سهرة 20 ..........قهوة وتاي

رد: سهرة 20 ..........قهوة وتاي

السلااام علييكم

صحااا فطووركم

جاليلوووس :d حكموك يا محاينك ههههه

كيراكوس ؟؟لابوس ؟؟ هههه

بالباااراكااا علييك مرة اخرى خويا على نجاحك فالكتابي ..ربي يسهللك خويا فالشفهي و ينجحك :thumb_up02:

وعليكم السلام ورحمة الله
هيه حكموني ايمانوس :d ايااا وربي يصبرني عليكم خخخخ
راني بخير بصح كي شفت ردك حكمتني الرعادة :d الرجفة في الركابي خخخخخ
يا يمااا شاوالا هاداااا حمبووووك با تعطشوني اليوووم
ههههههههههههههه الله يبارك فيييييك .... آمين ياااارب
دعواتكم

و ضرك مع المهم :d:d

شوية اسئلة برك :p:p

بسم الله يا الله على بركة الله
حوجي ياناااا ... خصني نجيب كاش تعويذااات نقراهم
راني كيما الفلون تاع التشيكولا نترعد هههههه


*جليلو و عشوة العيد -____- خخخخخ

سماااطة من جيهة راح رمضااان وفرحة من جيهة تاع العيييد
راكي عارفة بصح البنة كيما زمااان مكاااش راحت


*قاطو مستحيل تاكلو :p

الكعك بالسانوج يعععع كون يقلعو سانوج مانقولش لالا
هادا الوحيد لي مانحبوووش شي لاخر ماتسقسينيش قادر نتلفك نورماااال
:yahoo01:


*شحال زدت / نقصت كيلوا في هذا رمضان ؟؟

بقا فيااا وحد الكيلو ورطل مشمخ ياااا مانيش نباااان يزيدو شهر مايلقاونيش
خخخخخخخخخخخخخ .... بالاك 5 بالاك 6 كيلو ولا اكثر
راني منيتي :p


*لو حكمت النساء العالم وش راح يصرى في رأيك هههه ؟

ينقرضو الرجال زعمااا.... ها خلاك علينا
هاكا وماسلكناااش وين ندورو نلقاوكم


*وش هي الصونري تاع تيليفونك :d

كاين تاع الهنودا ashique ههههههه وكاين تاع يانبي سلام عليك خخخخخخخ
خلطها تصفى ومرااات تاااع lean on ههههههههههههه
تيليفون طروابيس :yahoo01:


السيريو ضركا زعما

ايااا اوووك راني واااجد يا الله

* جليلو و المطالعة ؟ و اكثر كتاب أثر فيك ؟؟

راني في شحااال ماقريتش مانكدبش عليكم ... اثرو فيا les chroniques وبالبزاااااف والله
حتى الدموووع يطيحولك :dلي هومااا كل واحد يحكي حكايتووو بصح بالفرونسي هيه ههههههههههههههه :d
كااش نهار نجيبلكم وحدة ولا زوووج تندبو معايااا هناااا


*جليلو من النوع لي يسمع و لا يهدر ؟

واااه مرااات نشوف ونسمع ونضرب النح
بصح كي تكون حاجة فيها مصير اواااه مانسكتش لا بغااا بالخسارة
هههههههههه


*كي اديgوتي واش ادير ؟ نحوس على نصيحة سون سمير خخخ

ها بنت عمي لمن جيتي ...
كي نديgوتي نرووح نمشي وحدي مانحكي معا حد ونقعد قاااع لوقت ساااكت
ولا ندير كيتمااان في ودني وراني نستغل


*أبسط مثال للسعادة ؟

زعمااا واااش مثلا
هاباينة كي تشوف يماااك فرحااانة هاديك دنيا ومافيهاا


*كلمة للمشعوذة فيولا خخخخخخ؟

راكي وخذتيني في رقيتي قرييييب عواجت
يا بنتي راكي موخذة خاصنا ندوووك لولاد خيرة يرقولك راهم دايريلك كادنة
بصح صون سمير ماتحلبي حتى حد ههههههههههههههههه

ربي يحفظك ما شاء الله وتبارك مهبولة وعليها الكلام
الووو مستشفى المجانين عيطو للجدارمية يدوها علياااا


و الان نمرّ إلى هههه .....المهم لعبة خفيفة هاي ليك تخير

*الصباح vs العشية

صباح تاع رمضااان مرات نقول كون غير نوض نلقاها لعشية
بصح في الفطر عادي كي صباح كي لعشية :yahoo01:


*بوراك vs دلاع :p

ويااااا حطيتي يدك على الجرح يااااا
مالقيت مانخير في زووووج دوايااا ههههههه
ايااا بوراك ... بصح راااه دروك في قلبي برج تاع دلاع امممم

* بارصا vs الريال

رياااال حاجة باينة

*سوبرمان vs سبايدرمان خخخ

سبايدر مااان هههههه

*زلابية vs قلب اللوز :p

قلب اللوز ... جني وعفريتي فزلابية نكرها ربي

هذا مكاان نورمالمون :d ان شاء الله منكونش كثرت :p..

