أخطاءنا المطبخيةووصفاتنا الفاشلة فلنصححها -فكرة لاريمان وأم ياسمين-

السلام عليكم موضوع رائع شكرا
انا المطلوع عندناا فيه مشكل كامل فالدار ميطلعش مليح ويجي شارف
ممكن تفهموني ؟
 
قال الصحافية الساخرة:
السلام عليكم موضوع رائع شكرا
انا المطلوع عندناا فيه مشكل كامل فالدار ميطلعش مليح ويجي شارف
ممكن تفهموني ؟
إضغط للتوسيع...
اهلا وسهلا بيك اختي
مفهمتش كلمة شارف زعم يابس شوي ولاواش ؟

المطلوع لازمو جو خاص كي تبداي تحضري فيه تسكري الطاقة وتدفي الكوزينة شوي
تسخني الطراشن لي راح تخدمي بيهم ولا الطبق لي راح تحطي فيه
انا طريقتي كيما هك : كيلة فرينة وكيلة سميد نبلهم بماء دافي ونلمهم نعجنهم واحد ال 15 د ونضيف الخميرة حوالي مغرف صغيرة
وندلك مليح ونسقي بالما باه تجي العجينة طرية
ندلك مليح مليح ونطيش الما وهكذا مباعد نجيب الملح ونضيفو مع شوي ما باه يتحلل مليح ندخل الملح في العجينة تاعي
ونكمل ندلك يعني نعجن مليح مليح
ونضيف الما بالشوي كي نشوف عجينتي تعجنت ونحسها مرخوفة وفيها فقاعات يعني اي تعجنت مليح
مباعد نجيب الفرينة وندير كويرات ونحطهم يخمرو 15 د ومباعد نقرصهم بالفرينة لان العجينة تكون طرية وكي نقرصهم منرققهمش نغلضهم شوي باه ميجيوش يابسين
نخليهم يزيدو يخمرو مليح ونبدى نطيب بالخبزة

do.php
 
قال سكون الفجر:
إذا كنتِ تطهين طبق بمرق أحمر وأخطأتِ وأضفتي الكثير من الملح
فما عليكِ إلا إضافة حبة طماطم وهي ستتكفل بتقليل الملح
أو قومي بإضافة القليل من الماء

هذه هي الطريقة الفعّالة التي أعتمدها إن أخطأت وخصوصاً في رمضان ​
إضغط للتوسيع...
والله فكرة طيبة راح نجربها باذن الله
حبة الطماطم
 
قال حيلتي في حسن نيتي:
يا أختي أنا نظن الخطأ في الزبدة على خاطر في الصورة دايرة خمس ملاعق كبار زبدة ذايبة و في الفيديو خدمت بخمس ملاعق كبار زيت
و كاين اللي قالولها خرجتنا يابسة قالت لهم خليتوها طولت في الفور
و كاين اللي قالت الخمارة بالاك بيريمي
و هذا الفيديو شوفيه
إضغط للتوسيع...

اهلا اختي يمكن الخلل في الزبدة وكان هي غلطت كي قالت الزبدة وخدمت بالزيت هاذيك حاجة خلاف
الخميرة مايش بيريمي مستحيل هههه
والله الوصفة هاذي حيرت العالم
كون جات ام وليد تتواصل كنا طلبنا منها توضحلنا الخطأ
شكرا
 
قال أم منيــــــر:
السلام عليكم
فكرة مليحة هاذي باش نتعلمو من تجارب بعضانا يعطيك الصحة
انا كنت نغلط كي نقلي لجاج ول لحم مع البصل و التوابل نمرق بلما بارد و هذا خطا كبير لان عملية الطهي تتوقف و الماكلة ما تجيش بنينة كما مين يكون الما سخون
امالا درك كي نبدا نقلي ندير الما فوق النار في نفس الوقت باش نمرق بيه و هاد الغلطة شفت ام وليد ديرها و حبيت نديرلها ملاحظة
تاني كنت نملح البطاطا قبل ما نقليها و درك شفت انو من الاحسن حتى نقليها باش نديرلها الملح بعد ما نحيها من المقله و نحطها على الورق المصاص
كانش ما تفكرت راني نرجع
بارك الله فيكم
إضغط للتوسيع...

اهلا وسهلا بيك خالة نورتي
صح تاع لماء البارد انا تاني نديرها مرات حتان جربت الما السخون بعدها باه فقت للفرق انو الما السخون تجي ابن
صح البطاطا هاذي فكرة مليحة انو يتأخر الملح تاعها
بوركتي في انتظار عودتك والاستفادة من خبرتك في المطبخ ^^
 
قال فيتامين سي:
اسم الخمارة لي خدمتي بيها؟؟؟
انا كان يفشلي القاطو و مبدا نحوس علاش دهان زيت الليض من بعد سييت لاتوغ بهذيك الخمارة عجين جاني منقط ماما قالتلي الخمارة و عرفت بسبتها منجحوليش القاطو ..درك راني نخدم بنوارة
إضغط للتوسيع...

