هي خلصتلو وشراتو ... ودار العام وعايراتو

[ليليا مرام]

السلام عليكم
اليوم يا جماعة راحين نحكو على سوجي كنت حيطتو فالحياة الزوجية مي حبيت نحكو فيه براحتنا

كيما تعرفو الرجال مش طماعين

عليها يروحو يخيرو الخدامات يتزوجو بيهم سيغتو تحية للمعلمات اللي خرجو الرجال من التشومير ههه

نرجعو للسوجي
يويويويويوييييييييي....ايه راني نزغرت تزوجو وفرحو وفات العسل والبصل وجات الدبزة الاولى

يعيط عليها يسبها او يخبط الباب تسكت راهي جديدة ... اممم جديدة شهر شهرين

السي خونا راح لابوست جبد اول شهرية وقالها نخلصو دين نتاع العرس وبداو شهرية ورا ختها وبدا النيفو نتاع المعاير يطلع

اسمع مدلي نروح للعرس ما عنديش............ كيفاه ما عندكش دراهمي ياخي البارح رحت خلصت فبلاصتي

يقولها نفكرك الكارني فالحانون و وفاصيليتي نتاع الطونوبيل وليسونس وزيدي كي رحت للطبيبة خلصت 200 الف وزيدي 200 كيوي ماشي راكي تتوحمي على الكيوي وشكون قالك توحمي عليه راهو غالي

ياو وااااااااااااع اييه يعايرها بالكيوي راهي تتوحم واللي شراه بدراهمها

اييه ارواحو نروحو لالة صبرت وصبرت وطرطقت

ولات هي تعاير سيبو راهي ولدت ضرك خرجولها القرون شعال تقعد تلبعها عاقلة واول شهرية ورا ما تزيد تقولو انا نروح نخلص وتروح تخلص وتجيبهالو هو يضربها الكف الاول

وتبدا الحان وشباب

دراهمي رجعهملي كليتهملي نروح لدارنا مانيش رايحة منا حتى تحطهم

من خطبتني وانا نصرف نسيت العرس عاونتك فيه
مديت 4 ملاين للصداق

وانا زدتلك

6 حتى ما تضحكش عليا جوهر وحنان ولويزة وااااااااع زادتلو فالصداق

ايوا ونسيت العيد ياخي انا مديتلك تشريلي المهيبة

وعلاه دارنا يعايروني ويقولولي ما جابلك والو

نسيت يا نكار الخير

وكي حصلت فالكريدي نتاع العرس

والطونويل شكون قشرك وشراهالك سلامة شهريتي كل شهر ينحو مليون ونص دراهمي طونوبيل نتاعي ويا خلايااااااااااااااا
مرة نسمع فجارتي من دارنتا تعاير فراجلها تقول جبدت لاجوندا ماركات كل شي تعاير فيه بالتاريخ ولادت واسم الحانوت منين شراتلو الحوايج وخلصتهم هههههههه

يا رجال واشبيكم علاه ترخصو برواحكم

وانت لالة عارفة تزوجك على جال حاجة واسمها شهريتك وتمديلو فيها برضايتك وعلاه المعاير والتبهديل
اللي رضات على روحها تزيد للراجل ماكان لاه تعاير

وانت الراجل كي عارف روحك تتهان وعلاه عليك ولو تمدلك 10 ملاين للشهر والله نشوفو امور كارثية والراجل مهبط راسو سبحان الله الدراهم يديرو كامل هاكا

لو فرضا داها باباها وزير او مرفه ودارتلو ثروة معليش كي تعايرنقولو دار ملك كبير اما على جال زوج دورو نتاع الشهرية
اسمحولي يا رجال
ونلوم المرا اللي تعاير راجلها مش مرا تعاوني فيه واجب عليك وبالسيف لما يكون يستاهل مش تعايريه

واش رايكم فالمعايرة بين المتزوجين
​

 

[لؤلؤة قسنطينة]

