شوفوا وين وصلنا معا هاد الجيل !!

[جليلوس]

اهلا لحباب خاوتي وخياتي كيراكم ان شاء الله بخير
كاش تحواس كاش بحر كاش خرجااات ولا راكم تتصهدوا هنا فاللمة :d:d
ههههه ماعليش لي راح بصحتوو يرجع بخير ... ولي ماراحش تجيك في الصبر :p

هاني جيييت ليوم نهدر على وحد الظاهرة راها مدوختني :s:s:s بالاك طرحوها قبلي ومانعرف المهم نحكيلكم شوي
ونخليلكم الكلمة في لافان :up:
كيما تعرفوا الدراري والولاد هوما زينة الدار و بيت بلا دراري كيما الكوزينة بلا كانون بصح المشكل راه في الدراري اون باغصون
جيل تاع دروك يا لطيف ... كل ماتجي تفهمهم دووخ والله راسك يحبسوهلك ... تقول نشعل فيهم النار
سورتو اللي يرجع الهدرة انت تقول كلمة يرجعوهالك عشرة

تحس روحك ما عندك حتى قيمة وزيد الكلام الزايد هدا جني وعفريتي في لي يرد الهدرة خاصة ادا نتا تقول كلمة ويعاندك ويقول لالا ولا يردهالك الصاع صاعين ... ايوا وهنا خيكم جليلو القرمووود تاعو يطير تقول نخبطه على الحيط مخه نخرجهله :d... ولا شاقال :sport01:
هي نورمالمون الصغير يوقر ويحترم الكبير .... بصح يا حسرااه وييييييييين معا جيل دروك ماشكيتش الا من رحم ربي ...هاديك كانت بكري كي يهدرو معانا تحط راسك ... دروك الإحترام كي تلقاوه سلمو عليه ... اون بلووس المشكل ماشي غير هنا وخلاصت الحكاية ...الطامة الكبرى تلقى حتى والديه ماهوش دايرلهم حتى اعتبار ولا قيمة ... كي شغل الشيكور تاع الدار ... واللي تزيد تفوكرك تلقى والديه يشكرو فيه احنا بنتنا احنا ولدنا متربي ... واااه بيييط بييييط ياااو فاقووو
وللاسف حتى معاهم يااا الرب العالي قريب يجننهم بصح ما يبغوووش يستعرفو ... ارواح نتا وافهم دروك
هايا قولولي دروك راني غالط ولا ؟؟

يا الله الكلمة لكم ... طيييط طييييط طيييييييييييييييط
خيكم #جليلوس
​

 

[zohor kfz]

رد: شوفوا وين وصلنا معا هاد الجيل !!

راني حاسبة غير لي في عيلتنا لي هكذا ... ويلي مصيييييييييبة راهم
و الله غير يخرجو لعقل ... كان عندنا عرس و موراه راك عارف مع الضيفات و الله غير راسي ينقلب .. و الموصيبة يجيو يلعبو معايا و لا يجرجروني قدام الشعب ارواحي تلعبي معانا آآآآآآآآآآ انا في عمري 25 سنة نلعب معآآآاكوم
ولا التالية و الله غير نحكيهالكم
في العرس كانو عندنا وحدين من تيزي وزو و عايشين في فرانسا المهم وليداتهم شعرهم طويل الكبير (5 سنين) شعرو طويييييل و اصفر و رطب حرييييير الله يبارك
واحد من ولادنا الله يبارك ماعلاباليش عجبو شعرو او غار منو المهم لحقنا عليه في اخر لحظة ... حاكم عود الكبريت و حاب يحرقلو شعرووووو ههههه و يماه لفوق وليدي الله يبارك عاقل ما يهش ما ينش ... يا لموصيبة قريب شوط زليف الولد هههه
و كاين موقف اصعب لكن حفاظا على قلوبكم نخليوها للمرة الماجية هههه

 

[لؤلؤة قسنطينة]

رد: شوفوا وين وصلنا معا هاد الجيل !!

