عطوني رايكم من فضلكم

[بشرى ملاك]

سلام يا اخواني الكرام
من فضلكم راهي باحرتلي عيد ميلاد زوجي راه قريب وما عرفتش واش نشريله كادو والله بحرت تاع الصح
قلت نشاور خاوتي وان شاء الله مايبخلونيش ويعطوني راي
راني نستنى ماطولوش عليا هههههه :kiss:

 

[Hakan]

امم الراجل تشريلو اشياء معينة :
اولا اي راجل يحب ساعة يد وتكون نوعية مليحة
قارورة عطر رجالية
او نظارات شمسية اذا كان يحب يلبسها
اشياء اخرى ممكن خاتم من فضة يكون منقوش عليه حرف من اسمك وحرف من اسمو هذي كفكرة ماهيش صعيبة
حوايج اخرى الله اعلم ...​

 

[Salah eddin]

الله يسهل
ههه
و الله يعاونك
قارورة عطر و السلام ...​

 

[حلم كبير]

اشريلو قلم حبر عادي يديرو في جيبو ويحافظ عليه .... إن الهدية غالية بمعناها وليس بثمنها.
تقبلي مروري مع فائق الاحترام والتقدير
حلم كبير

 

[محمد التبسي]

لا يجوز شرعا الاحتفال بأعياد الميلاد
هذه ليس من ديننا ولا من عاداتنا كمسلمين
لذلك تجنبي ذلك أختي أفضل لك
ربي يهنيكم ويرزقكم الذرية الصالحة​

 

[sanaya]

انا نقول شوفي الميول تاع راجلك إلا كان رياضي ولا مكانيكي ولا أستاذ
وجيبيلو كادو على حسب هوايتو

 

[السلطانة]

وعليكم السلام علاه متخدميلوش هدية افضل ديري عشا وزيني الغرفة اكتبيلو رسالة رومانسية..... هكا تكون مفاجأة قيمتها اغلى

 

[aljentel]

جميل ان هناك زوجة تتذكر عيد ميلاد زوجها ....
لن نكون ادرى منك بما ستهديه فأنتِ وحدك من يعرف ميوله ...
انا لو منك اجيب له آيفون 7 .. اكيد سيرتاح له ويفرح بيه حتى وان كان معه ..

 

[ليليا مرام]

جميل ان هناك زوجة تتذكر عيد ميلاد زوجها ....
لن نكون ادرى منك بما ستهديه فأنتِ وحدك من يعرف ميوله ...
انا لو منك اجيب له آيفون 7 .. اكيد سيرتاح له ويفرح بيه حتى وان كان معه ..

السلام عليكم
يا حوجي ايفون والله ما يديه يدير 10 ملاين يا واسمك باه يهدر بيه مع النسا اواه خونا واشبيك قرعة ريحة وما تكونش تريح بزاف مليحة ليه
قالو ايفون اواه خونا حطبة بزاف عليه الايفون ديرو ليها او ديرهم ذهب تلقاه هههه
يا يمى دخت في بلاصتها على الايفون و 7 يا حوجي ههه

 

[ليليا مرام]

السلام عليكم اختي
انا كي خلعني خويا بالايفون ما رديتش عليك
شوفي انا نقولك انو شوفي راجلك واش يفرحو وديريلو حاجة ديما يستخدمها مثلا ماكينة حلاقة رجالية راهم يتباعو شابين مع بوش دو تواليت فيها كل اللوازم شابة وحاجة كلاص وديما يحتاجها
لانو الريحة تخلاص ويشموه يا مخلوقة خليه بريحة العرق وشوفي بلاكي تدي برايي الجونتل راه باغي يخليك قالك ايفون يا حوجي هي ايه راجلك ويستاهل كل خير مي يا اختي ايفون راه بالملاين هههه
ربي يهنيكم وما تنسايش كيما قالت ام يسمين ديري فيها عشا رومانسي ولا برية لا والو اللي فالبرية قوليهالو ديركت واذا قلقك دوري عليه هههه كل عام وهو بخير وربي يهنيكم

 

[بشرى ملاك]

السلام عليكم اختي
انا كي خلعني خويا بالايفون ما رديتش عليك
شوفي انا نقولك انو شوفي راجلك واش يفرحو وديريلو حاجة ديما يستخدمها مثلا ماكينة حلاقة رجالية راهم يتباعو شابين مع بوش دو تواليت فيها كل اللوازم شابة وحاجة كلاص وديما يحتاجها
لانو الريحة تخلاص ويشموه يا مخلوقة خليه بريحة العرق وشوفي بلاكي تدي برايي الجونتل راه باغي يخليك قالك ايفون يا حوجي هي ايه راجلك ويستاهل كل خير مي يا اختي ايفون راه بالملاين هههه
ربي يهنيكم وما تنسايش كيما قالت ام يسمين ديري فيها عشا رومانسي ولا برية لا والو اللي فالبرية قوليهالو ديركت واذا قلقك دوري عليه هههه كل عام وهو بخير وربي يهنيكم

والله يا اختي كي شفت ايفون7 تغاشيت وداوني سبيطار قراف هههههه بغيت نقوله ايفون 7 (على وزن تاع مصطفى بلا حدود sa meeeeeeeeeeer) انا ايفون لقيته لعمري باش نشريهله هو يستهل بصح غااااااااااااالي بزاااااااف ولوكان نوصل نشريه نديه ونخليه هههههههه
كيما قالت ختي هدية رمزية ديجا انا كادوه كخكخكخكخ
بغيت نضحكم شويا وشكرا للجميع ربي يحفضكم ويفرحكم امين يا رب

 

[ليليا مرام]

والله يا اختي كي شفت ايفون7 تغاشيت وداوني سبيطار قراف هههههه بغيت نقوله ايفون 7 (على وزن تاع مصطفى بلا حدود sa meeeeeeeeeeer) انا ايفون لقيته لعمري باش نشريهله هو يستهل بصح غااااااااااااالي بزاااااااف ولوكان نوصل نشريه نديه ونخليه هههههههه
كيما قالت ختي هدية رمزية ديجا انا كادوه كخكخكخكخ
بغيت نضحكم شويا وشكرا للجميع ربي يحفضكم ويفرحكم امين يا رب

اهلا اختي بشرى
ايه يا اختي معذورة حتى انا تخلعت فبلاصتك خونا ضربنا بالقصف مي لو راجل حط الموضوع يقولو اديلها قرعة ديودورو ههههه 20 ميل اواه خونا معكوس ايفون انا خلعني غيرلا فخامة الاسم تكفي
وكيما قلت اللي تشريهولو ليه تكسبيه انت هههه كيما قلت الكادو ولازملك ترقعي المهم ديرولي جيست وتفكريه هذا وبرك واخلفيهالو على حساب هداياه ليك ايواه نديرلهم كيما يديرونا هههه
ربي يهنيكم

 

[aljentel]

السلام عليكم
يا حوجي ايفون والله ما يديه يدير 10 ملاين يا واسمك باه يهدر بيه مع النسا اواه خونا واشبيك قرعة ريحة وما تكونش تريح بزاف مليحة ليه
قالو ايفون اواه خونا حطبة بزاف عليه الايفون ديرو ليها او ديرهم ذهب تلقاه هههه
يا يمى دخت في بلاصتها على الايفون و 7 يا حوجي ههه

وعليكم السلام
هههههههههه انا كان قصدي تهدي شيء عليه القيمه ويتذكرها فيه ...

 

[ليليا مرام]

وعليكم السلام
هههههههههه انا كان قصدي تهدي شيء عليه القيمه ويتذكرها فيه ...

اهلا خويا
ايه عارفة قصدك مي خويا انا الايفون فخامة الاسم تكفي انا نحبهم بزاف ومرة قلت والله نروح نلعبها زعمى مشترية ونشوفو برك هههههه ايا خليتو فتحو ويوريهولي رفدت وبديت نقلب فيه السيد قالك رايحة تشريه قتلو شعال قالي 10 ملاين و500 حكمتني كحة السيد جابلي قرعة ما نتاع 2 لترات قتلو اممم دوماج يخصوني غير شوي راني نرجع مي خويا جيبلي كولوغ غوز هههه قالي غوز نشوفلك قليل بزاف ههههه زعمى انا سيدة اعمال قتلو خويا محتاجاتو غوز ربي يسامحني واقيل السيد جابو وبارلو ههههههه ما زدتش فت من ذيك الحومة هههه
يا خويا تمدلو شي عندو قيمة ب 200 الف بب 300 الف ماشي ب 10 ملاين انا والله ويكون عندي معاه 20 طفل ما يديه الايفون ههههههه
شكرا خويا الله يخليك

 

[بقايا إنسان]

