جدي والثورة {مشاركتي في نهائي مسابقة مهبول ومهبولة2}

لؤلؤة قسنطينة

:: عضو بارز ::
أحباب اللمة
إنضم
13 أفريل 2013
المشاركات
14,618
نقاط التفاعل
54,535
النقاط
1,756
العمر
31
محل الإقامة
قسنطينة
الجنس
أنثى
السلام عليكم
do.php

يومكم طيب ان شاء الله

ربي يقدركم على الصيام وربي يدومها جمعتنا ان شاء الله والله لا يحرمني منكم ولا يحرمكم مني هههههه

المهم بدون مقدمات قالك احكي على الثورة، يسمى ناس هاد المسابقة راهم يلعبولنا بالمشاعر -__- حاطينا عجايز واقيلا؟ ياو مازلنا على ديدانا (عندكم تقراوها ديدان ههه خاطينا الحشرات) المهم كيما قتلكم مازالني صغيرة
do.php
وماحضرتش للثورة هيا رحت بحثت عليها عند كتاب التاريخ
do.php
لي هو جدي ههههه علابالي المعلومات لي عندو ماكانش في كتب التاريخ القديمة عندو مخ في مخو الله يبارك بصح بنكهة الاكشن الهوليودي هههه، هيا قعدت قدامو قتلو جدي لعزيز معليش تحكيلي شوي على الثورة كيفاه جازت؟