السلام عليكم
اهلا بيك خويا جليل هادي غيبة خويا ان شاء الله احوالك بخير
على كل حال ربي يهنيك ويوفقك لكل خير
هيا نصوطيو للموضوع لي مع قريتو وليت هكا -_- هههه
خاطر نحب الاطفال ونموت عليهم وربي لي شاهد بصح الطفل لي ماش مربي هاداك تقول نرميه من الطاقة وقليل
نتقبل طفل مهرج يعني يجري يصوطي يلعب حتى ولو يقلب الدار خاطر علابالي وقتو وكن مايلعبش درك ماعندو
وكتاه يلعب وزيد يحتفظ ببراءتو، بصح هاداك لي يرد عليك الكلمة بعشرة ويسبك ويضرب هاداك نحرقو وقليل هههه
خاطر نحسو عبد كبير في جسم واحد صغير وهاد النوع نكرهو
حنا في جهة دار ماما ولاد خوالي وخوالاتي يموتو علينا يشريو دقيقة بالدراهم غير باه يقعدو معانا ويحكيو معانا
بعقالة وتربية وعمرهم لا يزيدو عليك الهدرة ولا بالعكس، اما تاع دار بابا يا يما تقول شياطين ماش عباد
ساعات لاصقين في الشجر كي القرود ساعات معرف وين التراب لاصق فيهم العياط تجي تهدر معاهم يسبك نورمال
ويزيد تجي يماه تسبك وتقولك بني متربي وماتقيسوش، واشوا هادا -_- الطفل المتربي واحد مايقيسو بصح لي
يزيد على حدودو لازمو اعادة تربية، بصح مع من تهدر ياو والديه بعد ماش مانعين منو خلي يا يجي ليك نتا يحتارمك
الاحترام راح مع ماليه هاداك العام للاسف ومازلنا نشوفو العجب ربي يستر برك
شكرا خويا على الموضوع بارك الله فيك
تحياتي
​

 

[لؤلؤة قسنطينة]

رد: شوفوا وين وصلنا معا هاد الجيل !!

راني حاسبة غير لي في عيلتنا لي هكذا ... ويلي مصيييييييييبة راهم
و الله غير يخرجو لعقل ... كان عندنا عرس و موراه راك عارف مع الضيفات و الله غير راسي ينقلب .. و الموصيبة يجيو يلعبو معايا و لا يجرجروني قدام الشعب ارواحي تلعبي معانا آآآآآآآآآآ انا في عمري 25 سنة نلعب معآآآاكوم
ولا التالية و الله غير نحكيهالكم
في العرس كانو عندنا وحدين من تيزي وزو و عايشين في فرانسا المهم وليداتهم شعرهم طويل الكبير (5 سنين) شعرو طويييييل و اصفر و رطب حرييييير الله يبارك
واحد من ولادنا الله يبارك ماعلاباليش عجبو شعرو او غار منو المهم لحقنا عليه في اخر لحظة ... حاكم عود الكبريت و حاب يحرقلو شعرووووو ههههه و يماه لفوق وليدي الله يبارك عاقل ما يهش ما ينش ... يا لموصيبة قريب شوط زليف الولد هههه
و كاين موقف اصعب لكن حفاظا على قلوبكم نخليوها للمرة الماجية هههه

حنا تاوعنا مسالمين يحرقو المطارح برك ههههههه
خاطيهم ارواح الناس :p تلقاهم كامل بريكي في يديهم ويشعلو في المطارح مايحبوش الظلمة مساكن ههه
​

 

[zohor kfz]

رد: شوفوا وين وصلنا معا هاد الجيل !!

حنا تاوعنا مسالمين يحرقو المطارح برك ههههههه
خاطيهم ارواح الناس :p تلقاهم كامل بريكي في يديهم ويشعلو في المطارح مايحبوش الظلمة مساكن ههه
​

هههههههههههههههههههههههه
حي عليآآآآآآ ... يعني يهرقو الدار و ما فيها هههههه
يا اختي علقي في باب الدار ممنوع احضار الاطفال و ادا جاو معاكم تاكدو تقعدو على الارض هههههه

 

["viola"]

رد: شوفوا وين وصلنا معا هاد الجيل !!