اودي ماكترتييييش بصح كترتي كترتي كترتي وبالبوزااااف :p

صحا صحورك خيي

الله يحفظك ربي يخليييك خيتي بارك الله فيك

اسعدني تواجدك معانااا يعطيك الصحيتوووو :regards02:
 
رد: سهرة 20 ..........قهوة وتاي

ممم هآني جيت نسآلك

هاياا مرحبا بيييك من جديد نورتينااا

شحآل في عمرك ؟

24 سنة راني غير نعاود قريب نكتبو في توقيعي خخخخخ


كيفآش تعرفت على المنتدى ؟

هاكا par hazard هههههههههه :d:d
من 6 سنين تقريبااا
عشرة عمر هاااادي


الحآلة الاجتمآعية ؟

مازالني سيليباير :yahoo01:


كفآش رآك في دآركم مدلل و لالا؟

انا الصغير بصح لا مدلل لا مبلل خخخخخخخ
نورماااال وبقييييت غير وحدي

:$:$

اعز شخص عندك فالمنتدى ؟

اختي ليلياااا ربي يخليهالي


المآكلة الي تحبهآ ؟

بركوكس حامي يرقص خخخخخخ
وكاين طعااام هادي باينة ....
بيتزا هوت ومحاجب سخونين وحارين


اعطيني بيت شعري من كتآبتك ؟

اااه من عندي زعمااا نكتب اشعااار
اواااه خاطيني بصح نجيبلك زوووج في خاطرك


شحآل رتبتك في دآركم ؟

انا الخامس والاخير خخخخخخ
آخر العنقوووود المهبوووول


مستوآك الدرآسي أو مهنتك ؟

طالب ماستر سنة 1 والعام الجاي نكمل ان شاء الله
واستاذ لغة فرنسية في الغبتدائي ادا كتب ربي وفتح علينااا


القسم المفضل عندك ؟؟

واش راك تهدر

رآني خفيفة انا ههه مانزودش الاسئلة​

هههههههه لالا خفيفة وظريفة نورماااال مرحباا بيك في اي وقت
اختي الله يحفظك ربي يهنييييييييك ;)

 
رد: سهرة 20 ..........قهوة وتاي

يآ حليلك يآ جليل كآين غير البنآت هنآ هخخخ

يا حليلي وااااه راكم غير نتوما دورو الخالات دوختوني :d:d
ليجون مانعرف كي صرالهم :p

ندااااء الى القاعدة :yahoo01:ارواحوووو ماتحشمونيش شاشرة

 
رد: سهرة 20 ..........قهوة وتاي

السلام عليك
ضيف مميز الاخ جليلوس
نتمنالك سهرة ممتعة
دوماج لحقت روطار
الاعضاء راهم متهلين فيك
دورك نقلب لي باج
ومن بعد نولي بالاسئلة

السلام عليكم ورحمة الله
اهلا اختي ملاك نورتي يعطيك الصحيتووو
شكرا ليييك يعطيك الصحة ماعليش ماكيش روطار انا لي راني روطااار
طولت عليكم سمحولي بزاااف بزاااف بوكو :p
اوووك مرحباا بيك في اي وقت خيتي :love01:

ربي يهنيييك

 
رد: سهرة 20 ..........قهوة وتاي

السلام عليكم ورحمة الله تعالى وبركاته
اخي اهلا وسهلا بك
اكيد رح تكون سهرة ممتعة

اهلا بيك اختي تيستيسة خخخخ
نورتي يعطيييك الصحة :regards01:
مرحبااا اتفضلي دار داركم


اسئلتي :
ولايتك ؟

تيارت - 14-
عاصمة الرستميين وبلاد ابن خلدون

لونك المفضل ؟

ازرق سماوي والباااج كيفاش يقولوله بالعربية مانعرف :d


الحيوان المفضل؟

خخخخخ الديناصور :d:d
لالا اكيييد الحمام والبيروكي


مخطاطاتك المستقبلية؟

اول امنياتي ان يتحقق حلمي في التعليم
ومن بعد ساهل ... كاين بروجياات بزاااف
خلي كلشي بوقتو حلو


اغرب موقف؟

انو يكونوا يهدرو فيييك وتخرج فيهم ياااا خاااه


أكره انسان؟

مانكره حتى واحد ولي يكرهني نعاونوو :yahoo01:

ولايتك؟

راكي تعاودي ختي الكاسيطة تحرقتلك واقيل خخخخخ

حومتك؟

حومة الإنتفاطة الشعبية عشاق النار والإنتصار خخخخخخخ
حومة التمهبيل والتبهليل :d
حومتي وسمها الإنتفاظة

هههههههههه نسقسيو على البسباس شكون غرسوا ههههه قريب نصدموا للدار

ايهيه مرحبااا بيك نقولك جاري تاني كي سموووه
بيه بولادوووو زيدي تاني شرا لوطو جديدة :d


اههه ايا آخر سؤال:

تخاف من الجن ولا لا

ههههههههه هادوك خاوتي من الرضاعة مادوريش بيهم
ديجا غير سمعوك تهدري عليهم خبروني خخخخخ
لالا مانخافش باسكو والفتهم يلعبو ويدورو معاياا عادي :yahoo01:
ههههه شكون مايخافش كي يسمعهم ... وانا لي عندي قصص معاهم اغرب من الخيااال
ربي يشافينا ويعافينااا خلينااا منهم آآو


ههههه نوعت شوي الاسئلة لتفادي التكرار
سلامي
ربي يرفد عليك


ههههههههه وي راكي جبتيها غايااا
يعطيييك الصحيتوووو
آمين ياااربي الله يقدرني برك عليكم :regards02:

 
رد: سهرة 20 ..........قهوة وتاي

ايه مرحبا جليلوس
شحال نبغى نسقسي عليك
مهم
كم عمرك
وش هي وجبة مفضلة لك في رمضان
تصلي تروايح
مع قداه تنوض من نوم
نتا من جماعة لي تسهر ليل
قولنا كيفاه مرتب يومك
 
رد: سهرة 20 ..........قهوة وتاي

جليلوس انطونيو لاروخا اخخخ جات عليك صديقي صحا سحورك

هههههههه انطونيو بنديراس :d راك تجبتها gد gد عطيييك الصحة خيي
الله يسلمك وانتا تاني :regards02::regards02:
نورتنااا ياااا قرصاااان ... راهم يحوسوا عليييك في ناشيونال جيوغرافيك
:yahoo01::yahoo01:

يمالا حكماتك الفخة في هاد السهرية عندك الزهر خويا رقم 20 هذا يدعو للتفاؤل ها وليت نض
رب الكارطة انا تاني

وااااه هربت هربت وحكموني يا جدك ... انا قلت سلكت خخخخخ
ههههههههههههه يا عداتكم ليلياااا راكم قااع تضربو الكارطة ... :bravo01::bravo01:
قولي الطويلة العريضة مولات الصباط لحمر شكووون
شفتها فلمنام برك :p:p

بوه نطل عليك خويا بشوية اسئلة راك تقول حنين خويا استنى نسييو نتوشيوك هه نقسر برك

هيه نورماااال توشيلي في كلش غير ليشونتيمون لالا خخخخخ
هايواااا متفاهمييين ... ههههه
علابالي حبيبي تعيش ربي يخليك


ايا ديما نسقسي هنا وش هي الحكمة اللي تامن بيها في هاد الحياة ؟

انا نقولك حكمة شابة نؤمن بيها في حياتي
ماتكبر الشان لي ماعندو قيمة يحسن روحو فلان وهو غير بهيمة
وبالفصحى
اذا وضعت احدا فوق قدره ... فتوقع منه ان يضعك دون قدرك
آآآآه هادي ايفيكاااس هههههه

واش هي البلاد لي تحب تزورها ؟

راها في قلبي نجيب عمرة نزور بيت الله الحرام
ونضرب دورة في لاهولوند ولا لابالجيييك او تركيااا


يديروك رئيس للبلاد لمدة يوم واحد اول حاجة تديرها ؟

ههههههههههه ااااه لازم كل واحد حقو ضاااع يرجعلووو بلا هدرة زايدة
الشبيبة الضايعة قاااع تحكم بوست وتخدم ... و اون + نزيدلهم فالشهرية :yahoo01:
:sport02::sport02:

نكبرو شوية يديروك رايس للعالم بما فيه بنغلاديش وسويسرا وويلز وجنوب ادرار وش اول حاجة تديرها ؟

نبدل لاكارت جيوغرافيك تاع العالم سيرتو ادرار نحطها قدام البحر :d

ايا نتمنى كانو خفاف كيما يقولو الجماعة هنا وصح سحورك خويا وبون سهرة




ياخويا يعطيك الصحة فرحتني كي جيييت اووو هادا وين حسيت بالراااحة
شفت خلاوني وحدي ندور في وسطهم :tongue02::tongue02: هععععع
نقسر برك هوام يزعفو تاني .... الله يخليييك تعيش :love01:
 
رد: سهرة 20 ..........قهوة وتاي

ايه مرحبا جليلوس
شحال نبغى نسقسي عليك
مهم
كم عمرك
وش هي وجبة مفضلة لك في رمضان
تصلي تروايح
مع قداه تنوض من نوم
نتا من جماعة لي تسهر ليل
قولنا كيفاه مرتب يومك

اهلا بيييك خويا :sport02:
نورت ..... يعيشك ربي يهنيييك

راك باغيني نعاود نعطش واقيل خخخخ ها ارحموني شويااا
شوووووف ههههه غادي نجاوبك برك على التراويح ايه نصلي بلي قدرت عليه
والحمد لله ... الله يقدرنا على صيام بقية رمضان وقيامه ... تقبل الله منا ومنكم ^^

امااا باقي الأسئلة راني درت جورنااال رووح قلب الصفحااات دوووك تلقى اجابتي

:regards02:
 
رد: سهرة 20 ..........قهوة وتاي

السلام عليكم اخي
صباح الخير
ان شاء الله عجباتك القعدة ؟

راني رجعت مع بعض الاسئلة :

- نعطيك اختيارات انت خير و قولي علاش اوك :
- الام VC الاب ؟
- الاخ VC الاخت ؟
- البارصا VC الريال ؟
- العجوز VC الكنة ؟
- المرأة العاملة VC المرأة الماكثة في البيت ؟


ايه نزيد شوية
- واش هي الاسماء لي تحب تسمي بيها اولادك مستقبلا ؟
و شحال حاب يكون عندك اطفال ؟
- تفضل الزوجة ديالك تكون قارية و خدامة ؟
- تحب السكن مع العائلة و لا وحدك بعد الزواج ؟
- ولايتكم باش مشهورة ؟
- جليلو يتبع شوية بالون و لا نو ؟


اي خويا هذو يكفو اتهلا و في امان الله​
 
رد: سهرة 20 ..........قهوة وتاي

السلام عليك والرحمة
كيراك خويا جليلوس
ان شاء الله راك مليح
اسئلة اولية برك:sport02:
ولا كيما يقولو خفيف ظريف
:thumb_up02:
اجمل بلد او ولاية زرتها ؟

هل تؤيد الزواج العاطفي ام الزواج التقليدي ؟ ولماذا ؟
.ماهو اجمل اسم لولد واجمل اسم لبنت من وجهة نظرك؟

.عضو نشيط... ( )
.عضو تحسه واثق من نفسه ... ( )
.عضو تتمنى تلقتي به ... ( )
.عضو معجب بطريقـة ردوده ... ( )
.عضو طموح ... ( )
.عضو محبوب

-جــريمــة تتمنـــي لـــو تستطيـــع ارتكابهــــا؟!؟

-حمـامة زاجـــل حاملـــة رســالة لـك,,,من من تتمنـى ان تكــون؟
أعضاء تنطبق عليهمـ هذهـ الأسماء من وجهة نظرك ... :p
الشاعري
المسالمـ
الخلوق
المميز
خفيف الدمـ
العنيد
لي عودة
:)
الى كاش ما سؤال معاود فوته وخلاص

