الاختراعات ومدارو فينا

[Skor m@k]

هذا اللي قالك نسيت كيفاه نبدى المقدمة هههه ليوم ماعرفتش نبداها ههه
كنت راح نحكي على ليلى والذئب ممبعد خفت تتوسوس الوردة الحمراء نهار كانت قبعة حمراء ممبعد تخلطتلي ...

جيت نكتب موضوع وانا مزال مجاني حتى فكرة على واش راح نكتب هههه راني سيريو هههه
ايا خلاص تفكرت موضوع كنت راح نكتبو زمان

تشفاو نهار بدات الاختراعات تدخل للدزاير كيما البرتابل والكيتمان والسكايب والفايس
كي شغل حاجة جديدة دخلت علينا الناس كامل يتخلعو وجي حاجة بيزار فالأول

البرتابل نهار دخل المرة الأولى الناس كي تقوللها نقدر برا فالزنقة نعيط للفيكس ماتامنكش
حنا بلاك كنا صغار بيه بيه نأمنو بلي تقدر تصرى
بصح ناس كبار هههه توريلهم البرتابل ويهدرو بيه ومايأمنوكش يقولولك تكذب هههه
انا بصراحة نهار خرج شراه بابا 3310 بوحد زوج ملاين ولا أكثر ولابيس جيزي هذاك الوقت
تقول كاش حاجة كبيرة هذاك الوقت سورتو زدنا لقينا فيه الدودة الأسطورية هههه


ونشفى نهار خرج لبلوتوث لي يديروه فالأذن يهدرو بيه
تلاقيت بماني كانت خرجت لبرا وكانت لامودا تاع البلوتوث ههههه
الناس كامل بيه وتهدر ههههههههكي دخلت للدار قالتلي ياوليدي الناس كامل هبلو هههه
راهم يمشو ويهدرو وحدهم ومنذاك يضحكو ومنذاك يعيطو
مسكينة مافهمت والو

وتانيت نهار خرج السكايب الناس كامل تهدر عليه وتهدر بيه
وزيد الناس لي خلعهم هذا وماتامنوهش تقدر تهدر باطل لوين حبيت
كانو ليسيباركافي معمرين بالغاشي كامل يهدرو هههه
تلقاه يهدر مع صاحبو وهو قدامي فالميكرو لاخر ههههههههه

كاين بزاف عفايس نشفالهم نهار خرجو الناس ماتامنوهمش فالمرة الاولى وضرك ولات حاجة عادية
اياو كل واحد يقولنا واش من اختراع كي سمع بيه ماتامنش بلي صح منو هذا

تشاو

​

 

[السلطانة]

وعليكم السلام ورحمة الله وبركاته
هههههههههه والله فكرتني في احلى ايام
لما ظهر البورتابل كنت نقرى في الثانوية
ايا بدا يشيع الساجام لي يشعل بالضو ههههههههههههه والنوكيا ميل صون هههههههههههههههه مالا صحبتي شرات واحد
وتضال تزوخ عليا وانا نبات نحلم بيه ههههههه
وتسمع الناس كل يقولو بتنا npipiw لبعض ههههههههههههههههههه
ديجا تفكرت كلمة pipili ههههههههه درك ام عادو يقولو bipili و بعد عام هاكاك بابا شرى واحد ميخلي حتى واحد يدور بيه ههههه وانا كنت نسرقهولو ونلعب الدودا
زادت شرات ماما واحد وليت نديه معايا للثانوية ونبيبي لصحاباتي في الليل
وكي تشارجي ماما كارطة تاع 100 الف ههههههه ونولو نهدرو بيها
نقولها اعطيني نبعث لصحاباتي ميساج ايماج برك نبعث هاذوك الاشكال لي يضحكو في النوكيا
وكانت هاذي قمة السعادة عندنا
ونهار ظهر السكايب كنت في الجامعة ايا انجاز كبير
نسجلو ونمدو السكايب لبعض ونحكو بيه
ووحدة وححدة تطورت الحالة ووصلنا لما وصلنالو اليوم
بصح صماطت ماشي كيما هاذ الوقت لي كانت تظهر فيه الاختراعات ونتخلعو فيها ههه
الجيل هاذا ميقدرش يفهمنا على ماه راحنا نحكو
لانو جا لقى كلش قدامو
لقى بورتابل تاع لي توش يكوناكتي بيه ف ماش راح يفهم بنة انك تطفي الضو وتدخل تحت الزاورة وتلعب الدودة ههه يعطيك الصحة