السلاام عليكم و رحمة الله

على سلامتك خويا طولتها هاذي الخطرة ...

كاش تحواس كاش بحر كاش خرجااات ولا راكم تتصهدوا هنا فاللمة

يعني حطيت يدك عالجرح :p:p

مهم نرجعو للموضوع

وش نقولك يا خويا راكي كيفك جني و جن لي يرجعلي الهدرة -_- نصيب نديلهم الدوا تاع الفيران -_-

هي ترجع اساسا للوالدين ..

ساعات تلقاه يشوف في وليدو يريكلامي مع واحد كبير عليه و هو منهيه يخزر فيه و يتبسم بكل فخر

كي شغل هذيك راهي شطارة و ورثها وليدو من عندو :down:

هاذي لا ملقيتوش يرجع ليماه و باباه راه مليح ..

اصلا الذراري يكونو عزاز كي يكونو عgاgن مّا كي ينطقوا معندي مندير بيهم خخخ

صحيت خوياا

سلاامي


​

 

[{مُدَلَّلَتُهُ}]

رد: شوفوا وين وصلنا معا هاد الجيل !!

السلآم عليكم

أهلا خيوو عاش من شافك . .واقيلا كنت تحوس :p

موضوعك فكرني بالأوباش لي تعاملت معاهم 10 أيام كرهت فيها الذراري و التربية و الزواج -_-

الي تقتلك كل وحدة تقولك أنا ولادي متربيين ما نعرف مين جابو هاد القباحة "هادي علىى الأقل اعترفت بلي ولدها يقباح" المحنة في هاذيك الي تقولك لا ولدي خاطيه راه من الصباح عندي و انا نشوف فيه بعيني ياكل في ولاد الناس . .

ولا كي يولو النسا متعاسين هاذيك تقولك ولدك ضرب ولدي و لخرا تقولها ولدك هو الي ظالم . . هنا أنا نولي ما نضويش

نجو للصح التربية نقصت . . نعقل كي كنا صغار جامي ماما تدينا للواجب الكبير و كي تصرا عليها و تدينا تربطك حذاها ما تتحركش و لا تحركت تخلصها غالية في الدار .. و كان الجار يضربنا و نخافو منه الخال العم أي واحد كبير كي تشوفه تولي تترعد . . بصح ضروك كيما قلت انت والديهم و ماهمش يخافو منهم باغي يخافو من وحد آخر

المشكل الأول في الوالدين . . هوما لي يتحملو مسؤولية ولادهم

طولت في الرد الله غالب قلبي معمر خخخخخ نتلاقاو في موضوع آخر
​

 

[زهرة اللمة]

رد: شوفوا وين وصلنا معا هاد الجيل !!

سلاااااااام

خوياا

انا كنت حاسبة غير انا لي عايشة هاااك

يعني مع اختي الصغيرة معانااة تااع الصح

اذا انت مهبول اهدر معاها تقول زاادت بااه

تناقرني ههههههههههههه

 

[ضيوف وسـنغادر]

رد: شوفوا وين وصلنا معا هاد الجيل !!

السلام عليكمْ
ولمادا تخبش فلي سونتيمو لمادا
انا كنت طفلة صغيرة وعاقلة:love01: عشت وحدي بلا خاوة مانضتش مطيرة ونرجع لكلام والحمد لله:-r
كل هذا جعلني نتشوكآ/نتأثر /نفتجأ XD/ نسيربرآيسيد....:s

