أمهات هاد الجيل فخاجيل

لؤلؤة قسنطينة

:: عضو شرفي::
إنضم
13 أفريل 2013
المشاركات
14,619
النقاط
2,251
العمر
29
محل الإقامة
قسنطينة
الجنس
أنثى
السلااااااام عليكم أهل اللمة الكرام
do.php

واش أحوالكم؟ ان شاء الله راكم بخير؟؟
عاش من شافكم (قصدي عاش من شافني هههه انا لي راني مختفية عن الساحة
do.php
)
نتمنى تكونو بخير وعلى خير وبصحة وعافية ان شاء الله ربي يحفظكم جميعا :giggle:
المهم هادي شحال وانا حاكمة لساني ومدايرة هدنة مع القلم تاعي حتى في الفترة الاخيرة هادي راني نروماركي في واحد الظاهرة ولا في واحد الحالة غريبة عجيبة وقلبي كلاني هيا قلت نخرج من السبات ونخربش شوي
do.php

المهم موضوعي اليوم موجه لفئة الامهات وربي يحفظلنا امهاتنا ويخليهملنا تاج على رؤوسنا وانا ماش رايحة نتكلم على جيل يما ويماكم رايحة نتكلم على أمهات دوميلديسات لي مايفهمش الفرنسية معناها 2017 ههه منهم انا وبنات جيلي
المهم هاد الكلام لي رايحة نقولو في هاد الموضوع ماش للتعميم ولا نقصد بيه كامل البنات يعني فئة معينة برك لي جهلوني وزعما لاعبينها يتبعو الموضة وعايشين حياتهم كي الاجانب المهم عندي مانهدر ههه
المهم قبل مانبدا الموضوع اركبو معايا في آلة الزمن نروحو لزمن الستينات والسبعينات والثمانينات وحتى التسعينات وقت كانت المرأة مرأة صح لما تحكم مسؤولية دار وولاد راهي عندها الوعي الكامل وعندها القدرة حتى تحكم دولة كي يخرج راجلها من الدار يحس مخلي وراه امة كاملة يعني قادرة على شقاها الله يبارك
بصح دركا
do.php

يا خاوتي كي نقول دركا تحكمني الرجفة في ركايبي والتسونامي في مخي خاطر راهي كارثة طبيعية وبشرية ونفسية (لي اقل من 16 سنة مايقراش الموضوع ههه) خاطر راني رايحة نحكي على مخلوقات عجيبة
do.php

المهم الشي لي يحيرني في المرأة تاع هاد الجيل وأكيد بدون تعميم (وماتقولوليش ماتكلمتيش على الرجال خاطر او يجي دورهم في حلقة قادمة هههه :LOL:) المهم لي يحيرني انو اي حاجة يديروها في حياتهم خوفا من رأي الناس وماش وعيا بالمسؤولية لي رايحين يتحملوها، مثلا تجي تتزوج وحدة تقولك نتزوج باه مانبقاش بايرة وماتبقاش الناس تشير ليا بالاصبع وهي ماش قادرة على مسؤولية الزواج اصلا :cautious: المهم تتزوج وتحصل وهكاك تلقى روحها مازال ماحستش بالسعادة وناقصتها حاجة مهمة في حياتها الزوجية :unsure: مالا تقولك لالا لازم نزيد نجيب طفل ولا طفلة المهم مولود باه مايقولوش ماتولدش وتزيد تعاود نفس الخطأ وتجيب مولود للدنيا وهي ماش قادرة عليه ولا على مسؤوليتو المهم شهرة قدام الناس
وهنا لب موضوعنا خاطر صراحة الحالة لي نشوف فيها في امهات اليوم راهي كارثة بأتم معنى الكلمة لا مسؤولية ولا حنانة ولا بنانة ولا سلة فواكه، اصلا في فترة الحمل تاع نساء اليوم كاملة وهي تبع في النت وتعس تقول معرف واش رايح يصرا ساعات ام قالو التمر ماش مليح (طيش التمر واحرق كامل النخل) ساعات ام قالو البطاطا مليحة ساعات ام قالو الحليب ماش مليح ساعات ام قالو المرأة الحامل مالازمش تضحك خطر على الجنين
do.php
كن تقرا في النت بلي المرأة الحامل لازم ترمي روحها تروح ترمي روحها نورمال بدون وعي ،ياعجابة نساء بكري راهي تجري وتهز الحطب وتربي 10 ولاد وماتاكلش شهر اللحم والفاكهة ونورمال خلااص، صح حنا جيلنا فراجيل وماعندناش نفس البنية تاعهم وصح درك التكنولوجيا تسهلك انك تبحث وتنفع روحك ولكن ماش لدرجة الهوس والجنون تقول غير هوما ولدو
do.php

المهم لا علينا المرأة اليوم تلقاها عندها كل سبل الرفاهية والراحة مثلا تولد في كلينيك بريفي والنظافة ولازمها الغاشي داير بيها (هنا راني متفقة معليش خاطر المستشفيات العمومية راهي كارثة يعني اذا كاين فرصة معليش كي جات في هادي معليش ) يعني كاين امور نتقبلوهم وكاين حوايج قالولهم ارقدو
do.php
آخر مرة نشوف في وحدة في النت دارت عملية قيصرية (بما انو العملية تخدير جزئي) قاتلهم هوما يديرو في العملية وانا جبدت المراية والماكياج وبديت نزين في وجهي باه كي تخرج بنتي ندير معاها سيلفي ويخرج وجهي شباب
do.php
سمعتو واش قالت ؟؟ ولا راني نحلم ومازال مافطنتش o_O منك بالصح يا بنت الناس في وسط عملية ديري الماكياج؟؟ ( وانا نقول علاه التلج صب بزاف هاد العام) قاتلك نحب نعيش اللحظة هيه اللحظة عيشيها باحساسك عيشيها بقلبك بخشمك ماش بسيلفي هيا بركاونا زدتو فيها صح:cautious: المهم كيما كنت نقول تلقاها تعيش الرفاهية وتولد في أحسن الظروف وبصحتها وكلشي بصح من تم ماتزيدش تنوض من الفراش تجيبها عامين وهي مطايشة حتى تزيد تجيب صغير خلاف ههه، تقولها فلانة نوضي تقعدي معانا تقولك واش بيك راني نافسة وهي عندها 1254789 يوم من لي ولدت يا مخلوقة راكي ولدتي ماش جوزتي كاستينغ في فيلم رعب
do.php
ولا تبقى تجبد في النهار هاداك تقول ذكرى التسونامي ولا ذكرى الارهاب، تشوف القندورة تاعها تقولك نحيها من قدامي كي نشوفها نتفكر النهار لي ولدت فيه ونولي في حالة نفسية ماش مليحة :oops: تشوف بشماقها تقولك بعدو من قدامي كي نشوفو نتفكر نهار ولدت تشوف يماها تقولها يما بعدي من قدامي نشوفك نتفكر نهار ولدت ههههه قريب ولدها ترميه تقولك ذكرى نهار ولدت، ماهذا يا قوم ؟
do.php
علابالنا ماش حاجة ساهلة واصعب مما يتوقعه الانسان وكن ماش هكاك ماكانتش مكانة الام كبيرة بصح ربي عوضك بعد كل هاداك التعب كي تهزي ولدك في حضنك يروح كامل التعب، وهكاك نقولو معليش بالاك الطفلة تدلل وكلشي معليييييش اتدللي، بصح كاينة حاجة لي جهلتني خلاااص وخلاتني نقرر ننتحر كيما قالها خويا الامين محمد شنقا :cry: ولي حيرتني هاديك الطفلة ولا الام لي تقولك بعدي الطفل من قدامي مازلت ماتقبلتوش نفسيا ( اخبطوني بحجرة للراس
do.php
ولا رصاصة في القلب خليوني نموت ونتهنا من هاد العالم البائس) انا راني ماعشتش التجربة هاديك وكي نشوف فيديو في النت على ردود فعل الامهات لما يهزو ولدهم في يديهم اول مرة نولي غير نبكي من المشهد هاداك المؤثر يعني الحنانة والامومة تخرجلي من الشاشة تخبطني بسهم للقلب وهي تقولك ماش متقبلتو (ارحلي ايتها الارواح الشريرة)
do.php