 

[Skor m@k]

وعليكم السلام ورحمة الله وبركاته
هههههههههه والله فكرتني في احلى ايام
لما ظهر البورتابل كنت نقرى في الثانوية
ايا بدا يشيع الساجام لي يشعل بالضو ههههههههههههه والنوكيا ميل صون هههههههههههههههه مالا صحبتي شرات واحد
وتضال تزوخ عليا وانا نبات نحلم بيه ههههههه
وتسمع الناس كل يقولو بتنا npipiw لبعض ههههههههههههههههههه
ديجا تفكرت كلمة pipili ههههههههه درك ام عادو يقولو bipili و بعد عام هاكاك بابا شرى واحد ميخلي حتى واحد يدور بيه ههههه وانا كنت نسرقهولو ونلعب الدودا
زادت شرات ماما واحد وليت نديه معايا للثانوية ونبيبي لصحاباتي في الليل
وكي تشارجي ماما كارطة تاع 100 الف ههههههه ونولو نهدرو بيها
نقولها اعطيني نبعث لصحاباتي ميساج ايماج برك نبعث هاذوك الاشكال لي يضحكو في النوكيا
وكانت هاذي قمة السعادة عندنا
ونهار ظهر السكايب كنت في الجامعة ايا انجاز كبير
نسجلو ونمدو السكايب لبعض ونحكو بيه
ووحدة وححدة تطورت الحالة ووصلنا لما وصلنالو اليوم
بصح صماطت ماشي كيما هاذ الوقت لي كانت تظهر فيه الاختراعات ونتخلعو فيها ههه
الجيل هاذا ميقدرش يفهمنا على ماه راحنا نحكو
لانو جا لقى كلش قدامو
لقى بورتابل تاع لي توش يكوناكتي بيه ف ماش راح يفهم بنة انك تطفي الضو وتدخل تحت الزاورة وتلعب الدودة ههه يعطيك الصحة

هههههه شفتي لي يشعل هو اجمل اختراع اختارعوه ههههههه
اهيه لي عندو بورتابل كيفاه يولي غير الزوخ هههه
وسورتو كي خرجت الساكوشة تاعو لي تحكم في لحزام هههههه
كي يصوني يجبدو مناك تقول تاع ليكوبوي هههههههه
اهيه البيباج ماتحكيش عليه كل دقيقة وسورتو نهار عرفو الناس بالماسكي
هناك لي كرهونا البرتابل مي ضرك نساوه شويا الماسكي هذا ههههه
يعطيك الصحة ختي سلطانة والله خرج عليك هايل الاسم هذا
بصح نتوحشو ياسمين واع واع واع

 

[أبو عاتكة]

باين موضوع نتاع نص ليل روح يا سيدي نحسبوهلك موضوع نعتبرو حالة الزهايمر المصاب بيها هي المقدمة ههه.
صح في البداية الناس متصدقش لواش متصدقش؟ ماش على الاختراع لا لا ميصدقوكش كي جا الخبر من عندك شغل يحسدوك انت زعما تعرف هاذ الامورات املا يطيحولك المورال اولا بعدها يبداو يستفسرو ويقرعجو ومن بعد يتمعلمو ويحطو رواحهم هم اصحاب الاختراع.

