message anonyme فقرة رسائلكن يالماويات

الحالة
مغلق ولا يسمح بالمزيد من الردود.

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى

السلام عليكم ورحمة الله وبركاته

رسائلكن@
message

anonyme


جديد عالم المرأة:فقرة رسائلكن يالماويات

رسالة من عضوة مجهولة تبحث عن حل يالماويات وهذه المشكلة:

انا فتاة ابلغ من العمر 14 سنة
مشكلتي
لدي جارة احبها كثيرا هي صديقتي وعمرها15 سنة جميلة جدا وشعرها طويل واشقر
لكن هذه الفتاة لديها علاقة غرامية مع شاب اكبر منها ب 8 سنوات
وانا خائفة عليها
يدرس في الجامعة ولدي معلومات حوله انه يخرج مع اخريات في الجامعة
صديقتي عندما تذهب عند منزل جدها تلتقي به ويقول لها انه يحبها
ويكلمها في الهاتف والفايس بووك
هي تدرس جيدا ووالديها يضعان فيها الثقة وهم عائلة متخلقة ومثقفة
اخبرتني ان ابنة خالتها هي من عرفتها به
لم اعرف كيف اتصرف
اخاف ان انصحها تعتقد اني اغار منها
اخاف ان اصمت ان تخسر صديقتي سمعتها او يفعل به الشر هذا الشاب
كونها صغيرة عليه
ابنة خالتها لاتعجبني فهي تخرج مع الشباب واخلاقها ليست بالجيدة
صديقتي تحبني
لكن لاادري ماحدث لها تغيرت كثيرا
مند عرفت هدا الشاب في الصيف الماضي


----------------------------------------------------

الرجاء نصح الاخت بالكلمة الطيبة
 
koun fi plasstek nahderleha hadja khfifa genre ( wechi hada meli 3rafti Mr tbedelti w kamel remarkew had chii) w nchouf la eponse la kanet normal kemlou ahkou w fahmiha que ma3andou madaha la kanet la reponse ta3ha mich mliha za"fet wala a evité zidi ba3di 3liha w khlass
w a9ray had sujet a peu pres nafss l probleme
عقلها طار واش هو الحل
 
السلام عليكم
قومي بنصحها المهم تخبريها بما تعرفينه عن هذا الشاب
هكدا تكوني قمت بواجبك وريحت نفسك
والباقي علي ربي سبحانوا
ربي يفرج اختي
 
عليكِ بنصحها وذكريها ان ماتفعله حرام وغير لائق وهي لاتزال صغيرة في السن وهذا الشاب سيلعب بها فقط
لاتزال صغيرة عن الزواج بالتالي هي الخاسرة الوحيدة

@الصحافية الساخرة
@sanaya
@ميلينا
@بشرى ملاك
@لاريمان
@الورد الأحمر
@دعاء الجنات
@Djaouida
@Soumia hadj mohammed

وبقية الاخوات ...الرجاء الالتحاق بالموضوع
 
السلام عليكم
الصراحة لاتزال صغيرة وهي مراهقة عليك بنصحها وان تحتم الامر اللغي عاءلتها ولكن بالتلميح فقط لانها في سن حرجة ولاتقدر حجم الغلط مع هدا الشاب ااقدر الله
ختى وان غضبت منك فمصلحتها اهم
شكرا على الطرح المميز للفكرة
 
شكرا للغالية @ام ياسمينdzلثقتك بي و برأيي
اقول للفتاة الصغيرة
يا ابنتي حذاري ثم حذاري انت برعمة صغيرة فابتعدي عن هذا الشاب الطائش الذي يستغل برائتك لا حب في هذه الفترة و هو مجرد وحش لا اكثر ستعرفين الحب الحقيقي بعد8او 10سنوات و سيتوج بالزواج ،
حذاري ان يستغل مشاعرك البريئة العديد من الفتيات حبسن في البيت و اوقفن عن الدراسة بسبب هذا المشكل
اقتربي الى امك حبيبتك و صارحها بما قال لك و لا تخافي ستحميك و تفهمك كل شيىئ فانت في فترة حساسة لن يحبكي احد اكثر من أمك جربي و لا تخافي كوني لها صديقة و ستشكركي
 
شكرا للغالية @ام ياسمينdzلثقتك بي و برأيي
اقول للفتاة الصغيرة
يا ابنتي حذاري ثم حذاري انت برعمة صغيرة فابتعدي عن هذا الشاب الطائش الذي يستغل برائتك لا حب في هذه الفترة و هو مجرد وحش لا اكثر ستعرفين الحب الحقيقي بعد8او 10سنوات و سيتوج بالزواج ،
حذاري ان يستغل مشاعرك البريىة العديد من الفتيات حبسن في البيت و اوقفن عن الدراسة بسبب هذا المسكل
اقتربي الى امك حبيبتك وستشكرك لثقتك فيها فهي الحضن الأمن لك
 