رد: هي خلصتلو وشراتو ... ودار العام وعايراتو

موضوع مهم حبيبتي ليليا
يحتاج رد ملييح
سامحيني نرجعلك غدوة لا كتب ربي سبحانو عندي مانهدر
موضوع عجبني صراحة
لي عودة غاليتي
​

 

[zohor kfz]

رد: هي خلصتلو وشراتو ... ودار العام وعايراتو

كيما قلتي لي ترضا براجل يتوجها على جال دراهمها تبلع فما و تسكت لو كان يسلخلا الجلدة تاعا
اما لي شاكة برك بلي حاب يتزوجها على جال الدراهم تقلو راني ماشية نحبس الخدمة نهار نسينييو عقد الزواج و تشوف ادا راجل يقلها واه و انا معاكي تجي تريحي تقوم بالدار و انا نقوم بيكي و لي طماع اكيد يرفد روحو و تزيدش اصلا تشم حتى ريحتو اكيد .
و لي مسكينا معلابالهاش بلي داها على جال دراهما و بقى غير بشوية بالشوية يكل فيهم نقلو انت مشي راجل اصلا و تستلهل تتعاير فاليل و فالنهار
و من الاول لي حابة تتزوج يا يتديه راجل بمعنا الكلمة و تتكل عليه يا اما تقعد في دار والديها تخدم على راسا معززة مكرمة

 

[cosette]

رد: هي خلصتلو وشراتو ... ودار العام وعايراتو

السلام عليكي غاليتي
إن شاء االله تمام التمام
والله عنونك من البداية حيرني قلت وش اهي تقول هذي المرة :sبسكو كل مرة وش تمنشر و واش تهدر وماتخليش:d
إيه قلتيها بفمك حنونتي الله غالب ولاو الشعب هكذا
:-h
من قبل العرس :نديرو عرسنا وحاجة مياخصك كلش يحضر حتى انا وااني نسمع فيهاذا االكلام من دوركا واني نتامل فالمستقبل القريب:-r
إيه وغير يلحق العرس النهاار الاول لاباس بيه على شهر ولآ 3شهر يتبدل المزاج
أهي آونسات مصااريف الطبيبة وآلدآر ...وإلآ ماكانتش تخدم !!يا حصراه ياحصرااه
وكيما قلتي يطفروآ آلعسل معا البصل ومن بعد مآندري وآش نسميهآ:tongue02:
هههههه والشابة فالموضوع آنو المراة الخدامة تشري وتصرف والراجل يتآفآف

وآلله تحيري مي فكرتني بعرسي االلي اهو قريب وسمطتي عليآ آلجو :$:$آني خايفا تمنشيري يعاود يولي عليا
معا لي خدامة ونشالله نعااونوآ
يآآآآآآآآآآآآآآآآآآآآحصراااااااااااااااااااااااااااه
مشكوورة حبيبتي ليليا اعجبني بزآآآآآآآآآآفآآآآآآآآآآ:d
مشكووورة
سلآمي
كوني بود :love01:
​

 

[لؤلؤة قسنطينة]

