الزطلة ومدارت فينا خخخخ

[Skor m@k]

ا

لسلام عليكم

نشوف بلــي عظماء التـاريخ كـــــامل يزطلو ..



نيوتن مثلا .. وش كــان يدير تحت الشجرة ؟؟ .. باين كان يزطـــل .. و كي طاحت عليه التفاحة .. كون جـــاء صاحي كون رفدها و كلاهــا ..

بصح كي عاد مزطول و طاحت عليه التفاحة صحّــاتو .. تقلق .. قالك كيفاه التفاحة تاع شكوبي مــا طلعتش الفوق و طاحت عليا أنــا ..

و بدأ يخمم بشوي بشوي حتان ستنتج بلي كاينة جاذبية ..
.
تومــاس أديسون .. كيفاه اخترع المصباح ؟؟ .. طاحلو طرف زطلة في الشمبرة و بدأ يحوس عليـــه ..

و الزطالجية يبانو غير فالليل كي تولي الظلمة .. حوس حوس مــالقاهش .. خدمتلو في الراس ..

لازم نخدم حاجة دير الضوء فالليل .. و بعدها بيامات ختارع مصباح .. و الطرف هاذاك لي طاحلو مزال مفقود ليومنا هذا ..
.
نيكولاس تسلا .. علابالكم كيفاه حتان اخترع الكهرباء ؟؟ .. كان راح يشعل قارو زطلة ..

و كانت عندو البريكي تاع الحجرة هاذيك لي دير تشك تشك .. فزدتلو الحجرة تاعهــا و طاح مونك بريكي ..

قالك لازم نخترع بريكي خيرمن تاع الحجرة .. و جاتو الفكرة أنو يخترع بريكي تاع طك طك لي تمشي بالماس تاع الكهرباء ..

و هكذا اخترع الكهرباء باه يخدم بريكي تاع طك طك ..
.
أينشتاين .. كان مزطوووول حديدة .. المشية مش قادر يمشيها .. و دارو مزالت بعيدة و بانتلو الطريق الطويلة ..

و منها جاء بالفكرة تاع النظرية النسبية .. لي حق ربي ماني فاهمها .. المهم فيها السرعة و الزمن .. نظرية تاع واحد مش صاحي



للامانة منقول​

 

[محمد إبن الصحراء]

رد: الزطلة ومدارت فينا خخخخ

الله يحفظك
معرفة العلماء وإنجازاتهم بطريقة فكاهية
مشكور أخي​

 

[زهرة اللمة]

رد: الزطلة ومدارت فينا خخخخ

هههههههههه فووور هاذي سي سكور
هربتلي هذي هههه

 

[حروف تائهة]

رد: الزطلة ومدارت فينا خخخخ

ههههههههههههههههه
ضهرت عبقور كيفي انا و ايمان خخخخخ
شويا حسيت روحي نغني تشك تشك طك طك هههه
يعطيك الصحة سيد سكر​

 

[أميرة العفاف]

رد: الزطلة ومدارت فينا خخخخ

السلام عليكم

الظاهر انت لي راك زاطل خويا هههههههه

قرى معايا واحد 3 سنين يزطل واونبليس هو ليبيعها مي مختارع والو مسكين ههههههههه

ربي يحفظك على النقل الرائع​

 

[rycerz]

رد: الزطلة ومدارت فينا خخخخ

هههههههه
لي كتب هذا المقال باين عليه تعذب عذاب شديد مع لقراية سيرتو الرياضيات و الفيزياء و الكيمياء
أنا هاذو هوما المواد لي مرضت معاهم ليل و نهار
​