 
رد: سهرة 20 ..........قهوة وتاي

السلاااااام عليكم
صباح / مساء الخير
والله خويا جليل نستعرف بيك ماجيت نجي لقيتك ليكيديت الاسئلة كامل هههههه
كانت ردودك رائعة واغلبها قتلتني ضحك ههه
ربي يحفظك خويا، وواش حكاية التصميم هادي :( نتا واميرة جايبينها من ورايا وانا مازلت نخربش برك
نوجدلك واحد بصح تضحك عليه نذبحك هههه يعني تقبلو وتسكت حتى ولو معوج ههه
الموووهيييم نوليو للصح استنا نسأل حتى انا شوي
نبداو بسم الله
لاحظت نص ناس اللمة راهم يفتحو مدونات إلا خونا جليل
هل خونا جليل يكتب اشعار ومايحبش يوضعهم قدام الناس؟ ولا خاطيه مجال الكتابة؟
خويا جليل قلت بلي نتا آخرا لعنقود وعندك 4 اخوتك حسب واش قريت في ردودك
واش هي علاقتك بالإخوة تاعك فرد فرد وعلاقتك بالوالدين وشكون لي قريب فيهم ليك كتر الأم ولا الاب؟
خويا جليل نعطيك كلمات وعبرلي عليهم بطريقتك
البحر .. الحياة .. الموت .. الأمل .. الحرية
اممم خويا جليل نتوقبو شوي على حياتك الشخصية
واش هي مواصفات لي تتمناها في زوجة المستقبل ان شاء الله
نحبس هنا نخليلك دير تسخين مع الاسئلة هادو ورااااااجعة بإذن الله
ربي يحفظك خويا جليل وربي يحققلك واش متمني ان شاء الله
 
رد: سهرة 20 ..........قهوة وتاي

السلام عليكم اخي
صباح الخير
ان شاء الله عجباتك القعدة ؟

وعليكم السلام ورحمة الله
يصبحك بالربح خيتي اسمااء
اودي عالامة :d بواش تفكرك هادي خخخخخخخ
ههههههههههههههههههههههههههه


راني رجعت مع بعض الاسئلة :

اوكي على عيني وراسي
يا الله على بركة الله :regards02:


- نعطيك اختيارات انت خير و قولي علاش اوك :

صحا ماعليش غي وحدة وحدة


- الام VC الاب ؟

في زووج مي الأم هي نبع الحنان صراحة مالغري الاب في بعض المرااات قاسي شويااا
يقولك كل خنفوس عند امه غزال :d ايوااا خلاص مالا فهمتيني شاراني بانقول :sport02:
بصح هادو والدين ونحبهم في زوووج اكيييد مكاش تفرقة ... هوما دنيتناا والهوا لي نتنفسووه
ربي يخليهم ويطول في عمرهم ويحفظلكم والديكم ويرحم الاموات منهم ويغفر ليهم


- الاخ VC الاخت ؟

هادوو تاني ....الاخت تلقاها حنينة وتوقف معاااك
والخو كذلك ليزوووم نهار طيح بيك تلقاه في كتافك
هادي غير فوتيها نخير بيناتهم باسكو هادو كلش هوما عينيااا


- البارصا VC الريال ؟

اهااااا اكيييد الرياااال :thumb_up02:
كيفاه هادي بارصا نونونونو :smile02:


- العجوز VC الكنة ؟

يقولك اذا تفاهمت العجوز والكنة يدخل بليس للجنة دونك
اناا نقولك نخير العجوز هي البركة تاع الدااار والكنة هي خليفتها
ادا كانت بنت اصل وتعرف تتعامل مع اهل راجلها ...
ومتربية ومتخلقة حاجة ماتوشيهاا

- المرأة العاملة VC المرأة الماكثة في البيت ؟

ااااه هنا سمحيلي المرأة الماكثة فالبيت خييير باسكو راهااا عارفة واش دييير و وين راها دور
عكس المرأة العاملة ديمااا هاملة ومش عارفة واش دير الله غالب الخدمة وما دير :d

ايه نزيد شوية
- واش هي الاسماء لي تحب تسمي بيها اولادك مستقبلا ؟

صحااا اسماء لولاد كاين مصطفى يونس ويوسف / اسماء بنات هدى مريم كوثر

و شحال حاب يكون عندك اطفال ؟

هههههه 3 بزاااف عليااا ... حتى نتزوجو قبل ومن بعد ساااهل
ربي يرزقنا واياااكم


- تفضل الزوجة ديالك تكون قارية و خدامة ؟

اااه قارية صحا بصح خدامة لالا هاكا بغات صحا مابغاتش ربي يهنيها

- تحب السكن مع العائلة و لا وحدك بعد الزواج ؟

اكيد معا دارناا باسكو بقيت غير وحدي ههههههه

- ولايتكم باش مشهورة ؟

تربية الخيل والفروسية

- جليلو يتبع شوية بالون و لا نو ؟

واااه في ميزك البلوطة هي كلش :d

اي خويا هذو يكفو اتهلا و في امان الله​

يعطيك الصحة خيتي بارك الله فيك
:regards01:
 
