عندي مشكلة تعيشو جابوني

[sabrina sofi]

السلام عليكم احبابي في الله
عندي مشكلة تعيشو جابوني و الله راني في حالة
جا خطبني عسكري عندي شحال و انا نستنى في هاد النهار
و قالي دوك يديرو علبك لونكات و المشكل خالي كان في الجبل هارب من الارهاب و مات تم هوما قتلوه واقيل هدي واحدة
و المشكلة التانية ان لي اخ من ابي من زوجته الاولى هذا الخ حاليا في الحبس
يتسمى محااال ندييه ...
تعيشو جاوبونييييي:cray02::cray02::cray02::cray02::cray02:

 

[Salah eddin]

رد: sarachergui93@yahoo.com

ههه
الله يعاونك
والله ماني عارف واش نقول
الله يسلك وحلك
آمين
و ربي يفرج
​

 

[نجيب]

رد: عندي مشكلة تعيشو جابوني

كوني متهنيا

ما عندك حتى مشكل يخليك متتزوجيش بيه

من ناحية التحقيق

عادي جداا اكثر ما تتصوري .

و كلش بالبركة عليك ​

 

[prince of love]

رد: عندي مشكلة تعيشو جابوني

السلام عليكم احبابي في الله
عندي مشكلة تعيشو جابوني و الله راني في حالة
جا خطبني عسكري عندي شحال و انا نستنى في هاد النهار
و قالي دوك يديرو علبك لونكات و المشكل خالي كان في الجبل هارب من الارهاب و مات تم هوما قتلوه واقيل هدي واحدة
و المشكلة التانية ان لي اخ من ابي من زوجته الاولى هذا الخ حاليا في الحبس
يتسمى محااال ندييه ...
تعيشو جاوبونييييي:cray02::cray02::cray02::cray02::cray02:

هههههههههههههههه

انا جامي سمعت بيها هادي نتاع يديرو لونكات في الزواج

سير راهو يتمسخر بيك هههههههههه

ربي يكمل ان شاء الله اختي
​

 

[PrinCe of PrinceS]

رد: عندي مشكلة تعيشو جابوني

ربي يجيب الخير اختي
مع انني اعتقد مكانش منهآ ،,ـ

 

[لؤلؤة قسنطينة]

رد: عندي مشكلة تعيشو جابوني

السلام عليكم
ياك اختي وضعتي موضوع من قبل وقتلك بلي من المفروض امر عادي
ويجيو يسقسيوك برك ويديرو اونكات خفيفة مافيها حتى حاجة تخلع كيما قالها خويا نجيب
ولي مكتبو ربي ختي او يلحقك ولي ماش مكتب حتى ولو يلحق لباب الدار وماتديهش
يعني حطي ثقتك في ربي ومايكون غير الخير ان شاء الله
تحياتي
​

 

[نجاح أمل]

رد: عندي مشكلة تعيشو جابوني

ربي يجيب الخير اختي
مع انني اعتقد مكانش منهآ ،,ـ

لا ياخي كاينة منها في العسكر و الشرطة كي يحبو يزوجو يجيبولهم على ملف زوجتو بلي جزائرية و ماراهيش ميبوقة قضائية ومن بعد اشهر يبعثولو القبول والرفض، عسكري و شرطي مايتزوج لي جات لازم تكون هي وعايلتها غير مسبوقه قضائية

احتي المهم انتي و عايلتك مالزمش عندكم اي دخل في اي عملية الارهاب او مثلا قضايا تعاطي مخدرات مالزمش تكونو مسبوقيين قضائيا
وكان على خوك المهم جريمة ماشي يعني كبيرة بزااااف مثلا شجار ضرب واحد برك

وعمك المهم مايكونش شارك في كاش عملية ارهابية وديجا هوما ماشي يشوفو عمك يسحقوك نتي و والديك برك ، المهم والديك ونتي وخاوتك نورمال كيما قتلك سابقا المهم خوك مادرش حاجة كبيرة

وان شاء اله ربي يتمملك على خير ويفرحك ان شاء الله

 

[دعاء الجنات]

رد: عندي مشكلة تعيشو جابوني

هههههه تخيلت روحي في فيلم
يا حبيبتي ماكان والو... اذا مكتوب على جبينك تديه تديه
وبالبركة عليك

 

[prince of love]

رد: عندي مشكلة تعيشو جابوني

لا ياخي كاينة منها في العسكر و الشرطة كي يحبو يزوجو يجيبولهم على ملف زوجتو بلي جزائرية و ماراهيش ميبوقة قضائية ومن بعد اشهر يبعثولو القبول والرفض، عسكري و شرطي مايتزوج لي جات لازم تكون هي وعايلتها غير مسبوقه قضائية

احتي المهم انتي و عايلتك مالزمش عندكم اي دخل في اي عملية الارهاب او مثلا قضايا تعاطي مخدرات مالزمش تكونو مسبوقيين قضائيا
وكان على خوك المهم جريمة ماشي يعني كبيرة بزااااف مثلا شجار ضرب واحد برك

وعمك المهم مايكونش شارك في كاش عملية ارهابية وديجا هوما ماشي يشوفو عمك يسحقوك نتي و والديك برك ، المهم والديك ونتي وخاوتك نورمال كيما قتلك سابقا المهم خوك مادرش حاجة كبيرة

وان شاء اله ربي يتمملك على خير ويفرحك ان شاء الله

يا أختي ما تهدريش هدرة ماشي متأكدة منها

انا لي صحابي راهم في الجيش كامل جامي قالولي عليها هادي ​

 

