هدية لطباخات المنتدى بمناسبة عيد الفطر السعيد

أبو عاتكة

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ
طاقم الإدارة
إنضم
1 أوت 2008
المشاركات
8,539
الحلول
4
نقاط التفاعل
13,907
النقاط
2,156
الجنس
ذكر
تعبت حقا ...

لا اكاد اتصفح موضوعين في اللمة الا وكان الطبخ ثالثهما والعياذ بالله .

كلما اتجول في ارجاء اللمة الواسعة اشعر بتيار يجرفني نحو منتدى الطبخ

ومواضيع الأكل المنمقة المزركشة بحلي التعابير وعبارات لا تجعل الريق يسيل بل حتى الدمع ينهمر

يا قوم اني اخاف ربي العالمين فاشفقوا علينا وان الشهر طويل

وان الاطباق والاصناف تهافتت عليا من كل حدب وصوب

حتى عدت اشم رائحة الموضوع من عنوانه

واختلط عليا الامر في مراجعة المشاركات الجديدة حتى يطلعلي عناوين :

باحث الماني يخترع طاجين بالزيتون ويطلق ثورة جديدة في مطبخ جهيدة

البوراك القسنطيني يطالب المجتمع الدولي بالتدخل في ليبيا

بيع 1000 دولار بالبيشاميل مقابل ccp

حروف تائهة من الفور من مطبخي

اليوم الفطور عندي حرائق غابات وحوادث سير بالطرقات

المنتخب الفرنسي يغادر كوب تاي بالنعناع حصريا على اللمة

محرز يسجل هدفا على طريقة حبيبتي ام ياسمين

ندوخ الله غالب :( اسمحولي يالعناوين

عندما ادخل خلسة لاحد المواضيع وتكون الصورة معبرة وصادقة اكثر من اصحاب المواضيع

اشكر صور التطبيقات والاطباق اخص بالتحديد الصحون والكاس والسلات والمغارف بدون ان ننسى الطاولات على نقاوتها ودقة الوانها ووضوح اجزائها وعدم ظهور وجوه اصحابها

c_documents_and_settings_administrator_my_documents_102904-funny-face.png



وانا لا افقه في هذا المجال سوى التدقيق في الاقوال تحت كل مقال .

الردود تعطيك المردود :

يعطيك الصحة على الطبخة ......
حلوة ...
لذيذة ... تهبل ...

تقبل مروري الكريم :s ( نتاع واحد يرفع في المشاركات وخارج عن نطاق التغطية )

تشهي ....

خرجتلك مليحة .... يسلم يدك يا مديحة ....

فاستمتع بالصور واشبع من الردود . اغسل يدي واعود الى واجهة المنتدى .

ايها الناس اني اعترف

اعترف اني ادخل خلسة لمطبخ اللمة :$

واسترق النظر ....

وحتى لا تقع عين زوجتي على صور طبخكم فتقول " امالا معجبكش طيابي

1277990333.jpeg


فاني افتح صفحتين على المتصفح واحدة فيها قسم الطبخ مالذ فيها وطاب

والاخرى احتياطية فيها تصميم للحكمة

%D8%A7%D9%84%D9%82%D9%86%D8%A7%D8%B9%D8%A9-%D9%83%D9%86%D8%B2-%D9%84%D8%A7-%D9%8A%D9%81%D9%86%D9%89-425x225.jpg


الحرب خدعة ;)

والى كل طباخ من جلدتنا ( ميشلان ) اتمنى لكم التوفيق في حياتكم المطبخية
واتمنى ان لا تاخذوها على محمل الجد وان بعد العسر يسرا يسرا وانو مهما طال الحال فبقاء الحال على ماهو عليه موحال

واذا تعلمت الفريت اوملات فليست هذه كل الحياة
يا صديقي يوجد ماهو اكبر من الاوملات انه الدوزين والفتيل والعجين وحلاوة اليدين .

الى كل سيدات الطبخ في اللمة هذه هدية لكم وااشكركم واكيد كل اعضاء اللمة يشكروكم على مشاركتكم بيوتكم معنا وتمتعنا برؤية اطباقكم وابداعاتكم في فن الطبخ .

درتوا فينا التير بتنوع وصفاتكم واظافاتكم في كل رمضان في اللمة .

ربي يحفظكم ويحفظ ازواجكم واولادكم واهليكم ويعطيكم من الخير كل ما تتمنى انفسكم ويسعدكم في الدنيا والاخرة .


تقبلو هذه الهدية

fresh-7145-122774-1-catalog_grid_3.jpg



عفوا عفوا غلطت في نوع الهدية

اتفضلوا يا الفحلات شمروا على يديكم والفتوا الالكترونيك :mad: تلوحو العجينة في المشينة يخرجوا زوج بلاوات واحد قلب اللوز والاخر سكران طايح من الدروج
وتقولونا نعملوا ونديرو والوصفة هاك وهاك وصفة سحرية وحصرية تعلمتها من ماما :graduation: يا فاقوا
خص نهار تكون المشينة تتكلم تجي للراجل وتقلو ا السي قدور واش تاكل اليوم نطيبلك شخشوخة والا نسقسيوا المدام :s

34231.png
 
رد: هدية لطباخات المنتدى بمناسبة عيد الفطر السعيد

السلام عليكم
هههههههههه قاع هكا داير فيكم طبخ اللماويات عم فريد هههه
هادي قتلتني بالضحك " وحتى لا تقع عين زوجتي على صور طبخكم فتقول " امالا معجبكش طيابي" ههههه
الحذر ثم الحذر يا ابو فيصل لا تضوج عليك ام فيصل هههه
شكرا لك ،،وبارك الله في انامل اللماويات
 