نحب الدرآري وخآصة (اللي بآهين وشآبين:yahoo01: وطبوزين كيما انا كي كنت صغيرة خخخخ:$)
نحب نلعب معاهم ونجري معاهم كلشي معاهم :yahoo01:ماعنديش اي بروبلام حتى لو يشدو الحيط ويتسلقو فيه:p( تعبير مجآزي مانيش صابرة لهذه الدرجة مي نصبر:sport02: )
لكنْ باش طفل صغير يتفوه بكلام ماش مليح:s (اكيد هو ماش علابالو بيه مي الوسط تاعو كيفاه داير)
صدقوني ماعنديش رافة ولا شفقة في هذه اللحظآت كي نضربو مرة وزوج يتعلم بلي ماش يعاودهآ:up:
يتضرب في سن صغيرة خير مايكبر في تربية تع العيب:up:
نظن رحت بعيد:s~ لانو نحكيو على ترجاع الهدرة مي راهي داخلة فيها تاني
الطفل لازم من صغرو يتعلم الاحترآم للكبير:regards02: وانا اوافق الضرب الغير مبرح باش يتربآ يكبر ويعرف قيمة التربية وكيما يكون هو رايح يكون مجتمع كي يكبر:bravo01:
ان شاء الله نكونو قدوة مليحة للصغار:love01: نلعبو معاهم ونgسرو معاهم كيما راهم يديروا :bravo01:مي الخط الاحمر انو كي يبدآو يروحو هك ولآ هك
لازم بشمآقة من نوع كلاشينكوف :p
شكرا جزيلا على الموضوع حقآ موضوع جيدْ للنقآش
في امان اللهْ~​

 

[Malika Tlm]

رد: شوفوا وين وصلنا معا هاد الجيل !!

مساء النور خاي واش خبارك
ايه تعرف الجيل نتاع دروك والله يخرجوك من عقلك
نت تقول كلمه هوما يقولو عشرة
وقلة التربيه الاحترام مكانش الادب والراس مصعنن
تعرف حنا فدارنا عندنا الفريق الوطني ههههه تبرك الله
ايا اجي نت وفهمهم وسكتهم وكي تقولهم حبسوا القباحة يزيدوا
اه يا خاي حمقوني مرات نقولهم درك نخليلكم الدار ونروح هههه
ايوا واش نقولو كامل بوعارتهم والراس اليابس ديالهم يبقاو هوما زينة الدار
ربي يحميهم ويبارك فيهم
يعطيك الصحة موضوع شباب
تحياتي لك​

 

[شاعرة الأمل]

رد: شوفوا وين وصلنا معا هاد الجيل !!

خير عليكم خاوتي وخواتاتي
زعما جيت نلهى هنا ونبعد على الحس ولعياط لقيت خويا جليلو يهدر عليه
يا راهم عندنا ولاد خوالي راح ياكلو لرض تقول ياجوج وماجوج الله يستر برك
ومنين نهدر معاهم انا قريب نبكي يردو وحد الهدرة يا يما تحكمني منها الدوخة
هدرت معا يماهم قاتلي لا لا مشي موالف يقباحو !!!!!! ها حوجي ها حوجي واش راهي تقول
تامنو واش صبتو يدير لايم النمل في لابوات تاع زلاميت وراح يحرقهم وكي نحيتلو البريكي راح قال لماما
عمتي ندى راهي تعذب في النمل مساكين !!!!! تشوكيت ومخي تبيراطا
مي كلش نسامح عليه ونفوتو ونكبر قلبي معاه غير الكلام القبيح والعيب اه والله نمساكريه ونرجعو بياس ديتاشي
وكلش كلش كلش من تربية الوالدين
طولت في الرد
مشكور اخي جليل راك حطيت يدك على الجرح
سلام
​

 

[جليلوس]

رد: شوفوا وين وصلنا معا هاد الجيل !!