[نجاح أمل]

رد: عندي مشكلة تعيشو جابوني

يا أختي ما تهدريش هدرة ماشي متأكدة منها

انا لي صحابي راهم في الجيش كامل جامي قالولي عليها هادي ​

مي بابا راهو خدم في العسكر اولا وخدمتو ملازم اول للشرطة

انظن راهو مجالو و قالي بلي هكذا شرطة و العسكر دايما يديرو لونكاث على زوجة ووالديها يعني عايلتها بلي ماراهمش

مسبوقين قضائيامانيش راح نكذبك،مي بابا خدم في مجال لمدة 38 سنة

اكيييد اخي ماش راح نهدر ونطول في الهدرة كون ماجيتش متاكدة
سلاموصح صحوركم

 

[sabrina sofi]

رد: عندي مشكلة تعيشو جابوني

صحا فطوركم
ربي يفرحكم كيما فرجتوني تعيشوووو

 

[sabrina sofi]

رد: عندي مشكلة تعيشو جابوني

هههههههههههههههه

انا جامي سمعت بيها هادي نتاع يديرو لونكات في الزواج

سير راهو يتمسخر بيك هههههههههه

ربي يكمل ان شاء الله اختي
​

لوكان يتمسخر ما يجيش كامل للدار
انشاء الله حفظك

 

[نجيب]

رد: عندي مشكلة تعيشو جابوني

هههههههههههههههه

انا جامي سمعت بيها هادي نتاع يديرو لونكات في الزواج

سير راهو يتمسخر بيك هههههههههه

ربي يكمل ان شاء الله اختي
​

لا كاين منها و خاصة لي يكون يخدم ف الدرك الوطني

و بعض المناصب في الجيش

انت سقسي قبل ما تضحك ​

 

[سكون الفجر]

رد: عندي مشكلة تعيشو جابوني

بصراحة اكثر شيء اثار غضبي هو ( ههههه) هذه التي اطلقها البعض في رده!!
عنوان الموضوع مشكلة، والبنت ملهوفة وباينة مرعوبة، وهذا ليس وقت المزح والعبث بالكلمات
فإما أن تقولوا خيراً أو فالتصمتوا بارك الله فيكم، لا تعرفون الحل لهذه المشكلة
لا داعي للرد من اساسه، فكما قال اخي نجيب
الذي تقوله الاخت كاين منه، وخصوصاً من يعمل في الدولة وانا اعني الدرك والشرطة واي موظف
في الحكومة، وهذا طبيعي جداً، إنتقوا ألفاظكم ربي يحفظكم، حرام تكسرو قلبها بالمسخرة، الله يهديكم

..

أختي، اطمئني ولا تخافي والله وحده يعلم اين نصيبك، وان كنتي حقاً مؤمنة بقضاء الله وقدره
فلا تخافي ولا تقلقي، فإن كان ذاك الاخ العسكري من نصيبك فصدقيني لن يضركم احد
وان كان العكس فـ الله سيختار لكِ الأفضل وثقي بالله
لا تقلقي وهدئي من روعك، ان شاء الله كل شيء سيكون على خير ما يرام
وفقكِ الله عزيزتي واسأل الله ان تأتي بعد ايام لتخبرينا بان الامر تم وانكِ تجهزين لدخول القفص الذهبي
وفقكِ الله أختي​

 

[GI Joe]

رد: عندي مشكلة تعيشو جابوني

rabi ydjib l khair nchallah
normalment khalek ma3andou madakhlou f l enquette ychoufou li proche
w khouk ca depant wech der la kan affaire drogue wala terrorisme ghir wedjdi rohek tba3di 3la had l Mr, hadja wahdokhra mana3ref


​

 

[ميمونة 2]

رد: عندي مشكلة تعيشو جابوني

السلام عليكم ورحمة الله وبركاته
اختي ماتعييش بزاف روحك بالتخمام
راح تدي لي كتب لك ربي سبحانه هو او غيره
مالا سلمي امرك لله وارقدي هانية

 

[imaneBBA]

رد: عندي مشكلة تعيشو جابوني

ياختي ماتتقلقيش صح هوما يدير لونكات بصح انت صافية لويز وهادي حاجة في يد ربي هادا المكتوب ادا مكتوبك حاجة ماتوقف بينكم وادا ماهوش مكتوبك ربي يجيبلك خير ان شاء الله ياربي خلي ايمانك في ربي .....
​

 

[programmeur]

رد: عندي مشكلة تعيشو جابوني

أختي أمرك عادي
ادا كان لأخوك دخل السجن فهدا عادي ولا يؤثر عليك
أما عن خالك قد توفي وربي يرحمو

أنا عندي زميل ليا تزوج مع بنت انسان كان مع جماعة الفيس ودارولو لونكات و قبلو
أختي الان الاحوال الامنية تحسنت بكثير و ماعادش هادو الامور يأثرو لدرجة كبيرة

 

[Algeroise194]

لونكات تكون على الابوين. الاخوة و في بعض الحالات تمتد للاخوال و الاعمام هذا مكان ما راحش بجلدو شجرة العائلة كاملة.

 

[Algeroise194]

رد: عندي مشكلة تعيشو جابوني

لا كاين منها و خاصة لي يكون يخدم ف الدرك الوطني

و بعض المناصب في الجيش

انت سقسي قبل ما تضحك ​

بصح لونكات ما تكونش عميقة لدرجة يجبدو قاع شجرة العائلة تقتصر على الوالدين و الاخوة.