رد: سهرة 20 ..........قهوة وتاي


راني وليت
أكمل الفراغات التاليه : :p
عضو تتمنى تشوف شكله هو .........
عضو تلقبه زعيمـ أو زعيمة المنتدى .......
عضو بتقوله الله يعطيك العافيه و جزاك خير .........
عضو بتقوله ماتوقعتها منك ويجي منك أكثر ..........
عضو تحس انه طيوب وعلى نياته ........
عضو شعبيته كبيرة و محبوب عند غالب الأعضاء ..........
( الثقل و الرزانه والهدوء والفرفشه ) تجتمع في العضو ........
عضو ذووويق .........
هل أنت شخص نستطيع الإعتماد عليه وقت الضيق و الحاجة ؟
أعطيلي نصيحة:d
هل تؤمن أن طريقة كلام الأعضاء في المنتدى تعبر على شخصياتهم الحقيقية؟:up:


ان شاء الله برك اسئلتي خفاف
هكدا خويا جليلوس
:sport02:
 
رد: سهرة 20 ..........قهوة وتاي

السلام عليكم
آه يا خويا جليلو راك هنا ومخبرتيش ههههه
معرفتش بلي انت. هو انت انا قلت هوما
كي حكمك الرادار تاع ختي ليليا يضهرلي مراكش مليح ههههه
بصح عجبتني تاع كي خلعاتك بديت تعيط ههههه
شوالاللاااا هاذااءاا حمبووووك ومعلباليش كيفاه كملتها هههه
واللهه غير ضحكت من قلبي قربي يما جرات بيا لسبيطار هههههه
حقا مبروك عليك النجاح ان شاء الله ما كثر
يو آر صافا مع لونgلي ولا تسبيكيها شويا شويا

شويا اسئلة برك
كاش مرة هدرت مع فتحي ديزاد ههههه انا جامي مايحلبنيش كامل ههخهه احم احم

الفوتينg دير ولا معجاز كيما انا هههه عندي 3 سنين نقول هاذي السمانا ندير هههه تسوديت

في الصيف وين عدت تروح للبحر آمي بلاصا

والعومان تعرف شويا ولا تشمخ رجليك هذاك هو لبليزير ههههه

بصح ضرك ولات قعدة ماشي سهرة وا انا لي راني نهترف
ماشي راهي 12 تاع النهار ولا 12 تاع الليل هههه
اواه علبالك ياو رمضان

انت تحصل في رمضان كي تصرالك كاش حاجا
تقول زعما اواه واقيل غلبني رمضان ههه

ولي ماتش راك تتفرج شويا ولا كي حالتي نروح نتفرج نشعل لاتيلي ونتكسل
ممبعد نخير نتفرج ولا نرقد هههه وفي لافا نرقد هههه
ماتش مزال متفرجتو كامل هههه

انا نخليك خويا جاليلو والى كاش ما حبيت جي لعندي لدلس ارواح مرحبا بيك
السنة كاين لعراس ولبحر ههههه ارواح برك

سلام
 
رد: سهرة 20 ..........قهوة وتاي

السلام عليك والرحمة
كيراك خويا جليلوس
ان شاء الله راك مليح
اسئلة اولية برك:sport02:
ولا كيما يقولو خفيف ظريف

وعليكم السلام ورحمة الله
اهلا بيك خيتي ... بخير والله يلا غايا نحمدو ربي
سوااال عليكم ... اودي تعرفي شحال عطشت اليوم كلحتوني :p
روحي برك مايكونوش طوااال هههههههههه
يا الله


:thumb_up02:
اجمل بلد او ولاية زرتها ؟


مازال مازرت حتى بلد ... هاو في بلادنا يخلوك تحوس
ههههههه المهم سطيف هي اجمل ما رأيت
بصح مازااال مازال 48 ولاية نديرولها دورة خخخخ


هل تؤيد الزواج العاطفي ام الزواج التقليدي ؟ ولماذا ؟

شوفي الزواج التقليدي مرات يكون ناجح ومرات لالا
يدور على يماه ويقوللها جبتيلي وحدة مانعرف عليها والو ومنا ومنا وراكي عارفة الحكاية
المهم اديها ونتا تبغيها وادا حصلت فيها اربط وحدك مادخل حتى واااحد
درتها بيديك حلها بسنيك ايواا هادي هيا اجابتي


.ماهو اجمل اسم لولد واجمل اسم لبنت من وجهة نظرك؟

اجمل اسم ولد امممم في نظري : زكرياء
اجمل اسم بنت في نظري : خخخخخ شافية بوذراع هههههههه
اااه حقااا اسم شيماء مليح

هايواا واش قصتكم معا اجمل عضو ومانعرف واااش
ها قلتلكم زعماا كون نذكرهم كامل يكفووو الصفحااات ماشكيتش
وكيفاه دروك نجاوب آآآه
ايااا اوووك انا نقول على الزهر ماتزعفوش برك مني
تعرفوا معزتكم عندي ... راها كبرت وقريب نذبحها :yahoo01:

.عضو نشيط... ( ام ياسمين، الحلم الوردي، ام منير ، زهرة الزنبق، حكيم ستوري، خويا سوكر gلاس عبد المالك :-r
هههههه وزيد وزيد
)
.عضو تحسه واثق من نفسه ... ( قرصان الساحل،، لؤلؤة قسنطينة ،، عاشقة الجنة ،، صاحبة القبعة الحمراء ،، الزهرة الحمراء ،، نور الهدى .... فور الجيريا ،، )
.عضو تتمنى تلقتي به ... ( اسماعيل 22 ،، ليليااا ،، حكيم ستوري ،، نجيب )
.عضو معجب بطريقـة ردوده ... ( قاااع لي ذكرتهم + الجورناليستااا لؤلؤة قسنطينة ،، وزيد معاهم انااا خخخخخ احم احم )
.عضو طموح ... ( اميرة رورو ،، فايولا ،، نور الهدى ،، اسماعيل ،، حكيم شا نزيييد كامل طموحيين وعندهم ليسبواااار )
.عضو محبوب كامل ربي يحفظهم ويخليكم