مانيش متفكر الان لكن نشفى لما كنا نتصورو عند الكوداك كل محل فوتوغراف نقولولو كوداك شفل فرع نتاع الشركة الاصلية وهو فيه تصويرة في الحيط بوستار لاتم للقرية باي صلة تكون في الصحرا والبوستار شاطئ هواياي وكرسي مكسرة رجلو والباقي كلو اسسسسسود في اسود كانو التصاور يقعدو ايامات حتى تنساهم ومن بعد ولا يومين ومن بعد ولى يقلك ارواح غدوة تطير بالفرحة ومترقدش حتى الغدوة اما الان يقلك استنى خمس دقايق تقلو قول والله احلف هوما التصاور صح يخرجوا في خمس دقايق بصح المصور يخرجهم في زوج سوايع الفريكونس نتاعو ونتاع الاختراع الجديد ميتفاهموش.

المهم كيما قلت الناس تامن بالاختراعات لكن ماتامنش بيك كمثقف هههه
يعطيك الصحة وربي يدومها مواضيع من عندك توحشناها وانت معاها.

 

[faith8]

السلام عليكم ورحمة الله وبركاته
اولا نحييك على الطريقة المرحة والحماسية في تقديم المواضيع والله تنحي القنطة هههههههههه ضحكتني المقدمة اضحك الله سنك
ايه رديتنا لايام الزمن الجميل انا نشفا كي خرج البورتابل كنت فالبريمار صغيرونة هههه المهم مع اللول حرنا فيه وغير شراه بابا وورالنا راحت الحيرة وخويا الكبير فالدار تاني كان من الاوائل اللي كسبوه كنا نشوفوه حاجة كي عندو بورتابل هههههه كنا نتضاريو انا وخويا اللي اكبر مني بسنتين شكون يدي التيليفون ويلعب الدودة ههههه سيرتو فالديقوطاج تع الڨوالي الصيفية هههه عيا ما ناض بابا مالسياست تاعو نحاهولنا وسقلنا وولى رقد
يعطيك الصحة رديتلي ذكريات عذبة شاركتكم بواحد منها

 

[HAMZA USMA]

الويلكمان ولكاسيت
دارو ثورة
+
زربية تابيدور وتهافت الشعب عليها تباعت حتىى بزوج ملاين سنوات 2001
ههههه
+
السارفور تع لعبة هالف لايف سنوات 2004
+
نوكيا ميلصون
+
Mp3 الاحمر

 

[همس الوُرود]

السلام عليكم ورحمة الله وبركاته
هههه عجبتني والله راني نكتب فالموضوع ومعلاباليش حتى وش رح نكتب هادي صح تصرالي بزاف انا هههه كي نوصل اليوم جيت نحكيلكم بش نفكر فالموضوع وش هو هههه
بالنسبة لحكاية البورطابل ههه نشفى انو جدتي الله يرحمها كانت متعرفش تنطقو تقولي البورتييف هههه علابالها كي يعيطولها تكليكي على الاخضر وكي تعيط تاني على الاخضر و كي تجي رايحة تكوبي على الاحمر هههه كنا محفظينلها هادي هكاك وتنسى تقولي بنتي وش هدا جيت نهدر مع خالك ومحبليش وهي تغلط هههه والدودة هاديك والله توحشت نلعبها وقت كان عند ماما النوكيا هههه تع ماما دودة مستقيمة وتع خالتي تتعوج وانا وبنات خالتي نتقابضو كون الي الدودة تاعو احسن ايام زمان نتمنى لو ترجع لحظات برك
بورك فيك على الموضوع والله فكرني فبزاف ذكريات شابة ^^​

 

["viola"]

ههههههه تاع تهدر مع صاحبك فالميكرو لي مقابلك خخخخخخخخ صح صرات و بزاف هههههه
و كيما قالك حمزة الوالكمان هههه شريلو والكمااان
مبعد جا الام بي 3 و الام بي 4 و الام اس ان قبل الفيس ووحد العفايس و الله ماني شافية عليهم
و لي يكسب حاجة ميحبسش بالزوخ حتى يختارعو حاجة اخرى خخخ
صحيت ​

 

[Hakan]

