سهرة الثانية......... قهوة وتاي

رد: سهرة الثانية......... قهوة وتاي

السلام عليكم وعليكم السلام ختي اللؤلؤة الزرقاء هكدا ياك من السكات باينة لحالة خاوية ديما زهري مسود هههههه مانلحقش يالماء كي يكون يغلي حتى تنشف الحالة هههههه ههه المهم لحقتي خير من مكانش هي نورمالمو السهرة في الليل مي احنا خليناها باه لي زهرهم مسود كيفك يلحقو ههه
خويا قرصان الساحل متشرفة بيك عرفنا عليك أمور الله يبارك ومرحبا بيك هنا اللمة لمتنا كامل
الشرف ليا ختي .. يبارك في عمرك وايامك حتى انا لقيت روحي معاكم
نتمنى تشوف منا غير لخير الخير مني ومنكم ان شاء الله
وصراحة وانا نقرى فالردود قتلتوني بالضحك ههه ايا مليح كي ضحكتي معانا هداك الصح
اختك دارهم صوطات هاذي 3 ايام سلامة ويفي جارتي نديباني بيه بالاك نسلفو خيط ونرجع نكونيكتي عادي
الله غالب الكونيكسيو ثقيلة
معليش ربي يخلف عليكم هادي حال افريفيا ديما عندنا مشكل مع الكوناكسيو لا احنا نتفاهمو معاها لا هي تتفاهم معانا
نتمنى نتلاقاو فمواضيع اخرى ايه ان شاء الله يشرفني نتلاقاو ونتناقشو ختي
فهمت من شخصيتك انسان ماشاء الله وكيما نقولوها حنا فحشوش بخفة دمك تجبد بزاف الناس ليك
ربي يحفظك ويحفظك ختي ايه كيما قلت على شخصيتي البساطة عنوان حياتي ديما وابدا ربي يهنيك والله شرف ليا
صح رمضانك وصح فطورك الله يسلمك وانت زادا

ختي اللؤلؤة الزرقاء حتى الزرقاء وتعمدتي تكتبيها غالطة ههه ... والله يعطيك الصحة شرفتيني بكلامك عليا وربي يزيد يلاقينا في مواضيع اخرى ان شاء الله
وصح فطورك ختي .. رمضان كريم
تحياتي

 
رد: سهرة الثانية......... قهوة وتاي

مساء الخيــــٍر مساء النور اهلا اهلا اي جات لي كنت نحكي عليها
وش جاك راح تفطر هنا واقيل هه ايه لو زعما جا كاين الفطور نقول لالا اي باينة نفطر -_-
اولا بصحتك الكوستيم الفيولي خرج عليك حطة ههه يا ودي اخطينا حنا قراصنة خاطينة الكوستيم غير تاع لاكوست ولاريني هه
ثانيا : " ( الثقل و الرزانه والهدوء والفرفشه ) تجتمع في العضو هادو كامل في هاديك لي يسموها اميرة روباص رورو المدعو زورو -_- "

احم احم حشمتني الحق خخخخ ايه ولا راني غالط وين حطيناك لقيناك في الضحك في الصح اووو ما طلقتي والو انت
بصح برك زورو وش دخلو لا علاقة لي بيه ههه معرف من نهار لول كي شفت اسمك قريتو زورو رورو ولا زورو كيف كيف الفرق نقطة وانا عجبني اسم زورو جا عليك

كاين برك سؤال كلاسيكي منعرف ادا سقساوك ولا لا حتى ادا سبق وجاوبت عليه عاود جاوب معليش راني فاشلة باش نرجع نحوس فالصفحات ههه
كيفاش تعرفت على اللمة ؟؟ زاد شفتك دخلت ديراكت تمنشر وكلشي ملا شكيت فيك من متابعي كوكب اللمة من بكري خخخ
ههه وش تسمى انت فاشلة قالولك عليا انا باتمان انا تاني فاشل ومش قادر نتحرك ههه نقسر برك ايه السؤال جاوبت عليه في رد على سكر ويمكن الخط صغير ما انتبهتيش ليه دوك نجيبلك الرد نفسو هنا واقراي برك ولا كي تقراي تعياي نولي نقرالك انا ههه .. اما بخصوص المتابعين ما كنت من المتابعين دخلت ديراكت في صلب الموضوع ههه اي ليك الحكاية ...