-جــريمــة تتمنـــي لـــو تستطيـــع ارتكابهــــا؟!؟


آآآ حوجي باترجعيني كريمينااال
المهم لوكان جات القتيلة حلال مانيش عارف واش ندير
المهم لي يهدر نعطيه :d


-حمـامة زاجـــل حاملـــة رســالة لـك,,,من من تتمنـى ان تكــون؟

من خويا ربي يحفظووو ويكون معاااه من اراضي الغربة

أعضاء تنطبق عليهمـ هذهـ الأسماء من وجهة نظرك ... :p
الشاعري : بزاااف زعما كيفاه يشعر بزاااف والله نكدب عليك
المسالمـ : ههههههه قاااع يبردو الحمة مساكن :yahoo01:
الخلوق : كامل متربيين ماشاء الله
المميز : نجيب و ملاك انتي ههههه
خفيف الدمـ : فايولا وحكيم ستوري
العنيد : ليليا وماجدة

لي عودة
:)
الى كاش ما سؤال معاود فوته وخلاص


هههههههه مرحبا بيك مرة اخرى
خيتي لالا مكاش المعاود قاااع frais خخخخخ
يعطيك الصحة

 
رد: سهرة 20 ..........قهوة وتاي

هههههه ياخاااه gزانتي gاااع هنااا وانا نحوس على الزهر

شوفي خبريني يلا نربح ولا لالا في لوغال خخخخخخ هههههههههههههههههههه

ههههههههههههه يا حفييييظ جنون ليزاندالوووز عيطي لتااااع سالفادووور يعاونوووك

نختااار رقم 10 ايااا ماتخلعينيش حمبوووك خخخخخ
سلام حليلو اهلا وسهلا ضيفي راك جيابها ياو الحمد لله قريب طار القرمود قلت كيفاه هذا اجاش الحمد لله راني عارفاتك تشدك حاجة عليا بلاك برك يحسدونا
ايوا نروحو لضريب الكارطة عارفني جليل خبرة والغاشي لخرين بالرونديفو انت حاجة سبيسيال
اييه يا جليلو واش نقولك الحالة واقيل ما تعجبش

أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .
وها حوجي يانا راك طايح ويا ما خلات فيك والو راك ترفد السلل والصيكان ويا انا يا انا يا جليل واش قلنا ما شي قتلك زير الحبل راك طلقتو قاع
راك ترفدلها السلة ووليت خديم عندها وياااااااااااا خالتي وين راكي اجري وليدك راح خلاص وياااااااااا
هذا جنها زعيم الجنون هذي طالبها مروكي جابتك على راسك
راح نقلعلك فالبيض وفالخيط راح نبخرلك بالجاوي والحنتيت والزعفران وحتى الكركم الليوم نديرك شربة فريك

 
رد: سهرة 20 ..........قهوة وتاي


السلاااااام عليكم
صباح / مساء الخير

وعليكم السلام ورحمة الله
شانقولك انااا تلفتلي خخخخخخ
باسكو راني من السحور مارقدتش لدروك هههه راني كي الخفاااش


والله خويا جليل نستعرف بيك ماجيت نجي لقيتك ليكيديت الاسئلة كامل هههههه
كانت ردودك رائعة واغلبها قتلتني ضحك ههه

ههههههههه راني نطير واااه صبحت عليهم ليوووم :d
خمس في عينيين الحساااد :yahoo01:لالا ماشي نتوما خاطيكم :p
الله يدومها ضحكة خيتي ويطلع القوسطو راني نشوف فيييه مليااار
جاييين حالفيين فيااا :p



ربي يحفظك خويا، وواش حكاية التصميم هادي :( نتا واميرة جايبينها من ورايا وانا مازلت نخربش برك
نوجدلك واحد بصح تضحك عليه نذبحك هههه يعني تقبلو وتسكت حتى ولو معوج ههه

ههههه رانا متفاهمين عليييك نيهاهاهاهاهاهاها :d
ههههههههه ماعليش خربشيها خلطيها جلطيها المهم من عندك مانردهاش
ربي يحفظك راني نسنى بالاك تنساي حلي عينيييك


الموووهيييم نوليو للصح استنا نسأل حتى انا شوي

ياحوجي تاني جبتي اسئلة شااا خلاو فياااا
اجريلي ليلياااا فشلوني ههههههه ويااا شا تساليني :p


نبداو بسم الله

نقراو الفاتحة ياااك :d

لاحظت نص ناس اللمة راهم يفتحو مدونات إلا خونا جليل
هل خونا جليل يكتب اشعار ومايحبش يوضعهم قدام الناس؟ ولا خاطيه مجال الكتابة؟

المدونااات لمواليهم انا كي نلقى لوقت لروحي ساهل الحال ههههههههههههههه
نضحك برك خاطيني الشوبوقااات هادووو كنت نكتب وحد الوقت فااات
بصح دروك راني غي نشلg ههههههههههه


خويا جليل قلت بلي نتا آخرا لعنقود وعندك 4 اخوتك حسب واش قريت في ردودك
واش هي علاقتك بالإخوة تاعك فرد فرد وعلاقتك بالوالدين وشكون لي قريب فيهم ليك كتر الأم ولا الاب؟

ايه انا الحبة التالية :p ههههههههه
شوفي خاوتي علاقتي معاهم وطيدة ربي يخليهم ويحفظهم وين ما كانووو
اما الوالدين هوما تاج راسي مانجمش نختار واحد على حساب الاخر
لكن في نظري باش نجاوبك على سؤالك الام هي الاقرب اكثر


