه ينشر المقلب لي ركبو على راسي هو وزهرة الزئبق
عارف لو صلحتوه تنشروه تضحكو عليا نطالب بحقي في رد الاعتبار امام العلن
هاهاها سكر اي قالت زهرة في لول ويا ويلو يلي يتحدي قرصان

​

 

[قرصان الساحل]

رد: سهرة الثانية......... قهوة وتاي

بقية الاخوة لي راهم يتفرجو معانا في السهرة تفضلو شاركونا مرحبا بيكم ما دام القرصان اليوم طاح في يديكم ما تراطيوش نهار اخر ما تحكمونيش ههه
شكرا لكل من يتابع نتمنى راكم مستمتعين معانا
​

 

[أشــواق 19]

رد: سهرة الثانية......... قهوة وتاي

اختي اشواق صحا فطورك
اني مقبيل قريت رد تاعك فيه اسئلة وكنت مجايبها نرد عليكم بالترتيب كي رجعت لقيتو تحول نقاط
ياك ما زعفتيش عليا بلاك طولت عليك اني كنت نرد بالترتيب
تحياتي اختي
​

مرحبا بيك خويا
الله يسلمك وانت زادا
لالا مزعفتش مي مكنتش فاهمة الموضوع بيان حسبتلي غير الاخت لتطرح اسئلة
راح نعاود هم
سبب تسميتك بقرصان الساحل؟
هل تحب الرياضة؟واي فريق جزائري تشجع؟؟
اي نوع من الكتب تقرأ؟؟
اكثر حاجة عاجباتك في المنتدى؟؟؟

 

[AmiR@RoRo]

رد: سهرة الثانية......... قهوة وتاي

السلام عليكم
جيت روطار والغاشي راه هنا سهران
ايا بصحتكم
وانت يا خويا هشام وحد الاجوبة عندك كارتية ههه
صحا سحوركم وقصرتكم

 

[assinat]

رد: سهرة الثانية......... قهوة وتاي

سلام عليكم ^^

صح فطوركم و صح سحوركمـ و سهرتكم ​

 

[قرصان الساحل]