الاختراعات هذوك كاامل واله ما كان عندي زهر فيهم
نشفالها كنت نشري والكمان يتحرقلي في نهارو مالغري ليبيل
mp3 والله شريت 5 وقيلا كامل يتحرقولي في النهار الاول الا واحد برك مشالي باسكو كنت داير فيه اناشيد تاع طيور الجنة
كي كنت في السياام هههه
اما الاختراعات اللي كانت تعجبني هي الهواتف النقالة والالعاب اللي كانت فيهم
ياودي واش نحكيلك ع الدودة وهذيك اللعبة تاع المركبة الفضائية في نوكيا 1100 ههه
كملتها كاااع ههه ربي يهنيكم ​

 

[theking]

شكرا على الطرح المتميز
لكن كل ماذكرت من إختراعات أنقدت ناس من اشياء كثيرة وكبيرة
والله المشكل فينا وليس في الإختراعات

 

[Skor m@k]

باين موضوع نتاع نص ليل روح يا سيدي نحسبوهلك موضوع نعتبرو حالة الزهايمر المصاب بيها هي المقدمة ههه.
صح في البداية الناس متصدقش لواش متصدقش؟ ماش على الاختراع لا لا ميصدقوكش كي جا الخبر من عندك شغل يحسدوك انت زعما تعرف هاذ الامورات املا يطيحولك المورال اولا بعدها يبداو يستفسرو ويقرعجو ومن بعد يتمعلمو ويحطو رواحهم هم اصحاب الاختراع.

مانيش متفكر الان لكن نشفى لما كنا نتصورو عند الكوداك كل محل فوتوغراف نقولولو كوداك شفل فرع نتاع الشركة الاصلية وهو فيه تصويرة في الحيط بوستار لاتم للقرية باي صلة تكون في الصحرا والبوستار شاطئ هواياي وكرسي مكسرة رجلو والباقي كلو اسسسسسود في اسود كانو التصاور يقعدو ايامات حتى تنساهم ومن بعد ولا يومين ومن بعد ولى يقلك ارواح غدوة تطير بالفرحة ومترقدش حتى الغدوة اما الان يقلك استنى خمس دقايق تقلو قول والله احلف هوما التصاور صح يخرجوا في خمس دقايق بصح المصور يخرجهم في زوج سوايع الفريكونس نتاعو ونتاع الاختراع الجديد ميتفاهموش.

المهم كيما قلت الناس تامن بالاختراعات لكن ماتامنش بيك كمثقف هههه
يعطيك الصحة وربي يدومها مواضيع من عندك توحشناها وانت معاها.

السلام عليكم
هههههه ماشي تاع نص الليل تاع الخلعة كي عندي مودا ماكتبتش موضوع ههههه
لكلافيي وخرجو الحروف يسلمو عليا ههههه
حتى خويا خاقي عادت ريما الى طكطيك لكلافيي من جديد هههه

هههه علاه تفكرني فالكوداك علاه هههههه تامن وحد البيريكول ههه
واقيل هكذا يسموه ديجا عندي مووووودا ماسمعتش هذا الاسم ماتضحكش الى ماشي هكذا ياو هههه
مزالو عندي فلي لقجر تاع لخزانة هههه التصاور مزالني شافي وين صورتهم هههه
غاضني نرميه وحشمت ياجدك نخرجهم هههه تبهديلة هههه
صحيت عمو

 

[Skor m@k]

السلام عليكم ورحمة الله وبركاته
اولا نحييك على الطريقة المرحة والحماسية في تقديم المواضيع والله تنحي القنطة هههههههههه ضحكتني المقدمة اضحك الله سنك
ايه رديتنا لايام الزمن الجميل انا نشفا كي خرج البورتابل كنت فالبريمار صغيرونة هههه المهم مع اللول حرنا فيه وغير شراه بابا وورالنا راحت الحيرة وخويا الكبير فالدار تاني كان من الاوائل اللي كسبوه كنا نشوفوه حاجة كي عندو بورتابل هههههه كنا نتضاريو انا وخويا اللي اكبر مني بسنتين شكون يدي التيليفون ويلعب الدودة ههههه سيرتو فالديقوطاج تع الڨوالي الصيفية هههه عيا ما ناض بابا مالسياست تاعو نحاهولنا وسقلنا وولى رقد
يعطيك الصحة رديتلي ذكريات عذبة شاركتكم بواحد منها