جدي كان يتفرج في اليتيمة بخشوع فجأة تحركت مشاعره ونزع نظارته وامتلأت عيناه بالدموع وبدأ يبكي
do.php
(هادا واش تحوسو غير البكا هههه علاه تبكيولنا في الراجل حرام عليكم .. هيا بدلو علينا السيناريو) المهم ماناضش يبكي شاف فيا مليح وقالي ايييه يا بنتي فكرتيني في وقت بعيييييد وين كان الرصاص يضرب وحنا نضربو، قتلو واش تضربو جدي؟ قالي نضربوها بتزغريتة هههه، قتلو جدي بدل لاشان راك غالط قتلك احكيلي على الثورة ماش على الاعراس تاع زمان، قالي اه وييي دخت تاع الصح (معا لإشهار حمود بوعلام هههه
do.php
) المهم بقا يخمم شوي وقالي فكرتيني يا بنتي في واحد الحادثة الأليمة صرات قبل 100 سنة، قتلو جدي صرات قبل ما تزيد؟، قالي قادري روحك انا الثورة حضرتلها كاملة من نهار دخلت فرنسا وانا عقابهم بالضرب حتى خرجتهم يبكيو، قتلو بصح جدي عمرك 80 سنة برك كيفاه نهار كامل ونتا مع فرنسا؟ قالي رايحة تكدبيني؟ يسما انا نكدب؟ قتلو حاشا جدي كمل برك واش صرا في هاد اليوم المشؤوم، قالي كنت يا بنتي قاعد انا وجداك في الحوش نشربو في القهوة الله الله
do.php
تعرفينا مانحبوش الكليماتيزور يدير السطر في الراس نحبو الهوا الطبيعي (يسما هاداك الوقت كان كاين كليماتيزور ؟
do.php
معليش روح برك -_-) المهم حنا قاعدين نحكيو ونشايخو حتى نسمعو الباب يطبطب الضرب قاوي على الباب هيا نضت باه نفتح الباب وانا مستعد للقتال
do.php
وفتحت الباب ونلقاهم العساكر قدام الباب كانو واحد الالفين هكاك ولا 1500 واحد ماشفيتش مليح تعرفيني ننسى، قتلو يسما جدي 2000 واحد جاو كامل باه يهزو عبد واحد؟ راهم زوج يفريوها، قالي اسكتي عليا جدك كان عنصر خطير الغاشي كامل يخاف منو ديجا جابو 2000 وندمو ماداروش حسابهم
do.php
قتلو المهم روح كمل برك، قالي امالا يا بنتي خزرت فيهم وخزرو فيا
do.php
ولمع ضوء وسط المدينة رسم نداء لمنادينا تلك إشارة باتمان ههههه، ونزدم في نصهم دزيتهم كامل ورحت نجري انا نجري وهوما يجريو انا نجري وهوما يجريو والشكارة تاع الدراهم في يدي مليار يا محاينك لداخل، جدي حبس هادي حكاية المليار راهم بداو يتخلطولك الحكايات دير ميزآجور وكمل (من هنا نستنتج بلي مؤلف قصة المليار هو جدي ههههه)، قالي هيه صح تخلطت في ليزيسطواغ المهم يا بنتي خزرو فيا وخزرت فيهم بنظرات ثاقبة ونجبدلهم الرشاش من تحت التريكو ونعطيهم
do.php
طيحتهم كامل كيما المبيد كي يقتل الحشرات ماخليت فيهم واحد انا نضرب وجداك تزغرت انا نضرب وجداك تزغرت خصها غير شطحة في النص احتفالا بالنصر
do.php
بصح جدي منين جبت الرشاش؟، يا بنتي انا كنت سبيسياليست في صنع الرشاريش .. ديجا واش هو الرشاش زوج تويوات لصقهم في بعض ودخل الرصاص وابعت لهيه، (تبا لزوج تويوات
do.php
) المهم كمل جدي واش صرا؟، قالي انا فرحان وفخور بنفسي هكاك
do.php
ويخرجلي واحد من حيث لا ادري شفتي الكلاب ضهرو جابو معاهم 2001 عبد وانا كنت حاطهم 2000 الله غالب هادي حالة لي ضعيف في الرياضيات، المهم انا فرحان هكاك ماعلاباليش واش صاري ويعطيني برصاصة للقلب حسيت الدنيا تدور بيا هيا وطحت في الأرض
do.php
وسط الدماء وجداك كملت تزغرت خاطر راجلها راح شهيد .. وواش تحبي هادي هي الدنيا، قتلو جدي تحكي منك بالصح؟ يسما قتلوك؟، قالي ومالا يلعبو معايا غدروني الكلاب، قتلو جدي بصح راك تحكي معايا كيفاه مت؟، قالي شوف الدخاسة تاع الاواد تكدبي جدك ماتحشميش هيا طيري من قدامي نتوما خاطيكم التاريخ وخاطيكم الثورة ديجا كن ماش انا لي مت كن ماراكم عايشين في الخير هادا، المهم انا نضت من قدامو ورحت بعيد، شفتو ديرولي غير التبهديل حتى وليت ندي في البخص -___-

المهم كانت هادي حكايتي مع الثورة، اكيد راهي مجرد ضحكة وفرحة ماراناش هنا باه نتمسخرو بالثورة الجزائرية لي راحو فيها شهداء احرار تبقى احداث تاريخية عزيزة علينا، وجدي صح كان مجاهد بصح ماش بالاكشن هههه
وربي يحفظ بلادنا ان شاء الله من كل سوء ويحميها من الفتن
هيا صح فطوركم / سحوركم واتهلاو في رواحكم
سلام
do.php

 
آخر تعديل:
قصتك روعة ولي عجبتني كثر (قالي شوف الدخاسة نتاع لولاد تكذبي جدك)
المهم الله يرحمو اااااربي يطول في عمرو نشاله
وفالاخير الثورة حاجة كبيءرة ومقدسة وربي يرحم الشهداء نتاوعنا
 
سلام عليكم
بصح مريومة حرقت جدك باللي كذاب ضرك تبوري ههههههه يقولك وارثة الكذب عليه جدك ظا الكليماتيزور منا لذاك الوقت يتسمى سراق ثاني جا سرق ورجعلهم يا سيدي اموا سرق سلاح مطور اموا دا معاه الزهوانية رشوة للجيش الفرنسي تشوفي كي تنوض في خاطرك يا بوعلاه نستقلو قاع هههههه
وصح تاريخنا مش نتمسخرو بيه لانو لوما هوما مارانا اليوم
ربي يرحم الشهداء ويخلي المجاهدين
ضحكتني قصتك توب
 
