أخطاءنا المطبخيةووصفاتنا الفاشلة فلنصححها -فكرة لاريمان وأم ياسمين-

[الحلم الوردي]

السلام عليكي
ايه اكيد ماشي كامل الوصفات تكون صالحة
خطرة جربت اكلة وللاسف فشلتلي
مي انت كي تعاوديها شعال من مرة
اكيد رايحة تجيك بنتيجة مليحة
فكرة مليحة حنونة
في المتابعة

 

[الورد الأحمر]

أختي لاحظت في الوصفة قالت نحطو المكونات في الكوب الخلاط ... علابالك بلي كاين وصفات يحتاجو الكوب بالذات وما ينفعش أي خلاط ممكن النقطة هذي انتي خدمتي بخلاط عادي .

عندي وصفة كريمة حسبت بلي تصلح بأي خلاط ونهار جربت بالخلاط العادي ما نجحتليش لازم الكوب الخلاط بالذات ولا ما تنجحش ممكن هذا الشي لي خلاك ما تنجحيش في الوصفة وإذا استخدمتي الكوب وما نجحتش مش عارفة السبب بالاك انتي كيما ماما لليوم جامي صلحلها البريوش مهما عملت خخخخخ.

 

[GI Joe]

ta3 tofah rahi tban mliha, la djak probleme fel gout peut la qualité ta3 tofah, malfa ki ndir tarte au pomme yab9a niyy tellment houma yesta3mlou pomme golden w ana ndir b ta3 10mille
la 2eme ma3raftech wech mais rahi tban bniina w m3assla
( la kan chwia bark l plateau makan leh dhali tbedli esta3emli papier cuisson khir )

 

[السلطانة]

يالبنات جربت مايوناز وصفة رقية في المرة اللولة جاتني ناجحة

واليوم جاتني جارية ومحكمتش روحها زعما واش هو الخطأ لي درت ؟؟؟

 

[GI Joe]

ana makherdjetlich mara prc dert b baydha direct mel frigo,w kanet la mm recette b kass zit, hia lazem teb9a chwia tahma bach testa3emliha
w ta3 oum walid ndjarebha w negleblek lekhbar nchallah

 

[السلطانة]

ana makherdjetlich mara prc dert b baydha direct mel frigo,w kanet la mm recette b kass zit, hia lazem teb9a chwia tahma bach testa3emliha
w ta3 oum walid ndjarebha w negleblek lekhbar nchallah

اووو مالا هاذي الغلطة لي درتها صح في المرة اللولة البيض خليتو وقت باه خدمت بيه واليوم كنت زربانة تم تم جبدتو وهو بارد خدمت بيه
يعطيك الصحة حبيبتي راكي فهمتيني في غلطتي
وكي تجربي تاع ام وليد قوليلنا كيفاه جاتك

 

[GI Joe]

voiila hada win dertha, le gout waalou thassitha 3djin peut etre ki mazalt hamia, ghodwa nzid n confirmi
sachant que tweswesst men la pate zedt 5cas farine w na9esst wahda khmira !!
mala je confirme l mochkel fel la recette

 

[السلطانة]

voiila hada win dertha, le gout waalou thassitha 3djin peut etre ki mazalt hamia, ghodwa nzid n confirmi
sachant que tweswesst men la pate zedt 5cas farine w na9esst wahda khmira !!
mala je confirme l mochkel fel la recette

والله نفس المشكلة لي صراتلي حتى الكيكة تقسمتلي في الوسط كيما تاعك
وزينتها بالشوكولا الصباح لقيتها شوي لمت روحها
غدوة زيدي شوفيها بعد ماتنشف من الشوكولا مليح

 

[السلطانة]

تم دمج موضوعي مع موضوع لاريمان لأنه يحمل نفس الفكرة
وأصبح موضوعا واحد
أهلا وسهلا بالجميع ياريت تشاركونا ^^

 

[فيتامين سي]

حنا موالفين نديرو مايوناز بلا بيض ويجي بنين بزاااااف تاع بيض جربناه مرة مخرجش

 

[السلطانة]

حنا موالفين نديرو مايوناز بلا بيض ويجي بنين بزاااااف تاع بيض جربناه مرة مخرجش

يمكن صراتلكم غلطة ما

هل ممكن تمديلنا وصفة المايوناز بلابيض ؟

 

[آلاء هبة]

بارك الله فيك ام ياسمين على الفكرة
الخطا اللي طحت فيه عويص ولولا كانت امي رحمها الله لكببت طبختي في البوبال
المهم كان نهار درت لعدس في دار بابا كي كنت صغيرة ضرك راني عجوزة ههههههههههه
وتحرق او كيما نقولو شاطلي
قاتلي امي ازربي بدليلو الماعون اللي راه فيه
وزديلو شويا حليب رايب
صدقوني راحت كامل ريحة لحريق منو وما بانش طعم لحليب الرايب فيه
اتمنى بناتنا اليوم يعرفو هاذ المعلومة من ام راهي تربي في عرايس وامهات المستقبل
والكوزينة لاتخلو من الاخطاء وحنا جربنا وفسدنا
لكن بناتنا نخرجوهم ناجحات وما شاء الله عليهم
كي نتفكر اخطاء اخرى راني نحطهم

صباح الخير البار كنت نقرا فيهم واليوم شاطلي العدس قلت لماما اصبري نجربوها والله غير نفعتني يعطيك الصحة وربي يحفظلك اولادك وتفرحي بيهم الله يهنيك

 

[سكون الفجر]