خويا جليل نعطيك كلمات وعبرلي عليهم بطريقتك
البحر الراحة والهدوء
الحياة شقاء وهناء
الموت قدر ومكتوب لازم نرضاو بيها
الأمل لاشونص خخخخ فرصتك في الحياااة لذة الصبر والثقة بالله سبحانه عزوجل
الحرية هي الكون الواسع بأوسع تفاصيله

اممم خويا جليل نتوقبو شوي على حياتك الشخصية

هيه مرحبا قرعاااجة راني بانندب بالقرداااش على زهري المعوج
اسئلتك مازال ماكملووو خخخخخخخخخ
ماتزعفيش مني راني نقسر برك


واش هي مواصفات لي تتمناها في زوجة المستقبل ان شاء الله

زوجتي لازم تكون مربية ومتدينة وبنت اصل قارية وفاهمة وقاعدة فالدار هههههه
هيه وتحكيلي كلش ماتخبي عليا والووو زيد تاني نحطها فوق راسي ادا ماوسعهااش نحطها في عينيااا
ياااك راح تولي يمااات ولادي ههههههههههههههه


نحبس هنا نخليلك دير تسخين مع الاسئلة هادو ورااااااجعة بإذن الله
ربي يحفظك خويا جليل وربي يحققلك واش متمني ان شاء الله

هيه الله يصبرني عليييك
ارواحي مرحباا بيييك خيتي في اي وقت
يعيشك ^^
 
رد: سهرة 20 ..........قهوة وتاي


راني وليت
هههههههههه مرحبا مرحبا فوتي فوتي
أكمل الفراغات التاليه : :p
عضو تتمنى تشوف شكله هو : مدير المنتدى ههههههههههه
عضو تلقبه زعيمـ أو زعيمة المنتدى الgزانة تاااع ليليااا اكيييد / وحكيم ستوري السلطان / لؤلؤة قسنطينة
عضو بتقوله الله يعطيك العافيه و جزاك خير : خويا نجيب وخويا سكر وخويا اسماعيل وقاااع لي عرفتهم من قريب ولا من بعيييد
عضو بتقوله ماتوقعتها منك ويجي منك أكثر هههههههه ااااه خاطيني لمشاكل معا الأعضاء باغية تباصيني نتيااا :p
عضو تحس انه طيوب وعلى نياته بكل تواضع انااا هو ... اعوذ بالله من كلمة انااا :love01::love01:
عضو شعبيته كبيرة و محبوب عند غالب الأعضاء نزيد نقول انا ولا مايشقاااش .... كامل محبوبين ما شاء الله وتبارك
( الثقل و الرزانه والهدوء والفرفشه ) تجتمع في العضو ههههه زعما تكون ماجدة ولا فايولا ولا نور الهدى ايا خيري واحد منهم
عضو ذووويق وين شفتهم انا يذوقوا ها بركايناا
هل أنت شخص نستطيع الإعتماد عليه وقت الضيق و الحاجة ؟
اكيييد راني هنااا قوليلي برك ... سلاك المحاين خخخخ
أعطيلي نصيحة:d

شوفي تهلاي في ميمتك وماتغبنيهاااش
على وزن غنية الشاب حسني ربي يرحمو مانعرف واش جابو في بالي دروك
المهم اتهلاي فيهااا بزاف بزاااف باسكو هي الشمعة في هاد الدنيااا
ويلا جاااك كاش خطاااب غير اقبلي بالاك تتشرطي ههههه
راهم يحوسوا عليهم بالمجهر ومايلقاوهمش

هل تؤمن أن طريقة كلام الأعضاء في المنتدى تعبر على شخصياتهم الحقيقية؟:up:


اكيييد فلا شك ولا ريب في هذا

ان شاء الله برك اسئلتي خفاف
هكدا خويا جليلوس
:sport02:


هههههههه خفاااف وظرااااف خفووولي يدياااا ومخي خخخخ
واااه هاكدااا خيتي ربي يخلييييك ليناااا :love01:

يعيشك
 
رد: سهرة 20 ..........قهوة وتاي


السلام عليكم
وعليكم السلام ورحمة الله
اهلا بيك حبيبي :love01: نورتي
آه يا خويا جليلو راك هنا ومخبرتيش ههههه

معرفتش بلي انت. هو انت انا قلت هوما
ها خلاوني نهدر ولا نعيطلكم خخخخخ عطشوني يا محاينك
كي حكمك الرادار تاع ختي ليليا يضهرلي مراكش مليح ههههه
بصح عجبتني تاع كي خلعاتك بديت تعيط ههههه
شوالاللاااا هاذااءاا حمبووووك ومعلباليش كيفاه كملتها هههه
واللهه غير ضحكت من قلبي قربي يما جرات بيا لسبيطار هههههه
هههههههههههههه حكمني الرادااار واااه وهاد المرة بالبوزاااف دارلي الكماااش
هبال طلعلي الحلو :sport02: غير اسكت برك
سلامتك من الضحك خخخخخخ يااااو بالعقل خلي شوي مور العيد هههه

حقا مبروك عليك النجاح ان شاء الله ما كثر
يو آر صافا مع لونgلي ولا تسبيكيها شويا شويا
الله يبارك فيك وفي ياماااتك خويااا
ان شاء الله

ياس ديير براثار آيام صافا معا لإنجليش خخخخ
آي سبيكيت فلوانتلي ههههه
هااا بالاك ماتفهمنيش نتابغيييت عليااا هادي لونgلي
كاسي
شويا اسئلة برك
هيه مرحبااا مرحبااا زيارتنا بركة
كاش مرة هدرت مع فتحي ديزاد ههههه انا جامي مايحلبنيش كامل ههخهه احم احم
وي هدرت معااه مرة برك ومازدنااش ياحسراااه ونظن عندها عامين ولا ههههههه
الله غالب راك تعرف كل واحد وشغالاتووو خخخخ