قصتك روعة ولي عجبتني كثر (قالي شوف الدخاسة نتاع لولاد تكذبي جدك)
المهم الله يرحمو اااااربي يطول في عمرو نشاله
وفالاخير الثورة حاجة كبيءرة ومقدسة وربي يرحم الشهداء نتاوعنا

مرحبا بيك اختي ويوم طيب ان شاء الله
سعيدة انو القصة عجبتك :giggle: ان شاء الله نشاركو بقصص اخرى في المستقبل تكون مسلية
هههه اللهم آمين
اكيد اختي الثورة شيء مقدس والاستقلال جابوه الرجال الاحرار
وربي يرحم ان شاء الله شهداءنا وربي يحفظ بلادنا من كل سوء ان شاء الله
شكرا حبيبتي على كرم المرور ربي يهنيك وصح فطورك
تحياتي
 
سلام عليكم
بصح مريومة حرقت جدك باللي كذاب ضرك تبوري ههههههه يقولك وارثة الكذب عليه جدك ظا الكليماتيزور منا لذاك الوقت يتسمى سراق ثاني جا سرق ورجعلهم يا سيدي اموا سرق سلاح مطور اموا دا معاه الزهوانية رشوة للجيش الفرنسي تشوفي كي تنوض في خاطرك يا بوعلاه نستقلو قاع هههههه
وصح تاريخنا مش نتمسخرو بيه لانو لوما هوما مارانا اليوم
ربي يرحم الشهداء ويخلي المجاهدين
ضحكتني قصتك توب

وعليكم السلام ورحمة الله وبركاته
اهلا ختي ليليا نورتيني بمرورك العطر
هههههه كن يقرا جدي واش كاتبة عليه يعلقني من شوافري هههه
اصلا جدي خاطيه المزاح من الرجال تاع بكري هادوك القباح لي عاش الثورة وكان من المحكومين عليهم بالاعدام
لكن كي يعود الانسان مازال عمرو طويل مافاتش على الاعدام وعفاو عليهم
يعني حنا رانا نضحكو برك وهي راهي حاجة مقدسة وكبيرة كيما قالت الاخت
هههههههه عجبتني تاع الزهوانية والله وحدك ختي
وفرحانة انو الموضوع عجبك وضحكك ربي يدوم الضحكة ان شاء الله
شكرا حبيبتي ليليا على المرور العطر
ربي يهنيك وصح فطورك
تحياتي
 
مرحبا بيك اهلا بيك
اختي ويوم طيب ان شاء الله

ويومك اطيب حنونة
سعيدة انو القصة عجبتك :giggle: ان شاء الله نشاركو
بيان سور تعجبني ماش نتي لي درتيها
بقصص اخرى في المستقبل تكون مسلية
هههه اللهم آمين
اكيد اختي الثورة شيء مقدس والاستقلال جابوه الرجال الاحرار
وربي يرحم ان شاء الله شهداءنا وربي يحفظ بلادنا

آمين يارب
من كل سوء ان شاء الله
شكرا حبيبتي على كرم المرور ربي يهنيك وصح فطورك

يسلمك ونتي زادة
تحياتي
 
الحمد لله انو مات شهيد وتبع صوارد الشهداء مخلاكمش تلعبو بيهم ولا تخسرهم جداك عليك . هكذا يتفحشش فيهم هو . يكثر خير العسكري اللي جدك مدارش حسابو وجا زيادة مع الالفين .
يعطيك الصحة قصة تستحق التوثيق . هههه والتحقيق لانو سمعت انو الجندي اللي محسبوش جدك البطل المغوار كانو بعثوه يشري الدخان لفرنسا ورجع في الوقت غير المناسب لجدك .
ربي يبارك فيك وبالتوفيق ان شاء الله . وربي يرحم الشهداء والمجاهدين نتاع الصح .
صحا فطوركم وربي يتقبل ،،،،
 