رد: سهرة الثانية......... قهوة وتاي

مرحبا بيك خويا بيك مرحبا اختي نورتي
الله يسلمك وانت زادا
لالا مزعفتش مي مكنتش فاهمة الموضوع بيان حسبتلي غير الاخت لتطرح اسئلة
ههه اه صحا تسمى هذا اول عدد في السهرة دوك نورمالمو اي بانت الحكاية كيفاه
راح نعاود هم وفي الاعادة فرجة ومتعة وافادة ههه كيما قال زواوي المعلق تاع سطيف
سبب تسميتك بقرصان الساحل؟ امم ذكرتها في المدونة بالتفصيل نجيبلك كوبي عليها ونجي هههه
غيرت اسم عضويتي إلى قرصان الساحل
فأنا من صغري أعشق أدوار القراصنة فهم رمز لحياة بائسة مليئة بالمغامرات والمفاجئات ... فكنت دائما أتصور القرصان رجلا ذو عين واحدة مغطاة بقطعة سوداء ورجل خشبية ... يعشق البحر والسفن والغارات .. يحب جمع المال ويسعى دائما وراء خريطته وكنز مخبأ في خريطة قديمة ... توجهه بوصلته سبيله اشرعته ورجائه الرياح .. يحمل سيفا ومجموعة من البائسين خلفه .. كلهم لم يجد نفسه في الحياة فباع نفسه للبحر .. القرصان وان اغار على اعتى السفن او وجد كنزه المدفون فسيعود مرة اخرى لأنه يعشق البحر قبل الكنز .. ما زادني الهاما وحبا في القراصنة ذلك الفيلم المشهور
Pirates Of the Carbean
حقيقة لا أتذكر كم من مرة شاهدته .. ربما مئات المرات واحيانا مثل المجنون تجدني اقلد تصرفات اولئك القراصنة الحمقى ... او ذلك المجنون المدعو جاك سبارو ... فأنا لم أشعر يوما بالملل وكم انتظرت ان يكون هناك جزء خامس لكن للأسف يقولون حصل سوء تفاهم بين البطل جوني ديب (جاك سبارو) و مخرج الفيلم ... حتى جاك من شدة تأثره بدوره كقرصان اثر على حياته في واقعه.
كم عشت في احلامي كقرصان هارب من العدالة باحثا عن ينبوع الخلد الذي لن تموت بعده ... او هاربا من وحش البحر الذي ادين له بأن أعيش مسخا تحت إمرته مئة عام كاملة اخدمه ... اصيح بشدة على عمال سفينتي ذات الاشرعة السوداء
هههه هاي ليك الحكاية اقراي باه تجيبي بيها نص ساعة
هل تحب الرياضة؟واي فريق جزائري تشجع؟؟
أكيد نحب الرياضة وديما في واش راك تهدر نتكلم عليها مي ديما الاعضاء سيرتو العضوات يقولولي غير شتيت تزيد في فقرة الرياضة ويصرالي احباط كبير بعدها هه
نشجع فريق شبيبة القبايل جياسكا نتبعها من سنة 98 نهارات تاع كاس الكاف والافراح ونعرف لاعبيها تاع هداك الوقت وبكري كنت حتى نجمع الصور لي في الجرايد مي راحلي هداك الكراس للاسف
عالميا نتبع فريق المدفعجية ارسنال وبعدو الملكي ريال مدريد
اي نوع من الكتب تقرأ؟؟
والله من الجانب العلمي نتبع كتب الاعلام الالي بصفة عامة
من ناحية الروايات نحب الروايات المترجمة عن مصطفى لطفي المنفلوطي خاصة الشاعر (سيرانو دي برجراك ) وتانيك (ماجدولين) في الاونة الاخيرة من مدة طويلة ما قريتش
اكثر حاجة عاجباتك في المنتدى؟؟؟
عجبني اكثر في المنتدى تفاعل الاعضاء مع المواضيع ومناقشاتهم يعني هنا كاين اعضاء روووعة بزاف يعجبوني ونحب ديما نشوف ردودهم ومواضيعهم

شكرا ليك ختي نتمنى وفيت في الاجابة على تساؤلاتك سعيد بالرد عليك ... صح سحوووورك
​

 

[قرصان الساحل]

رد: سهرة الثانية......... قهوة وتاي

السلام عليكم
جيت روطار والغاشي راه هنا سهران
ايا بصحتكم
وانت يا خويا هشام وحد الاجوبة عندك كارتية ههه
صحا سحوركم وقصرتكم

وعليكم السلام مرحبا بيك خويا زورو نورت السهرة -_-
هههه والله يا انت وحكايتك مع الكوارث ربي يسترنا منهم برك
يعطيك الصحة ختي
صح سحووووووووورك
​

 

[قرصان الساحل]

رد: سهرة الثانية......... قهوة وتاي

مشكورين خاوتي لي شاركتوني سهرتي وبالاخص زهرة الزئبق فكرتك روعة
باقي ليا تحدي العضو سكر وكذلك الكلمة الختامية نخليهم للصباح كي ندخل ان شاء الله
الباب في الموضوع مفتوح لي يحب يشارك حتى لغدوة وين يجي عضو جديد
الى ذلكم الحين صح سحووووركم
تحياتي
​

 

[minouuucha]

رد: سهرة الثانية......... قهوة وتاي

انا ضيفتكم اليوم:thumb_up02::thumb_up02::thumb_up02::thumb_up02:

 

[جليلوس]

رد: سهرة الثانية......... قهوة وتاي

السلام عليكم
نهاركم مبروووك وصحا رمضانكم وكل عام وانتم الى الله اقرب
خويا هشاااام مزينها قعدة اليوم معااااك .... خسارة فاتتني اللمة لبارح مادخلتشعندك الزهر
كووووون قشرتك :p هههههههه .... ليليا خبريه خبريه =D
ههههههههههه عجبتني ردودك واجاباتك يعطيك الصحة بورك فيك
حقاااا كنت بانسقسيك ونسيت ..... خلى كي نتفكر نوليلك قبل مايغلقو الموضوع
خيك جليلوس

​