الفوتينg دير ولا معجاز كيما انا هههه عندي 3 سنين نقول هاذي السمانا ندير هههه تسوديت
رانا نديرو فوتينg بصح مين جا رمضااان تسودينا كيما قلت ....
التفني
ين والرقاااد وبيع البلاد خخخخ
في الصيف وين عدت تروح للبحر آمي بلاصا
وهرااان توجووور كاين مداغ وليزاندالوز وكوراليز
وبلا ماننساو موسطا 27 :d

والعومان تعرف شويا ولا تشمخ رجليك هذاك هو لبليزير ههههه
لا صافا ليماتر ناجور نعلمهم خخخخخ
نتلفهالهم ههههههههه في العوم
بصح ضرك ولات قعدة ماشي سهرة وا انا لي راني نهترف
ماشي راهي 12 تاع النهار ولا 12 تاع الليل هههه
اواه علبالك ياو رمضان
ههههههه افطن انت مع مسابقة الحلم مع مصطفى الآغاا افطن انت مو انت وانت جيعااان
نورمال قعدة ولا سهرة عادي الله غالب لبااارح ماقعدتش نجاوب كامل على هادو الاسئلة يا خويا غبنوني وانا خوهم الصغير :d

انت تحصل في رمضان كي تصرالك كاش حاجا
تقول زعما اواه واقيل غلبني رمضان ههه
لالا نورمال جامي قلت غلبني غير مين نعطش ههههههه
ولي ماتش راك تتفرج شويا ولا كي حالتي نروح نتفرج نشعل لاتيلي ونتكسل
ممبعد نخير نتفرج ولا نرقد هههه وفي لافا نرقد هههه
ماتش مزال متفرجتو كامل هههه
موالف نشوف في النت مي الله غالب راها تعيف قعدت
حتى داك التيلي نشوفه من العام للعام ... كيما لجنة الاهلة لترقب هلال شوال خخخخ

انا نخليك خويا جاليلو والى كاش ما حبيت جي لعندي لدلس ارواح مرحبا بيك
السنة كاين لعراس ولبحر ههههه ارواح برك
اممممم اكدلي على لعراااس فوكروووني يا محاينك راناا مغودييين
نجي عندك قولي برك لادريس:yahoo01:خخخخخخخخ نجيب ناسي معاياااا ياااك

سلام

شكرا لتواجدك خويا سكر حليتلنا القعدة الله يحلي ياماتك
يعطيييك الصحة بارك الله فيك :love01:

 
رد: سهرة 20 ..........قهوة وتاي

سلام حليلو اهلا وسهلا ضيفي راك جيابها ياو الحمد لله قريب طار القرمود قلت كيفاه هذا اجاش الحمد لله راني عارفاتك تشدك حاجة عليا بلاك برك يحسدونا
وعليكم السلام ورحمة الله ليلوش :regards02:
كيدايرااا صافاا مكان والووو راني جايبها هاو نحمرلك وجهك ياك قتلك خخخخ
هههههههه ضربوني بعين لبارح عليها تبكشت :d

ايوا نروحو لضريب الكارطة عارفني جليل خبرة والغاشي لخرين بالرونديفو انت حاجة سبيسيال
هههههههههههه زعما ليكليون لخرين ليكيديتيهم
الله يستر برك .... على حساب الشوفة الحالة راها مروبلة
اييه يا جليلو واش نقولك الحالة واقيل ما تعجبش
ياحوجي منيتك ليليااا آآآ خلادااار بويااا :yahoo01:
أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .
وها حوجي يانا راك طايح ويا ما خلات فيك والو راك ترفد السلل والصيكان ويا انا يا انا يا جليل واش قلنا ما شي قتلك زير الحبل راك طلقتو قاع
راك ترفدلها السلة ووليت خديم عندها وياااااااااااا خالتي وين راكي اجري وليدك راح خلاص وياااااااااا
هذا جنها زعيم الجنون هذي طالبها مروكي جابتك على راسك

ليليا جابلي ربي القصعة دارتلك راو راحلك السينيااال ليووم :sport01::sport01:
آآآه كارطتك راها غير تقلي علينااا ايا قوليلها بركاينااا شاهاداا نرفدلها الفاليزاا والصاك والله يلا حكمت
ربحت جليل شحم ولحم ورطل وسبعين ونص وربعين نرفد الصاك لمن زعمااا للي قلنااا لالا والله ماصرات وماتصراش
الصاك نرفده ليمااا واااه كي تكون رايحة للحمام ولا لكاش عرس
ولمرتي كي تولي مرتي تم وااااه :sport02:نقولك الكارطة تاعك صدقت
هاهاهاهاهاهاهاهاها يلا بغا طالبها يهودي
انا تاني نكتب بالgوشي خخخخ نشوف في القصب :yahoo01:

راح نقلعلك فالبيض وفالخيط راح نبخرلك بالجاوي والحنتيت والزعفران وحتى الكركم الليوم نديرك شربة فريك

خخخخخخ زيدي الزيت والملح والبطاطا السكنجبيل وفلفلة الحمرا القصبر والنابطة ...
وكملي المرقة وطاجين الحلو والنعناااع للسهرة

وهاديك هيااا جبتي فطور اليوم
ياااحي عليااا ليليا لمهبولة قتلتيني بالضحك علابالك نقرا في ردك وانا خنونتي باطير :yahoo01:



الله يعطيييك الربح ههههههههه ضحكت دروك مالغري راني عيااان عياوني لخاوة ويا يمااا

اعرضوني نفطر عند كاش واحد ليوووم ياخاااااه غسلوني ونشروني

اوووووووه نشم شوي هوا ونجيكم خخخخخ

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top