يا لطيف انت مريومة ولا مجنونة ولا حفيدة جدها؟
و علاه تحرقي في جدك هاك المسكين كان عايش القصة
كون خليتيه يكمل و من الاخير قوليلو قيو و خلاص
هههه يعطيك الصحة فكرة هايلة بالتوفيق لك
 
هههههههههههههههه
جدك يحضر افلام هنديه كثير
 
السلام عليكم
آه يا ختي مريم حسيتك مكوسونطريا معاه مليح وهو يطرش برك هههههه
هذي صح يا ختي كاين بزاف ناس هكذا تاع بكري
هوما م الدار مكانوش يخرجو يجي يحكيلك تقول هو كان علي لابوانت ههههه
بصح جدك يحسب مليح غلط غير فواحد برك هههههه
مي فالنهاية هناك لي ماعرفلهاش لوكان كملها مليح ماشي تسلميلو على راسو وتروحي هههههههه
بصح تاع بكري كامل ليزاكتور مايموتو مايخلاصلهم الرصاص
مام كي يموتو يولو يحياو كي عاشور تان ههههههه
خيال هايل ختي
بالتوفيق
 
سلامووو
صح فطوركم وعيد مبارك
خخخ نعيد قبل غاشي
خخخ والله غير كشن مع قصتك
حبيت نعرف جدك كي راه حي ولا درتولو قلب اصطناعي خخخخ
وحبيت نعرف كيفاش كان يتري برشاش تاعو خخخخ
مرسي لؤلؤة ابدعتي حقا روووعةقصتك
وربي يحفظ بلادنا من كل مكروه
حقا يبقى التاريخ البلاد وشهدا مجدا لنا
تحياتي
 
السلام عليكم
ههههه
يعطيك الصحة يا مريم ..جدك هذا راه لو روا دو خرطي
ههه
بصح دوختني حاجة ...الجماعو ال 2000 هذي كي شقل يدخلو واحد ورا واحد و جدك يقتل فيهم بالواحد
كي شقل راه في مصنع تاع البيض و لا ك>ا و يدخلو حبة حبة
ههههه
و الادهى و الامر ...عمري ما شفتش رشاش يرقد 200 حبة في السنطرا تاعو
هههه
على العموم تحية لجدك كي مات على جال البلاد و مازال حي
خخخ
ايا شكرا على التحويسة الثورية و ان شاء الله تفوزي بالمسابقة
 
الحمد لله انو مات شهيد وتبع صوارد الشهداء مخلاكمش تلعبو بيهم ولا تخسرهم جداك عليك . هكذا يتفحشش فيهم هو . يكثر خير العسكري اللي جدك مدارش حسابو وجا زيادة مع الالفين .
يعطيك الصحة قصة تستحق التوثيق . هههه والتحقيق لانو سمعت انو الجندي اللي محسبوش جدك البطل المغوار كانو بعثوه يشري الدخان لفرنسا ورجع في الوقت غير المناسب لجدك .
ربي يبارك فيك وبالتوفيق ان شاء الله . وربي يرحم الشهداء والمجاهدين نتاع الصح .
صحا فطوركم وربي يتقبل ،،،،

اهلا بيك سيدي الكريم هادي مدة ماشفناكش في اللمة ان شاء الله احوالك بخير؟
هههههه هيه كتر خيرو جدي لو ماماتش وخرج الاستعمار كن ماراناش درك هكا عايشين في سلام هههه

ههههه عجبتني تاع رجع يشري الدخان ههه
اللهم آمين ربي يرحم شهداءنا وربي يحفظ بلادنا من الفتن
شكرا لكرم مرورك سيدي الكريم وصح فطورك
تحياتي
 
هههههخخههههههههخه بن عميييييي تقوليلو حكيلي و اونبليس ڨلع النواظر و انتيا تحرقي فيهههخخهخهخ

