تجربتي مع منتوج Swalis

[آمِيْرَتُه]

السلام عليكم ورحمة الله تعالى و بركاته

مرحبا بالآخوات

مدة محطيتش موضوع الله غالب الوقت

المهم كنت سبق و حطيت استفسار عن منتوج Swalis

جربته و كانت النتيجة روعة كيما قالولي البنات

استعملت الشمبوان + البلسم + السيروم الخاص بالشعر الملون إما ملون طبيعيا أو مصبوغ
و هو نتاع الكيراتين و الحاجة المليحة أن واقي شمسي يعني يحمي الشعر من أشعة الشمس
و السيروم تقدري ديريه على شعر جاف أو مبلل كي رجعت نستعمله نقصت شوية من مجفف الشعر وليت نشف شعري بالمنشفة منبعد نحطه و نمشط شعري و نخليه ينشف وحده روعة
المنتوج راه صنع جزائري و 3 مع بعض جاوني 60 ألف لأن قرعة الشمبوان صغيرة بغيت نجربه شريتها صغيرة الحجم وراهي كاينة كبيرة الحجم
نتمنى تجربوه وتردولي الخبر
سلام :Love:



​

 

[cosette]

السلام عليك
اختي نعرفو هاد المنتوجوعندي منو صح مليح بزاااااااف
كثر خيرك آختي آمينة يآك؟؟؟سمحيلي علتدخل قريت إسمك من آحد التعليقات في المنتدى
شكرا لك اختي

 

[Mademoiselle carbone]

شكرااااااااااا ربي يحفظك حبيبتي ان شاء الله نجربو

 

[آمِيْرَتُه]

السلام عليك
اختي نعرفو هاد المنتوجوعندي منو صح مليح بزاااااااف
كثر خيرك آختي آمينة يآك؟؟؟سمحيلي علتدخل قريت إسمك من آحد التعليقات في المنتدى
شكرا لك اختي

العفو آختي عادي وي سموني آمينة

 

[آمِيْرَتُه]

شكرااااااااااا ربي يحفظك حبيبتي ان شاء الله نجربو

العفو آختي مسرورة بتواجدك

 

[سكون الفجر]

بارك الله فيكِ أختي على طرح تجربتك
جزاكِ الله خيراً​

 

[Djaouida]

هادي مركة مليحة بززاااف انا جربت سيروم تاعه فووور بزااف
مشكورة ختي علي افادة

 

[آمِيْرَتُه]

العفو حبيباتي
أسعدني المرور

 

[ميمي مرام]

سلاااام
بغيت نسقسيك الاخت هذا للشعر الجاف

 

[آمِيْرَتُه]

سلاااام
بغيت نسقسيك الاخت هذا للشعر الجاف

النوع لي حطته يليق للشعر المصبوغ او الملون طبيعيا باه يبقى اللون يعني ميروحش بلخف و يخلي لمعان بصح كاين نوع خاص بالشعر الجاف انت كي تروحي راح تلقي كل نوع بلون كاين احمر كاين بني كاين اخضر قوله عطيني نتاع الشعر الجاف و هو يعطيك مي منيش عارفة اللون نتاع القرعة كيفاش داير

 

[ميمي مرام]

النوع لي حطته يليق للشعر المصبوغ او الملون طبيعيا باه يبقى اللون يعني ميروحش بلخف و يخلي لمعان بصح كاين نوع خاص بالشعر الجاف انت كي تروحي راح تلقي كل نوع بلون كاين احمر كاين بني كاين اخضر قوله عطيني نتاع الشعر الجاف و هو يعطيك مي منيش عارفة اللون نتاع القرعة كيفاش داير

تسبلمي حبيبتي ان شاء الله نشريه نجربو و نرجعلك الخبر و شكرا كي نصحتينا بيه

 

[همس الوُرود]

السلام عليكم أختي
بارك الله فيك
بصح أختي أميرته السيروم قلتي أنو يقيك من الشمس وهذا أمر نظن بلي مش مليح لأنو كيما يقيك من أضرار أشعة الشمس رايح يمنع عليك منافع أشعة الشمس
أصلا حنا متحجبات قليل وين تقيسنا الشمس فما بالك نديرو سيروم واقي للشمس

وماعرف أصلا منعرفش وش يدير السيروم راني نهدر برك ههه

أحكيلي الله يسترك على التساقط يعني فادك فهذا الأمر؟؟ أو لا؟؟ ووش الي فادك فيهم؟
والله يسترك قوليلي وش يدير البلسم هداك ووش يدير السيروم وش الوظيفة تعهم؟؟
وأسمحيلي على كل هاد الأسئلة بيسك خاطيني هاد الشغلات رانا نتعلموا منكم ​

 

[ميمي مرام]

السلام عليكم أختي
بارك الله فيك
بصح أختي أميرته السيروم قلتي أنو يقيك من الشمس وهذا أمر نظن بلي مش مليح لأنو كيما يقيك من أضرار أشعة الشمس رايح يمنع عليك منافع أشعة الشمس
أصلا حنا متحجبات قليل وين تقيسنا الشمس فما بالك نديرو سيروم واقي للشمس

