تبصق الدود تنقيهم بالعود

[Tama Aliche]

مساء الشكولاطة :p ميلكا ماروخا الشابة الدعوة ماشية اليوم عمي الحانوتي ربح فنهار ال 14 فيفري يخرج عليه مدابيه يولي ههه

والشاعر مول الحانوت يندب:

يا ال 14 فيفري وقتاش تولي ~ الشيكولا بلا بيك ماهي تتاكل

دير الروثور نليكيدي اللي الباقي ~ هذا يوم مزهور ليا وللغاشي

خلونا من الحب والدب صااي التقشف وسلاليل راه يفجركم تولي الشيكولا ازمة اخرى كازمة حليب الشكاير وتولوا تحبوا بالفول ههههخخخخ

موضوع اليوم خفيف فالقراية وثقيل فالقلب يعسر الهظم ويرفع ضغط الدم ..

هو يبصق وأنت تشوف لوكان شيخ نفوتها بلا ما نتحير , لوكان مهبول نشوف ونسكت , مي... الشيخ نظيف ويعقل والمهبول

بتربيتو يفهم بلي عييييب كبير قدام الناس تبصق..

نورماااااال jeune

يفوت قدامك "اخخخخخخخخخخخخخخخخخ ويوووووووووووووووووووزع" (تبصق الدود تنقيهم بالعود) من عندي تنقيهم بيديك خير

suivant:

أحدهم يلعب باسكيت بووول من نافذة الحافلة "اخخخخخ تفوووه" وتروح جانبية مع الرياح

هذو عباد ..؟ تبصق البرى والناس تشوف فيك لا حشمة لا حشاشيم , تسما ما كذبش اللي قال "انتم لازمكم الدبوز "

روح ابصق فدارك , والله لوكان مهوش يصب المطر وكاين شمس وجات الدنيا مقفولة بحال دار لوكان رانا تغمينا بخماج هذو العباد

ياا لطيييييييييييييييييييييييييييييييييييف

 

[Skor m@k]

السلام عليكم
مليحة الميلكة لوكان يجيبولي ههههه شحال نحبها هههه
علاه يا ختي تعيفي فيا بعد ما زخت بلي عمرت كرشي بالجاج مشوي هههه
مزيا ماجيتيش قدامي تعود جيبيهالي في وجهي البزقة هذيك هههه
المشكلة كي تكون شبعان تحس بيها بزاف هههه
سورتو كيما قلتيها أنت لتخرج من البلعوم أخخخخخ ....
كيما تاع ديكابريو مع روز في التيتانيك هههه تشفايلهم ههههه
أنا يعييوني كي نكون فالكار ويبزقها قدامي تحت رجلو أبابابابا
ولا نكون مريح فالجامع ويخرج راسو من الطاقة ويبزقها
أع اع اع اع عيفتيني هههه​

 

[ضآحكة مستبشرة]

السلام عليكم اختي
هههههه قستيها و الله
انا نظن بلي هاذي من قلة الأدب صح كاين واحد تجيه حالة لي صح يلزملو باش يبزق هنا تنجاز
مي كاين البعض الآخر عندو طبيعة و عادة سيئة
الحمد لله انا من النوع لي ميعيفش مي ماشي معنتها تاع يتنخم اخخخخخخخخخخم تفوووووو هنا نرجع حشااااكم نورمال هنا بالذات قلبي يولي ضعيف
عالاقل انتحي جانبا و ابزقها ماشي في وسط الشعب خااااصة وسط البابيشات لا يجوز هنا ههععععع مسكينة حبيبتنا تعيفلها قلبها ههههه

يعطيك الصحه عالميضوع
و ان شاء الله الشعب يرتقي قليلا خاطرش تماداااا بزاااف
مكاش واحد مكمل خاطرش الكمال لله سبحانه وتعالى
بصح وشنو عالاقل نحسنوا من أنفسنا قليلا​

 

[السلطانة]

وعليكم السلام عندك هاذي وعندك تاع الشمة هههه يتيريها عن بعد بروبلام تاع تربية

 

[Smile Queen]