راني حاسبة غير لي في عيلتنا لي هكذا ... ويلي مصيييييييييبة راهم
و الله غير يخرجو لعقل ... كان عندنا عرس و موراه راك عارف مع الضيفات و الله غير راسي ينقلب .. و الموصيبة يجيو يلعبو معايا و لا يجرجروني قدام الشعب ارواحي تلعبي معانا آآآآآآآآآآ انا في عمري 25 سنة نلعب معآآآاكوم
ولا التالية و الله غير نحكيهالكم
في العرس كانو عندنا وحدين من تيزي وزو و عايشين في فرانسا المهم وليداتهم شعرهم طويل الكبير (5 سنين) شعرو طويييييل و اصفر و رطب حرييييير الله يبارك
واحد من ولادنا الله يبارك ماعلاباليش عجبو شعرو او غار منو المهم لحقنا عليه في اخر لحظة ... حاكم عود الكبريت و حاب يحرقلو شعرووووو ههههه و يماه لفوق وليدي الله يبارك عاقل ما يهش ما ينش ... يا لموصيبة قريب شوط زليف الولد هههه
و كاين موقف اصعب لكن حفاظا على قلوبكم نخليوها للمرة الماجية هههه

هههه اهلا اختي زهور نورتينا .... واه راهم بارتو هاكا ... :tongue02::tongue02:
ماشي يخرجو العقل ياو القلب يحبسووه الجنون تقول نرفد من التاقة ونقيس ولي بايصرا يصرا
هههه العبي معا خاوتك مساكن العبي المهم مايهبلوكش :d:d ههههه عندك تتقرمدي :p:p
اممممم هادو ولاد فرنسا ماشي الزازاير :yahoo01:شعر صفر وعينين خضورا وقاع ودنيا هانية هههههههه ليزاباش تاعونا مايخلوهمش
قوليلها ولدك راهو يشوط بوزلووف مسكين غادي يخرج بوشي تبارك الله عليه ....بايحرقم ويااا التبهدايل :-o:-o:-o
هيه المرة الجاية ماتخليناش نسناو قوليه نورمال .... خبشتيلنا ليشونتيمون :p:p

يعطيك الصحة نورتينااا

 

[جليلوس]

رد: شوفوا وين وصلنا معا هاد الجيل !!

السلام عليكم
اهلا بيك خويا جليل هادي غيبة خويا ان شاء الله احوالك بخير
على كل حال ربي يهنيك ويوفقك لكل خير
هيا نصوطيو للموضوع لي مع قريتو وليت هكا -_- هههه
خاطر نحب الاطفال ونموت عليهم وربي لي شاهد بصح الطفل لي ماش مربي هاداك تقول نرميه من الطاقة وقليل
نتقبل طفل مهرج يعني يجري يصوطي يلعب حتى ولو يقلب الدار خاطر علابالي وقتو وكن مايلعبش درك ماعندو
وكتاه يلعب وزيد يحتفظ ببراءتو، بصح هاداك لي يرد عليك الكلمة بعشرة ويسبك ويضرب هاداك نحرقو وقليل هههه
خاطر نحسو عبد كبير في جسم واحد صغير وهاد النوع نكرهو
حنا في جهة دار ماما ولاد خوالي وخوالاتي يموتو علينا يشريو دقيقة بالدراهم غير باه يقعدو معانا ويحكيو معانا
بعقالة وتربية وعمرهم لا يزيدو عليك الهدرة ولا بالعكس، اما تاع دار بابا يا يما تقول شياطين ماش عباد
ساعات لاصقين في الشجر كي القرود ساعات معرف وين التراب لاصق فيهم العياط تجي تهدر معاهم يسبك نورمال
ويزيد تجي يماه تسبك وتقولك بني متربي وماتقيسوش، واشوا هادا -_- الطفل المتربي واحد مايقيسو بصح لي
يزيد على حدودو لازمو اعادة تربية، بصح مع من تهدر ياو والديه بعد ماش مانعين منو خلي يا يجي ليك نتا يحتارمك
الاحترام راح مع ماليه هاداك العام للاسف ومازلنا نشوفو العجب ربي يستر برك
شكرا خويا على الموضوع بارك الله فيك
تحياتي
​