ولخرا تقولك قريت في الانترنت بلي الام تعاني من حالة اكتئاب بعد الولادة ولازم تزور طبيب نفسي منك بالصح؟؟؟؟ انا لي رايحة نزور طبيب نفسي يدهرلي :mad: نساء بكري عندها 17 طفل وتجيب الطفل 18 وتطيب وتغسل وتخرج تقضي والضرب من راجلها وحالتها النفسية مليحة هههه ونتي عملية قيصرية وفي كلينيك بريفي وراقدة في السرير لما لا نهاية ويماك بجنبك وتاكلي المخيرة ودارلك اكتئاب ؟؟؟ انا كن في الوضع هاداك هازة ولدي بين يديا راني نكون عندي سعادة قابلة لتوزيعها على كل سكان الارض ويبقالي الصرف ههههه يخي حالة :ROFLMAO:
وزيد فوق هاد الشي لي يمرضني في بنات اليوم ماتتقبلش نصائح الكبار لما تنصحها يماها ولا عجوزتها لي ربات اجيال وتنصحها بطرق طبيعية كزيت الزيتون ولا حوايج خلاف لصحة صغيرها تقولها لالا قالو في الانترنت هكا تبا لكم :mad:
روحي تبعي الانتغنت مالا
ولي يشوكيني تاني اختيار اسماء ولادهم ولا بناتهم خاطر الذكور شوي اسماءهم مقبولة بصح البنات كارثة مساكن ههه وحدة تقولك حابة نسمي بنتي تالة ولخرا بالة ولخرا فارة ومن لي كنا في اسماء المشارقة ولينا للاتراك وحدة لقيتها آخر مرة كاتبة في الفايس بوك رايحة نسمي بنتي يلدز منك بالصح؟؟ وزيد تقولك معنى الاسم نبتة في الجنة ولا شجرة في الجنة يعني خليتي اسماء امهات المؤمنين وبنات الانبياء ولا على الاقل اسماء مفهومة كيما اسماء سلمى سمية على الاقل عندهم معنى ورايحتلي لاسم خلاف ماش من عاداتنا ولازمك كناش في يدك كل يوم
do.php
باه تتفكرو وقاموس مترجم ومعرف (n) وباه تسكتك تقولك شجرة في الجنة يخي حالة :mad: ولا تسميها جملة طويلة تتكون من فعل وفاعل ومفعول به "نور السرور اشراق سلسبيل" زيدي سميها اشرقت الشمس ذات صباح مع زقزقة العصافير وخلاص
يخي حالة كانو زعما يهربو من عقد الاسماء القديمة ساع درك رايحين يعقدوهم كتر بالاسماء الجديدة تقول اسم معادلة رياضية
كن انا اي دارتلي عقدة نفسية
do.php


المهم مانكترش الهدرة بزاف مع اني كترت هههه بصح أمهات اليوم والله كارثة انفضو الغبار شوي على رواحكم ههه
وماش كامل اكيد كاينة لي عندها 5 و6 ولاد وقادرة عليهم نورمال ومعيشتهم نورمال، المهم الموضوع هادا ماش غير موجهتو لغيري حتى انا نوجه رسالة لنفسي من خلال هاد الموضوع نقول فيها بلي الاطفال مسؤولية ماش نجيبوهم هكاك برك والامور المذكورة راهي صح مقتبسة من الواقع وشفتها بعيني ماش من الخيال باه مانظلم حتى عبد وراهي دليل على بنات ولا نساء ماش اهل للمسؤولية وماش قادرين على الزواج ;)
المهم نتوما واش رايكم في الشي لي قلتو اذا صحيح اعطيوني امثلة واذا غالط خليونا نتناقشو فيه ونخرجو بنتيجة
ولي قستها بمثل هكذا موضوع ولا تسمحلي رانا غير نضحكو ونتناقشو :)
المهم نستنى ردودكم القيمة ماتحرمونيش منها
اتهلاو في رواااحكم
سلااااام
do.php
 

Oum Loukmane

*أستاذة*
إنضم
22 ديسمبر 2014
المشاركات
2,248
النقاط
621
العمر
52
محل الإقامة
تيارت
الجنس
أنثى
السلام عليكم
ولله غير لقيت لؤلؤة دخلت نجري باش نقرأ واش رَآه كاتبه هذي المهبوله ههههه راني غير نضحك مع قطوشتي
موضوع في الصميم الله يعطيك الصحه
أيه بنتي المسؤليه صعيبه ما قدروش عليها بنات هذا الْيَوْمَ وهذا لأنهن ماترباوش على تحملها غير في التسعينات كانت البنت اذا تزوجت تعرف بلي هذي مسؤولية ولا ولدت تعرف بلي هذي مسؤولية تعرفي وعلاه تعرف على خاطر رآها تحملتها في دارهم ربات مع يماها خاوتها تحملت مسؤولية دار وأطفال
إذن الخلل ليس في بنات الْيَوْمَ بل في طريقة تربيتهم
 

Malika Tlm

:: عضو متألق ::
إنضم
3 مارس 2014
المشاركات
4,294
النقاط
491
الجنس
أنثى
السلام عليكم حبوبتي هدي غيبة
ايه موضوع طوب درتيه
واش نقولك امهات اليوم كاااااااااارثة طبيعية هههههههه تلقايهم يديروا حوايج يهبلوك
راكي حكيتي كلشي مخليتيلي من نقول هههههه يعطيك الصحة
تعرفي انا ميمتي ربي يخليهالنا تاج علي روسنا وامهات كامل المسلمين يارب تحكيلنا كيفاش كانوا بكري تغيضني بزاف
المراة تولد فالدار البرد الجوع الغبينة وووووووووو ومساكن كي ينوضوا ماشاء الله عليهم
وبنات اليوم كلشي متوفرلها كيما قلت وتلقايها تشيك وتشكي ايا بركاونا احمدوا ربي علي نعمتوا
والاسماء هههههههههه والله صح انا نعرف وحدة حبيبتي كل ولد مسمياتوا علي طبع ولي تقتلني يتبعوا مسلسلات التراكا ايا ويبدي يسميو ياخي حالا
حبيبتي ربي يخليك وبلاكي كي تتزوجي وتجيبي اطفال ديري كيفهم هههههه
تحياتي
 