وماعرف أصلا منعرفش وش يدير السيروم راني نهدر برك ههه

أحكيلي الله يسترك على التساقط يعني فادك فهذا الأمر؟؟ أو لا؟؟ ووش الي فادك فيهم؟
والله يسترك قوليلي وش يدير البلسم هداك ووش يدير السيروم وش الوظيفة تعهم؟؟
وأسمحيلي على كل هاد الأسئلة بيسك خاطيني هاد الشغلات رانا نتعلموا منكم ​

انا برك بغيت نقلك بلي الشمس تحفز على نمو الشعر اي تحفز البويصيلات تاع الشعرة على التكاثر و النمو اما السيروم فيحمي الشعرة من التقصف و الجفاف و لهذا كي تستعملي سيروم يحمي الشعر من اشعة الشمس ماتخافيش منو بسك هو الدور تاعو يحمي الشعرة و يرطبها ماشي البويصلة و ان شاء الله تكوني فهمتي مقصودي و نكون افدتك بمعلومة و عذرا على التدخل

 

[دعاء الجنات]

مافهمتش واش يدير هاذ المنتوج؟ يعني يرطب الشعر ام مذا؟

 

[آمِيْرَتُه]

السلام عليكم
حرت علاه خفتو هههه
هذا شمبوان عادي يعالج تقصف الشعر ماشي يرطب الشعر لي شعرها جاف هو يعالجه ولي نتقصف و مثلا لي شعرها مصبوغ باه متفسدهش الصبغة هذا المنتوج يساعد باه يبقى شعرك عادي

 

[همس الوُرود]

هههه

السلام عليكم
حرت علاه خفتو هههه
هذا شمبوان عادي يعالج تقصف الشعر ماشي يرطب الشعر لي شعرها جاف هو يعالجه ولي نتقصف و مثلا لي شعرها مصبوغ باه متفسدهش الصبغة هذا المنتوج يساعد باه يبقى شعرك عادي

وعليكم السلام أختي
هههه أنا خفت من السيروم والبلسم مش من الشومبوا
إيه ولقيت أبري شومبوا سواليس جاية لا كولار تع العلبة أخضر هداك قالتلي للشعر الي مش مسبوغ وطبيعي هههه بصح بيسك ماعجبنيش اللون ماشريتوش
حبيت نشري واحد كيما تاعك باهي وللشعر الطبييعي

 

[Mårőųā Řāhïł]

مشكورةةاختي انشاء االه نجربوا

 

[الورد الأحمر]

السلام عليكم ورحمة الله وبركاته

مشكورة على مشاركتنا التجربة يعطيك الصحة ... أنا صراحة ولا مرة جربت الماركة هذي مع أني نشوفها يستعملوها في الدار بصح ولا مرة حطيتها في شعري تعودت نستعمل إما Gliss من ماركة schwarzkopf ولا syoss هذو لي ساعدوني فيهم الكيراتين وبسيف لقيت شامبو يساعد شعري.

@Twinkle Stars ضحكتيني يا فصعونة أو ما تشوفيش للقرعة باهي لونها ولا نو شوفي كل لون لأنو نوع من الشعر وخيري ع حسب نوع شعرك انتي واش رح تعملي باللون الباهي كي ما يساعدش شعرك تبا لك خخخخ

بالنسبة للماركة هذي Swalis لون عبوة الشامبو للشعر الدهني تجي بيضا ومكتوبة بالأخضر أختي جربتو وما جاب معاها نتيجة ما حبتوش.

مالا لي تعرف شامبو مليح للشعر الدهني تفيدني باسمو تعيشو .

 

[آمِيْرَتُه]

شكرا على المرور
انت قوليله نوع شعرك وهو يعطيك و تأكدي بالقراءة
انا يعجبني السيروم نتاعه بزاف

 

[همس الوُرود]

السلام عليكم ورحمة الله وبركاته

مشكورة على مشاركتنا التجربة يعطيك الصحة ... أنا صراحة ولا مرة جربت الماركة هذي مع أني نشوفها يستعملوها في الدار بصح ولا مرة حطيتها في شعري تعودت نستعمل إما Gliss من ماركة schwarzkopf ولا syoss هذو لي ساعدوني فيهم الكيراتين وبسيف لقيت شامبو يساعد شعري.

@Twinkle Stars ضحكتيني يا فصعونة أو ما تشوفيش للقرعة باهي لونها ولا نو شوفي كل لون لأنو نوع من الشعر وخيري ع حسب نوع شعرك انتي واش رح تعملي باللون الباهي كي ما يساعدش شعرك تبا لك خخخخ

بالنسبة للماركة هذي Swalis لون عبوة الشامبو للشعر الدهني تجي بيضا ومكتوبة بالأخضر أختي جربتو وما جاب معاها نتيجة ما حبتوش.

مالا لي تعرف شامبو مليح للشعر الدهني تفيدني باسمو تعيشو .

@الورد الأحمر
هههههههههه والله غير ماعجبتني كيفاش هدا نشري أبري شومبوا كامل ليا وكي نحطو فبلاصتي يبشعها خخخ
لازم كي نقول هدا أبري شومبوا تاعي يكون باهي ويفيدني في 2
أنا ننصحك بشومبوا هاد أند شولذرز ولا معلاباليش كيفاش إسمو ويكون أزرق و بالنعناع تلقاي مكتوبة فيه كلاسيييك بصح
وزيدي شوفي الأخوات:kiss:​