ايه لازم نرجع للخلف شوية باه نحكيلكم حكاية كيفاه عرفت هذا المنتدى
من حوالي 5 سنين فاتت تاريخ اخر تسجيل ليا في منتدى حتى جيت هنا كنت مسجل في منتدى اسمو جزائرنا المهم مطولتش بزاف دابزت مع واحد مشرف عام ثماك علخاطر تكلم كلام مش محترم مش ليا أنا مي أنا ما سكتش عليه أيا رحت لقسم الشكاوي هزيت وش قال في الارشيف وقلتلهم هذا لازم يتعاقب وما يشرفش منتداكم يكون مراقب عام .. المدير حاب يكالمي الحالة انا قتلو والله منسكت عليها المهم دينا وجبنا في الهدرة حتى انا قتلهم اي ليكم يا لي متحشموش ورحت ...ايا جا ليا واحد المشرف عام تماك اسمو يونس الصديق قالي اصبر معاك حق خليها عليا المهم ومبعد ردوه عضو عادي ومبعدا حكى معايا هدا يونس وقالي ان منتدى جزائرنا يكوبي على منتدى اسمو اللمة لي كان هو مسجل فيه وقالي اني نعاون في منتداكم المهم انا وقتها عطاوني الاشراف ومبعد كرهت حبست المنتديات دوك ليام مريح مع راسي جات في بالي هاد الحكاية وجيت للمة لي قالي عليها هدا الاخ يونس الصديق


زورو متى اهل لا يعرف الوجل زورو خير الفرسااااااااان .. جايني مع العشية يقلي فاشل مش قادر يقلب الصفحات .. هاي الناس لي تعبها رمضان ناس تصوم صح اخخخ
صح فطووووووورك ختي .. راكي عجبتيني مش طالقة والو

 
رد: سهرة الثانية......... قهوة وتاي

شحــــــــــــــــــآل في عمرك ؟
26 سنة
شحـــــــــــــال حاب يكونوا عندك الذراري ؟
6 لحب ربي
واش تحب تسميهم ؟
مش نخمم خلاص في هذا الامر حتى نجيب امهم ومبعد ساهل كي يزيد نسموه بوزيد
مواصفات الزوجة المستقبلة ؟
والله مش عارف وش نقلك لازم شعر صفر والعين زرقة وكل صبع بصنعة وتعرف دير كلش وتقول ايه وخلاص اخخخخخ

صحيتي ختي عاشقة الجنة على مشاركتك لينا هادي السهرة .. نتمنالك كل التوفيق
صح فطورك .. تحياتي

 
رد: سهرة الثانية......... قهوة وتاي

ايا صحا مالا سؤال واحد برك و راحت عليك حبة القلب اللوز :p

لوكان جا كاين منك واح آخر ..بالعربية الفوطو كوبي تاعك تتلاقاه اسكو تقبل تولي صاحبوا ؟؟

هههه كي شغل السعيد هيب هوب خخخ لي شافها يدير جام سون سمير :d

المهم تجاوب بالصحة و الهنا و صح فطورك

تحياتي أخي الكريم :regards01:




واش راكم يات العميد مع عمر غريب وشاوشي وش زاد دار ثاني
وتقولونا المرحوم خلاها وصية ومش عارف -_-
تسمى ناس كامل تعرف السعيد هيب هوب غير انا معليش


لوكان جا كاين منك واح آخر ..بالعربية الفوطو كوبي تاعك تتلاقاه اسكو تقبل تولي صاحبوا ؟؟

ههههه والله مليحة هادي استناي نخمم
ايه نصاحبو وش بيك انا انسان هايل قازوز انا اشرب وازيد واستمتع من فوق
يخي مهبولة باه نيماجينيها حصلت
يعطيك الصحة يا الفيولا .. وصح فطووووووووورك
حبة قلب اللوز جيبيهالي من بعد -_-

