اصعب شيئ هو الانتظار وخاصة انتظار المجهول هذا عنوان رسالتي .اول وقبل لنبدى نحكي حبيت نسلم عليكم السلام عليكم ورحمة الله تعالى وبركاته نتمنى تكونو كامل بخير ونشكر كل من رح يفتح رسالتي ويقراها ونقله ربي يجازيك الخير ويخليك ويعليك ويعيطك ماتتمنى ويقضي حوايجك .كل واحد فينا في حياته ينتظر اشياء ويتمنى اخرى ويحلم ويستنى واكيد يكون هذا فيه مشقة وتعب والام لكن الاصعب لما تكون تنتظر وتنتظر وتنتظر في شيئ مكاش عارف وش هو او بالاصح مشي عارف وش يصرى تكون بتوتر وخوف بل حتى رعب في بعض الاحيان اختكم الي تكلمكم راهي عايشة هذي الحالة انا انتظر شيئ وهو اقسى حلم بحياتي ننتظر فيه من سنين طوال وندعي في ربي يحقولي لكن طال الحال وانا ننتظر واحيانا نفقد الامل ومرات كثير نخاف اني ننتظر غير في لهوا او في سراب كيما يقولولي انا عارفة ومتاكدة انو مكانش شيئ مستحيل على ربي وماهو بالعسير لكن الضروف وطول الالم والوجع يخلي الانسان يضعف ويخاف ويتوتر خصوصي لما يكون وحده ومشي لاقي شكون يعاونه او حتى يرفع من معنوياته وقت الضعف او يسندده لما يطيح ويلقى غير المنثبطات .نقوللكم سر انا في 18 نوفمبر عيد ميلادي وانا خايفة وحزينة تعرفو علاه لانو ضميري يبقى يحرجني امام نفسي لانو يكون فات 6 سنوات على حلمي ولم يتحقق بعد بل السنة الماضية قلت العام القادم يكون حلمي تحقق بل حتى مشي رايحة نذكر المحيطين حولي بعيد ميلادي لانهم يقولولي اوو العام الماضي قلتي المرة الجاية يكون حلمي تحقق وانا مش قادرة نسمع او حتى نشوف لومنسمعهاش بعيونهم لانهم محمليني انا المسؤولية بالرغم من انو هذا الشيئ من عند ربي لكن محمليني شيئ فوق طاقتي وكاني انا الي قادرة نغيره باي وقت والقدرة لله سبحانه صحيح فيكم من يقول هذي وش راهي تقول او راهي ضعيفة لكن نرد ونقلكم لالالا انا قوية وكثير امام الناس لكن الي نحكي فيه هنا هو مابداخلي صحيح الانسان يمر بلحضات ضعف تخليه تكسر امام نفسه لكن يحاول يبين للناس انه قوي وقادر لكن بصراحة ياخاوتي انا اضعف من ان اتحمل ماانا فيه لان لما الانسان يتحمل ويتحمل يوصل ملرحلة مشي قادر ويتمنى متنفس يريحه شوي والله انا راني محتاجة متنفس من هذا الضغط الداخلي والخارجي وخصوصا الي بداخل صدري الي ينكد عليا كل حاجة بحياتي ومخليني نشوف الدنيا بعيني سوداء ورمادية اللون لانه مقاليش في قلبي غير دقة وقلبي لايملك غير كلمة اه وحوست بزاف على حظي كثير لكن للاسف لقيت كل الحظوظ محجوزة متقولوش هذي مبالغة لكن كل الي راني نقول فيه راني نحكي وش راني نحس من الداخل ونزيد نقوللكم اول مرة نحكي حتى بيني وبين نفسي بهذي الصراحة والجرئة لاني بصراحة موجوعة وضهري محني من همي وكيما يقولو راح الشهد والعسل من من فمي وسكن مكانه مر طعم الصبر المهم نتمنى كل من قرا رسالتي يدعيلي بالفرج وليه الجزاء عند ربي لانه من دعا لاخيه المسلم بخير قالت له الملائكة ولك مثل ذلك نتمنى مكاش الي ينتقدني فيكم او يقول هذي مبالغة او ضعيفة لاني حكيت بشيئ حسيت بيه