إذا كنتِ تطهين طبق بمرق أحمر وأخطأتِ وأضفتي الكثير من الملح
فما عليكِ إلا إضافة حبة طماطم وهي ستتكفل بتقليل الملح
أو قومي بإضافة القليل من الماء

هذه هي الطريقة الفعّالة التي أعتمدها إن أخطأت وخصوصاً في رمضان ​

 

[حيلتي في حسن نيتي]

يالبنات جربت كيكة ل ام وليد تاع الماء
جاتني مفتتة شويا مقدرتش نهبطها من المول واش من خطأ درتو ؟

هاهي الوصفة

يا أختي أنا نظن الخطأ في الزبدة على خاطر في الصورة دايرة خمس ملاعق كبار زبدة ذايبة و في الفيديو خدمت بخمس ملاعق كبار زيت
و كاين اللي قالولها خرجتنا يابسة قالت لهم خليتوها طولت في الفور
و كاين اللي قالت الخمارة بالاك بيريمي
و هذا الفيديو شوفيه

 

[أم منيــــــر]

السلام عليكم
فكرة مليحة هاذي باش نتعلمو من تجارب بعضانا يعطيك الصحة
انا كنت نغلط كي نقلي لجاج ول لحم مع البصل و التوابل نمرق بلما بارد و هذا خطا كبير لان عملية الطهي تتوقف و الماكلة ما تجيش بنينة كما مين يكون الما سخون
امالا درك كي نبدا نقلي ندير الما فوق النار في نفس الوقت باش نمرق بيه و هاد الغلطة شفت ام وليد ديرها و حبيت نديرلها ملاحظة
تاني كنت نملح البطاطا قبل ما نقليها و درك شفت انو من الاحسن حتى نقليها باش نديرلها الملح بعد ما نحيها من المقله و نحطها على الورق المصاص
كانش ما تفكرت راني نرجع
بارك الله فيكم

 

[فيتامين سي]

فيه زيت ملح حليب موطارد خل ..راني عيانة درك دخلت للدار ..نريح و نحطلكم وصفة مايوناز بلا بيض
كاين تاع حليب. كاين تاع فرماج

 

[فيتامين سي]

السلام عليكم
فكرة مليحة هاذي باش نتعلمو من تجارب بعضانا يعطيك الصحة
انا كنت نغلط كي نقلي لجاج ول لحم مع البصل و التوابل نمرق بلما بارد و هذا خطا كبير لان عملية الطهي تتوقف و الماكلة ما تجيش بنينة كما مين يكون الما سخون
امالا درك كي نبدا نقلي ندير الما فوق النار في نفس الوقت باش نمرق بيه و هاد الغلطة شفت ام وليد ديرها و حبيت نديرلها ملاحظة
تاني كنت نملح البطاطا قبل ما نقليها و درك شفت انو من الاحسن حتى نقليها باش نديرلها الملح بعد ما نحيها من المقله و نحطها على الورق المصاص
كانش ما تفكرت راني نرجع
بارك الله فيكم

نفس طريقة لي علمتنا عليها ماما كي تحطي صوالح يتقلو يتحط البقراج و كي تحتاجي يكون دطا غلا ...البطاطة كيف كيف حتى نقلعوها و نملحوها
زيديلنا افكار خالة ام منير
ههههه انا اكبر كارثة نديرها مع حمص يكون بايت في الما و نرفدوه في كونجيلاتور و كي نبغي نطيب زوج مرات درتها خطرة نسيت حطيت ملح في بديا و خطرة حطيته مع بديا بلا منزيد نطيبه وحده ههههه حفظت الدرس

 

[فيتامين سي]

يا أختي أنا نظن الخطأ في الزبدة على خاطر في الصورة دايرة خمس ملاعق كبار زبدة ذايبة و في الفيديو خدمت بخمس ملاعق كبار زيت
و كاين اللي قالولها خرجتنا يابسة قالت لهم خليتوها طولت في الفور
و كاين اللي قالت الخمارة بالاك بيريمي
و هذا الفيديو شوفيه

اسم الخمارة لي خدمتي بيها؟؟؟
انا كان يفشلي القاطو و مبدا نحوس علاش دهان زيت الليض من بعد سييت لاتوغ بهذيك الخمارة عجين جاني منقط ماما قالتلي الخمارة و عرفت بسبتها منجحوليش القاطو ..درك راني نخدم بنوارة

 

[فيتامين سي]

إذا كنتِ تطهين طبق بمرق أحمر وأخطأتِ وأضفتي الكثير من الملح
فما عليكِ إلا إضافة حبة طماطم وهي ستتكفل بتقليل الملح
أو قومي بإضافة القليل من الماء

هذه هي الطريقة الفعّالة التي أعتمدها إن أخطأت وخصوصاً في رمضان ​

قصدك طاجين؟؟؟!
كي تزيدي الما لازم تجمريه يعاود ينشف و الملح يبان ..فكرة طماطم احسن ^^ بانتلي ...و كي يطيب سامط ..عندي هستيريا الملح نخاف نكتر دايما تلقيها ناقصة ملح

 

[حيلتي في حسن نيتي]

اسم الخمارة لي خدمتي بيها؟؟؟
انا كان يفشلي القاطو و مبدا نحوس علاش دهان زيت الليض من بعد سييت لاتوغ بهذيك الخمارة عجين جاني منقط ماما قالتلي الخمارة و عرفت بسبتها منجحوليش القاطو ..درك راني نخدم بنوارة

الخميرة الكيميائية الفعالة في صنع الحلويات هي نوارة