 
رد: سهرة الثانية......... قهوة وتاي

jmx98366.gif





ضيفي المميز هنا

xxl98366.gif




انت وزهرك




انت وزهرك يا هش هش ومانعرف ليليا واش مخبيتلك
يا زهرك يا حسن زهرك يا سوادو
ربي وحدو عالم وحتى نا مش عارفة من بعد راحين نعرفو ممكن فآخر السهرة ممكن فاولها المهم وجد روحك
وانت وزهرك

حاولت نطيح ضيفي فالشبكة وطلبت من خونا مالك يراسلو ويقلقو مي خونا هشام فايق وعرف المقلب
مي انا اليوم حاوت اخر محاولة اني نتقلق عليه وهاهي رسالتي معاه ونجحت

إقتباس: المشاركة الأصلية أضيفت بواسطة: زهرة الزنبق
هشام على سلامتك خويا
مي خويا راك طولت مورمالمو دير الكلمة الختامية حتى نبدا السهرة الدوزيام
ماراكمش فاهمين الموضوع كامل

ماشي مشكل حقك عليا اهم هوما يردو ما خليتهاش في خاطرهم
دوك نختم موضوعي


إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: قرصان الساحل
إقتباس: المشاركة الأصلية أضيفت بواسطة: زهرة الزنبق
هشام على سلامتك خويا
مي خويا راك طولت مورمالمو دير الكلمة الختامية حتى نبدا السهرة الدوزيام
ماراكمش فاهمين الموضوع كامل


ماشي مشكل حقك عليا اهم هوما يردو ما خليتهاش في خاطرهم
دوك نختم موضوعي

وااااااااااااااااااااع واخيرا صيدتك فالكاميرا كاشي
هههههههههههههههه كمل براحتك
كنت عارف بلي كاميرا كاشي وزيد انا من بكري كنت راح ندير الخاتمه هاهاها
ما تحكمونيش من قبيل نستنى فيك ديري جاست


نونونونو راهي كاميرا وراك ما فقتش ونخلي الاعضاء يحكمو كان صح فقت او لالا
المهم انا درتها وانت ما فقتش


 
رد: سهرة الثانية......... قهوة وتاي

حاولت نطيح ضيفي فالشبكة وطلبت من خونا مالك يراسلو ويقلقو مي خونا هشام فايق وعرف المقلب
مي انا اليوم حاوت اخر محاولة اني نتقلق عليه وهاهي رسالتي معاه ونجحت

إقتباس: المشاركة الأصلية أضيفت بواسطة: زهرة الزنبق
هشام على سلامتك خويا
مي خويا راك طولت مورمالمو دير الكلمة الختامية حتى نبدا السهرة الدوزيام
ماراكمش فاهمين الموضوع كامل

ماشي مشكل حقك عليا اهم هوما يردو ما خليتهاش في خاطرهم
دوك نختم موضوعي


إقتباس: المشاركة الأصلية أضيفت بواسطة: زهرة الزنبق
إقتباس: المشاركة الأصلية أضيفت بواسطة: قرصان الساحل
إقتباس: المشاركة الأصلية أضيفت بواسطة: زهرة الزنبق
هشام على سلامتك خويا
مي خويا راك طولت مورمالمو دير الكلمة الختامية حتى نبدا السهرة الدوزيام
ماراكمش فاهمين الموضوع كامل


ماشي مشكل حقك عليا اهم هوما يردو ما خليتهاش في خاطرهم
دوك نختم موضوعي

وااااااااااااااااااااع واخيرا صيدتك فالكاميرا كاشي
هههههههههههههههه كمل براحتك
كنت عارف بلي كاميرا كاشي وزيد انا من بكري كنت راح ندير الخاتمه هاهاها
ما تحكمونيش من قبيل نستنى فيك ديري جاست


نونونونو راهي كاميرا وراك ما فقتش ونخلي الاعضاء يحكمو كان صح فقت او لالا
المهم انا درتها وانت ما فقتش


هههه والله لباينة ديجا من قبيل نستنى فيك ايا ما حبيتش برك نخسرهالك كي انت كي سكر خاطيكم كاميرا كاشي
ههههه مي ضحكتيني كي جبتيها تجري هنا تحساب صيدتي السبع مكان والو
والاعضاء يحكمو ايه