وعليكم السلام
ايه والى مافكرتكمش انا شكون يفكركم هههه ناس بكري يقولو هكذا ماشي انا هههه
البورتابل هو الحاجة لي أدهشت الناس بزاف هنار دخل للدزاير
حتى نهار دخل الميكرواورديناتور مدارش ضجة كيما البورتابل
سورتو يمات 98 و 99 و 2000 هنا لي بدا يشيع بزاف
صحيتي ختي

 

[Skor m@k]

الويلكمان ولكاسيت
دارو ثورة
+
زربية تابيدور وتهافت الشعب عليها تباعت حتىى بزوج ملاين سنوات 2001
ههههه
+
السارفور تع لعبة هالف لايف سنوات 2004
+
نوكيا ميلصون
+
Mp3 الاحمر

السلام عليكم
اهيه راك فكرتني فالوالكمان ههههه الله صح نسيتو ههههه
الناس كانو كامل رافدينو ويسمعو بيه تقول علم كبير ههههكنت نروح للدار نشوف بوسط تاع جداتي
كبير وقديم هههه نقول زعما كيفو يسمعو بيه هههه
والزربية تانيت تابيدور نهار خرجت سورتو البيبليسيتي لي كانو دايرينها
على ما أعتقد تاع حميد عشوري يغني فيها هههه واقيل الى مانسيتش هههه
صحيت خوو

 

[Skor m@k]

السلام عليكم ورحمة الله وبركاته
هههه عجبتني والله راني نكتب فالموضوع ومعلاباليش حتى وش رح نكتب هادي صح تصرالي بزاف انا هههه كي نوصل اليوم جيت نحكيلكم بش نفكر فالموضوع وش هو هههه
بالنسبة لحكاية البورطابل ههه نشفى انو جدتي الله يرحمها كانت متعرفش تنطقو تقولي البورتييف هههه علابالها كي يعيطولها تكليكي على الاخضر وكي تعيط تاني على الاخضر و كي تجي رايحة تكوبي على الاحمر هههه كنا محفظينلها هادي هكاك وتنسى تقولي بنتي وش هدا جيت نهدر مع خالك ومحبليش وهي تغلط هههه والدودة هاديك والله توحشت نلعبها وقت كان عند ماما النوكيا هههه تع ماما دودة مستقيمة وتع خالتي تتعوج وانا وبنات خالتي نتقابضو كون الي الدودة تاعو احسن ايام زمان نتمنى لو ترجع لحظات برك
بورك فيك على الموضوع والله فكرني فبزاف ذكريات شابة ^^​

وعليكم السلام
ايه شفتي مشكلة نحب نكتب مي الله غالب الأفكار مايجوش
ايه الجدات كامل هكذا مايجو يحفظو هذاك اللون الأخضر والأحمر هههه
وكل يوم كانو يسقسونا الأخضر لي يهدرو بيه ولا الأحمر ههه
هههه والدودة صح كاين لي معوجة وكاين لي مستقيمة هههه
بصح المستقيمة خير هههه
صحيتي ختي عبير ياك مانيش غالط نورمالمو عرفتك بواش راك تهدر هههه​

 

[Skor m@k]

ههههههه تاع تهدر مع صاحبك فالميكرو لي مقابلك خخخخخخخخ صح صرات و بزاف هههههه
و كيما قالك حمزة الوالكمان هههه شريلو والكمااان
مبعد جا الام بي 3 و الام بي 4 و الام اس ان قبل الفيس ووحد العفايس و الله ماني شافية عليهم
و لي يكسب حاجة ميحبسش بالزوخ حتى يختارعو حاجة اخرى خخخ
صحيت ​

ههههه تشفايلها هههه هاراج كبير داخل السيبار وهو صاحبك هناك برك هههه
وانا شحال كان يعجبني السكايب نروح نهدر مع لهنودة هههه
خلط برك المهم هندي هههه يعجبوني كي تبعثلهم بقرة ويفرو بيها هههه
mp3 نهار شريت واحد بقيت لاسق فيه هههه
وشكون كان عندو اول واحد فالحومة لي شريتو ههه
بصح ماكنتش نزوخ بيه بزاف هههه​