اهلا بيك اختي مريومة نورتينااا
الله لا يغيبك ها رانا عايشين نقولوا لحمد لله سوال عليكم
مرسي يعيشك اللهم آمين اجمعين :regards01:
هيه سلامتك تبغي دراري هوما تاني يموتوا عليييك ههههههه
اكيييد كلش من التربية والوالدين هوما السبة في طوايشهم
واااه كيما قلتي ياخي يلعب يسوطي يدير واش يحب هادا وقتهم بصح يرد الهدرة
اواااه غير هادي لي مانتفاهموش عليها
هههههههه شواطين هههههه :d ماعليش غير ياكل التراب ومايردش عليا الكلام ناكلو بلا عظم
واه كيما قلتي معا من تهدر هو هايج وزيد والديه في كتافوو عندو الحصانة الكاملة .... حق الفيتو :p

وكيما قلتلكم الإحترام كي تلقاوه سلمو عليه هيهيهيهيهي
العفو ربي يبارك فيك ^_^ شكرا لمرورك الجوغناليست تاعناااا

 

[جليلوس]

رد: شوفوا وين وصلنا معا هاد الجيل !!

حنا تاوعنا مسالمين يحرقو المطارح برك ههههههه
خاطيهم ارواح الناس :p تلقاهم كامل بريكي في يديهم ويشعلو في المطارح مايحبوش الظلمة مساكن ههه
​

ههههه سلامتهم مايديروا والواا يبردو الحمة :d:d

هههههههههههههههههههه دواعش راهم عندكم اواااه ماش حتى لهاد الدرجة :-o:-o

 

[جليلوس]

رد: شوفوا وين وصلنا معا هاد الجيل !!

هههههههههههههههههههههههه
حي عليآآآآآآ ... يعني يهرقو الدار و ما فيها هههههه
يا اختي علقي في باب الدار ممنوع احضار الاطفال و ادا جاو معاكم تاكدو تقعدو على الارض هههههه

هههههههههههه يحرقوا الدار ويزيدوا يردموها مكاش لي يهدر معاهم
تهدر تحصل معا والديهم انا ولدي كذا وكذا وتبدى الغنية لي نكره جدهاااا

ياخي حااالة ياخي :s:s:down:

 

[جليلوس]

رد: شوفوا وين وصلنا معا هاد الجيل !!

السلاام عليكم و رحمة الله

على سلامتك خويا طولتها هاذي الخطرة ...

يعني حطيت يدك عالجرح :p:p

مهم نرجعو للموضوع

وش نقولك يا خويا راكي كيفك جني و جن لي يرجعلي الهدرة -_- نصيب نديلهم الدوا تاع الفيران -_-

هي ترجع اساسا للوالدين ..

ساعات تلقاه يشوف في وليدو يريكلامي مع واحد كبير عليه و هو منهيه يخزر فيه و يتبسم بكل فخر

كي شغل هذيك راهي شطارة و ورثها وليدو من عندو :down:

هاذي لا ملقيتوش يرجع ليماه و باباه راه مليح ..

اصلا الذراري يكونو عزاز كي يكونو عgاgن مّا كي ينطقوا معندي مندير بيهم خخخ

صحيت خوياا

سلاامي


​

وعليكم السلام ورحمة الله ... الله يسلمك ربي يهنيك

الله لا يغيبك راني بخير سوال عليكم :regards01:هههههههههههه

واه حل شباب رهج الفيران مليييح طيحهم واحد واحد :d

وكلشي كيما قلتي من الوالدين كاين لي بالخزرة تاع يماه ولا بووه يموت بالخوف

والعكس هو يخزر فيهم يخافو منووو :down: شفتي وقت هنا وصلناااه يالطيف

يكونوا يعجبوا وعزاز ... واه غير يديرو فم صايي هههههههههه ياخي ياخي

الهدرة تلفتلي والله شانقول وشانخلي

الله يسلمك بارك الله فيك مرسي ايمان يعطيك الصحيتووو

 

[جليلوس]

رد: شوفوا وين وصلنا معا هاد الجيل !!

