هههههههههههههه لا لا ختي ماشي فخاجيل كاينين بزاف اللي تخدم وتبوجي وتجيها للولادة صعيبة "اللي تزيد وتموت تعتبر شهيدة على ما اعلم"
والله يا أختي تاع بنات اليوم ماش فخاجيل انا نقولك فخاجيل ومنهم انا يعني ماش نتكلم على الغير برك وهادا ماش سخرية ولا
بالعكس عام بعد تولي البنية تاع الانسان اضعف لأنو اول شي ظروف المعيشة تتغير ولات كاينة تسهيلات وظروف معيشية مليحة
شكون درك من بنات اليوم لي تهز شكارة دقيق ضخمة على ظهرها ولا تربي عشرة اولاد ولا يعني ضعفت البنية تاعنا
واكيد في موضوعي ذكرت بدون تعميم يعني كاين بنات من هاد الجيل ويتحركو ويخدمو
واكيد نعرفو انو الولادة ماش بالشيء الهين ولو ماش هكاك ماكانتش الام عندها قيمة عظيمة
وكي نروحوا للدين فالاسلام لازمك تسمع لكلمة الطبيب كاين بزاف لي يقولها طبيب متبوجيش بزاف ومتسمعلوش وتجهض وقادرة وغيرها
أكيد لازم نسمعو لكلام الطبيب ولما الطبيب يقولك هادا خطر على الجنين لازم تقعدي في الفراش ولو تطلب الامر 9 اشهر كاملة
يعني هاد الكلام لا غبار عليه وما يحتاج نقاش لي يحتاج نقاش هاديك لي تروح تتقلب ويقولها الطبيب راكي في صحة جيدة
وتروح ترمي روحها فوق السرير تقولك مهما الطبيب قالي لاباس لازم نحافظ على صحتي وساعات بلا مايقولها الطبيب
تلقايها قبل ماتكتشف الحمل بنهار وهي تسوطي غير تكتشف بلي راهي بالحمل غدوة ترمي روحها في الفراش
وهادي أمثلة من الواقع صراحة واكيد حالات خاصة باه مانعمموش
وكي كي تهدري على امهات زمان دوك راهم هوما يوصوا بناتهم ميتعبوش خاطر هوما كان عليهم ذرع يتعبوا وعلى هذي راهم بلا صحة دوك كاينة اللي بالسكري وكاينة اللي بلاطونسيون كاين لي بروماتيزم , 50 فيها كل الامراض
هاد النقطة تكلمت فيها مع اخت في أحد ردودي وقلتلها يمكن نقسمو الحالة لثلاثة أقسام
كاين أمهات لي فعلا تقول لبنتها ماتخدميش واقعدي في الفراش وابروفيتي على راجلك وووو وهادا الصنف لي تكلمتي عليه
والحالة الثانية أمهات يولفو بناتهم على واش عاشو اكيد ماش رايحة ترميها ولا تخليها تولد في الدار بصح غير تخلص فترة الراحة تاعها
تقولها اوقفي على رجليك درك ولازم تقومي بدارك وراجلك وولدك وكاين حتى بنات والله من جيلنا يماها تحاولها تقولها زيدي ريحي وهي تقولها لالا عندي مسؤولياتي
اما الحالة الثالثة هي امهات مايسمعولهمش بناتهم مايقدروش يتحكمو فيهم تقولها يا بنتي قومي راهي اتت فترة الراحة تاعك تقولها لالا
لازم نزيد وكاشما يصرالي وووو يعني كاين عدة حالات من بينهم الحاة لي ذكرتيها وقادرة تكون صحيحة خاطر كيما سبق وقلت بدون تعميم
واللي كي تزيد كاينة اللي تصرالها حالة نفسية وتقدر ترميه من السرير ومن بكري يقولك المرى كي تزيد ملازمش تبقى وحدها مع ابنها
انا كيما سبق وقلت ماش ضد او تصرالك حالة نفسية ولا لا انا ضد لي تخلق حالة نفسية لنفسها
بكري امهاتنا كانو يمرو حتى هوما بحالات نفسية وكتر على هكا باه تلقاي 9 ولاد في جنابك وجايبة العاشر ودار على راسك
والضرب من فوق هادي وحدها كي تخمي فيها راهي حالة نفسية فمابالك تعيشيها وهكاك كانو يقاومو حتى ولو تصرالها حالة نفسية تعرف تتعامل معاها
وحتى ولو درك في بنات جيلنا وصراتلها حالة نفسية نقولو معليش لكن كاين بنات لاباس بيها وبمجرد انها قرات في النت بلي تصرا حالة اكتئاب خلاص
واصلا حالة الاكتئاب حالة نفسية ماش جسدية يعني تقدري تتحركي بصح كاين بنات ولدها او عمرو 20 سنة الشلاغم ناضولو وهي تقولك عندي اكتئاب تاع الولادة هههههه
