يحسرآه على هآذوكـ ليآمآت { مسابقة مهبول ومهبولة }

[بثيــــنة 19]

السلآم عليكم ورحمة الله تعآلى وبركآته

صحآ رمضآنكم وصحآ فطوركم

إن شآء الله تكونــــوآ بخيــــــر


لبآرح كنت رآيحة نرقد تفكرت حكآيآت منين كنت صغيرة قعدت نضحكـ وحدي كي لمهبولة ههههههه

آيــــآ قلت نحكيلكم تضحكوآ شوية

كنت نقرا في الابتدائي سنة الثالثة
ها سيدي قررت نصوم

رحت نقرا الصباح وانا ميتة بالسعادة ونفوخ على صحباتي بعدوا بعدوا راني صايمة

وكنت انا الصغيرة فيهم دخلني بابا نقرا قبل الوقت مآ شبعتش لعب هههههههه

المهم دخلنا للقسم وكنا نقعدو طفلة مع طفل

وزميلي عبد المجيد الله يذكرو بالخير لي بالمناسبة كنت نعيطلو عمي عبد المجيد

كنت دايرا في بالي بلي لي اسمو يبدا ب عبد لازم نعيطلو عمي

ومنين نقولو عمي عبد المجيد يقرصني من خدي ويقولي مانيش عمك

لا علينا قعدت في هذاك النهار مع السي عبد المجيد وقاعدة نعيطلو بالشوية عمي عبد المجيد راني صايمة

ماقيمنيش خلاص

وهكا شوية لقيتو حاط فوق الطاولة ممحاة

وحنا كنا دايرين الدالة كل يوم نتقاسمو ممحاة وناكلوها في هذاك اليوم كانت الدالة تاع الممحاة تاعو

ها عينينا ترسمو فيهم قلوب منين شفت هذيك الممحاة

راني نشفالها مليح

لونها غوز كلاغ وجاية شكل مربع صغيرة تسخف تسخف ههههههه

قتلو عمي عبد المجيد هيا ناكلو ممحاة تاعك

قالي تزيدي تقوليلي عمي نقول لسيدي المعلم

قتلو خلاص ا عمي عبد المجيد منزيدش نقولك عمي

بصح أعطيني شوية ممحاة

قآلي يخي راكي صايمة

قتلوآ مانيش صايمة على الممحاة صايمة على لماكلة برك

وتقاسمناها وكليناها

ياي بنينة تسخف هههههههههه

وكملت صيامي الجميل

وخرجنا للراحة لقيت صحباتي عندهم زلابية صابحة وحكمتني السخفة من جديد

وشبعت زلابية صابحة وكي قالولي ياا راكي فطرتي !

قلتلهم مانيش صايمة على الزلابية

وروحت للدار فرحانة ونقولهم الصيام هايل ماهوش واعر خلاص

مانيش جيعانة

وليسطوما مسكينة راهي تحت تأثير الصدمة تاع الممحاة والزلابية الصابحة مع صباح ربي هههههههه

قعدنا ها سيدي فوق الطابلة نفطرو وكلش حطوه قدامي زعما اول مرة نصوم

شوية هكا وقلت لبابا

باااباااا اشريلي 5 ممحاوآت (زعما باش نفوخ شوي على عبد المجيد وناكلهم )

تشوكا بابا قالي 5 لاه وش راكي ديري بيهم ! تاكلي فيهم ؟

ماجاوبتوش

قالي وش راكي ديري بالممحاوات ماتقوليليش مزلتي تاكلي فيهم

قتلو من هاذيك لخطرة ماكليتش بصح ليوم برك كليت نص ممحاة

قعدو غير يضحكو عليا

وماما قاتلي الله الله على صيامك،،وزيد تبلعي كلش حتى الممحاة ؟؟

قاتلي زيدي قولينا وش كليتي؟

قلتلها كليت شوية زلابية برك

قالي بابا صحيتي لفحلة كملي لعشا مش لفطور ومبعدا نتفاهمو

وديت طريحة حلوفة علاجال ماكلة الممحاة

ومن هاذاك النهار مازدتش كليت حتى ممحاة ههههههههه

وزميلي عبد المجيد كل يوم يسخفني بيها بصح نتفكر الطريحة تروحلي السخفة

بصح كنت دبدوبة ومpنpنة الله الله

و منين حبست مآكلة الممحاة وليت سكولآت

وعمي عبد المجيد بسلآمتو مدحدح ودآير لخدود من مآكلة الممحآوآت ههههههههههه

الله يذكروآ بالخير من أيآم الطفولة الجميلة مآزدتش شفتوآ

وهآذي حكآية من حكآيآت لهبآل تآع طفولتي

نلتقي في حكآيآت أخرى إن شاء الله

صحآ سحوركم


دمتم في رعآية الله وحفظه

​

 

[الزهرة الحمراء]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم أختي آكلة الممحاوات آه قصدي بثينة هههههه
واش كاش ممحاة هاربة هكا ولا هكا علابالي كانو يجو بنان فيهم ريحة مليحة وهاذاك اللون تحسيهم تقول كاش كبة حلوة خخخخخ
ملاحظة عجبني صيامك بزاااف كليتي ماكلة الشعب كامل وانت مازلتي غير صايمة خخخخخ
سؤال يادرا عمي عيد المجيد مازالو ياكل الممحاة ولا حبسها خخخخخخ
يعطيك الصحة حبيبة
وتحياتي ا مهبولتنا ​

 

[ضآحكة مستبشرة]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم بثينة
صح فطورك ختي
هههههههههه ههههههههه هههههههههههههههه
يا عمري على لممحات لغوز كلاغ شهاني لونها برك خخخخ
و الله عليك يا ببونة شبعتي ممحوات يا المكراشة
و على جال عمك عبد المجيد كليتيهم بصحتك الطريحة و الزلابية هههههه
ضحكتيني ختي
رانا نستناو فيك في اعداد القادمة​

 

[أشــواق 19]

رد: يحسرآه على هآذوكـ ليآمآت { مسابقة مهبول ومهبولة }

ههههههههههههههههههههههههههههه والله يا عمي عبد المجيد مزال نشفالو مليح كان دحدوح وخدودو حومرر
كنت صغيرة مي نشفاا على طريحة لديتيها
شح تستاهلي يا مجنوونة

 

[لؤلؤة قسنطينة]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم
هههههههههههههه الله يعطيك الربح قتلتيني ضحك
بوفينة يا بوفينة وحدك صح والله يفرحك ويحميك، والله حتى فجأة جاتني الفخة على الممحاوات
واقيلا غدوة ندير فيها طاجين الممحاة ونحي السخفة ههههه
ولي عجبتني تاع لي اسمهم عبد تزيديلهم عمي ههههههه والله يا بثينة عندك واحد الخيال ما ش غير واسع
والمشكل فو هاد الشي كامل مازالك صايمة ههههههه يا وخدي كن يسمع راجلك بلي تاكلي الممحاوات :d
غير نضحك وربي يدوم الضحكة ان شاء الله
ننتظر باقي مواضيعك
تحياتي
​

 

[الحلم الوردي]

رد: يحسرآه على هآذوكـ ليآمآت { مسابقة مهبول ومهبولة }

السلام عليكي
اهلا اختي بثينة
صحا فطورك حنونة
ايه نتاع الصح قتلتيني كي قولت تاكلي الممحاة و تتقاسميها
مع عمك عبد المجيد
وكل مرة دالة واحد فيكم
ولونها تانيك مليح
وكمليتيها كي كليت الزالبية
مي نتاع الصح الطفولة فيها مواقف يبقاو
توجور في بالك ومين ذاك تضحكي وحدك
والله ياحسرا على ايامات الطفولة
عجبتني كي حبستيهم وليت سكولات
هههههههه
الله يحفظك حبوبة
ضحكتيني من قلبي
بالتوفيق لكي ان شاء الله
​

 

[AmiR@RoRo]

رد: يحسرآه على هآذوكـ ليآمآت { مسابقة مهبول ومهبولة }

ههه والله يا ببونة ادا كان صيام هكا ما يخصنا والو
اشبع ما وقال مانيش صايم على الما ههه
مدام الممحاة راها تبنبن ملا خلاص ورا رمضان ندخلوها غي ماكلة تع ممحاة باش نعوضو وش نقصنا في رمضان هههه
يعطيك الصحة بثينة

 

[Skor m@k]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم
والله يا ختي بوثاينا غير ضحكتيني الليل يا اليل نضحك وحدي
بصح الميمحا تاع بكري وحدهم مكاش لي مكلاهمش
انا هذيك الحمرة والزرقة كنت ناكلها هههه بصح الزرقة مووورا ههه
بصح نتي ديgاا تطلبي 5 ديراكت تاع الميمخا مرgتيها
بصح عجبتني حاجا هنا
اسمحيلي ختك راهي هنا تستشفى فيك على الطريحة لي خضيتيها ههههه
احم احم نgسر ختي اشواق هههه
مزيا عمي عبد الحميد جا عاقل لوكان هكذاك صومبلا عليك بكورسي هههه
طفل قد مكاش عمي هههه شرف قبل الاوان هههه
يعطيك الصحة ختي
تضربي مووووودا متدخليش مي نهار جي تنحينا الغمة هههه
سلام​

 

[Mafia-beo16]

رد: يحسرآه على هآذوكـ ليآمآت { مسابقة مهبول ومهبولة }

اهلا بثينة ختيتو واش احوالك
صحة فطورك
هههههههه والله يا الممحة لوكان يديرولك ليزاناليز يلقاو غير الممحواة بكل الالوان و الاذواق هههههه
بصحتك

 

[tistissa dj-tissou]

رد: يحسرآه على هآذوكـ ليآمآت { مسابقة مهبول ومهبولة }

هههههههههه نسقسيك انت صحيحة ولا لا ههه
والله متت بالضحك على حكاية الممحاة قوليلي واش البنة اللي كانت فيها حتى تضالي تاكلي فيها.....
واسك ضرك صحتك راهي مليحة والله حيرتيني ذوك تاثر فيك المحاة وتولي ماتبانيش انفيزيبل هههه
يعطيك الصحة على الحكاية الضريفة ومادابيك تزيدي تزهينا بكاش حكاية شابة كيما هاذ
سلامي
​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم أختي آكلة الممحاوات آه قصدي بثينة هههههه
واش كاش ممحاة هاربة هكا ولا هكا علابالي كانو يجو بنان فيهم ريحة مليحة وهاذاك اللون تحسيهم تقول كاش كبة حلوة خخخخخ
ملاحظة عجبني صيامك بزاااف كليتي ماكلة الشعب كامل وانت مازلتي غير صايمة خخخخخ
سؤال يادرا عمي عيد المجيد مازالو ياكل الممحاة ولا حبسها خخخخخخ
يعطيك الصحة حبيبة
وتحياتي ا مهبولتنا ​

وعليكم السلام ورحمة الله تعالـــــى وبركآته

أهلآ أهلآ بحبيبة قلبي ماجوجو
صحآ فطوركـ
هههههههههه عجبتني أختي آكلة الممحآوآت حسيت روحي ديناصور صغير :p
يآ خيتي مش غير بنآن يآآآو يسخفوآ بصح دآرهآ بيآ بآبآ وآلطريحة تآعو ولآ رآني مزلت نعلف فيهم هههههههه
ههههههههه هآكي تشوفي صيآم لعجب،،صآيمة على مآكلة وفآطرة على الممحآة وآلزلآبية آلصآبحة
عمي عبد المجيد على لي شآفو منين كنآ صغآر مآتلآقيتوش بصح كآن مدمن ممحآوآت بسلآمتو
أنآ كنت نذوق برك بصح هو يشبع ههههههههه
نوّرتيني بمروركـ آلعطر غآليتي
ســــــلآمي :love01:​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم بثينة
صح فطورك ختي
هههههههههه ههههههههه هههههههههههههههه
يا عمري على لممحات لغوز كلاغ شهاني لونها برك خخخخ
و الله عليك يا ببونة شبعتي ممحوات يا المكراشة
و على جال عمك عبد المجيد كليتيهم بصحتك الطريحة و الزلابية هههههه
ضحكتيني ختي
رانا نستناو فيك في اعداد القادمة​

وعليكم السلآم ورحمة الله تعآلـــى وبركآته

عيشكـ حبيبتي أسمآء وأنتي زآدآ
ههههههههه ممحآة غوز كلآغ فخآمة الإسم تكفي والبنّـة مآنحكيــش :p
ربـــي يدوم ضحكتكـ غآليتي وربي يفرحك بآلبآك إن شآء الله
يعطيكـ آلصحة على مروركـ آلبآهي
سلآمـــــي :love01:​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

ههههههههههههههههههههههههههههه والله يا عمي عبد المجيد مزال نشفالو مليح كان دحدوح وخدودو حومرر
كنت صغيرة مي نشفاا على طريحة لديتيها
شح تستاهلي يا مجنوونة

ههههههههههههههه إشراق رآكي تشفآي نهآر كسرتلوآ القلم الأخضر تآعو وش دآر فيآ
وتشفآي نهآر شفتيه ف الطريق وعيطتيلوآ عمي عبد المجيد وجآ يجري مورآك هههههههههه
شح فيكـ وأنتي لاه تعآندي فيآ
هههههههه أنآ ثآني مزلت نشفآ على هذيك الطريحة مليح منين نشوف ممحآة نتفكرهآ
هيآ صحيتي الفحلة على المرور :p​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم
هههههههههههههه الله يعطيك الربح قتلتيني ضحك
بوفينة يا بوفينة وحدك صح والله يفرحك ويحميك، والله حتى فجأة جاتني الفخة على الممحاوات
واقيلا غدوة ندير فيها طاجين الممحاة ونحي السخفة ههههه
ولي عجبتني تاع لي اسمهم عبد تزيديلهم عمي ههههههه والله يا بثينة عندك واحد الخيال ما ش غير واسع
والمشكل فو هاد الشي كامل مازالك صايمة ههههههه يا وخدي كن يسمع راجلك بلي تاكلي الممحاوات :d
غير نضحك وربي يدوم الضحكة ان شاء الله
ننتظر باقي مواضيعك
تحياتي
​

وعليكم السلآم ورحمة الله تعآلـــى وبركآته

أهلآ حبيبتي مريم
صحآ فطـــوركـ
ربي يدوم ضحكتكـ غآليتي وأضحكي بآلشوية بركـ مآتموتيش رآنآ مآعندنآش منكـ عشرة
بوفينة هآذي قصّتهآ وحدهآ مزلتي تشفآي عليهآ هههههههههه
يعيشكـ حبيبتي وربي يفرحكـ أنتي ثآني ويحميكـ ويخليكـ لينآ وللنآس لي يحبوكـ
ههههههههههه عجبني طآجين الممحآة،،بينآتنآ بركآ هيآ نجربوآ دويدة بالممحاة هههههههه
هيه كنت دآيرآ في بآلي لي اسمو عبد نقولولو عمي،،يآو حتى يكون بيبي نقولو عمي ههههههههههه
آآآه يآ البرآءة وقيلآ هذآ هبآل مش برآءة هههههههه
رآجلي منين نحكيلوآ على مغاماراتي تآع الطفولة يقولي أنتي كنتي رسوم متحركة عايشة في عآلم وحدك ههههههههههه
نوّرتي موضوعي بمروركـ آلعطر غآليتي مريم
سلآمــــي :love01:​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

السلام عليكي
اهلا اختي بثينة
صحا فطورك حنونة
ايه نتاع الصح قتلتيني كي قولت تاكلي الممحاة و تتقاسميها
مع عمك عبد المجيد
وكل مرة دالة واحد فيكم
ولونها تانيك مليح
وكمليتيها كي كليت الزالبية
مي نتاع الصح الطفولة فيها مواقف يبقاو
توجور في بالك ومين ذاك تضحكي وحدك
والله ياحسرا على ايامات الطفولة
عجبتني كي حبستيهم وليت سكولات
هههههههه
الله يحفظك حبوبة
ضحكتيني من قلبي
بالتوفيق لكي ان شاء الله
​

وعليكم السلآم ورحمة الله تعآلى وبركآته

أهلين غآليتي ملآكـ
عيشكـ حبيبة وأنتـــي زآدآ
هههههههههه هيه كنت نتقآسم الممحآة مع عمي عبد آلمجيد يآآآو وحد الشعور يسخّـف
بصح كآن ديمآ يدي هو كثر منّـــي يحقرني كي جآ كبير عليآ ههههههه
إيـــه يحسرآآه على يآمآت الطفولة،،أجمل الأيآم والله منين نقعد وحدي نتفكر هآذوك المغآمآرآت ونولي غير نضحك هههههههههه
ربي يدوم ضحكتكـ حبوبتي وربي يفرحكـ
نوّرتــــي بمروركـ آلبآهـــي
ســــلآمي :love01:​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

ههه والله يا ببونة ادا كان صيام هكا ما يخصنا والو
اشبع ما وقال مانيش صايم على الما ههه
مدام الممحاة راها تبنبن ملا خلاص ورا رمضان ندخلوها غي ماكلة تع ممحاة باش نعوضو وش نقصنا في رمضان هههه
يعطيك الصحة بثينة

أهلآ أميرة الشريرة :p ( هكآ يقولوآ لبنت جيرآنآ ههههههه )
صحآ فطوركـ حبيبتي
هههههههههههههه يآ عمري وش تعرفي تخممّــي،،عجبتني لفكرة هآذي لآزم نطبقوهآ :p
نوّرتــي بمروركـ العطر حبوبتي أميرة
ســـــلآمي :love01:
​

 

[بثيــــنة 19]

رد: يحسرآه على هآذوكـ ليآمآت { مسابقة مهبول ومهبولة }

السلام عليكم
والله يا ختي بوثاينا غير ضحكتيني الليل يا اليل نضحك وحدي
بصح الميمحا تاع بكري وحدهم مكاش لي مكلاهمش
انا هذيك الحمرة والزرقة كنت ناكلها هههه بصح الزرقة مووورا ههه
بصح نتي ديgاا تطلبي 5 ديراكت تاع الميمخا مرgتيها
بصح عجبتني حاجا هنا
اسمحيلي ختك راهي هنا تستشفى فيك على الطريحة لي خضيتيها ههههه
احم احم نgسر ختي اشواق هههه
مزيا عمي عبد الحميد جا عاقل لوكان هكذاك صومبلا عليك بكورسي هههه
طفل قد مكاش عمي هههه شرف قبل الاوان هههه
يعطيك الصحة ختي
تضربي مووووودا متدخليش مي نهار جي تنحينا الغمة هههه
سلام​

وعليكم السلآم ورحمة الله تعآلـــى وبركآته

أهلآ خويآ لوز آآآه قصدي سكّــر هههههههه :p
صحآ فطوركـ
والله يآ بوثآينآ منين تكتبهآ نحسكـ رآيح تغني الأوبرآ ههههههههه
يوووو أنت ثآني كليت الممحآة هههههه سلاآمآت مآنيش وحدي
أسكت أسكت مآتفكرنيش في هذيكـ الممحآة المستطيلة
كآن عمي عبد المجيد الحقآر يوكل النص الأحمر ويعطيني الأزرق
بصح كنت ذكية نمضغهآ برك ومآنبلعهآش هههههههههه
يآ خآه موورآ بزآف ههههههه
ووحد الخطرة قلقني عمي عبد المجيد ومآحبش يعطيني شوية من الممحاة الحمرآ أيآ وليت كليتلو الممحاة تاع قلم الرصاص تاعو ههههههه
زعمآ أنآ قلت 5 ممحآوآت بآش نفوخ شوية على عبد المجيد حتى ديت طريحة من لكبآر
وليت نسمع كلمة ممحآة ورقم 5 تحكمني الفشلة هههههه
هيه أختي البوكيمومة رآهي تستشفآ ههههه
يعطيكـ الصحة خيّــي مــــآلكـ على مروركـ البآهي
ربي يدوم ضحكتكـ إن شاء الله وركزلي على مووووودآ هههههههه
سلآمـــــي :regards01:​

 

[MAROUA HAIBER]

رد: يحسرآه على هآذوكـ ليآمآت { مسابقة مهبول ومهبولة }

ههههههههه
موفقة

 

[Naz iha]

رد: يحسرآه على هآذوكـ ليآمآت { مسابقة مهبول ومهبولة }

هههههههههههههههههه ألا انت قولتيلهم اسكتو قاع :-o
ههههههههههههه ديجا خصني وصفة باش نسمن :-r
ما لا ناكل الممحاة بصح مكانش كيما انتاع زمان :down:

صاحا ممحاتكْ أه قصدي فطوووركْ :thumb_up02::yahoo01:
​

 

[محبة الرحمان 61]

رد: يحسرآه على هآذوكـ ليآمآت { مسابقة مهبول ومهبولة }

حكاية الصغر تاعك شبعتني ضحك سيرتوو تاع الي اسمو يبدا ب عبد لازم نعيطلو عمي هههههههههههه
و الله يامات الصغر يبقو دكريات جميلة ربي يخليك ختي يطولك في عمرك ان شاء الله