رد: هي خلصتلو وشراتو ... ودار العام وعايراتو

السلام عليكم ليلوشة راني رجعت كيما وعدتك واعتذر على التأخير
وندخل في الموضوع مباشرة
شوفي ختي ليليا الراجل هو رب البيت وهو عمود البيت ودورو هو يشقى باه يجيب لقمة حلال ويوكل عايلتو سواءا
مرتو خدامة ولا ماش خدامة، لانو الرجل مالازمش يهز شهرية مرتو لانو اولا هو المسؤول في البيت ماش المرأة وزيد
دينيا بعد مالازمش الراجل يهز دراهم مرتو بلا مايشاورها ولا بلا رضاها، يعني حتى ولو نتا تخدم ومرتك تخدم ماعندكش
حق تقولها هاتيلي دراهمك ولازم نوكلك بيهم ولادك، لما تحب تدخل في مشروع مثلا شراء سيارة ولا دار وتتعاونو وتتشاورو
تما نورمال، ولا مثلا لما المرأة تقولك كي دراهمي كي دراهمك نتعاونو كيف كيف لازم تفهم معنى هاد الجملة خاطر كاين نوع
صدقيني غير تقولو مرتو كي دراهمي كي دراهمك يجبدهملها بلا ماتعرف ويصرفهم ويخلي تاوعو مخبيين وكي تسقسيه
يقولها صرفنا بيهم وكلشي وكن تحب مسكينة تشري حاجة لعمرها مايمدلها لا دراهمها ولا دراهمو ويحكمهم فيزوج يصرفهم
على من يحب وكن تحب تريكلامي يبهدلها هنا نتكلم على بنت العايلة لي يهمها توكل اطفالها وكلشي اما بنات اليوم
ياو تخرج تروح تسهر مع صحاباتها وتخليلو لولاد يدبر راسو فيهم يوكلهم ولا يطيشهم ولا يقعد
على هادي انا نحب توازن في البيت، المرأة تربح راحتها وتربي ولادها على اكمل وجه والراجل هو لي يخرج يتعب ويجيب
لقمة لمرتو وولادو، باه ماتعايرو مايعايرها ومايقولك وكلتني ولا هي تقول سرقني، لكن درك زمن المادة للاسف بكري
كنا كي يجي يخطب الراجل نسقسيو على خدمتو ودرك كي يجيو يخطبو يسقسيو على الطفلة اذا تخدم وكاين حتى لي
يقولك لازم مرتي تخدم ومايهمنيش واش تخدم المهم الدراهم وخلاص ويقبل تخدم عليه وتصرف عليه ويقبل حتى يسكن
عند والديها وزيد يقولها جيبيلي الدراهم من عند والديك ماعنديش باه نكمل الشهر، وهادي امثلة حية ماجبتهاش من راسي
واش نقولو ربي يهدينا برك وربي يستر على بناتنا وولادنا خاطر زواج اليوم ولا زواج مصالح برك للاسف
شكرا حبيبتي على الموضوع والله كنت حابة نجاوب خير على هكا لكن اليوم مع القراية وكلشي تعبت خلاااص
الافكار كامل راحولي هههه
تحياتي

​

 

[حكاية قمر]

رد: هي خلصتلو وشراتو ... ودار العام وعايراتو

السلام عليكم
راجل يطمع في دراهم مرته
عديم الشخصية
تعاونه من جودها معليش مي يدي ويزيد
يهدر ويقول ماكاش والله غي غايا
نورمالمو من جيبه يصرف وبسيف عليه
رجال اخر الزماان الله يستر
مي غلطتها هي نهار لول بلاك علبال خدمتها بغاها شافها شاك


الله يبعد علينا هاذ كائنات

​

 

[Hakan]

رد: هي خلصتلو وشراتو ... ودار العام وعايراتو

السلاااام عليكم
لشهرية وما ادرك ما الشهرية مشكلة كبيرة بين لزوجين لكن المشكل لاكثر هي المن والاذى بين لزوجين
لابغى ما هيش شهارة كاين رجال يمزي على مرتو ويقلها هذاك لعام شريتلك وهذاك العام شريت لباباك وغيرها من الامور
كاين رجال كيما قلتي متزوجين بخدمات وهوما يخلصولهم الشهرية نتاعهم وعادي متفاهمين وماشية الحياة
لكن المشكلة في العقليات
كاين شيء بنات شبعانين من صغرهم يعني غدوا كي تكون شهارة ماعندهاش مشكل مع الدراهم وكاين اللا العكس تماما جمي شافت في حياتها وكي تبدا تخلص هذيك 4 ملاين ولا خمسة تتفرعن وتحسب روحها البرانسيسة واغلب العاملات اللي تزوجو
من رجال بطلين او خدام نص خدمة يعانيو في حياتهم بسبب واحد وهو الطمع ولعياذ بالله لمرا حابة دير واش راحلها في صغرها والراجل كذلك حاب يستثمر في المرا نتاعو لكن ما يدوم الا الهنا لنو كاين شي عائلات يعني الراجل يخدم نص خدمة ومرتو ماكثة في البيت وسحان الله عايشيت تقول ملوك هي كي تروح لبيت باباها تحكي على زوجها كي شغل راهيمتزوجة بوزير وهو كي يحكي على مرتو كي شغل متزوج ببنت الرئيس وهكذ يعني المر ما عندوش علقة بالشهرية بشكل كامل لكن عندو علاقة بالجانب لشخصي في كلا الجنسين رجل ولا مرا ربي يهنيك .
​

 

[محمد إبن الصحراء]

رد: هي خلصتلو وشراتو ... ودار العام وعايراتو

علاه راكي تنوضي في الدبزا علاه ههههه

الشرع فرض على الزوج باش ينفق على زوجته
ومن العار أن يرضى بنفقة زوجته عليه أو يدي دراهمها
... لكن
لابأس إدا كان تعاون وتفاهم بين الزوجين .

موضوعك شيق ومكانه
منتدى الحوار الهادف
أو
منتدى الحياة الزوجية
شكرا​

 

[سندريلا]

رد: هي خلصتلو وشراتو ... ودار العام وعايراتو

موضوع جميل
يجب التوافق بين الزوجين و حتى وتكون الزوجة خدامة الشرع يفرض نفقة الزوج عليها.

 

[Salah eddin]

رد: هي خلصتلو وشراتو ... ودار العام وعايراتو

السلام عليكم
و الله موضوع في الصميم ....زواج الشهرية ...خخ...يا خي حالة يا خي
....
انا من رايي ....كل طرف يتحمل مسؤوليتو
سواء المراة او الرجل
...
المراة لي بشهريتها ...مش من الاول تقول ايه ..ز من بعد يولو فالمعاير
و
الراجل ...من الاول يهني من روحو و ما يحطش روحو ...ولكن الله غالب

هذاك ما حلبت ...هه:d
...
ياودي انا نقول لي حابو ربي
يرجع للاصل :-h
الراجل البر.... و المرأة الداخل
و
السلام عليكم
:regards01:
​

 

[ليليا مرام]

رد: هي خلصتلو وشراتو ... ودار العام وعايراتو

موضوع مهم حبيبتي ليليا
يحتاج رد ملييح
سامحيني نرجعلك غدوة لا كتب ربي سبحانو عندي مانهدر
موضوع عجبني صراحة
لي عودة غاليتي
​

السلام عليكم جميعا
اهلا وسهلا اختي مريم اسمحيلي طولت ظروف
شكرا انت اسمحيلي انت قد ما طولتي مش كيفي
راح نشوف ردك شكرا

 

[ليليا مرام]

رد: هي خلصتلو وشراتو ... ودار العام وعايراتو

كيما قلتي لي ترضا براجل يتوجها على جال دراهمها تبلع فما و تسكت لو كان يسلخلا الجلدة تاعا
اما لي شاكة برك بلي حاب يتزوجها على جال الدراهم تقلو راني ماشية نحبس الخدمة نهار نسينييو عقد الزواج و تشوف ادا راجل يقلها واه و انا معاكي تجي تريحي تقوم بالدار و انا نقوم بيكي و لي طماع اكيد يرفد روحو و تزيدش اصلا تشم حتى ريحتو اكيد .
و لي مسكينا معلابالهاش بلي داها على جال دراهما و بقى غير بشوية بالشوية يكل فيهم نقلو انت مشي راجل اصلا و تستلهل تتعاير فاليل و فالنهار
و من الاول لي حابة تتزوج يا يتديه راجل بمعنا الكلمة و تتكل عليه يا اما تقعد في دار والديها تخدم على راسا معززة مكرمة

السلام عليكم اختي زهور اهلا وسهلا نورت الموضوع
والله ردك واقعي من الاول تعرف الراجل على واش ناوي والطماع يجي باين وزيدي راني نشوف فواحد الظاهرة المرا تزيد عليها وراح نديرلكم عليها موضوع ان شاء الله
يعني اذا قبلت المرا تزيد عليها ربي يسهل اما تقولي الطماع ما يبانش هنا راهي مغفلة تعاونو حاجة واجب عليها برضاها وكاين والله راجل وعندو النيف ما يطمع فدراهمها وكاين هو يقولها نوضي تخدمي ويروح يجبد الشهرية ويديها ديركت ويصرفها على النسا برا
انت كمرا من الاول اعرفي واش تدي
شكرا نورتيني

 

[ليليا مرام]

رد: هي خلصتلو وشراتو ... ودار العام وعايراتو

السلام عليكي غاليتي
إن شاء االله تمام التمام

السلام عليكم اختي نورتيني
ايه تمام مش تمام التمام مي الحمد لله اكيد الله يخليك


والله عنونك من البداية حيرني قلت وش اهي تقول هذي المرة :sبسكو كل مرة وش تمنشر و واش تهدر وماتخليش:d

وعلاه ما تعترينيش صحفية :p
راني ننقل فظواهر بطريقتي انا

إيه قلتيها بفمك حنونتي الله غالب ولاو الشعب هكذا
:-h
من قبل العرس :نديرو عرسنا وحاجة مياخصك كلش يحضر حتى انا وااني نسمع في هاذا االكلام من دوركا واني نتامل فالمستقبل القريب:-r
إيه وغير يلحق العرس النهاار الاول لاباس بيه على شهر ولآ 3شهر يتبدل المزاج

ياخي يقولك الخطاب رطاب وبعد الزواج حطاب امالا احطبيه من ضرك والل انا خطيبي لا رطاب ولا شي راه قبل الزواج واعر عجبني بينلي عقليتو على حقيقتو من ضرك احسن واقيل انا نتبدل هههه

أهي آونسات مصااريف الطبيبة وآلدآر ...وإلآ ماكانتش تخدم !!يا حصراه ياحصرااه
وكيما قلتي يطفروآ آلعسل معا البصل ومن بعد مآندري وآش نسميهآ:tongue02:

شكشوكة
هههههه والشابة فالموضوع آنو المراة الخدامة تشري وتصرف والراجل يتآفآف

هنا المشكل هي تخدم ويخليها تخدم ويتأفف تقولي انت ينفخ فالفخار علاه يا سيدي من الاول خليها فالدار علاه تخليها تخدم وتبدا تأفف وتشكي وزيد لما يدي الشهرية يحبها اول ايام الشهر هوما يخلاصو يدور عليها دورة حرشة يا حسراه اللي ما يعرفهمش شكون خلاص تحرقو قدامنا ولينا نعرفوهم


وآلله تحيري مي فكرتني بعرسي االلي اهو قريب وسمطتي عليآ آلجو :$:$آني خايفا تمنشيري يعاود يولي عليا
معا لي خدامة ونشالله نعااونوآ
يآآآآآآآآآآآآآآآآآآآآحصراااااااااااااااااااااااااااه


هههه مبروك مبروك ما نسمط عليك ما والو وانت علاه دور عليك ديري حسابك ما فيها والو راكي قلتيها تتعاونو مش يطمع فيك وهو قاعد
الله يهنيك

مشكوورة حبيبتي ليليا اعجبني بزآآآآآآآآآآفآآآآآآآآآآ:d

ايه سمعتك من دارنا وانا علاه جيت
الله يخليك حبوبتي

مشكووورة
سلآمي
كوني بود :love01:
​

العفو اختي الله يخليك

 

[ليليا مرام]

رد: هي خلصتلو وشراتو ... ودار العام وعايراتو

السلام عليكم ليلوشة راني رجعت كيما وعدتك واعتذر على التأخير
وندخل في الموضوع مباشرة
حبوبتي انا اللي نعتذر طولت فالردود اسمحيلي اوك راح نشوف ردك

شوفي ختي ليليا الراجل هو رب البيت وهو عمود البيت ودورو هو يشقى باه يجيب لقمة حلال ويوكل عايلتو سواءا
مرتو خدامة ولا ماش خدامة، لانو الرجل مالازمش يهز شهرية مرتو لانو اولا هو المسؤول في البيت ماش المرأة وزيد

اختي مريم هذا اللي كان لازم يكون الكلام هذا على راجل الامس او خليني نقول ان شاء الله يكون كاين هذا النوع اللي تهدري عليه
دينيا بعد مالازمش الراجل يهز دراهم مرتو بلا مايشاورها ولا بلا رضاها، يعني حتى ولو نتا تخدم ومرتك تخدم ماعندكش
حق تقولها هاتيلي دراهمك ولازم نوكلك بيهم ولادك، لما تحب تدخل في مشروع مثلا شراء سيارة ولا دار وتتعاونو وتتشاورو
تما نورمال، ولا مثلا لما المرأة تقولك كي دراهمي كي دراهمك نتعاونو كيف كيف لازم تفهم معنى هاد الجملة خاطر كاين نوع
صدقيني غير تقولو مرتو كي دراهمي كي دراهمك يجبدهملها بلا ماتعرف ويصرفهم ويخلي تاوعو مخبيين وكي تسقسيه
يقولها صرفنا بيهم وكلشي وكن تحب مسكينة تشري حاجة لعمرها مايمدلها لا دراهمها ولا دراهمو ويحكمهم فيزوج يصرفهم
على من يحب وكن تحب تريكلامي يبهدلها هنا نتكلم على بنت العايلة لي يهمها توكل اطفالها وكلشي اما بنات اليوم
ياو تخرج تروح تسهر مع صحاباتها وتخليلو لولاد يدبر راسو فيهم يوكلهم ولا يطيشهم ولا يقعد


وشكون يشوف للدين اختي مريم لو يشوف ليه من الاول ما يخليهاش تخرج من الدار لو نتبعو الصح من الاول
اما انو يدي دراهمها الراجل يعتبرهم حق ليه كانو دار فيها مزية ودراهمها لو تدي منهم يبهدلها هذي اللي تقتلني وتلقايها تقولك ما عندي ما ندير انا نكره الجايحات هكذا يسمحولي نسميها جايحة تعاوني راجلك واجب عليك اما يديهم عيني عينك وتقولي ما عندي ما ندير هذي الكارثة كاين نوع نسا ما عندهمش كرامة المهم يرضى عليها
اييه هذو نتاع تسهر وهو يربي ايه يديروها راهم يروحو للاعراس وتخليهملو يدير ليكوش والحليب ويقولك عادي نعاون مرتي يا رجال الراجل راجل والمرا مرا كل واحد عندو دورو مي واش تقولي الدراهم يديرو شراو الرجولة والكرامة الله غالب كل شي مادي ويقولك النسا ماديات


على هادي انا نحب توازن في البيت، المرأة تربح راحتها وتربي ولادها على اكمل وجه والراجل هو لي يخرج يتعب ويجيب

:regards01::regards01: هذا حقك يا الفحلة انا نحب نحس ديت راجل انا فالدار وهو يجيب على قيسو انا ما نكون متطلبة وهو ما يحقرني اما نخدم نقعد فدارنا
هذا رايي انا على نفسي واحترامي لكل المتزوجات العاملات حقهم محفوط نحكي على روحي انا ورايي انا