 
رد: سهرة الثانية......... قهوة وتاي

هههه والله لباينة ديجا من قبيل نستنى فيك ايا ما حبيتش برك نخسرهالك كي انت كي سكر خاطيكم كاميرا كاشي
ههههه مي ضحكتيني كي جبتيها تجري هنا تحساب صيدتي السبع مكان والو
والاعضاء يحكمو ايه

نونونو صج باينة انك امنت اني زعفت كي كولت وقتلي حقك عليا ماكان حتى دليل تبين انك تساير فيا وعلاه تساير فيا مهبولة
المهم انت امنتها معليش ما تقرش
نشوفو اللي يقراوها كان يصدقو ردك او لالا
وي جيت نجري هههههههههههه اكيد سبع املا كيفاه رانا نلعبو
لا صيدت سبع سي سور هذي اييه انا قلت درتها وانت قلت لالا نخلو اللي يقراو يعرفو اذا انت امنت او لالا
 
رد: سهرة الثانية......... قهوة وتاي

ضيفي الكريم
لازم تكمل كل فقرات الموضوع معناها مزالتلك مناضرة مع خونا سكر اذا ما درتوهاش كملوها راح نخلي الموضوع ونتوما براحتكم لما تكملوها راحين نقفلوه وشكرا ليك
نشكرك بزاف على وقتك وعلى روعة اجوبتك والاهم على قبولك الدعوة وكنت ضيف مميز وسهرة هايلة
وراح انا ننتقل نحضر للسهرة الثالثة
شكرا ليكم
 
رد: سهرة الثانية......... قهوة وتاي

الكلمة الختامية

خاوتي خواتاتي المشاركين في السهرة الى هنا اصل بيكم الى نهايتها ههه اهم من فوق قالولي يا خويا راك طولت خلاصو دراهمك وانت مزالك تهدر ما تسكتش
المهم في الختام نتمنى كل من تابعنا نالت اعجابو السهرة وهادي الفكرة يرجع فيها الفضل للأخت زهرة الزئبق وانا شخصيا عجبتني الفكرة وهنا نفتح قوس ونشكر زهرة صاحبة الموضوع يعني رغم الظروف الصعبة لي تمر بيها والمرض والصيام ونشوفها واقفة على موضوع بهاد المستوى وتضحك معانا والله نقلك كلمة وحدة بارك الله فيك اختي
كل من شاركني هنا باعجاب برد بكلمة ولو كزائر تشرفت بيكم واستمتعت معاكم حقيقة .. هه ولو سكر تحديتو وهرب ونعتبر نفسي فائز في التحدي .. انصب نفسي فائزا على البساط 3-0 لهروب السكر خوفا من هزيمة نكراء ههههه
ايه قبل ما نختم خاوتي حبيت نقولكم حاجة احنا هنا رانا خاوة مش عارفين شحال نبقو مع بعضانا يمكن انا نزيد شهر زوج بلاك عام المهم يجي نهار نروحو .. وديجا كامل مريتو هنا على اعضاء وفجاة ما بقاوش لظروف الحياة .. استوقفني مرة حكيم في مدونة تاعو حكى على عضوة غادرت وتكلم عليها بأسى تحس بلي تأثر صح .. ونزيد نقلكم انا تانيك واحد المرة عرفت عضوة من سنين في منتدى عندها 5 سنين المهم هادي كانت اخت صح بكل ما تحملو الكلمة .. كانت اكبر مني المهم واحد المرة والله صدفة رحت لقالمة للحمامات وفي نفس اليوم هي تاني راحت مع عايلتها تماك وكنت زرتها هي وعايلتها .. ودوك تزوجت وانقطع الاتصال المهم ربي يسهل ليها .. حبيت نقول ان الدنيا قصيرة واي واحد قادر يجي يوم ويروح ومش راح يزيد يرجع مرة اخرى .. وعمرك لا تشوف المنتدى ان ناس وراء الشاشات راه كل واحد ومشاكلو وكل واحد وظروفو .. لازم ديما نلتمس الاعذار مهما كان والواحد يكون قلبو كبير صح نقسرو ونضحكو مي جامي لا تخلي روحك تقيس ناس بكلمة ... باه نهار تمشي منا تروح وانت نظيف كامل ناس تذكرك بالخير.
هادي رسالتي الختامية لي نبعثها ليكم ونقولكم بارك الله فيكم على حسن الضيافة تشترفت بيكم كامل كل واحد واسمو وصحا فطوووووووووووووووووووووووووركم
تحياتي