السلآم عليكم

أهلا خيوو عاش من شافك . .واقيلا كنت تحوس :p

موضوعك فكرني بالأوباش لي تعاملت معاهم 10 أيام كرهت فيها الذراري و التربية و الزواج -_-

الي تقتلك كل وحدة تقولك أنا ولادي متربيين ما نعرف مين جابو هاد القباحة "هادي علىى الأقل اعترفت بلي ولدها يقباح" المحنة في هاذيك الي تقولك لا ولدي خاطيه راه من الصباح عندي و انا نشوف فيه بعيني ياكل في ولاد الناس . .

ولا كي يولو النسا متعاسين هاذيك تقولك ولدك ضرب ولدي و لخرا تقولها ولدك هو الي ظالم . . هنا أنا نولي ما نضويش

نجو للصح التربية نقصت . . نعقل كي كنا صغار جامي ماما تدينا للواجب الكبير و كي تصرا عليها و تدينا تربطك حذاها ما تتحركش و لا تحركت تخلصها غالية في الدار .. و كان الجار يضربنا و نخافو منه الخال العم أي واحد كبير كي تشوفه تولي تترعد . . بصح ضروك كيما قلت انت والديهم و ماهمش يخافو منهم باغي يخافو من وحد آخر

المشكل الأول في الوالدين . . هوما لي يتحملو مسؤولية ولادهم

طولت في الرد الله غالب قلبي معمر خخخخخ نتلاقاو في موضوع آخر
​

اهلا اختي نور الهدى كيراها خيتي ان شاء الله بخير
واه كنت فاكونس ههههه :sport02::sport02:
هههههه احوجي كرهتي كلش في جرتهم بالعقل عليك ياااو ماشي كامل كيف كيف
صح ليسركوي يتلاقو يديرو لاماص بصح ماش لهاد الدرجة آآآو كبري قلبك
واااه لي يستعرفوا ماعليهم لووم يكبر ويستعقل ... الوخدة في هادوك لي يشكرو ولاهم وهوما النار الحمرااا
تقول نحرقهم بليصونص :down:
هههه هاديك زمان تاع دروك هوما لي راهم يخوفوا ويرعدووو
ربي يهدينا ويهديهم ... غير يربوا ولادهم دنيا ومافيها
ههههه معليش خرجي خرجي كاش حاجة راها فقلبك ماتخليهاش تحاسبك

نتلاقاااو في ساعة الخير
ربي يخليك خيتي

 

[جليلوس]

رد: شوفوا وين وصلنا معا هاد الجيل !!

سلاااااااام

خوياا

انا كنت حاسبة غير انا لي عايشة هاااك

يعني مع اختي الصغيرة معانااة تااع الصح

اذا انت مهبول اهدر معاها تقول زاادت بااه

تناقرني ههههههههههههه

وعليكم السلام ورحمة الله
لالا راهم كامل عندنا الدواعش في الدااار
ههههههه ماراكيش وحدك الهم رانا متقاسمينووو
شفتي كيفاااه كاين لي خلقة من عند ربي واش ديرلووو
لا الضرب ينفع لا الهدرة :s:s

ربي يصبركم عليهااا برك خخخخ

شكرا لمرورك :up:

 

[جليلوس]

رد: شوفوا وين وصلنا معا هاد الجيل !!

السلام عليكمْ
ولمادا تخبش فلي سونتيمو لمادا
انا كنت طفلة صغيرة وعاقلة:love01: عشت وحدي بلا خاوة مانضتش مطيرة ونرجع لكلام والحمد لله:-r
كل هذا جعلني نتشوكآ/نتأثر /نفتجأ XD/ نسيربرآيسيد....:s