وااااااااااااااااااع حرام عليك هههه بديتيها بالشكولا قلت ايا مليح الواحد يجي يطل كاش ما يلحق على ماروخا ولا ميلكا
ايا دخلت غير شوية ونلقا صلب الموضوع يعععععع هههههههه علاه عليك
صح الظاهرة هذي منتشرة بزاف بخصو برواحهم
لا تربية لا والو والندبة كي تلقاي طفلة وتديرها قدام الغاشي هههههههههههههههه هنا نبغي نجيف روحي
شكرا للموضوع المليء بال يعععععععععععععع ههههه

 

[sanaya]

المشكل مهوش فالحشمة وحدها
المشكل مام فالأناقة
فالأناقة مش مظهر شباب برك
الأناقة هي سلوك أيضا
وعادي تلقاي واحد بالحطة تاعو يهبل هههههه
ومبعد يدير تصرفات كما هادو
تصرفات حقا لا محل لها من الاعراب
ولوكان جا هاذ السيد مقدر روحو ميديرش هاك
ولا كان يهمو كفاه يشوفوه الناس ميديرش تصرفات نتاع ...........
مظهر شباب
وتصرفات تخلع الموتى
هاذا لايرجع للفراغ الفكري
وإنما لعدم تقدير الذات أولا
وعدم احترام الغير ثانيا
وثالثا لأنو فبالهم الأناقة هي مظهر
والأصح الأناقة هي مظهر وسلوك
سلام ختي
ونشوفك في قصف آخر ههه
سلام

 

[الامين محمد]

يااااا مجرمة خرجتيلي قلبي الله يهديك ههههههههههههههه

البصق أراه سوء أدب و خلق مشين و عفسة ماشي مليحة تماما
و قلة احترام للناس

 

[ليليا مرام]

السلام عليكم
راكي عارفة انا العنوان نتاع موضوعك فت علاه الف مرة وكي عفت موضوع البصاق ما قدرتش ندخل ونقرا واش فيه الموضوع اليوم قلت انا قلبي فكل الاحوال راه داير خلي ندخل
بصح بديتيها شيكولا وكملتيها بالعفن يا اختي مي عنجك الحق واش نقولك
عندنا جار والله يا ناس الحومة راه تفاهم ويقتلوه ويعلقوه ونتهناو كاش وحدة تتوحم يديها راجلها يهربها من الحومة حتى يفوتو شهور الوحم نقولك تكوني راقدة تسمعيها كالرعدة يجبد من عمق كرشو ويبصقو ينخم حاشاك واش نقولك واااااااه يا ربي حكمت مرتو قتلها شوفي احكمي راجلك عيب يلحق لديار الناس ويدير هاكاك جارتي عندها كوزينة التاقة جايا مع الطريق صديقيني على جالو بدلو الكوزينة قاتلي ما قدرتش يلحق للتاقة ويبدا وشكون ياكل انا كي نشوفو جاي نقول والله ويديرها قدامي نخبطو الحنجرة طير بالكفارة ما يزيد يبصق طول حياتو عيفونا يا اختي واش هذا الرجال معافن تقولي نخلصلهم الفلوكة تديهم حراقة للصومال اطذا حبت المهم يتلفو علينا
شكرا

 

[Malika Tlm]

مساء الورد والياسمين
يا اختي راكي حكيتي علي ظاهرة تحمقني وتطلع قلبي
وشحال نحب نرد كي نكون برا ونلقي حاشاكم بزقه قداش فالارض بوووووع والله قلبي يطلع
ولا كاين ناس ربي يهديهم الناس مجموعة وهو يبصق قداهم قلة تربية وقلة ثقافة
لازم الاحترام والله عيب كبييير عليهم
تعرفي انا مرات منتحكمش فراسي كي نشوف واحد بصق قدامي نقولو الرهج هههه عاود نتخيلوا يدور يعطيني بونيا ههههه
ربي يهدي عبادو
مشكورة اختي
تحياتي

 

[aljentel]

تعود للتربيه ...
البعض تربيته ليست سليمه ويتصرف تصرفات ليست سليمه
فحتى الشوارع لم تسلم من بصاقهم ... نعوذ بالله منهم ...