الخدمة زينة المرا هذي في بيتها اكيد لازم تتعب هاوش وزيد حاليا كل شيء جاهز قليل النساء اللي صح تخدم شغل الدار بمعناه الحقيقي
ضرك التسياق راهي دال دوصول والارضية اللماعة زوج دقايق باستخدام المكنسة الكهربائية تكمل الشغل وتريح تكونيكتي مع صاحباتها
السلام عليكم
استنى هنا استنى واش من مكنسة كرهبائية كاين يد كهربائية يحبو كل شي واجد فالوقت الفطور ووالتسياث والحوايج مغسولين
اواه خويا شغلنا هو هو نسيقو من القلب وتعب كبير وخلي الغبار وخلي الفطور وخلي الحوايج صحتنا طيح
كاين ماشينة نتاع الحوايج ايه مي والله هذوك نتاه لاستيك تعب كي شغل غسلتهم بيدك وزيد التسياق لاجافيل وايزيس ويا الله حكي وعاودي ولو دالدوصول مي العفس والتراب والكوزينة كل يوم لازم تنحك الزيت وخلي الحيطان وخلي الزجاج واش من مكنسة راك تهدر عليها الله يهديك هذي ماكانش منها
نكونيكتو وي نضربو طلة ونكملو انا حتى نكمل كل شي نجي نظل لو نكون هنا لما نكون مريضة الله غالب كاين شكون يخدم تجي اختي اما هذي اللي تقول عليها ماكانش منها
ياحسراه على شغل الدار الوالدة نتاعي تقلي بنات الجيل هذا لقاو كل شيء وااجد من حظهم ومن سوء حظ ازواجهم باسكو عيب نهار تشوف المخابز كل يوم
مشارجيين بالرجال ومكانش مرا تخدم لزوجها المطلوع يعني صراحة في الجهة نتاعنا لوكان المراة ما تعرفش خدمة الدار بمعناها الحقيقي
تحياتي لامك الكريمة قولها يا خالتي الزمن تبدل لو نتوما في وقتكم توفرلكم الامور هذي كنتو ديروها لانو امور بزاف سهلت على المرا
اي نعم كاين بنات ما يعرفوش يديرو المطلوع مي كاين العوض وزعمى رجال اليوم راهم كيما رجال البارح الراجل طيببلو لوبيا والعدس ما ياكلهمش
ماكانش مرا ما تعرفش تخدم شغلها اللهم لو بنات 16 و 17 سنة يتلكو على يماهم نقولك اما تقولي جيل ال 30 وغيرو ما تعرفش هذي فوتها حكيم سواء عندكم او عندنا المرا مرا وين ما كانت
تحبو تسموها شقاء تحبو تسموها استعباد هذي المراة ما يدومش زواجها
علاه ما يدوكش زواجها عذي راح يدي مرا والا خدامة وكاين اللي ما تعرفش ورا زواج تلقى ام زوجها وتعلمها كانت عندنا وحدة والله يماها خافت لما زوجت قالت تطلق في سمانة لانو ما تعرفش طيب لكن راجلها وامو ساعفوها وعلموها والله ما فاتتش سنة راهم يشكرو فيها وتقوم بالضياف والولائم
قولها نتوما ثاني عجايز اليوم ساعفو مراحش تدي عروسة من 1940 الوقت غير الوقت
بعكس المراة الحاذقة يعني
في وقت ما الوالدة نتاعي كانت تجهز الاكل تقريبا لوحد 20 فرد من العائلة وحدها حتى حاليا تعاني شويا من ىلام الظهر روهشاشة العظام بسبب الاثقال
وريلي مرا ضركي راهي تفتل الطعام وحدها وتنقي القمح وتغسلو ياي راحت الدنيا وانت يااختي زينة المرا شطارتها ماهيش بليزير في العايلة نتاعك مي هذا بليزير في عمرك
لانو خدمة العائلة شرف ماهيش مهنة اما اللي قلبها ضيق والله ويجيبولها خدامة دايما تتمنى انو ما تحرك حتى حاجة بيسك رايح طول عمرها تبقى جايحة في نظر زوجها واولادها سلام .