لقمة لمرتو وولادو، باه ماتعايرو مايعايرها ومايقولك وكلتني ولا هي تقول سرقني، لكن درك زمن المادة للاسف بكري
كنا كي يجي يخطب الراجل نسقسيو على خدمتو ودرك كي يجيو يخطبو يسقسيو على الطفلة اذا تخدم وكاين حتى لي
يقولك لازم مرتي تخدم ومايهمنيش واش تخدم المهم الدراهم وخلاص ويقبل تخدم عليه وتصرف عليه ويقبل حتى يسكن
عند والديها وزيد يقولها جيبيلي الدراهم من عند والديك ماعنديش باه نكمل الشهر، وهادي امثلة حية ماجبتهاش من راسي
واش نقولو ربي يهدينا برك وربي يستر على بناتنا وولادنا خاطر زواج اليوم ولا زواج مصالح برك للاسف
شكرا حبيبتي على الموضوع والله كنت حابة نجاوب خير على هكا لكن اليوم مع القراية وكلشي تعبت خلاااص
الافكار كامل راحولي هههه
تحياتي

​

صج وراح ندير سوجي على النسا اللي يزيدو عليها طيحو علينا البق
العفو اختي هذا الكل وراحولك الافكار امالا لو كانو حاضرين كيفاه:p
:p:p
الله يخليك حبيبتي

 

[ليليا مرام]

رد: هي خلصتلو وشراتو ... ودار العام وعايراتو

السلام عليكم
راجل يطمع في دراهم مرته
عديم الشخصية
تعاونه من جودها معليش مي يدي ويزيد
يهدر ويقول ماكاش والله غي غايا
نورمالمو من جيبه يصرف وبسيف عليه
رجال اخر الزماان الله يستر
مي غلطتها هي نهار لول بلاك علبال خدمتها بغاها شافها شاك


الله يبعد علينا هاذ كائنات

​

السلام عليكم اختي قمر نورت الموضوع
نومالمو انو ما عندوش شخصية مي المشكل رجعوها هي الشخصية الراجل اللي يدي من مرتو هذيك هذي الرجولة ما فرقوش بين المعاونة وبين الطمع
ايه الغلطة من المرا يقولك وليدك على ما تربيه وراجلك على ما تولفيه اللي هي تولفو بالشي هذا هي اللي تستاهل يصرالها كثر من هكذا
امين شكرا

 

[ليليا مرام]

رد: هي خلصتلو وشراتو ... ودار العام وعايراتو

السلاااام عليكم

وعليكم السلام خويا حكيم ان شاء الله راك لاباس

لشهرية وما ادرك ما الشهرية مشكلة كبيرة بين لزوجين لكن المشكل لاكثر هي المن والاذى بين لزوجين
لابغى ما هيش شهارة كاين رجال يمزي على مرتو ويقلها هذاك لعام شريتلك وهذاك العام شريت لباباك وغيرها من الامور
كاين رجال كيما قلتي متزوجين بخدمات وهوما يخلصولهم الشهرية نتاعهم وعادي متفاهمين وماشية الحياة

ايه صح كاين رجال يعايرها حتى بصداقها اللي هو حقها شرعا
عادي التعاون عادي دراهمو ودراهمها كيفكيف مي الماشي عادي انو يطمع في مرتو ويحقرها فدراهمها ويديهملها ديركت وما عندهاش الحق تهدر

لكن المشكلة في العقليات
كاين شيء بنات شبعانين من صغرهم يعني غدوا كي تكون شهارة ماعندهاش مشكل مع الدراهم وكاين اللا العكس تماما جمي شافت في حياتها وكي تبدا تخلص هذيك 4 ملاين ولا خمسة تتفرعن وتحسب روحها البرانسيسة

لالا خويا حكيم مش قضية شبعانة او جيعانة هي فالاصل دراهمها وما يديهمش بلا رضاها خلعوها او لالا لانو اصلا هو ممكن يكون داها على طمع تخدم ويخليها يتحمل وقادرة ولو تخدم هو يصرف عليها لانها مسؤولة منو مي العكس رانا نشوفو فيه ولو ما تخدمش ما يصرفش شفنا نسا جيعانات وما يلبسوش وهو برا يوكل فيهم للنسا