كاينة نوارة وكاينة تاني وردة الرمال الذهبية 44444444 موالفة نخدم بيها
 
قال أم ياسمينdz:
اهلا اختي يمكن الخلل في الزبدة وكان هي غلطت كي قالت الزبدة وخدمت بالزيت هاذيك حاجة خلاف
الخميرة مايش بيريمي مستحيل هههه
والله الوصفة هاذي حيرت العالم
كون جات ام وليد تتواصل كنا طلبنا منها توضحلنا الخطأ
شكرا
إضغط للتوسيع...
أتا شفت أغلب لي كومونتار تاوعها كلهم قالو بلي جربوها و خرجتلهم هبال الا قليل اللي ما خرجتلهمش
اما هي كيما قلتي ماراهيش تجاوب خلاص
و بالمناسبة اشكرك جزيل الشكر على الموضوع و الفكرة ربي يحفظك و يجازيك حساب نيتك
 
مطلوع تاع مغنية يجي كبييير و منتفخ السر يديروله محسن الخبز ^^ ...
وصفة مايوناز فيها ثوم زيت حليب ملح موطارد خل مي شحال محافضاش مكتوبين في تلاجة هههه و من جيت و انا راسي واجعني مطليتش عليها المهم فيها زوج حجات زيت و حليب يكونو باردين بزاف و تخدميها بالكاس تطلعي و تحبسي حتى تتقال
 
قال أم ياسمينdz:
اهلا وسهلا بيك اختي
مفهمتش كلمة شارف زعم يابس شوي ولاواش ؟

المطلوع لازمو جو خاص كي تبداي تحضري فيه تسكري الطاقة وتدفي الكوزينة شوي
تسخني الطراشن لي راح تخدمي بيهم ولا الطبق لي راح تحطي فيه
انا طريقتي كيما هك : كيلة فرينة وكيلة سميد نبلهم بماء دافي ونلمهم نعجنهم واحد ال 15 د ونضيف الخميرة حوالي مغرف صغيرة
وندلك مليح ونسقي بالما باه تجي العجينة طرية
ندلك مليح مليح ونطيش الما وهكذا مباعد نجيب الملح ونضيفو مع شوي ما باه يتحلل مليح ندخل الملح في العجينة تاعي
ونكمل ندلك يعني نعجن مليح مليح
ونضيف الما بالشوي كي نشوف عجينتي تعجنت ونحسها مرخوفة وفيها فقاعات يعني اي تعجنت مليح
مباعد نجيب الفرينة وندير كويرات ونحطهم يخمرو 15 د ومباعد نقرصهم بالفرينة لان العجينة تكون طرية وكي نقرصهم منرققهمش نغلضهم شوي باه ميجيوش يابسين
نخليهم يزيدو يخمرو مليح ونبدى نطيب بالخبزة

do.php
إضغط للتوسيع...

الله يحفظك
ايه شارف معناها يابس
صحيتي ختيتو نجرب طريقتك ان شاء الله
 
للرفع مجددا

كاش اخطاء خليونا نفيدوكم ونستفادو منكم
 
السلام عليكم لبنات نقدر نعوض الياوورت
ب le petie suisse راح نطيب بيه بريوش ؟
 
nssa9ssikom 3la l djedj la malfin diroh f tourne broche
malfa ntaybo f plateau w nghati b l aluminium sa3a w noss ytib mlih w ydji hayel
nhar mezt f tourne broche grib 2h w hia dor, w dir fi sawt mouz3idj w en plus matabetch ghadhetni, gdeh ytib f tourne broche?? wala l probleme fel four ??
 
السلام عليكم ورحمة الله وبركاته
بارك الله فيكما أختاي أم ياسمين و لاريمان على الفكرة الجميلة
هذه الفكرة كانت تراودني منذ مدة و كنت أود أن أقترحها هنا تحت عنوان ندى أسماء وأخواتها لديهن الحل لكن مشاغل الحياة تعيق دخولي إلى اللمة إلا نادرا
من بين مشكلاتي في الطبخ الحبوب :(الحمص, الفاصولياء,والعدس ...)
وقد كنت سمعت وأنا صغيرة عمي رحمه الله وهو يقول " الحبوب إذا شمختيها بالبارد طيبيها بالبارد وإذا شمختيها فالسخون طيبيها فالسخون"
وقد إتخذت هذا المبدأ قاعدة في طبخي للحبوب إلآ أنني كنت دائما أفشل وخاصة في الآونة الأخيرة " العام الماضي"
وأخيرا وجدت الحل وهو أنه عند نقع الحبوب في الماء الساخن يجب أن يبقى ساخنا طول مدة النقع"التشماخ, الترناخ" وذلك بتغيير الماء كل مرة بماء ساخن حتى تنتفخ الحبوب "حوالي ساعة"
ثم نضعها في قدر به ماء ساخن ,ومرة على مرة نضغط على بعض الحبوب بالملعقة ليخرج محتواها فهذا من بين الأسباب التي تجعل الحبوب تُطهى جيدا وفي مدة قصيرة والحمد لله.. ثم نضيف لها لوازم طبخ الحبوب .
لي عودة إن شاء الله مع مشاكل وحلول أخرى .(y)​
 
السلام عليكم
مرحبا بفحلات اللمة
وبماأنني لا احب الفشل فقد حاولت اعادة الكرة في كيكة التفاح ونجحت معي الصراحة لم اعرف الخطأ يمكن في الوصفات الي اعتمدها ماهيش ناجحة
ساضع لكن الصور راني مريضة
وان شاء تنال اعجابكم
بصح هاديك كيكة تاع ام وليد اشك في امر ما ساحاول تجريبها ونرد لكم بالخبر
تحية لشافات المطبخ اللماوي
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top