بصح بيناتنا مام انا كنت نقرى و نكذب في جدك ههخههخخخخ واش ضحكني بزاف تاع جداتك ظل تزعرت وحتى كي طاح جدك ميت زاد زغرت هههه قالك شهيد و يزغرتو عليه بكري ويزيظو يشطحوا تان بصح ماشي شطحة الواي الواي تاع نندب حناكي وااااي راح وخلانا واااااي واش ندير بلا بيك ههخخه ايه حب زمان حب ثوري ههخخخخخ
مليحة قصتك و الاسلوب رائع ، خيالك واسع ما شاء الله
بالتوفيق في المسابقة ( لافينال ياه لازم نشوفوا كيفاه نبانوا قدام مشاركاتكم ههخخه )
 
يا لطيف انت مريومة ولا مجنونة ولا حفيدة جدها؟
و علاه تحرقي في جدك هاك المسكين كان عايش القصة
كون خليتيه يكمل و من الاخير قوليلو قيو و خلاص
هههه يعطيك الصحة فكرة هايلة بالتوفيق لك

اهلا خويا يونس يومك طيب ان شاء الله
هههههه كن نقولو قيو يقتلني بالرشاش هاداك لي قتل بيه ألفين عبد هههه
والله يا المسابقات هادو ردونا مهابل بالكارطة كن يفوت كاش طبيب من هنا يهزنا كيما رانا لسبيطار المهابل ههه
ربي يرزقنا الشفاء
شكرا خويا يونس على كرم مرورك ربي يهنيك
وصح فطورك
 
هههههههههههههههه
جدك يحضر افلام هنديه كثير

اهلا بيك أخي ويومك طيب ان شاء الله
ههههه نعم جدي هوليودي وبوليودي في آن واحد
بارك الله فيك أخي على كرم المرور ربي يهنيك
وصح فطورك
 
السلام عليكم
آه يا ختي مريم حسيتك مكوسونطريا معاه مليح وهو يطرش برك هههههه
هذي صح يا ختي كاين بزاف ناس هكذا تاع بكري
هوما م الدار مكانوش يخرجو يجي يحكيلك تقول هو كان علي لابوانت ههههه
بصح جدك يحسب مليح غلط غير فواحد برك هههههه
مي فالنهاية هناك لي ماعرفلهاش لوكان كملها مليح ماشي تسلميلو على راسو وتروحي هههههههه
بصح تاع بكري كامل ليزاكتور مايموتو مايخلاصلهم الرصاص
مام كي يموتو يولو يحياو كي عاشور تان ههههههه
خيال هايل ختي
بالتوفيق

وعليكم السلام ورحمة الله وبركاته
اهلا بيك خويا مالك ويومك طيب ان شاء الله
هههه هيه لازم نكونسونطري باه كاشما نجمع معلومات ونجي نشارك معاكم هنا ونربح وسام المهابل
هههههه هيه صح كاين بزاف لي يكدبو من ناس بكري ويقولك كنت مجاهد ومعرف واش
انا صراحة جدي كان صح مجاهد وماش من النوع لي يحب يحكي على الثورة ولا يعني كن ماش تقولو احكيلي ما يحكيش
ومايزيدش فيها صراحة هههه يعني يحكيلك الحقيقة برك
المهم إذا فزت في المسابقة نهديلو الوسام تقديرا لجهوده التأليفية هههه
وشكرا لجدي كن ماش هو مات وعاود حيا كن مارانا نتنعمو في هاد الخير وكن ماخرجنا الاستعمار ههه
شكرا خويا مالك على المرور العطر ربي يهنيك وصح فطورك
تحياتي
 
سلامووو
صح فطوركم وعيد مبارك
خخخ نعيد قبل غاشي
خخخ والله غير كشن مع قصتك
حبيت نعرف جدك كي راه حي ولا درتولو قلب اصطناعي خخخخ
وحبيت نعرف كيفاش كان يتري برشاش تاعو خخخخ
مرسي لؤلؤة ابدعتي حقا روووعةقصتك
وربي يحفظ بلادنا من كل مكروه
حقا يبقى التاريخ البلاد وشهدا مجدا لنا
تحياتي