يعني كاين لي يزيدو فيها
يا اختي مذخلش هذي فقضية انهم مش حنان المجربة تعرف
حتى ربي كينسي لمرى الوجع هذاك تالموا وجع صعيب
حبيبتي يظهرلي ماراكيش تشوفي واش راهو صاير في مجتعنا
ام تخلي رضعية بعمر 4 اشهر عند الحاضنة وتروح تسافر تجوز حفلة رأس السنة
وأم ولدها عمرو 3 اشهر تقولك نروح نخدم ونطيشو في دارنا كل شهر نجي نزورو
وخلي وخلي وخلي كاين حكايات لو نحكيهملك تتشوكاي
آخر حكاية شفتها في حصة تلفزيونية من فترة تاع أم تحرقت دارها خرجت تجري وخلات بنتها رضيعة لداخل حتى جا راجلها
دخل يجري انقد الطفلة ولما الام شافت بنتها تحرقت قاتلو مانقبلهاش راحت وطيشتها هادي أم؟؟
مارانيش نقول الامومة ماكانش بالعكس كامل نعرفو بلي قلب الام حنين وكلشي ولكن بنات اليوم حالات منهم تزوجو وهوما ماش اهل للمسؤولية
وولدو وهوما ماش اهل للمسؤولية وبالتالي ولادهم يشوفوهم حاجة تعرقلهم هادا ماكان لا حنانة لا والو
كاينة اللي تجيب طفل 5 كيلو الله يبارك كيفاه تخرج هدي من بعد الولادة ؟ مسهلاش متذخلش فخاجيل هذي تربي ولد واحد برك دوك صعيبة ياك تسمع دوك يماك تقول بفمها لي تحب تجيب 2 دراري متزيدش علاه؟ تقولك تاع دوك الولاد واعرين بالفطرة ههههه
الولادة واحد ماقال ساهلى كيما ذكرت في أول الرد مادام الأم عطاها ربي مكانة خاصة معناها ماش ساهلة خاطر اي ماش تولد برك اي تولد وتربي وتقري
وتبقى مع ولدها حتى نهار تموت، وماش حتى حكاية طفل 5 كيلو راهو طفل عمرو شهر طرف لحمة ماتقدرلوش خلي يا 5 كيلو
وكيما قلتي درك عادو زوج ولاد مايزيدوش أول شي نساء اليوم ماعندوش الصبر تاع نساء بكري وحتى الرجال مايحبوش يصرفو على جيش تاع ولاد
على كل حال تحديد عدد الاطفال وحدو لازملو موضوع منفصل خاطر تدخل فيه عوامل عديدة مقارنة بالبارح واليوم
اما فيما يخصاولاد اليوم واعرين لأنهم ماتلقاوش التربية المليحة، ماكانش ولاد زايدين واعرين بالفطرة يمكن اذكياء خاطر لما تشوفي الطفل تاع بسكرة هاداك حافظ ستين حزب
ويتكلم بأدب وكلشي تعرفي بلي التربية هي كلشي اما درك باقي الاطفال مساكن واش ذنبهم؟ ذنبهم ام وأب غير قادرين على المسؤولية تزوجو وطيشوهم للشارع
ولا لدور الحضانة تربيهم والنتيجة كانت جيل ماش متربي طولو زوج سنتمتر تجي تتكلم معاه يسبك
نعلق على كلمة لي قلتي فيها جيل امهاتنا خرجوا رجال ونساء ماشاء الله بصح ختي لي فخاجيل هذوما شكون خرجهم ياك امهاتنا بتربيتهم مخرجش العوج فطريا ياك
الام هي لي علمت بنتها كل شي متعلمتش وحدها
متقوليش امهاتنا خرجوا جيل واعي اليس هذا الجيل الفاسد من تربيتهم ؟
هاد النقطة بالذات لو ندخل فيها رايحة ندير موضوع منفصل، خاطر تلقاي أم من جيل بكري عمرها 60 سنة جابت صغير وهي في سن 45 ولا اكثر بقليل يمكن حتى 50 وهادا بعد 10 اولاد ولا
هل الام لي ربات 10 اطفال الكبير فيهم ولا 25 ولا 26 سنة هل قادرة على تربية الطفل؟؟ اكيد لا رايحة تولي تربية الطفل راجعة لواحد من الابناء بسبب سن الام
وبالتالي التربية لي تلقاوها الابناء لخرين ماش كيما اصغر واحد لي جا بعد سنوات هادا مثال بسييييط جدا وكاين عدة امثلة وعدة عوامل لو ندخل فيهم مانخرجش
لأنو امهات التسعينات احسن من امهات الالفين وهي رايحة واكيد واكيد بدون تعميم وربي يحفظ كل أم لأنو هدفي من الموضوع هو توعية بعضا لبنات على المسؤولية وفقط
ماقصدي نقيس بيها لا امهات ولا ابناء
ربي يحفظلنا امهاتنا وربي يسلك كل ام بخير وسلامة
اللهم آمين اجمعين بارك الله فيك
مشكورة على الموضوع