نحب الدرآري وخآصة (اللي بآهين وشآبين:yahoo01: وطبوزين كيما انا كي كنت صغيرة خخخخ:$)
نحب نلعب معاهم ونجري معاهم كلشي معاهم :yahoo01:ماعنديش اي بروبلام حتى لو يشدو الحيط ويتسلقو فيه:p( تعبير مجآزي مانيش صابرة لهذه الدرجة مي نصبر:sport02: )
لكنْ باش طفل صغير يتفوه بكلام ماش مليح:s (اكيد هو ماش علابالو بيه مي الوسط تاعو كيفاه داير)
صدقوني ماعنديش رافة ولا شفقة في هذه اللحظآت كي نضربو مرة وزوج يتعلم بلي ماش يعاودهآ:up:
يتضرب في سن صغيرة خير مايكبر في تربية تع العيب:up:
نظن رحت بعيد:s~ لانو نحكيو على ترجاع الهدرة مي راهي داخلة فيها تاني
الطفل لازم من صغرو يتعلم الاحترآم للكبير:regards02: وانا اوافق الضرب الغير مبرح باش يتربآ يكبر ويعرف قيمة التربية وكيما يكون هو رايح يكون مجتمع كي يكبر:bravo01:
ان شاء الله نكونو قدوة مليحة للصغار:love01: نلعبو معاهم ونgسرو معاهم كيما راهم يديروا :bravo01:مي الخط الاحمر انو كي يبدآو يروحو هك ولآ هك
لازم بشمآقة من نوع كلاشينكوف :p
شكرا جزيلا على الموضوع حقآ موضوع جيدْ للنقآش
في امان اللهْ~​

وعليكم السلام ورحمة الله
ديزولي هيا جات كيما هاااك خخخخ ليشونتيمون تخبشووو :sport02::sport02:
كنتي عاقلة بسلامتك اممممم ... بصح احنا تاني نقولوا الصح ماكناش نبردو الحمة مي ماش لهاد الدرجة نردو الهدرة لالا
ههههههه واه كيما قلتلهم قبل هوما تاني يبغوووك باينة هههههههع ..... راكي معمرة من جيهتهم ويااا :p
صحا قوليلي بيناتناعندك الجرأة تضربيه قدااام مواليه قاع ويكون قالك كلام مايعلم بيه غير ربي يردوك انتي ظالمة
الوووغ موحااال تصرا هادي علابالك قادر يقلعوكم من الخريطة بسباب ولادهم :d:d
لازم كيما قلتي الردع من الصغر باسكو يلا كبر بهاديك العقلية مراحش يتسقم ويكون فات الحال وطفرت
ويبقى الشيئ الوحيد مسؤولية والديييه هادي هياااا

شكرا لمرورك ولنقاشك يعطيك الصحة بورك فيييك

 

[جليلوس]

رد: شوفوا وين وصلنا معا هاد الجيل !!

مساء النور خاي واش خبارك
ايه تعرف الجيل نتاع دروك والله يخرجوك من عقلك
نت تقول كلمه هوما يقولو عشرة
وقلة التربيه الاحترام مكانش الادب والراس مصعنن
تعرف حنا فدارنا عندنا الفريق الوطني ههههه تبرك الله
ايا اجي نت وفهمهم وسكتهم وكي تقولهم حبسوا القباحة يزيدوا
اه يا خاي حمقوني مرات نقولهم درك نخليلكم الدار ونروح هههه
ايوا واش نقولو كامل بوعارتهم والراس اليابس ديالهم يبقاو هوما زينة الدار
ربي يحميهم ويبارك فيهم
يعطيك الصحة موضوع شباب
تحياتي لك​

صباح النور اختي مليكة واش حوالكم ياخي لاباس ؟؟
نورتينااا مرحبا بيييك :regards02::regards02:
وي بزاااف يطلعلولك السكر والله ... مع كل احتراماتي مابقات تربية ولا احترام كلش راح معا مواليه الا من رحم ربي
ههههههه ليكيب ناسيونال :d:d:d واه كي تنهي على حاجة يزيدوا في عماهم والله تقول في ريسانهم الحجر :down::down:
هههههه تخليلهم الدار واش هبلتي خلاص وصلت معاااك للطرف واقيل معاهم آآآو ... المشحاااط والقدااام هادا مايليق
هههه آمين ياربي يعيشك

بارك الله فيك :regards01: