ساعدوني

[racha001]

السلام عليكم
مهم انا منطولش عليكم
عندي استادي في الجامعة انسان طيب بزاف كنت نكرهو و نقول عليه بلي متكبر و مغرور بزاف بصح و الله ندمت كي هدرت و قلت كيما هاك بسك مرة حتاجيتو يفهمني تمرين فهمهلي نورمال و قالي خصك اي حاجة راني هنا ايا من نهار لي فهمني فيه و ليت كل من نفوت عليه يطلع راسوا يشوف فيا و من بعد ينزله و الله معرفت نظرته ليا كيفاش مهم اناراني حابة نطلب منه سماح بصح خايفه يفهمها حاجة اخري

 

[محمد إبن الصحراء]

طيب بزاف .......................( ماهو الدليل )
كنت نكرهو ونقول عليه متكبر...........( ماهو الدليل )
بصح ندمت : .............................( علاش )
حتجته : ................................... ( الطلبة يحتجون أستادهم , طبيعي)
فهمك تمرين نورمال : ....................( واجب عليه )
كل مانفوت من حداه يطلع راسو ويشوف فيك ومبعد ينزله
معرفتيش نظرته ؟؟؟؟؟؟؟؟
ممكن نظرة عادية
ممكن في خاطره يقولك كاش حاجا لكن مستحي
ممكن معجب بك
وممكن : حاجة في نفس يعقوب
حابة طلبي منه السماح ............. ( علاش علبالو بلي كنت تمنشري فيه )
معليش
روحيلو مع زوج زميلاتك وقوليله سمحلي أستاد غلطة في حقك كنت
نحسبك مدرس متكبر ولكن بالي العكس , وعادي غادي يتفهمك
لكن خايفة يفهمك حاجة أخرى .... تقصدي يحسبك معجبة به ههههههههه
*********************************************
الملخص
مشكلتك بسيطة
إستغفري الله على (النميمة ) الغير مقصودة وعلى الحكم الخطأ في حق الغير
وبركاك من كثرة الحسابات والفرضيات وعيشي يوميات الدراسية طبيعي
وحاولي تتفاداي الحادثة وماتنسايش واش قلتلك في الأولى .............
بالتوفيق

 

[racha001]

Merci bzfffffffff khouya

 

[ليليا مرام]

السلام عليكم
اختي انت حكمتي على الاستاذ من خلال مظهر بانلك قاسي وهو ساعدك كتلميذة لا اكثر ولا اقل وانت ما تبقايش تلقطي فالاسباب حتى تحكي معاه لالا وهو يشوف او ما يشوفش انت ما ترديش بالك لانو نشوف راكي تنجذبي ليه وردي بالك مش كل الرجال يحبو المرا اللي تشوف معاهم وعاجبها الحال وكيما قال الاخ محمد واش يضمنلك انو طيب ممكن صياد ماهر ويعرفلها وانت علاه تطلبي السماح ديتيلو كلية خممت فعقلك انو متكبر وفيه وفيه خلاص كانت فعقلك علاه تروحي للسماح ضربتي يماه نورمال انت اللي راكي تحوسي على سبب وخلاص باه تحكي معاه راه عاجبك
انا ننصحك كاخت اكبر منك ردي بالك وبدلي تفطيرك وما تخميش لا تطلبي سماح ولا تهدري معاه الا من باب استاذ وتلميذة ولو عجبتيه الهدرة فداركم مع اهلك
ربي يبعد عليك اي شي يضرك موفقة

 

[racha001]

لالا لالا مارهو عاجبني و لاوالو
انا ضميري يانبني بزاف و منحبش نهدر على الناس كيما هاك هدا مكان
و شكرا على النصيحة اختي و غادي نعمل بالنصيحتك
شكرا ربي يحفظك
شكرا

 

[Only me]

يا أختي الأساتذة مساكن عندنا ماهدرنا عليهم وهدرتك عليه كانسان متكبر قاسي طططط هذا كامل مايهمش لأنو يبقى مجرد رأي
أنا صراتلي قصة مع أستاذ كنت نقدرو ونحترموووو بزااااف ومزالني لليوم وبالنسبة ليا هو أحسن أستاذ وهو رئيس القسم تاعنا ونهار تخرجت بقالي القاطو من السوتنونس اديتو للخدامين تاع الادارة وزوج اساتذة أخرين وتلاقيتو في الادارة، هو ماهدرش معايا هدر مع زميلي وقالو شوف واش كنا نتعبو عليكم حبة قاطو ماصحتلناش، مالقيتش كامل كيفاه نسوديها مي خليتها على ربي غير هو لي عالمي بنيتي، مجاش كامل في بالي،
شوفي أختي هو واجب عليه يفهمك وأنت واجب عليك تحتارميه ، ماتطلبي سماح ماتعطيلو فرصة يتجاوز حدودو معاك
​

 

[racha001]

OK
انا غادي نعمل بنصيحتكم و منطلبش سماح ربي يغفرلي برك
شكرا اختي ربي يحفضك

 

[aljentel]

نصيحتي تنسين ما حصل ولا تعيدي التمنشير فيه فالناس خشب حتى يتعارفوا ..!

 

[زاد الرحيل]

راح تكوني انسانة رائعة و شجاعة اذا اعترفت له بذلك و راح تكباري في عينيه بصح نصح نظرته اليك الوقت يبين معناها المهم كوني جريئة و اعتذري

 

[لؤلؤة قسنطينة]

السلام عليكم
والله الكلام لي جيت رايحة نقولو قالتو ختي ليليا
نتي الاستاذ ساعدك كتر خيرو ولاكان المادة تاعو بلا مزيتو راهو واجبو يعاونك، بالاك ماش خارج الساعة تاعو لي يقري فيها
بصح وهكاك مادارش انجاز عظيم راهم طلبة معرفتهم محدودة ويعاونو بعض خلي يا استاذ لي متمكن
اما النقطة الثانية انك تطلبي منو السماح علاه تطلبي منو السماح يا اختي؟ سبيتيه؟ ولا ضربتيه ؟ ولا قللتي احترام؟
قلتي حاجة في قلبك نورمال وهل كلام القلب نعتاذرو عليه تاني؟ انا كن نتبع اي استاذ تكلمت عليه في قلبي نروح نعتذر منو
رايحة نعتذر من الجامعة كاملة ههههه بالعكس اختي تقولي انو نطلب ربي يغفرلي خاطر ظنيت بالشخص هادا السوء نقولك معليش
بالعكس هادا من معدنك الطيب، بصح انك تروحي تعتذري هكاك ماش حاجة مليحة، واصلا واش رايحة تقوليلو؟
تقوليلو جيت نعتذر على كلام قلتو في قلبي؟؟ شوفي ختي انا ننصحك اجبدي روحك اذا على التمرين كيما قتلك راهو دار امر عادي
ونتي ماتكتريش معاه الكلام باه مايقولش الطفلة هادي راهي تشري في الهدرة معايا ويظن بيك السوء
يعني خلي الحكاية تحبس هنا وربي يسهلك ان شاء الله ويوفقك
تحياتي​

 

[aljentel]

السلام عليكم
والله الكلام لي جيت رايحة نقولو قالتو ختي ليليا
نتي الاستاذ ساعدك كتر خيرو ولاكان المادة تاعو بلا مزيتو راهو واجبو يعاونك، بالاك ماش خارج الساعة تاعو لي يقري فيها
بصح وهكاك مادارش انجاز عظيم راهم طلبة معرفتهم محدودة ويعاونو بعض خلي يا استاذ لي متمكن
ا
ما النقطة الثانية انك تطلبي منو السماح علاه تطلبي منو السماح يا اختي؟ سبيتيه؟ ولا ضربتيه ؟ ولا قللتي احترام؟
قلتي حاجة في قلبك نورمال وهل كلام القلب نعتاذرو عليه تاني؟ انا كن نتبع اي استاذ تكلمت عليه في قلبي نروح نعتذر منو
رايحة نعتذر من الجامعة كاملة ههههه
بالعكس اختي تقولي انو نطلب ربي يغفرلي خاطر ظنيت بالشخص هادا السوء نقولك معليش
بالعكس هادا من معدنك الطيب، بصح انك تروحي تعتذري هكاك ماش حاجة مليحة، واصلا واش رايحة تقوليلو؟
تقوليلو جيت نعتذر على كلام قلتو في قلبي؟؟ شوفي ختي انا ننصحك اجبدي روحك اذا على التمرين كيما قتلك راهو دار امر عادي
ونتي ماتكتريش معاه الكلام باه مايقولش الطفلة هادي راهي تشري في الهدرة معايا ويظن بيك السوء
يعني خلي الحكاية تحبس هنا وربي يسهلك ان شاء الله ويوفقك
تحياتي​

ههههههههههههههه
والله عين العقل ...
كان رأيي ان لاتعتذر منه ولا شيء انما لاتعيد التمنشير عليه ...

 

[racha001]

شكرا ليكم كامل كيما درتو انا غادي نجبد روحي و منهدرش معاه شكرا بزاف

 

[racha001]

راح تكوني انسانة رائعة و شجاعة اذا اعترفت له بذلك و راح تكباري في عينيه بصح نصح نظرته اليك الوقت يبين معناها المهم كوني جريئة و اعتذري

هدا هو رايك بصح علاه قولتلي ندير هاك اعطيني و جهة نظر نتاعك

 

[زاد الرحيل]

هدا هو رايك بصح علاه قولتلي ندير هاك اعطيني و جهة نظر نتاعك

نعم انا اختك الكبرى و سيدة و والدة يعني عندي خبرة في الحياة اما السبب فهناك ثلاثة اسباب
الاعتراف يلغي الغيبة و الله يغفر لكي
سيتفهم الامر و تكبرين في عينيه
ربما هناك ود يؤدي لعائلة اسلامية جديدة من يدري

 

[بشرى ملاك]

مليح كي عندك الضمير، قوليله استاذي سمحلي كنت داية عليك نظرة ماشي مليحة ولقيتك استاذ فالمستوى فمعذرة... مبعد راقبي تصرفات تاوعه ادا لقيتيه يحوس يتقربلك باي وسيلة ولا المعاملة تغيرت جبدي روحك كيما كنت وقعدي طالبة وهو استاذ هدا ادا ماكنتيش معجبة وننصحك ماتخلطيش المشاعر مع القرايا وبالتوفيق...

 

[racha001]

شكرا ملاك و ميلينا

 

[racha001]

ميلينا ممكن اتواصل معاك على خاص

 

[zyd87]

شوفي حبيبتي racha 001 ,الكلام اللي ينقال قالوه كامل الاعضاء ,تعطيهم الصحه والعافيه,اخطيك منو,انا راني منشرت في بزاف اساتذه بالفعل متكبرين وماهيش غايضتني وكاين اللي ماهمش متكبرين ومنشرت فيهم مي ربي غفور رحيم لكان طلبتي المغفره منو,حبيبتي هذيك النظره حذاري الاستاد لكان عينو عليك راكي عندك دار ماكيش عايشه برا وحذاري تبادلينه النظرات,لانو يفهم حاجه اولا وثانيا زنى وثالثا تبني اوهام صعب نسيانها,موفقه حبيبتي.

 

[Bouchra zarat]

kheti matrohi 3andah tetolbi sma7a ma walou yak 9oltiha f 9albak
masam3ak taha wahad
de3i rabi yaghefarlak
3la sou2e dane bih
w khelas

 

[racha001]

OK lyom chariti chokola w madit kamal l amis w ki ji fayt maditlh gali sahiti