الورد الأحمر

:: عضو شرفي ::
إنضم
6 مارس 2008
المشاركات
18,193
النقاط
671
محل الإقامة
سكيكدة
الجنس
أنثى
السلام عليكم ورحمة الله وبركاته

يا بنتي من أيام شفت أم من لي تحكي عليهم بصح المشكل ما نقدرش نحكي عليها على خاطر الحالات لي حكيتي انتي عليهم أرحم بزااااااااف من هذي لي في بالي أنا والله ضرني قلبي لا أمومة لا والو تقول ما تعبوش عليهم لولاد هذو! وتلقى فيهم مرات لي جرات على هذاك البيبي حتى حفاو رجليها مبعد تنكل بهذاك البيبي تنكيل.

نوافقك في لكلام لي قلتيه كامل أنا موضوع الاكتئاب فعلميا كاين منو وهذا على حساب نفسية المرأة وأنا بالتوسويس لي فيا علابالي تكمل عليا مكتئبة هههه ثالمون كل صغيرة ولا كبيرة تصرا معايا تبانلي بلي رح نموت ووقت نسمع حكايات الانجاب ديجا ندخل في اكتئاب يا حتى نعيش التجربة بالاك نكتأب قبل الانجاب أصلا الله غالب هذي داخلة في النفسية اختك عندها وسواس قهري من الموت والسبب خلعة صراتلي وحد الوقت واقيلا لازمني الحلبة هههه.

هيا مغسي ع الموضوع طحت فيه فارغ مي ما جيت نكتب الرد لقيتهم سبقوني :p.
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
49,672
النقاط
821
محل الإقامة
الشرق-الوسط
الجنس
أنثى
وعليكم السلام ورحمة الله وبركاته
:ROFLMAO::ROFLMAO::ROFLMAO::ROFLMAO::ROFLMAO::ROFLMAO: صامت على الهدرة واليوم حرقتنا

صح مستحيل بنات اليوم يكونو كيما امهات الامس فرق كبير

نبداو من الصبر حنا معندناش الصبر هاذي اللولة امهاتنا زمان يصبرو مساكن على الزوج على الظروف على المشاكل المهم يحافظو على عايلتهم
واليوم من نهارها بعد يصرا جاست عيان تقرر انها تطلق o_Oo_Oo_O:sneaky:

امهاتنا جابو بكري طاشرون ورباوهم وخرجوهم ماشاءالله تربية واخلاق رجال ونسا وتاع اليوم واحد ولازوج ومتقدرلهمش :censored::censored::censored::censored::censored::censored::unsure:

زمان الام تولدها حكيمة الحي
وتبرا بدون طبيب ولاحتى حاجة واليوم من اول شهر للحمل وهي تجري وراجلها يجري معاها حتان يحفاو رجليه لاخر يوم تولد فيه وبعد الولادة :X3:
تولد وعندها 10 تربي فيهم غدوة من ذاك توقف تخدم عليهم تطيب وتخبز وتنقي وترحي القمح

امهات الامس كانو يتعلمو خدمة الدار من الصغر ويتزوجو اصلا صغار وميقولوش تعبنا وجيلنا اليوم طبعا مايتحملش

نقول جيلنا حنا راه ارحم اما الجيل تاع 2000 فربي يستر :ROFLMAO: ممكن جدا تقولك الكسرة وات مينز ذيس !

اما اكتئاب مابعد الولادة كاين منو
نظرا لتغير بعض الامور في المرأة تتأثر ويخليها تتنرفز وترد كلش في راجلها ;) والنرفزة هاذي افضل حل ليها القرآن الكريم ماشي طبيب نفساني

ايا يعطيك الصحة
 

فيتامين سي

:: عضو فعّال ::
إنضم
1 فيفري 2016
المشاركات
2,279
النقاط
611
محل الإقامة
كوكب الارض
سلام حبوبة عندك الصح كي قلتي الامهات :mad: كاين معندهمش احساس :cry::cry: تفكرت اختي :cry::cry: نهار راحت للمستفى :cry::cry::cry: قالتلي يصرا اي حاجة تهلولي في ولادي :cry::cry: ربي يخليهالي حبوبتي
مستحيل تخمي مكياج و خرطي اللحظة احساس كي ترفدي بيبي عاد وين زاد تشوفيه تلمسيه احساس روعة رغم اني فقط خالة تنسي جد السيلفي و المكياج :cautious: كي نشوف اختي جات و حدايا و معاها بيبي دموع يدو طريقهم حاجة منجمش نوصفها بصح اكبر من صورة بالمكياج :)
اكتئاب الولادة صح مي عربنا عندهم خلل في الفهم ..ترجع المرة بسرعة تبكي اي كلمة تتحسسلها تبقا مثلا كون راجلها غير ميجيش تقوله متبغينيش متبغيش البيبي اكتئاب او حساسية فترة و تفوت :confused: :X3::X3::X3: و تحس كلي خرجة من الموت منها متأمنش معانات 9 اشهر كملت ....ماشي نفس المفهوم تاع زلاحون كوكب زمردة :mad:
المهم راكي غالطة ياو مستشفى تاع دولة خير شوفي دولة قاع وسخ و معليش اما بريفي لاقدر الله لاطونسيو تطلع مكانش اجهزة .صرات لبزاف نعرفوهم اكره البريفي اكرهه اكرهه يشوفو فيه دراهم داخلة ..والله العظيم مجرمين بفف نسكت خير قلبي معمر منهم
المهم كاين بطاريقات بخبوخيات هههههه تفكرت وحدة زيدت فالت منرضعش باش جسمي يبقا جميل و العقل كفاش نديروله ..تصليح عقل تغيير عقل .ولا نشرو عقل و نبدلوه مليحة ...وجود خطا وجود خطا هههههههه
المهم المهم مرة رحت عند خالتي موبيليس (حالة قاع باسمي و نضل زايرتهم هههههه ) وحدة ولدها مريض و جابله باباه عصير بارد و حطه لماماه و راه و بيبي صغير عام و تمدله قلتلها بصح بارد بزاف عليه قالتلي بصح بارد ...ميشربوش البارد هما !!!! لا ماشي بصح زيدي عطيه زيدي :cautious: بولاد ختي درت امتحان امومة هههههه ...اع تاني مرة 2014 وقيلة مزال عاقلة جوارينا و لعبت بولا و ربحو زغاريت و شعب خارج هههه رحت للتاقة (عرق التطفل خدم بغيت نشوف شكون راهم خارجين ) المهم طفل هربلهم و وحدة كبير خليه اللوطو تضربه و يموت شهيد في سبيل الجزائر !!!:confused::confused: نعم نعم :rolleyes: شهيد :unsure: زعما بيبي هارب للطريق :confused: تحكميه ماشي تخليه و شهيد من نتم حكمتني غمة :censored::censored:
امومة لا ميخصهمش امومة يخصهم انسانية ولا مام حيوانية حتى الحيوانات يحنو على ولادهم
خطرة تاني :giggle::giggle: في مدينة جديدة :geek: تعرفوها فيها حوانيت و حلويات و فساتين و..... :LOL: المهم وحدة معانا في متجر و بدات ولدي و حوست كي لقاته برا يمشي بدات الله يجيبلك ضربة الله........... طوط طوط دعاء للعدو و متقولهش فلبك يا ام ماما :sick: لم تستطع التحمل و كجدة فالتلها يا بنتي معليش دعيله ربي يحفضه ممكن ابواب السماء مفتوحة ديك الشغيغة و يا هبلني هبلني خليه يموت :mad::mad: اها o_Oo_Oo_Oo_Oo_O انقطاع البث


ولا منحكوش لي بيبي صغير تاع شهر تجره لمدينة جديدة :sleep::sleep: ياو حرام خليه معاك و قعدي ولا خليه لماماك :unsure: لاختك:sneaky: لمرة تعرفيها جداتك جدات جدات جداتك و معليش بصح تدمري بيها لا هنا بزاف o_Oo_O
عندهم شغل اوووه جبنا بيبي خلاص المجتمع يقيلنا و من بعد راكم جبتوه :X3: شكون يربي و يهتم :geek: عقلية الزلحون :censored: ...
خطرة في الفاسبوك ;) كانت مجموعة و وحدة حطت منشور كل وحدة تقوللنا تجهيزاتها قبل متولد هههههه وحدة قالت نصبغ شعري و نوجد المكياج باش كي نخرج نخرج شابة و ميضحكوش عليا :oops: و عجبني رد وحدة قالتلها ديك الدقيقة نقول ياربي نخرج حية و نجيب وليدي بصحيحته و نخرج انا و هو و نتي تخمي في وجهك ..تخمام بلبصور تاع بيكاتشو لي جاي في هذيك الكرة :alien::alien:
اف سكتي يا فيتامين سي
نزيدكم تاليا ديك نهار خارجة من دارنا مع 10 و برد مكانش بق برا :unsure::unsure: و صغار ياو المشي مزال مبمشوهش نيشان :cautious: برا وحدهم :cry::cry: ماماهم وين :sneaky::sneaky: صايي الاخيرة :devilish: خطرة بنت عمت حمات ختي :ROFLMAO::ROFLMAO: فهمتوها المهم كانت تمشي لقات طفل تاع 3 سنين معاه سكين برا تخلعت داتهله و.طبطبت في ديك دار و قالتلها شوفيه شاعنده خدمي فالتلها اف هبلني مخلانيش نتفرج المسلسل تاعي :X3::X3:هنا صايي بزاف بزاف :X3: .....نسكت :X3:
مام هذيك الام لي متروحش للعراس على جال ولادها تضحي على جالهم مكانش شغل جابوه من طريق :sleep: معلابالهاش بيه ابدا ابدا
ربي يهديهم و يحفظلنا ماماتنا :):):) و يخليهملنا
ههههه عطوني جائزة اقصر رد :censored::censored:
 

يونس قاسم

*أستاذ*
إنضم
1 جويلية 2016
المشاركات
2,999
النقاط
441
اشرقت الشمس ذات صباح مع زقزقة العصافير ههههههه فووووووور
يا مريم علابالك تصلحي صحفية ولا كاتبة تاع افلام
سيناريو منك يجي هايل هههههه
كلامك صح والله فرق كبير بين نساء بكري ونساء الان
رانا نستناو في الرجال هههههههه
يعطيك الربح و مليون هههههه
سلام
 

الورد الأحمر

:: عضو شرفي ::
إنضم
6 مارس 2008
المشاركات
18,193
النقاط
671
محل الإقامة
سكيكدة
الجنس
أنثى
سلام حبوبة عندك الصح كي قلتي الامهات :mad: كاين معندهمش احساس :cry::cry: تفكرت اختي :cry::cry: نهار راحت للمستفى :cry::cry::cry: قالتلي يصرا اي حاجة تهلولي في ولادي :cry::cry: ربي يخليهالي حبوبتي
مستحيل تخمي مكياج و خرطي اللحظة احساس كي ترفدي بيبي عاد وين زاد تشوفيه تلمسيه احساس روعة رغم اني فقط خالة تنسي جد السيلفي و المكياج :cautious: كي نشوف اختي جات و حدايا و معاها بيبي دموع يدو طريقهم حاجة منجمش نوصفها بصح اكبر من صورة بالمكياج :)
اكتئاب الولادة صح مي عربنا عندهم خلل في الفهم ..ترجع المرة بسرعة تبكي اي كلمة تتحسسلها تبقا مثلا كون راجلها غير ميجيش تقوله متبغينيش متبغيش البيبي اكتئاب او حساسية فترة و تفوت :confused: :X3::X3::X3: و تحس كلي خرجة من الموت منها متأمنش معانات 9 اشهر كملت ....ماشي نفس المفهوم تاع زلاحون كوكب زمردة :mad:
المهم راكي غالطة ياو مستشفى تاع دولة خير شوفي دولة قاع وسخ و معليش اما بريفي لاقدر الله لاطونسيو تطلع مكانش اجهزة .صرات لبزاف نعرفوهم اكره البريفي اكرهه اكرهه يشوفو فيه دراهم داخلة ..والله العظيم مجرمين بفف نسكت خير قلبي معمر منهم
المهم كاين بطاريقات بخبوخيات هههههه تفكرت وحدة زيدت فالت منرضعش باش جسمي يبقا جميل و العقل كفاش نديروله ..تصليح عقل تغيير عقل .ولا نشرو عقل و نبدلوه مليحة ...وجود خطا وجود خطا هههههههه
المهم المهم مرة رحت عند خالتي موبيليس (حالة قاع باسمي و نضل زايرتهم هههههه ) وحدة ولدها مريض و جابله باباه عصير بارد و حطه لماماه و راه و بيبي صغير عام و تمدله قلتلها بصح بارد بزاف عليه قالتلي بصح بارد ...ميشربوش البارد هما !!!! لا ماشي بصح زيدي عطيه زيدي :cautious: بولاد ختي درت امتحان امومة هههههه ...اع تاني مرة 2014 وقيلة مزال عاقلة جوارينا و لعبت بولا و ربحو زغاريت و شعب خارج هههه رحت للتاقة (عرق التطفل خدم بغيت نشوف شكون راهم خارجين ) المهم طفل هربلهم و وحدة كبير خليه اللوطو تضربه و يموت شهيد في سبيل الجزائر !!!:confused::confused: نعم نعم :rolleyes: شهيد :unsure: زعما بيبي هارب للطريق :confused: تحكميه ماشي تخليه و شهيد من نتم حكمتني غمة :censored::censored:
امومة لا ميخصهمش امومة يخصهم انسانية ولا مام حيوانية حتى الحيوانات يحنو على ولادهم
خطرة تاني :giggle::giggle: في مدينة جديدة :geek: تعرفوها فيها حوانيت و حلويات و فساتين و..... :LOL: المهم وحدة معانا في متجر و بدات ولدي و حوست كي لقاته برا يمشي بدات الله يجيبلك ضربة الله........... طوط طوط دعاء للعدو و متقولهش فلبك يا ام ماما :sick: لم تستطع التحمل و كجدة فالتلها يا بنتي معليش دعيله ربي يحفضه ممكن ابواب السماء مفتوحة ديك الشغيغة و يا هبلني هبلني خليه يموت :mad::mad: اها o_Oo_Oo_Oo_Oo_O انقطاع البث


ولا منحكوش لي بيبي صغير تاع شهر تجره لمدينة جديدة :sleep::sleep: ياو حرام خليه معاك و قعدي ولا خليه لماماك :unsure: لاختك:sneaky: لمرة تعرفيها جداتك جدات جدات جداتك و معليش بصح تدمري بيها لا هنا بزاف o_Oo_O
عندهم شغل اوووه جبنا بيبي خلاص المجتمع يقيلنا و من بعد راكم جبتوه :X3: شكون يربي و يهتم :geek: عقلية الزلحون :censored: ...
خطرة في الفاسبوك ;) كانت مجموعة و وحدة حطت منشور كل وحدة تقوللنا تجهيزاتها قبل متولد هههههه وحدة قالت نصبغ شعري و نوجد المكياج باش كي نخرج نخرج شابة و ميضحكوش عليا :oops: و عجبني رد وحدة قالتلها ديك الدقيقة نقول ياربي نخرج حية و نجيب وليدي بصحيحته و نخرج انا و هو و نتي تخمي في وجهك ..تخمام بلبصور تاع بيكاتشو لي جاي في هذيك الكرة :alien::alien:
اف سكتي يا فيتامين سي
نزيدكم تاليا ديك نهار خارجة من دارنا مع 10 و برد مكانش بق برا :unsure::unsure: و صغار ياو المشي مزال مبمشوهش نيشان :cautious: برا وحدهم :cry::cry: ماماهم وين :sneaky::sneaky: صايي الاخيرة :devilish: خطرة بنت عمت حمات ختي :ROFLMAO::ROFLMAO: فهمتوها المهم كانت تمشي لقات طفل تاع 3 سنين معاه سكين برا تخلعت داتهله و.طبطبت في ديك دار و قالتلها شوفيه شاعنده خدمي فالتلها اف هبلني مخلانيش نتفرج المسلسل تاعي :X3::X3:هنا صايي بزاف بزاف :X3: .....نسكت :X3:
مام هذيك الام لي متروحش للعراس على جال ولادها تضحي على جالهم مكانش شغل جابوه من طريق :sleep: معلابالهاش بيه ابدا ابدا
ربي يهديهم و يحفظلنا ماماتنا :):):) و يخليهملنا
ههههه عطوني جائزة اقصر رد :censored::censored:
بابابابابابابا واش تهدر إذاعة ياااو بسم الله ما شاء الله :ROFLMAO:

كاينة وحدة تاني عندها 3 ولاد وما تخدمش بطالة ماكثة في البيت تنوض ع صباح ربي تلم ولادها ال3 تطيشهم في الحضانة لوحدة تحكم لولاد وترجع لدارها تقفل كلش وتكمل ترقد وراجلها ما يجيش يتغذا هذاك هو تضرب فيها رقدة للعشية تروح تلم ولادها وين بشتتهم وتجيبهم وترجع. المهم دار باباهم رجعت اوتال برك للمبيت. الصباح عند الناس مطيشين ولعشية خلاص لي نقولو عليها ليل يروحو لدار بوهم وثاني يوم تبكرهم بعد مساكن ع الصباح باه تطيشهم في الحضانة. والحجة: يقلقوني كي ينوضو ويحسسو عليا وتتحتم عليا انوض ونبقى نعس مالا نحطهم في لاكخاش ونتهنى منهم نرقد آلاز :unsure:.

ووحدة كانت صاحبتي تعرفي لي تتزوج قبل الثانية تنسى اللولة الثانية وزعمة يعودو اهتماماتها غير اللولة :LOL: امالا منين تنوض وهي في دار باباها وعندها طفلة وقت تروح لدار حموها تخلي الطفلة عند دار بوها وما تديهاش خلاص وكي تتوحشها تروح لدار بوها تشوفها :rolleyes::unsure:. والحجة: نبروفيثي مادام بابا وماما عايشين يصرفو عليها نقصة مصاريف عليا o_O. طبعا هنا وينو راجلها لمعفن لي عاجبو الحال :confused:.

عموما في الحالات الكل وينهم الرجال من هاذ الشي لي صاير في ولادهم ! المهم كي نقول ونعاود ونأكد بلي اضمحل دور الرجل تقريبا في مجتمعنا واحد ما يجي يفيبري عليا يقولي ماكانش منها على خاطر كاين لمرا كرازاتكم وليتو تخافو حتى تنطقو معاها. :mad:

من أنتم !
 

Hakan

:: مشرف ::
منتدى هذه مشكلتي
طاقم المشرفين
إنضم
10 أوت 2013
المشاركات
10,464
النقاط
2,201
الجنس
ذكر
وحد النهار يحكيلي صديق الاب نتاعي قالي لما كانت الام نتاعو حامل
وهوما يعني كانو من البدو الرحل يعني خيمة والغنم نتاعهم ويتبعو في العشب قالي
كي لحقها الطلق ولا ما نعرف واش يسموه قالي تخبات وراء نبات الحلفاء اذا تعرفوه
يعني منتشر عندنا بزاف وفي هذاك الوقت كان النبات كثيف
قالي حنا نلعبو ونمشيو حتى تخرج الام نتاعو رافدة طفل صغير بالقماط نتاعو
ونورمال جابتو لبابه وقاتلو اذن لو هههه
انا من هذاك النهار اكتشفت انو الدنيا صااي راحت فيها
مي واش تستناي من طفلة حياتها كامل بالفيزو والملابس الضيقة
والى آخره ولا خدمة لا والو غدوا ما عندهاش حتى القوة باش تخرج وليدها بيسك
الولادة لازملها فورص كبيرة وربي يحفضلنا الوالدات
ان شااء الله
 

حيلتي في حسن نيتي

:: عضو مُشارك ::
إنضم
24 جوان 2016
المشاركات
341
النقاط
21
السلام عليكم بارك الله فيك على الموضوع
لسوء حظي راح تنقطع الانترنت اليوم و الا عندي ما نحكيلك على امهات اليوم الفغاجيل كيما قلتي
خالتي الله يذكرها على خير تقولنا مثل شعبي شباب
لوكان ما لعناد ما تجيب النسا لولاد :sneaky::sneaky:
صح و الله الزواج ولا غير عناد عند الاغلبية
فلانة تزوجت انا ثاني نتزوج و يعجبك الحال تفوت سمانة و لازوج تسمعو بيها تخطبت :eek:
و الهدف نتاعها المهم تتزوج قدام لا تتزوج صحبتها :cautious:
الكبار ثاني تقولك فلانة بناتها قاع تزوجو انا ثاني نزوج بناتي و تلقاها تبيع فيهم بالجملة ههههههههه
اما الحمل ماولاش رغبة في الامومة المهم نحمل كيما حملت سلفتي و لا جارتي
و كي تستفهم واحد على واحد تلقاها تخرج فيهم للزنقة يترباو و لا تحصل يماها تربيهملها
و تلقى فلانة شارية قندورة هذاك نهارها و نهار الرجل كي يرجع للدار تلقاها دير في المشاكل غير باش تشري قندورة شابة عليها و غالية
و تلقى فلانة جامي عرفت المصحف و حلاته و جامي صلات كي تسمع وحدة قرينتها رايحة للعمرة ثاني هي تقرر تروح للعمرة بلا نية بلا عبادة
المهم أختي سأنسحب الان و لي عودة للموضوع ان شاء الله

 

زاد الرحيل

:: نجمة اللمة ::
إنضم
14 جوان 2016
المشاركات
4,598
النقاط
1,491
محل الإقامة
الجزائر
الجنس
أنثى
و عليكم و السلام
اهلا بعودتك اختي الغالية و مرحبا بالشيء اللي كتباته اناملك
مع انك فتاة اليوم بصح ماكيش انوشة يعني تحملي في افكارك الوعي و الخير و تخلينا نأملوه و مانيئسوش يعني مازال الدنيا لاباس .
امهات اليوم هوما نتيجة حتمية لامهات الامس القريب ماشي البعيد لانو البعيد و لا واحد يتجرأ يهدر عليهم .
تلقاي ام امهات اليوم مجرد تسمع ببنتها حامل تهبل و يحكمها الخرف و تجري و تقول بنتي مسكينة راهي مريضة (لازم نجيب لها لبن العصفور ) و نحطها فوق النجوم باش حتى واحد مايقدر يقلقها و لا يدير عليها الحس ، و تسايسها كيما العظمة تعود تتكسر .
بطبيعة الحال الام الجديدة كي تشوف معاملة امها لها تحس روحها هي البيبي بالتالي واش راح تدير بالبيبي الجديد ؟ . و اول ما تولده تجي امها تجري تديه و تقول لها انتي مريضة ارتاحي خلي كل شيء عليا . و الام الجديدة بدل ماتحس بالأمومة تحس بالطفولة و امها تبقى تردد عبارة
" بنتي صغيرة و مريضة و ماتقدرش" و الويل كل الويل لكل من انتقدها و يقولها خلي بنتك تتحمل المسؤولية نتاع اولادها
تحياتي
 

sanaya

:: عضوية محظورة ::
إنضم
8 ديسمبر 2016
المشاركات
3,495
النقاط
157
الجنس
أنثى
sanaya، تم حظره "حظر دائم". السبب: تغيير العضوية
كلشي قلتيه حنونة كاينة منها
مي كأم نحب نوضح أنو بكري صحاح كتر منا درك مي مش معناتها الوحدة ترفد كرش ولا تزيد مدير والو
أنا فالشهر التاسع وآخر أيام الحمل نخدم نطلع نهبط نورمال
و استرحت بعد الولادة 15 يوم
و حقيقة أرى الآن الكثير من الحوامل لا يعملن أي شيء ولو كان صغيرا
ولما نسقسيهم يقولو لي الطبيبة قالت
صراحة منحبش نستعجب باش منتبلاش
مي شحال من خترة تقولي الطبيبة ريحي متخدمي
منسمعلهاش شنو هو المرال لازم يكون رايح
ولمرا اللي تتحرك بزاف فوقت الحمل بدون ضر روحها طبعا تكون ولادتها أسهل وأنا أقول هذا عن تجربة
بقا هاد النوع من الأمهات جابلي ربي فارغات معندهمش هدف ولا قضية يديروها فحياتهم علاهاديك راهم يتقلشو
و حبيت تاني نقول أنو اكتئاب بعد الولادة كاينة منو مي يختلف من وحدة لخرى
فاللتي لم تتقبل حملها وترى الحمل جبالا من المصاعب لابد سيكون اكتئابها شديدا
بينما الفحلة التي تسهل الأمور تتجاوز الاكتئاب بسهولة سلام
 

لؤلؤة قسنطينة

:: عضو شرفي::
إنضم
13 أفريل 2013
المشاركات
14,619
النقاط
2,251
العمر
29
محل الإقامة
قسنطينة
الجنس
أنثى
السلام عليكم
ولله غير لقيت لؤلؤة دخلت نجري باش نقرأ واش رَآه كاتبه هذي المهبوله ههههه راني غير نضحك مع قطوشتي
موضوع في الصميم الله يعطيك الصحه
أيه بنتي المسؤليه صعيبه ما قدروش عليها بنات هذا الْيَوْمَ وهذا لأنهن ماترباوش على تحملها غير في التسعينات كانت البنت اذا تزوجت تعرف بلي هذي مسؤولية ولا ولدت تعرف بلي هذي مسؤولية تعرفي وعلاه تعرف على خاطر رآها تحملتها في دارهم ربات مع يماها خاوتها تحملت مسؤولية دار وأطفال
إذن الخلل ليس في بنات الْيَوْمَ بل في طريقة تربيتهم

وعليكم السلام ورحمة الله وبركاته
مساء الفل ومساء الورد لأمنا الغالية أم لقمان نور الموضوع بوجودك وشرف كبير ليا انك متواجدة معانا وانك قريتي موضوعي
هههههه ربي يحفظك ان شاء الله وربي يدوم الضحكة والبسمة عليك على طول يارب
الله يسلمك الموضوع احلى بوجودكم
بالفعل كلامك عين الصواب بارك الله فيك وهاد النقطة ربما نسيتها وهي جانب مهم في الموضوع
خاطر امهاتنا وكلشي كانت الوالدة تاعهم تجيب الولاد بزاف لدرجة تولي تعتمد على بناتها في تحمل المسؤولية معاها
تلقى بنت غير متزوجة بصح عندها خبرة في تربية الاطفال وهادي لي ربما صح نسلط الضوء وهي ربما الخطأ الاساسي في الامهات
تدلل بنتها بزاف ماتخليهاش تواجه العالم ولا تتعلم تتحمل مسؤولية وهنا يوقع الخطأ
وتختلف الاسباب اكيد من حالة لحالة
شكرا جزيلاااا على مرورك الكريم واضافتك الطيبة والقيمة أدامك الله قدوة لنا في هذا المكان الجميل
ربي يحفظك ان شاء الله وسلميلي على هدهودة توحشتها بزااااف
تحياتي القلبية
 

لؤلؤة قسنطينة

:: عضو شرفي::
إنضم
13 أفريل 2013
المشاركات
14,619
النقاط
2,251
العمر
29
محل الإقامة
قسنطينة
الجنس
أنثى
نص الكلام معاك و نص لا :oops: ...راني جايا نقرعج في موضوعك احم احم
شديت بلاصة ;);););)

سلام حبوبة عندك الصح كي قلتي الامهات :mad: كاين معندهمش احساس :cry::cry: تفكرت اختي :cry::cry: نهار راحت للمستفى :cry::cry::cry: قالتلي يصرا اي حاجة تهلولي في ولادي :cry::cry: ربي يخليهالي حبوبتي
مستحيل تخمي مكياج و خرطي اللحظة احساس كي ترفدي بيبي عاد وين زاد تشوفيه تلمسيه احساس روعة رغم اني فقط خالة تنسي جد السيلفي و المكياج :cautious: كي نشوف اختي جات و حدايا و معاها بيبي دموع يدو طريقهم حاجة منجمش نوصفها بصح اكبر من صورة بالمكياج :)
اكتئاب الولادة صح مي عربنا عندهم خلل في الفهم ..ترجع المرة بسرعة تبكي اي كلمة تتحسسلها تبقا مثلا كون راجلها غير ميجيش تقوله متبغينيش متبغيش البيبي اكتئاب او حساسية فترة و تفوت :confused: :X3::X3::X3: و تحس كلي خرجة من الموت منها متأمنش معانات 9 اشهر كملت ....ماشي نفس المفهوم تاع زلاحون كوكب زمردة :mad:
المهم راكي غالطة ياو مستشفى تاع دولة خير شوفي دولة قاع وسخ و معليش اما بريفي لاقدر الله لاطونسيو تطلع مكانش اجهزة .صرات لبزاف نعرفوهم اكره البريفي اكرهه اكرهه يشوفو فيه دراهم داخلة ..والله العظيم مجرمين بفف نسكت خير قلبي معمر منهم
المهم كاين بطاريقات بخبوخيات هههههه تفكرت وحدة زيدت فالت منرضعش باش جسمي يبقا جميل و العقل كفاش نديروله ..تصليح عقل تغيير عقل .ولا نشرو عقل و نبدلوه مليحة ...وجود خطا وجود خطا هههههههه
المهم المهم مرة رحت عند خالتي موبيليس (حالة قاع باسمي و نضل زايرتهم هههههه ) وحدة ولدها مريض و جابله باباه عصير بارد و حطه لماماه و راه و بيبي صغير عام و تمدله قلتلها بصح بارد بزاف عليه قالتلي بصح بارد ...ميشربوش البارد هما !!!! لا ماشي بصح زيدي عطيه زيدي :cautious: بولاد ختي درت امتحان امومة هههههه ...اع تاني مرة 2014 وقيلة مزال عاقلة جوارينا و لعبت بولا و ربحو زغاريت و شعب خارج هههه رحت للتاقة (عرق التطفل خدم بغيت نشوف شكون راهم خارجين ) المهم طفل هربلهم و وحدة كبير خليه اللوطو تضربه و يموت شهيد في سبيل الجزائر !!!:confused::confused: نعم نعم :rolleyes: شهيد :unsure: زعما بيبي هارب للطريق :confused: تحكميه ماشي تخليه و شهيد من نتم حكمتني غمة :censored::censored:
امومة لا ميخصهمش امومة يخصهم انسانية ولا مام حيوانية حتى الحيوانات يحنو على ولادهم
خطرة تاني :giggle::giggle: في مدينة جديدة :geek: تعرفوها فيها حوانيت و حلويات و فساتين و..... :LOL: المهم وحدة معانا في متجر و بدات ولدي و حوست كي لقاته برا يمشي بدات الله يجيبلك ضربة الله........... طوط طوط دعاء للعدو و متقولهش فلبك يا ام ماما :sick: لم تستطع التحمل و كجدة فالتلها يا بنتي معليش دعيله ربي يحفضه ممكن ابواب السماء مفتوحة ديك الشغيغة و يا هبلني هبلني خليه يموت :mad::mad: اها o_Oo_Oo_Oo_Oo_O انقطاع البث


ولا منحكوش لي بيبي صغير تاع شهر تجره لمدينة جديدة :sleep::sleep: ياو حرام خليه معاك و قعدي ولا خليه لماماك :unsure: لاختك:sneaky: لمرة تعرفيها جداتك جدات جدات جداتك و معليش بصح تدمري بيها لا هنا بزاف o_Oo_O
عندهم شغل اوووه جبنا بيبي خلاص المجتمع يقيلنا و من بعد راكم جبتوه :X3: شكون يربي و يهتم :geek: عقلية الزلحون :censored: ...
خطرة في الفاسبوك ;) كانت مجموعة و وحدة حطت منشور كل وحدة تقوللنا تجهيزاتها قبل متولد هههههه وحدة قالت نصبغ شعري و نوجد المكياج باش كي نخرج نخرج شابة و ميضحكوش عليا :oops: و عجبني رد وحدة قالتلها ديك الدقيقة نقول ياربي نخرج حية و نجيب وليدي بصحيحته و نخرج انا و هو و نتي تخمي في وجهك ..تخمام بلبصور تاع بيكاتشو لي جاي في هذيك الكرة :alien::alien:
اف سكتي يا فيتامين سي
نزيدكم تاليا ديك نهار خارجة من دارنا مع 10 و برد مكانش بق برا :unsure::unsure: و صغار ياو المشي مزال مبمشوهش نيشان :cautious: برا وحدهم :cry::cry: ماماهم وين :sneaky::sneaky: صايي الاخيرة :devilish: خطرة بنت عمت حمات ختي :ROFLMAO::ROFLMAO: فهمتوها المهم كانت تمشي لقات طفل تاع 3 سنين معاه سكين برا تخلعت داتهله و.طبطبت في ديك دار و قالتلها شوفيه شاعنده خدمي فالتلها اف هبلني مخلانيش نتفرج المسلسل تاعي :X3::X3:هنا صايي بزاف بزاف :X3: .....نسكت :X3:
مام هذيك الام لي متروحش للعراس على جال ولادها تضحي على جالهم مكانش شغل جابوه من طريق :sleep: معلابالهاش بيه ابدا ابدا
ربي يهديهم و يحفظلنا ماماتنا :):):) و يخليهملنا
ههههه عطوني جائزة اقصر رد :censored::censored:

ههههههههههه نتي مصيبة كان في بالي انا صاحبة أكبر رد في العالم واكبر ثرثارة ظهرتي كتر عليا هههه
على كل حال مساء الورد نورتيني بمرورك العطر حبيبتي وبإضافتك القيمة وراني غير نضحك احكي كيما تحبي راكي عند ختك عبري على مشاعرك ههه
المهم حسب الرد تاعك درتلو ملخص صغير ههه ونتي في ردك تكلمتي على جانب آخر ولي هي غياب الوعي الكامل بالمسؤولية تاع الامهات
وهادي ديجا حكيت عليها خاطر سبق ولقيت طفلة صغيرة على 5 تاع لعشية رايحة تشري من بلاصة بعيدة على دارها وخالية الطريق
وفيها مسجد قاعدين يبنيو فيه يعني فارغ وسيارات وكلشي صدقيني طريق انا نخاف نعدي عليها وصراتلي مرة خلاف على 5 تاع لعشية تاني
ام خرجت ولدها يلعب وهي شعلت التلفاز وبدات تتفرج كي جا يروح مسكين شبع خبيط في الباب ويبكي بأعلى صوتو ستر ربي جيت جايزة مع ختي من تم
ولينا خبطنا الباب حتى كرهنا والطفل غرق في دموعو وفي العياط خاف يقولك يخطفوني ولا مسكين وماجات تطل يماه من الطاقة بالسيف
باه دخلتو للدار وهادا كامل اهمال، واللخرة خلااص لي قاتلهم اسكتو في الترامواي ركبت وانا صاحبتي فيه وركبت امرأة كبيرة تجي في الاربعينات هكاك
هي ووحدة خلاف معاها بنفس عمرها تقريبا ومعاها الاولاد والمعروف انو الترامواي مع تركب مايكملش دقيقة ويغلق الابواب ويمشي
غير مشا الترامواي نلقى في الطفل يهدر مع يماه قالها خويا وينو؟؟ اتخيلي خلاتو في المحطة لي ركبنا منها ونورمال الشعب كامل دور وراه لقينا الطفل يجري ورا الترامواي ستر ربي
جا كبير شوي بين 9 سنين هكاك و 8 سنين يجري ويبكي في نص الطريق ويماه تضحك قالتلها شفتي نسيناه اتخيلي خوه شبع بكا كي شاف خوه يجري
وماركبش وهي تضحك انا تشوكيت بقيت نتفرج معاها لي يخدم في الترامواي قالها يا مدام ماش هكا قالها عسي ولدك ماتخليهش يطايش
اتخيلي هي راكبة نورمال وولدها جابها من محطة لاخرى وهو يجري ويبكي ووسط السيارات رايحة وجاية يعني رايحة نقولها نتي خسارة فيك كلمة ام
وكاين بزاااف امثلة توجع القلب ولي توضح غياب الوعي والمسؤولية من امهات اليوم للأسف
على كل حال شكرا حبوبتي على ردك المميز نورتيين بتواجدك الجميل والانيق
تحياتي القلبة
 

لؤلؤة قسنطينة

:: عضو شرفي::
إنضم
13 أفريل 2013
المشاركات
14,619
النقاط
2,251
العمر
29
محل الإقامة
قسنطينة
الجنس
أنثى
السلام عليكم حبوبتي هدي غيبة
ايه موضوع طوب درتيه
واش نقولك امهات اليوم كاااااااااارثة طبيعية هههههههه تلقايهم يديروا حوايج يهبلوك
راكي حكيتي كلشي مخليتيلي من نقول هههههه يعطيك الصحة
تعرفي انا ميمتي ربي يخليهالنا تاج علي روسنا وامهات كامل المسلمين يارب تحكيلنا كيفاش كانوا بكري تغيضني بزاف
المراة تولد فالدار البرد الجوع الغبينة وووووووووو ومساكن كي ينوضوا ماشاء الله عليهم
وبنات اليوم كلشي متوفرلها كيما قلت وتلقايها تشيك وتشكي ايا بركاونا احمدوا ربي علي نعمتوا
والاسماء هههههههههه والله صح انا نعرف وحدة حبيبتي كل ولد مسمياتوا علي طبع ولي تقتلني يتبعوا مسلسلات التراكا ايا ويبدي يسميو ياخي حالا
حبيبتي ربي يخليك وبلاكي كي تتزوجي وتجيبي اطفال ديري كيفهم هههههه
تحياتي

وعليكم السلام ورحمة الله وبركاته
مساء الانوار ومساء الورد حبيبتي مليكة والله لا يغيبك النور نوركم وتواجدك يفرحني بزاااف
الله يسلمك حبيبتي نتي لي طوب ونتي هي النور تاع هاد الموضوع
بالفعل واش قلتي كاين فرق بين جيل اليوم وجيل بكري وهادي نبداها من روحي اولا
بكري كانت المرأة ترفع شكارة كاملة تاع الدقيق على ظهرها ودرك رانا قرعة ماء مانقدروش نحلوها للاسف
بصح المشكل ماش هنا خاطر رانا مقتانعين بلي رانا ضعاف البنية وكلشي بصح المشكل كاين بنات يزيدو فيها كتر
ماتقولش الحمد لله نهائيا كيما قلتي مع انو متوفرلها كلشي عكس بكري
اما فيما يخص الاسماء هاديك هي الكارثة ههههه مرة واحد من العائلة ماقدرش يحفظ اسم حفيدتو قال لكنة تاعو
علاه ماتسميش مريم ولا خديجة ولا امينة ولا عائشة قالها علاه الاسماء الباشعين هادو ههههه
مسكين ماقدرش يتفكرو ههه ربي يهديهم برك
شكرا حبيبتي على كرم المررو وراني شوف فيها حسب لساني الطويل رايحة ندير كتر عليهم ههههه
ربي يقدرنا ان شاء الله على المسؤولية
شكرا مجددا غاليتي على تواجدك نورتيني
تحياتي القلبية

 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
49,672
النقاط
821
محل الإقامة
الشرق-الوسط
الجنس
أنثى
كلشي قلتيه حنونة كاينة منها
مي كأم نحب نوضح أنو بكري صحاح كتر منا درك مي مش معناتها الوحدة ترفد كرش ولا تزيد مدير والو
أنا فالشهر التاسع وآخر أيام الحمل نخدم نطلع نهبط نورمال
و استرحت بعد الولادة 15 يوم
و حقيقة أرى الآن الكثير من الحوامل لا يعملن أي شيء ولو كان صغيرا
ولما نسقسيهم يقولو لي الطبيبة قالت
صراحة منحبش نستعجب باش منتبلاش
مي شحال من خترة تقولي الطبيبة ريحي متخدمي
منسمعلهاش شنو هو المرال لازم يكون رايح
ولمرا اللي تتحرك بزاف فوقت الحمل بدون ضر روحها طبعا تكون ولادتها أسهل وأنا أقول هذا عن تجربة
بقا هاد النوع من الأمهات جابلي ربي فارغات معندهمش هدف ولا قضية يديروها فحياتهم علاهاديك راهم يتقلشو
و حبيت تاني نقول أنو اكتئاب بعد الولادة كاينة منو مي يختلف من وحدة لخرى
فاللتي لم تتقبل حملها وترى الحمل جبالا من المصاعب لابد سيكون اكتئابها شديدا
بينما الفحلة التي تسهل الأمور تتجاوز الاكتئاب بسهولة سلام
صح اختي منها
انا كي كنت بالحمل كنت نسيق ونطيب ونخدم في دار شيخي
والولادة جاتني سهلة والحمد لله
نعرف وحايد ميتحركوش 9 شهور ويقولو قالنا الطبيب ديرو روpو ههههه
وبعد الولادة يضربو شهرين رقاد ماش غير 40 يوم !صراحة لما كنت نزور الطبيب نسمع حكايات من عجب
وبعد ماسلكت والحمد لله تأكدت بلي النساء تاعنا يحبو الاكشن بزاف والدراما والخرطي.
قالي الطبيب متتحركيش ياسبحان الله العجب العجاب
 
Top