 

[Skor m@k]

الاختراعات هذوك كاامل واله ما كان عندي زهر فيهم
نشفالها كنت نشري والكمان يتحرقلي في نهارو مالغري ليبيل
mp3 والله شريت 5 وقيلا كامل يتحرقولي في النهار الاول الا واحد برك مشالي باسكو كنت داير فيه اناشيد تاع طيور الجنة
كي كنت في السياام هههه
اما الاختراعات اللي كانت تعجبني هي الهواتف النقالة والالعاب اللي كانت فيهم
ياودي واش نحكيلك ع الدودة وهذيك اللعبة تاع المركبة الفضائية في نوكيا 1100 ههه
كملتها كاااع ههه ربي يهنيكم ​

السلام عليكم
اواه زهرك ياخويا ياخويا ههه
بعدا 5 كامل ويتكسرو اواه كانو يغيرو منك هذوك هههه
شفت طيور الجنة رقاولك باش ماتكسرش ههههه زعما قرآن ههه
صحيت خوو ​

 

[Skor m@k]

شكرا على الطرح المتميز
لكن كل ماذكرت من إختراعات أنقدت ناس من اشياء كثيرة وكبيرة
والله المشكل فينا وليس في الإختراعات

الشكر ليك خيي
بيانسور الاختراعات ينقسو بزاف حاجاة ومنهم المسافات بين الناس
مي حنا معوجين نروحو غير للسلبيات تاعهم

 

[همس الوُرود]

ايه ماغلطتش فيا هههه

 

[لؤلؤة قسنطينة]

السلام عليكم ورحمة الله وبركاته
اهلا بيك خويا مالك في عالم واش راك تهدر هههه شبعت ضحك وانا نقرا
خاصة تاع يهدر مع صاحبو عند السيبار وهو قدامو هههه هادي قتلتني هههه
بصراحة انا ماعشتش بزاف هاد الاختراعات من غير البورتابل، نشفى عليها كي كان تما
البورتابل نادر الوجود هههه بابا معرف كيفاه جاتو خدمة هكا وربح منها بورتابل معرف لا تبادل
هو وواحد ماشفيتش، المهم وعطاني الرقم تاعو قالي كي تخرجي من المدرسة كنت نقرا في الابتدائي تما
قالي وكاشما تحتاجي عيطيلي انا رحت للطاكسيفون وديت معايا وحدة تقرا معايا كي عيطتلو وقالي صاحب الطاكسيفون
جاتك هكا (قصدي الثمن) تشوكات الطفلة لي معايا قاتلي عيطتي لفرنسا؟ ههههههه قتلها اها للبورتابل تاع بابا
قاتلي عندكم بورتابل؟ تحس كلي عندك تمثال الحرية في داركم هههه وتقولها بكل فخر واعتزاز نعم عندنا بورتابل هههه
بالنسبة للألعاب كنا مستحيل نقربو من هاتف بابا ونلعبو بيه حتى جات المنقذة تاعنا هي ماما كي عاد عندها
تيليفون لي ليكرون تاعو خضر عينيك يتعماو هههه ولينا نلعبو ساعة ساعة بيهن ومن بعد جاء الفرج
كي ديت البيام جابلي خالي بورتابل هدية وزيد ليكرون تاعو اونكولار يعين حتى الدودة تشوفها ملونة اضافة
إلى العاب أخرى فرحت بزااااف وكأنني أمتلك العالم هههه يعني ايام لا تعوّض، أما السكايب مانعرفلوش
هيه ونسيت آم بي 3 مدتهولي خالتي شراتو ومدتهولي تاني كي نحطو في ودنيا نحس روحي وزيرة الأمم المتحدة ههههه
يعني صح كنا نية ونيتنا هاديك هي لي خلات معيشتنا حلوة، شكرا خويا مالك على الموضوع بارك الله فيك
تحياتي​