رد: هدية لطباخات المنتدى بمناسبة عيد الفطر السعيد

انت طلعت سخاف اكثر مني ههههه
ماتدخلش خويا فريد ياو تجر على روحك كيما نقولوا مسمنات ومعجنات ومقبلات هادي سلايط وزيد لايامات الاخيرة هادي هاجو علينا بالقاطو يعني كملوا علينا
ربي يكون في عوننا
 
رد: هدية لطباخات المنتدى بمناسبة عيد الفطر السعيد

السلام عليكم
قتلتني بالضحك
خاصة هدوما
البوراك القسنطيني يطالب المجتمع الدولي بالتدخل في ليبيا

بيع 1000 دولار بالبيشاميل مقابل ccp
هههههه والتالية فيهم هديا
وحتى لا تقع عين زوجتي على صور طبخكم فتقول " امالا معجبكش طيابي"
املا عود متوريها والو
يعطيك الصحة
صحا فطورك
 
رد: هدية لطباخات المنتدى بمناسبة عيد الفطر السعيد

السلام عليكم
مشكور أخي على الهدية الجميله
أما الأكلات لهبلناك بيها أسفين الله غالب ما لقيناش وين نروحوا قلنا ينفعنا غير المنتدى نحط فيه واش نطيب ونغزلو لتسخفهم الأطباق :p:p كنت غير نضحك
صح فطورك أخي سلام
 
رد: هدية لطباخات المنتدى بمناسبة عيد الفطر السعيد

السلام عليكم
آه آه يا عمي فريد علاه تفكرني فيهم راهم مرضونا وهلكونا هههه
من كل انواع الشوربات والممعجنات والمشروبات ههه
وضرك دوروها حلوى تاع العيد
يامامي يامامي على الحلوى عاد يسخفوني بيها هههه
ربي ان شاء الله يطول في عمرهم ويهنيهم مع عايلتهم من كبيرهم لصغيرهم
وربي يحفظك عمي فريد والعايلا تاعك
 
رد: هدية لطباخات المنتدى بمناسبة عيد الفطر السعيد

1000دولار و الدفع ccp هههههههههههه
 
رد: هدية لطباخات المنتدى بمناسبة عيد الفطر السعيد

السلام عليكم
هههههه
والله أضحكتني يا عم طريقة طرح موضوعك رائعة بامتياز ههههه
المطبخ اللماوي الله الله عليه بكل الصنايع اطلب يحضر يعلم ويتعلم ويبدع
ربي يحفظلنا لماوياتنا الفحلات طباخاتنا المتميزات....
راهم ماخلاو والو في رمضان هههه
 
رد: هدية لطباخات المنتدى بمناسبة عيد الفطر السعيد

السلام عليكم
وصح فطوركم
هههههههههه والله موضوع هايل شبعت ضحك ههه
سورتو هادو ضحكوني صح هههه


باحث الماني يخترع طاجين بالزيتون ويطلق ثورة جديدة في مطبخ جهيدة

البوراك القسنطيني يطالب المجتمع الدولي بالتدخل في ليبيا

بيع 1000 دولار بالبيشاميل مقابل ccp

حروف تائهة من الفور من مطبخي

المنتخب الفرنسي يغادر كوب تاي بالنعناع حصريا على اللمة

والله لكل قسم نكهتو الخاصة وكن يخطيونا ناس المطبخ
مايكونش توازن في المنتدى وحنا والفنا صراحة بواش يقدموه
امهاتنا وخواتاتنا وحتى الاخوة الله يبارك
راني كنت نشوف السيد رابح تحصل على المرتبة الاولى في مسابقة الطبخ

يعني هادو هوما ناس اللمة واش نديرو راهم يسخفو فينا هههه خرجولنا قلبنا ههههه
شكرا على الموضوع المميز
وربي يحفظ الجميع ويهنيهم ان شاء الله

 
رد: هدية لطباخات المنتدى بمناسبة عيد الفطر السعيد

صحيح كما قلتم ربي يجازيهم كل الخير ويحفظ اهلهم واولادهم .
ونقولولهم مسبقا عيدكم مبارك ان شاء الله بالبراكة والخير والهنى للجميع .
ان شاء الله يهل علينا هلال شوال والجميع مغفور له وماجور .
شكرا على مشاركاتكم .
 
رد: هدية لطباخات المنتدى بمناسبة عيد الفطر السعيد

آآآه حطيت يدك على الجرح عمي ابو فيصل
يااا بزاااف ريوقنا طاحو هادا رمضااان حرام عليهم ... تبااا مون كوووور لايتحمل :p :p
احترموا مشاعرنا ... خبشتولنا ليشونتيمون ... رد بالك مولات الخيمة ديرلك ديgا ههههه
مزيا جينا سيليبايرين لوكان توخدنااا خخخخخ
تاع قدرة حروفي تنبض مرقة ماسمعتش بيها هادي هههههههههههههه
على العموم ربي يخليك لينا ضحكنا معاك بزاااف هههههه يعطيك الصحة بدلت علينا شوي هههههه

صحا فطوركم وصحا عيدكم غفر الله لنا ولكم وتقبل الله منا ومنكم
اهل الله علينا هلال العيد بالخير واليمن والبركات
دمتم بخير ^^
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top