اهلا خويا اسامة ويومك طيب ان شاء الله
الله يسلمك خويا وصح عيدك مسبقا ^^
هيه اكشن هوليودي في هاد الموضوع هههه لازم كاشما نضحكوكم شوي
المشكلة قلب جدي يخدم حتى بعد الموت هههه
شكرا خويا اسامة على التشجيع وربي يوفقك كذلك في المسابقة
وربي يحفظلنا بلادنا من كل سوء
ربي يهنيك خويا وصح فطورك
تحياتي
 
السلام عليكم
ههههه
يعطيك الصحة يا مريم ..جدك هذا راه لو روا دو خرطي
ههه
بصح دوختني حاجة ...الجماعو ال 2000 هذي كي شقل يدخلو واحد ورا واحد و جدك يقتل فيهم بالواحد
كي شقل راه في مصنع تاع البيض و لا ك>ا و يدخلو حبة حبة
ههههه
و الادهى و الامر ...عمري ما شفتش رشاش يرقد 200 حبة في السنطرا تاعو
هههه
على العموم تحية لجدك كي مات على جال البلاد و مازال حي
خخخ
ايا شكرا على التحويسة الثورية و ان شاء الله تفوزي بالمسابقة

وعليكم السلام ورحمة الله وبركاته
اهلا بيك خويا صلاح ويومك طيب ان شاء الله
ههههه كن يجي جدي يقرا واش كتبت عليه يرميني من راس الجبل هههه
حتى من هو مجاهد وكان محكوم عليه بالاعدام يعني عندو الثورة والجهاد حاجة مهمة
2000 واحد هادوك مادخلو ماوالو وهوما برا بعد بعت عليهم الرصاص بر وبحر وجو :LOL:
جدي كان واعر ولو ماهو ماراناش عايشين في أمان درك هههه
شكرا خويا ربي يحفظك وسعيدة انو الموضوع عجبكم
ربي يهنيك ان شاء الله وصح فطورك
تحياتي
 
هههههخخههههههههخه بن عميييييي تقوليلو حكيلي و اونبليس ڨلع النواظر و انتيا تحرقي فيهههخخهخهخ

بصح بيناتنا مام انا كنت نقرى و نكذب في جدك ههخههخخخخ واش ضحكني بزاف تاع جداتك ظل تزعرت وحتى كي طاح جدك ميت زاد زغرت هههه قالك شهيد و يزغرتو عليه بكري ويزيظو يشطحوا تان بصح ماشي شطحة الواي الواي تاع نندب حناكي وااااي راح وخلانا واااااي واش ندير بلا بيك ههخخه ايه حب زمان حب ثوري ههخخخخخ
مليحة قصتك و الاسلوب رائع ، خيالك واسع ما شاء الله
بالتوفيق في المسابقة ( لافينال ياه لازم نشوفوا كيفاه نبانوا قدام مشاركاتكم ههخخه )

اهلا فطومة ويومك طيب ان شاء الله
ههههههه راي تشوفي اصلا ماعنديش غيرو هو لي يحكيلي على الثورة
تحبي نكتب على جدي بلي ماكانش بطل :cautious: لازم نكتب على بطولاتو ونطلعلو شانو
ههههههه هاكي تشوفي الراجل يضرب الرصاص يزغرتو عليه يطيح يموت يزغرتو عليه مايراعيوش المشاعر ههه
ربي يحفظك فطومة مرورك هو الاروع والاجمل
وبالعكس حبيبتي شاركي وأطلقي العنان لأفكارك رانا كامل نخربشو هنا هههه
فارغين شغل وضايقة بينا ولينا نخرجو في الهبال
الخلايا الهبالية راهي في تزايد هههه
شكرا حبيبتي على كرم المرور ربي يهنيك وصح فطورك
تحياتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top