سلام الله عليكم ورحمته وبركاته وبعد:اختنا الكريمة انا اقص عليك ما وقع معي وانت اختاري منه مايعجبكي او اتركيه كله
قد سبقتكي بها من قبل وتبادلنا هديا اعياد الميلاد مع تحريم الشرع لها ومروقت واتى وقت وأصبح بعضنا يمن على بعض وكل واحد منا استغلا هديته على هدية الاخر ودخل بيننا الشيطان ورما كل واحد منا هديا الاخر هذا ام لم يكسرها على الفور زد على ذلك عيد الميلاد عندي هو مضي عام من عمري فلا اريد احدا ان يذكرني به هذه قناعتي
وهذا مجرد رأي لا أكثر الكلمة الطيبة تفعل افعالا سحرية وتبقى في الذهن ابدية ولقول رسولنا الكريم عليه الصلاة والسلام(ان من البيان لسحرا) هذا والله اعلم
متعكي الله ببعلك ورزقكي منه ذرية طيبة

 

[بشرى ملاك]

سلام الله عليكم ورحمته وبركاته وبعد:اختنا الكريمة انا اقص عليك ما وقع معي وانت اختاري منه مايعجبكي او اتركيه كله
قد سبقتكي بها من قبل وتبادلنا هديا اعياد الميلاد مع تحريم الشرع لها ومروقت واتى وقت وأصبح بعضنا يمن على بعض وكل واحد منا استغلا هديته على هدية الاخر ودخل بيننا الشيطان ورما كل واحد منا هديا الاخر هذا ام لم يكسرها على الفور زد على ذلك عيد الميلاد عندي هو مضي عام من عمري فلا اريد احدا ان يذكرني به هذه قناعتي
وهذا مجرد رأي لا أكثر الكلمة الطيبة تفعل افعالا سحرية وتبقى في الذهن ابدية ولقول رسولنا الكريم عليه الصلاة والسلام(ان من البيان لسحرا) هذا والله اعلم
متعكي الله ببعلك ورزقكي منه ذرية طيبة

شكرا اخي بصح علاه تقعدو تعدو لبعضكم درتلك ودرتلك انا الحق الحق عمرنا انا ورجلي ماجبدنا كيما هاد المواضيع بالعكس دايما نقوله ماخصني والو معاك والحمد لله وصح انا زوجي عنده ديفو واحد برك نحسه رجعي بزاف يعقد الامور بزاف لوكان يصيب قاع مانخرجش من الدار مانشوف ناس ومزيرني في كلش سيرتو لهدرة مع رجال حتى لفاميلا تالمو مزيرني نحس روحي مدزوجة شيخ كبير
اما الهدية سقسيتكم باسكو هو دايما يتفكرني بالهدايا بغيت نديرله حاجة شابة
من كل هدا الله يطيب بين كل زوج وزوجة ويبعد عليهم الشيطان

 

[ضآحكة مستبشرة]

السلام عليكم اختي
و الله يا اختي الاحتفال بأعياد الميلاد حرام و لا يجوز شرعا و اعيادنا باينة واش هي
حتى و إن كانت نيتك تباركلي و تحتافلي مع زوجك
زوجك حلالك آمالا علاش تشاركيه بحاجة حرام
و قلتي بلي هو يتفكرك دايمن بالهدايا
حابة تفرحيه يا اختي الايام كامل ليك
شوفي يوم من اخر الاسبوع لي يرجع فيه للمنزل
و ديري سهرة و عشا شابين و اتهلاي فيه

خلونا من الاعياد هذي الايام كلها اعياد

و ربي يهنيك

 

[anaskhiro]

أشريلو قلب اللوز.....الراجل يحب كرشو

 

[دعاء الجنات]

في الحقيقة اختي
انا وحدة من الناس مانديرش عيد ميلاد لزوجي لأنه عيد النصارى.، وفي بلاصة مانتفكرو خطرة في العام نشريلو فيها كادو... نتفكرو كل يوم.. مرة نشريلو كادو ومرة نفرحو بحاجة أخرى والهدية الكبيرة للزوج كي تكوني معاه صالحة وترضيه في حياتو وانصحك الإبتعاد عن هذه الأمور لأنو مافيهاش بركة -هاذي نصيحة من أخت لأختها​

 

[صانعة الإبتسامة]

جميل ان هناك زوجة تتذكر عيد ميلاد زوجها ....
لن نكون ادرى منك بما ستهديه فأنتِ وحدك من يعرف ميوله ...
انا لو منك اجيب له آيفون 7 .. اكيد سيرتاح له ويفرح بيه حتى وان كان معه ..

ههههه