عندي فوبيا ماقدرتش نتعالج

[Smile Queen]

السلام عليكم
صباح الخير
عندي مشكل كبير في حياتي ماقدرتش نحيه خلاص . بصح قبل مانحكي نذكركم بلي* الكلمة الطيبة صدقة *صدق رسول الله
تزوجت إنسان زواج تقليدي وحبيتو جدا بعد الزواج . كانت الوالدة تاعو سبب طلاقنا . من كثرة المشاكل مرضت ولا عندي ورم وقالولي الطبا بلي من القلقة و علابالي بلي مكتوب ربي كل شي وهذا الزوج سمح فيا. المشكل ماشي هنا لاني تجاوزت عادي مشكلة الطلاق وقدرت نحذف من حياتي نهائيا طليقي .. المشكل اني بقيت خايفة من كلمة العجوز ولات عندي فوبيا من الحماة
تقدم لخطبتي اثنين بعد الطلاق وكل مرة كنت نرفض بسبب انو السكن رح يكون مع العايلة
اهلي كل مرة نرفض يقولو بلي راني مازلت نشرط رغم ان سني 34 مش تاع نتشرط مي مش بيدي للاسف الشديد تأكدت بلي مرضت بفوبيا شديدة (خوف مرضي من الحماة)
نتمنى اذا معانا طبيبة نفسية او ناس يقدرو ينصحوني انا هنا في الاستماع
وسامحوني طولت واديت من وقتكم بزاف

 

[Hakan]

تم الاعتماد يساعدوك الاخوات ان شااء الله ​

 

[الصحافية الساخرة]

السلام عليكم ورحمة الله
قبل ما نبدا نتمنالك الشفاء العاجل يااا رب
يا اختي حبيت نفهمك حاجة وان شاء الله تذخليها فراسك
اول حاجة ربي سبحانه ابتلاك بلاء هو تتزوجي وتطلقي يعني كي طلقتي ودارلك ورم قلتي مكتوب ربي وكي جاوك خطابة قلتي خفتيي وتفكرتي الحماة الاولى , اوكي نوصلك الفكرة حتى هذا مكتوب ربي بعتلك خطابة اذن احسني الظن واستخري ربي فان الله دائما يعوضنا بما هو خير لنا , وثاني حاجة انتيا قلتي اقصيتي طليقك من بالك ونسيتيه رغم انك حبيتيه وحماتك اللي طلقتك سببتلك هذي القلقة اللي مرضتك مزالك تتفكريها وتخافي يا اختي اخزي الشيطان هذي اللي لازم تقصيها وتقبلي تتزوجي باش تبينلها بلي راكي لباس وربي ما يضيعش , ما تروح حاجة حتى تجي حاجة افضل
شوفي ختي انتيا على الاقل اتزوجي وكي تموتي تخلي وراك اولادك يدعولك ويتفكروك وان صلحوا يا اختي فلكالجنة ياا اخية عندي ليك نصيحة قبل ما تشوفي طبيبة كاين كلام ربي يشفيك
شوفي ارجعي اقراي 3 سور دااائما واولها سورة النور و الثانية سورة يس والثالثة سورة الرحمن نتمنى تدي برايي وتقرايهم دائما وان شاء الله اذا قريتيهم فالفجر ووقت العِشاء وخشعت في القراءة ونيتك ان تشفي فانك ستتحسنين وتنتهين من الفوبيا هذي فارجووك ارجووك اختي اقراايهم اتفكري هدرتي وروحي اقرايهم دوك وداومي على قرائتهن
ونتمنى لوكان كنت نقدر نتصل بيك لدعمتك لكن مالي غير الدعاء لك في ظهر الغيب فانني حقا احسست بك اخيتي الغالية

 

[Smile Queen]

تم الاعتماد يساعدوك الاخوات ان شااء الله ​

شكرا اخي المشرف لاعتمادك الموضوع ربي يجازيك كل خير

 

[Smile Queen]

السلام عليكم ورحمة الله
قبل ما نبدا نتمنالك الشفاء العاجل يااا رب
يا اختي حبيت نفهمك حاجة وان شاء الله تذخليها فراسك
اول حاجة ربي سبحانه ابتلاك بلاء هو تتزوجي وتطلقي يعني كي طلقتي ودارلك ورم قلتي مكتوب ربي وكي جاوك خطابة قلتي خفتيي وتفكرتي الحماة الاولى , اوكي نوصلك الفكرة حتى هذا مكتوب ربي بعتلك خطابة اذن احسني الظن واستخري ربي فان الله دائما يعوضنا بما هو خير لنا , وثاني حاجة انتيا قلتي اقصيتي طليقك من بالك ونسيتيه رغم انك حبيتيه وحماتك اللي طلقتك سببتلك هذي القلقة اللي مرضتك مزالك تتفكريها وتخافي يا اختي اخزي الشيطان هذي اللي لازم تقصيها وتقبلي تتزوجي باش تبينلها بلي راكي لباس وربي ما يضيعش , ما تروح حاجة حتى تجي حاجة افضل
شوفي ختي انتيا على الاقل اتزوجي وكي تموتي تخلي وراك اولادك يدعولك ويتفكروك وان صلحوا يا اختي فلكالجنة ياا اخية عندي ليك نصيحة قبل ما تشوفي طبيبة كاين كلام ربي يشفيك
شوفي ارجعي اقراي 3 سور دااائما واولها سورة النور و الثانية سورة يس والثالثة سورة الرحمن نتمنى تدي برايي وتقرايهم دائما وان شاء الله اذا قريتيهم فالفجر ووقت العِشاء وخشعت في القراءة ونيتك ان تشفي فانك ستتحسنين وتنتهين من الفوبيا هذي فارجووك ارجووك اختي اقراايهم اتفكري هدرتي وروحي اقرايهم دوك وداومي على قرائتهن
ونتمنى لوكان كنت نقدر نتصل بيك لدعمتك لكن مالي غير الدعاء لك في ظهر الغيب فانني حقا احسست بك اخيتي الغالية

وعليكم السلام غاليتي الصحافية الساخرة
باذن الله نعمل بنصيحتك غاليتي
للاسف علاه انطبعت العجوز في راسي لاني عشت معاها اكثر من الزوج هههه
الحمد لله على كل حال وان شا الله ربي يجيب لي فيه الخير
شكرا لردك غاليتي وهذا وش نحتاج دعاء في ظهر الغيب
الله يسعدك

 

[الصحافية الساخرة]

وعليكم السلام غاليتي الصحافية الساخرة
باذن الله نعمل بنصيحتك غاليتي
للاسف علاه انطبعت العجوز في راسي لاني عشت معاها اكثر من الزوج هههه
الحمد لله على كل حال وان شا الله ربي يجيب لي فيه الخير
شكرا لردك غاليتي وهذا وش نحتاج دعاء في ظهر الغيب
الله يسعدك

لا شكر على واجب
امالا الى انطبعت العجوز فراسك شوفي كاين جلسات تنويم مغناطيسي على النث شوفي اللي تخص هذا المرض ملاح واتعلمي تسترخي بنفسك وتخاطبي عقلك الباطن بالايجاب حتى تمحي العجوز هذي ربي يهديها
وان شاء الله اختي الغالية ساتذكرك في صلاتي
وربي يفرج عليك ويفرحك ان شاء الله

 

[البحر الهادي]

رب يشفيك ويعافيك ويبلغك أمانيك

 

[الصحافية الساخرة]

@الصارم المسلول السلام عليكم اخي
نتمنى تكون شفيت وريحت
لدي طلب بخصوص ارشادات حول كيفية التحضير للبكالوريا في هذه الاربعة اشهر المتبقية
وجزاك الله خيرا

 

[البحر الهادي]

@الصارم المسلول السلام عليكم اخي
نتمنى تكون شفيت وريحت
لدي طلب بخصوص ارشادات حول كيفية التحضير للبكالوريا في هذه الاربعة اشهر المتبقية
وجزاك الله خيرا

وعليكم السلام بخير وفي نعمة الله
راني كل في تحسن من الأمر لما ولانفسي أصبحت أجاهد لاجتياز هذا المحنة
صوف أكتب لك موضوعا فيما سخص المواد العلمية والمواد التي تحتاج إلى الحقظ على الأكثر يوم السبت إن شاء الله
رب يوفقك
تحية عطرة أخت :
الصحافية الساخرة

 

[الصحافية الساخرة]

وعليكم السلام بخير وفي نعمة الله
راني كل في تحسن من الأمر لما ولانفسي أصبحت أجاهد لاجتياز هذا المحنة
صوف أكتب لك موضوعا فيما سخص المواد العلمية والمواد التي تحتاج إلى الحقظ على الأكثر يوم السبت إن شاء الله
رب يوفقك
تحية عطرة أخت :
الصحافية الساخرة

ربي يفرج عليك خويا الكريم باذن الله تريح وتتجاوز محنتك
واشكرك لانكلم تردني
وجزاك الله كل خير

 

[Smile Queen]

لا شكر على واجب
امالا الى انطبعت العجوز فراسك شوفي كاين جلسات تنويم مغناطيسي على النث شوفي اللي تخص هذا المرض ملاح واتعلمي تسترخي بنفسك وتخاطبي عقلك الباطن بالايجاب حتى تمحي العجوز هذي ربي يهديها
وان شاء الله اختي الغالية ساتذكرك في صلاتي
وربي يفرج عليك ويفرحك ان شاء الله

امين حبوبتي ربي يفرحك ويجازيك كل خير

 

[Smile Queen]

رب يشفيك ويعافيك ويبلغك أمانيك

امين اخي الصارم المسلول ربي يجازيك كل خير

 

[حلم كبير]

السلام عليكم و رحمه الله تعالى وبركاته
أختي الفاضلة عندك فوبيا العجائز لأن زوجك لم يكن الى جانبك، لكن كل الرجال لا تتشابه وكل الحماوات لا تتشابه.
والمثل الذي يقول ،،،،لا تفاهمت العجوز والكنة يدخل بليس للجنة ما هو الا مثل اخترعه الضعفاء ،يوجد نساء وحماوات متفاهمين جدا ،،رأيت واحدة في حصة جزائرية كرمت حماتها لأنها تعاملها كابنتها.....
لا تيأسي وقابلي الدنيا بتفاؤل لأنك ستعيشيها مرة واحدة .

أقول لك أمي تزوجت وكانت تعيش مع حماتها وأبي كان يأتي كل ستة أشهر الى البيت ،ووصلت بها الجرأة جدتي الله يرحمها ويغفر لها الى أن ربطت أمي بالسلسلة الحديدية ولم تعطها الطعام.
وعذبتها عذابا نفسيا وجسديا لكن أمي قابلت الاساءة بالاحسان فبعد أن كبرت جدتي الله يرحمها ويغفر لها ومرضت بالزهايمر رماها اولادها وبناتها وحملتها امي ورعتها الى آخر ايامها ..
ولحد الان لم ارى حماة حنونة على كناتها مثل امي جزاها الله كل خير.
فلا تدعي تجربة تؤثر على حياتك وكوني قوية وثابري في تحدي خوفك،،، ولا تنسي الدعاء فانه مهرب لكل المكروبين.
وفي الاخير ادعو لك الله أن يفرج كربتك وتتزوجي رجلا صالحا وتقري عينا بأولادك ،وتهنإي بحماتك الطيبة يا رب.
تقبلي مني فائق الاحترام والتقدير
حلم كبير

 

[Smile Queen]

السلام عليكم و رحمه الله تعالى وبركاته
أختي الفاضلة عندك فوبيا العجائز لأن زوجك لم يكن الى جانبك، لكن كل الرجال لا تتشابه وكل الحماوات لا تتشابه.
والمثل الذي يقول ،،،،لا تفاهمت العجوز والكنة يدخل بليس للجنة ما هو الا مثل اخترعه الضعفاء ،يوجد نساء وحماوات متفاهمين جدا ،،رأيت واحدة في حصة جزائرية كرمت حماتها لأنها تعاملها كابنتها.....
لا تيأسي وقابلي الدنيا بتفاؤل لأنك ستعيشيها مرة واحدة .

أقول لك أمي تزوجت وكانت تعيش مع حماتها وأبي كان يأتي كل ستة أشهر الى البيت ،ووصلت بها الجرأة جدتي الله يرحمها ويغفر لها الى أن ربطت أمي بالسلسلة الحديدية ولم تعطها الطعام.
وعذبتها عذابا نفسيا وجسديا لكن أمي قابلت الاساءة بالاحسان فبعد أن كبرت جدتي الله يرحمها ويغفر لها ومرضت بالزهايمر رماها اولادها وبناتها وحملتها امي ورعتها الى آخر ايامها ..
ولحد الان لم ارى حماة حنونة على كناتها مثل امي جزاها الله كل خير.
فلا تدعي تجربة تؤثر على حياتك وكوني قوية وثابري في تحدي خوفك،،، ولا تنسي الدعاء فانه مهرب لكل المكروبين.
وفي الاخير ادعو لك الله أن يفرج كربتك وتتزوجي رجلا صالحا وتقري عينا بأولادك ،وتهنإي بحماتك الطيبة يا رب.
تقبلي مني فائق الاحترام والتقدير
حلم كبير

اخي الكريم حلم كبير كلامك منطقي واكيد الحل الوحيد اني نتفاءل ونخليها على الله .. ربي يحفظ الوالدة الشي الي عاشاتو اكيد صعب جدا وحاسة بيها لانو جنب التعذيب النفسي كاين عذاب جسدي . الله يرحم الجدة.
ربي يجازيك كل خير اخي كلامك افادني جدا
كل شي فاني في هذي الدنيا وعلينا فقط ان نتفاءل ونعيش ما كتبه الله لنا بكل رضا

 

[حلم كبير]

اخي الكريم حلم كبير كلامك منطقي واكيد الحل الوحيد اني نتفاءل ونخليها على الله .. ربي يحفظ الوالدة الشي الي عاشاتو اكيد صعب جدا وحاسة بيها لانو جنب التعذيب النفسي كاين عذاب جسدي . الله يرحم الجدة.
ربي يجازيك كل خير اخي كلامك افادني جدا
كل شي فاني في هذي الدنيا وعلينا فقط ان نتفاءل ونعيش ما كتبه الله لنا بكل رضا

الى الامام وضعي نصب عينيك أن الله معك وستري أياما جميلة بإذنه عز وجل...
إحتراماتي

 

[طيور السلام]

ربي يوفقك ان شاء الله اختي لما يحبه ويرضاه
صلي وادعي الله عز وجل وان شاء الله اللي كتبهولك ربي رايح يصرا.
واللي خلق ما يضيع
توكلي على الله وان شاء الله ما يكون غير الخير

 

[طموحة]

السلام عليكم
شفاك الله يا أختي
أختي النصيحة التي أستطيع أن أنصحك بها أنك تصلي صلاة الاستخارة
والله تعالى ان رأى لك في زواج بمن تقدم حتى وان كنت رافضة فكرة السكن مع أهل الزوج يشرح لك صدرك و يسرلك أمررك و يبين لك ألف ايجابية في الموضوع
وان لم يكتبه لك حتى وان كنت متقبلة الفكرة يصرفه عنك
اذا لا تقلقي نفسك و تذكري الخيرة فيما اختار الله سبحانه و تعالى
تمنياتي لك التوفيق في حياتك عوضك الله خيرا كثيرا

 

[Smile Queen]

ربي يوفقك ان شاء الله اختي لما يحبه ويرضاه
صلي وادعي الله عز وجل وان شاء الله اللي كتبهولك ربي رايح يصرا.
واللي خلق ما يضيع
توكلي على الله وان شاء الله ما يكون غير الخير

امين اختي الغالية
ربي يجيب الي فيه الخير
كلامكم فرحني ربي يسعدكم يارب
شكرا لكلامك غاليتي

 

[Smile Queen]

السلام عليكم
شفاك الله يا أختي
أختي النصيحة التي أستطيع أن أنصحك بها أنك تصلي صلاة الاستخارة
والله تعالى ان رأى لك في زواج بمن تقدم حتى وان كنت رافضة فكرة السكن مع أهل الزوج يشرح لك صدرك و يسرلك أمررك و يبين لك ألف ايجابية في الموضوع
وان لم يكتبه لك حتى وان كنت متقبلة الفكرة يصرفه عنك
اذا لا تقلقي نفسك و تذكري الخيرة فيما اختار الله سبحانه و تعالى
تمنياتي لك التوفيق في حياتك عوضك الله خيرا كثيرا

وعليكم السلام غاليتي
كلامك جميل وصح لو كتب ربي لكان شفت كل شي عادي
الحمد لله لما قريت تعليقاتكم ارتحت ونظرتي تبدلت للامر
ربي يجازيكم كل خير

 

[طموحة]

وعليكم السلام غاليتي
كلامك جميل وصح لو كتب ربي لكان شفت كل شي عادي
الحمد لله لما قريت تعليقاتكم ارتحت ونظرتي تبدلت للامر
ربي يجازيكم كل خير

وأنا أسعد لأنك ارتحتي