واغلب العاملات اللي تزوجو
من رجال بطلين او خدام نص خدمة يعانيو في حياتهم بسبب واحد وهو الطمع ولعياذ بالله لمرا حابة دير واش راحلها في صغرها والراجل كذلك حاب يستثمر في المرا نتاعو لكن ما يدوم الا الهنا لنو كاين شي عائلات يعني الراجل يخدم نص خدمة ومرتو ماكثة في البيت وسحان الله عايشيت تقول ملوك هي كي تروح لبيت باباها تحكي على زوجها كي شغل راهيمتزوجة بوزير وهو كي يحكي على مرتو كي شغل متزوج ببنت الرئيس وهكذ يعني المر ما عندوش علقة بالشهرية بشكل كامل لكن عندو علاقة بالجانب لشخصي في كلا الجنسين رجل ولا مرا ربي يهنيك .
​

المرا واش راحلها فصغرها حقها فالزواج هذا ما يمدلوش الحق انو يطمع فيها اي مرا تحب تتزوج ومن المفروض الراجل يديها على سترة وامان ويديرو دار ولو تعاونو مش مشكل اما من الاول يطمع على اساس انها تعوض اللي راحلها ماكانش منها
ايه النوع هذاك راه نادر يا حكيم الراجل يدور يحش في مرتو يحوس يبرر لروحو انو عادي يروح يخدعها دايما يشكو المرا فيها المشكل
والمرا مهمايصرف تروح تشكي بالعكس لاهلها على هذا اعرفو تختارو من الاول
شكرا نورتني

 

[ليليا مرام]

رد: هي خلصتلو وشراتو ... ودار العام وعايراتو

علاه راكي تنوضي في الدبزا علاه ههههه

الشرع فرض على الزوج باش ينفق على زوجته
ومن العار أن يرضى بنفقة زوجته عليه أو يدي دراهمها
... لكن
لابأس إدا كان تعاون وتفاهم بين الزوجين .

موضوعك شيق ومكانه
منتدى الحوار الهادف
أو
منتدى الحياة الزوجية
شكرا​

السلام عليكم
اييه راني نفطن فالراقدات خويا محمد نورتني شكرا
والله يا اخي انا درتو فالحياة الزوجية وحبيت نزيدو نحكو فيه براحتنا
شكرا

 

[ليليا مرام]

رد: هي خلصتلو وشراتو ... ودار العام وعايراتو

موضوع جميل
يجب التوافق بين الزوجين و حتى وتكون الزوجة خدامة الشرع يفرض نفقة الزوج عليها.

السلام عليكم اختي ساندريلا لقيتي الصباط او مازال والا الامير عرفك شكون انت والا مازال ههه
والله يا اختي كلام صواب ولو خدامة النفقة على الزوج وهي حبت تعاونو تعاونو من رضاية نفسها مش بالسيف
الله يهديهم
شكرا

 

[ليليا مرام]

رد: هي خلصتلو وشراتو ... ودار العام وعايراتو

السلام عليكم
و الله موضوع في الصميم ....زواج الشهرية ...خخ...يا خي حالة يا خي
....
انا من رايي ....كل طرف يتحمل مسؤوليتو
سواء المراة او الرجل
...
المراة لي بشهريتها ...مش من الاول تقول ايه ..ز من بعد يولو فالمعاير
و
الراجل ...من الاول يهني من روحو و ما يحطش روحو ...ولكن الله غالب

هذاك ما حلبت ...هه:d
...
ياودي انا نقول لي حابو ربي
يرجع للاصل :-h
الراجل البر.... و المرأة الداخل
و
السلام عليكم
:regards01:
​

السلام عليكم صلاح الدين ان شاء الله راك لاباس
والله يا خويا كلامك صواب مليار من الاول ما يدي دراهمها ما يلحق روحو للمعاير وهي من الاول تفهمو لو خلاها تخدم والاحست تشد دارها وهو يصرف
الراجل برا والمرا داخل ولكن لو الظروف ما سمحتش تعاونو معليش ما قلناش مي مش يطمع فيها ويزيد يحقرها
الله يهديهم كالنسا كالرجال
وعليكم السلام شكرا