 
آخر تعديل:
رد: سهرة الثانية......... قهوة وتاي

كلمة ختامية مني :
انا بداية نشكر ضيفي هشام انو قبل الدعوة والله يبارك كانت سهرة من اروع ما يكون
ونشكرك على كل كلمة ونشكرك لانك شجعتني نكمل الموضوع رغم اني كنت قررت نوقفو
ونشكرك على دعمك المعنوي ليا دايما ربي يخليك ويجازيك يا رب والصراحة منين نحكي معاك ونتواصل معاك نعرف انو فبلادنا كاين ولاد اصل وناس متربية والصورة اللي الله غالب المجتمع خلانا ندوها على بعضانا ماكانش منها
ديما كيما قلت نت من الواحد يفارق هذي دنيا راح يتفكر ناس كانو ملاح معاه واكيد انت واحد منهم خويا هشام
نشكرك على اخلاقك الرفيعة وتواضعك ورقتك وتميز القلم نحييك على افكارك وانا نحب الناس اللي تكتب وتبدع وانت من اروع الناس اللي تلاقيتهم فالميدان هذا نحييك ونقولك واصل واكتب لانو فعلا راك راقي بافكارك
كل من شارك نشكركم بزاف لانو كل ما نشوف ردودكم وتفاعلكم والله نحس تعبي ماراحش خسارة
الهدف انو نتلمو ونسهرو ونتعرفو على بعضانا فجو عائلي وهذا اللي كان فسهرة خونا هشام
ونتمنى تلتحقو بنا الليلة مع ضيف جديد
شكرا ليك خويا هشام وفرصة اخرى وصحا فطور الجميع
 
رد: سهرة الثانية......... قهوة وتاي

السلام عليكم
والله يا خويا هشام مريحتش هذا وين دخلت لدار
الله غالب البارح مقدرتش نزيد نسهر باش ندير التحدي قلت الصباح مي مريحتش ليوم كامل

ربي يحفظك خويا هشام
وهاذيك الموصيبة مازالني شافيهالها تخلصها غاليا هههههه
سلام
 
رد: سهرة الثانية......... قهوة وتاي

زورو متى اهل لا يعرف الوجل زورو خير الفرسااااااااان .. جايني مع العشية يقلي فاشل مش قادر يقلب الصفحات .. هاي الناس لي تعبها رمضان ناس تصوم صح اخخخ
صح فطووووووورك ختي .. راكي عجبتيني مش طالقة والو


ميستر جاك خاطيه لاريني خخ بالعكس يلبس غير الخرابيش حاجة من وحاجة من وروح
على فكرة انا من عشاق هاد لاكتور وافلامو كارثي تع صح وسيرتوا لفيلم لي يعجبني وديما نعاودلو Black Pearl

كاش كي الانسان brassé خخخ وين تروح تلقاني ونفهم في كلش فالشمس فالبرق فالرعد المهم حاضرة كل وقت وحين خخخخ
ايه كي قلت يونس الصديق كنت حا نقولك هدا عضو لماوي خخ اكتشاف عظيم
ايوا ملا ربي يحفظك الاخ يونس لي عرفنا باخ كيفك احم تع ضحك وتمسخير وقصرة وهدرة كارثية هههه
اه هنا راك جبتها تع صح تعبني الصيام سيرتو الساعات الاخيرة هلكت هه جيت نكمل وقت الاذان هنا باش ننسى شوي ههه

هايا يعطيك الصحة على رحابة الصدر
صحا فطورك ربي يتقبل منك
( برك نقص من الدخان اك تعرف وش يدير )
 
رد: سهرة الثانية......... قهوة وتاي



سهرة رائعة
فاتتني معليش

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top