سلام عليكم
بون راهي في سن صغير بزااف وحساس في نفس الوقت وريح لي يجي يديها راهي تبعت رأي تاع خالتها تسما راهي تعاند وباغيا تبين روحها بلي صاي كبر فهميها بلي تبين روحها بصح مشي بهاد طريقة هاك غادي تخسر حياتها وصاي و هاد العلاقة غادي توصلها للهاوية طبعاا نتي نصحيها بصح بطريقة غير مباشرة مع لاول ومنبعد قوليلها بطريقة مباشرة . هي اكيد غادي دير في بالها بلي راكي تغيري منها. مي نتي متحبسيش عند دي نقطة توجور وريلها سلبيات تاع هاد العلاقة لي راهي فيها. و سوغ تحب والديها. املا هنا نتي كلمة كلمة ماماك وباباك هما كلش في دي دنيا من دي لهدرة جبديلها عليهم دايمااا قوليلها والديك راهم دايرين فيك كونفيونس و هاد شي شكيل ف شكيل ومن هاد لهدرة. هادشيرة يلا كان تحبك وعزيزة عليها راح تأتري فيها بزاااف ونتي متمليش من هاد لحكاية ديري مجهودك معاها مام انا عندي بنت خالي هاك. مي راني واقفة معاها و راني نشوف فيها بدات دير عليا خاطر دايرة فيا ثقة ومام جبتالها سياسة مشي خشونية و فل فيس دايما نشوف لبنات حاطين حاحايات تاع لبنات حشاوهاللم شاشرة وريهم ليها و يقوليلها درك مبقاش لامان كاين وحد لحصة تاع ماوراء جدران وراو حكاية تاع بنت تعرفت علا شير و خسرلها حياتها باطل وريهم ليها. بلاك تخاف وتستعقل ونصحية بصلاة خاطر مكانش كيفها وان شاء الله ربي يهديها ^^
 
آخر تعديل:
السلام عليكم
طرح مميز اختي مشكورة على هذا الموضوع :) واصلي (y)
والان نعود لموضوعنا , سن المراهقة وما يفعل وغياب رقابة الآباء للأسف , هذا السن بالذات اللي لازم يتابعو ولادهم وما يديروش فيهم ثقة عميااء
والشاب بعمر 23 سنة وفايتها بحيلة , ولوكان صحبتها مقربة ليها بزاف تقولها وتنصحها , ولكان متخوفة تشوف كاش قريبة لجارتها وتدير فيها ثقة وتحكيلها ولا مكانش تحاول تفتحلها عينيها على الحقيقة مثلا تحطها وين تلقا الشاب هذاك مع وحدة بلاك يهديها ربي , وتقدر تعيط هي لصاحبتها من رقم مجهول وتقولها بلي نعرفك وعلابلي مع من راكي تمشي وهذاك راه مشى معاي ويظل مع البنات فالجامعة بلاك تصدق (راني نخمم مني صح بلاك تصلح الفكرة)
(ختي راني هنا فالمسااعدة ) :)
 
السلام عليكم الحل الوحيد انك تنصحيها وتخبريها واش تعرفي عليه ، والله العظيم حتى ولوكان ماتآمنكش في ذيك اللحظة بصح راح تدير الكلام لي قلتي لها في الحسبان ،كوني شجاعة وخبريها واش تعرفي عليه وقولليلها راكي ديري في حاجة حرام ربي مايرضاش عليك وقوليلها بلي راكي درتي لي عليك ونصحتيها واذا ماسمعتكش لا تلومن إلا نفسها .
 
هنا مدامش مهوش خاطبها لازم تنصحيها بويسك ميعتبرش تفرقة بين الزوجين
شنو هو كتجي تنصحيها جيبيلها الدليل ولا حبيت خلي شخص يتولى هاذ المهمة باش متقولش غرت منها
إتسما هاذ الشخص يخليها تشوف بعينيها كفاه عندو علاقات غرامية مع لبنات
ولا تجي ليا أنا نصحيها ديراكت ولا متقبلتش النصيحة ولا عاداتك لاهي سهل نتي درت واجبك ومع الوقت تفهم بلي عندك الحق
لأنو مش مليحة في حقها كصديقة متنصحيهاش
وتوقعي منها الإيجابي
إتسما قبل تروحي تنصحيها توقعي أنو راح تتقبل النصيحة تاعك
و عرفي كفاه تنصحيها مش تعيطي ولا تزعفي
قوليلها جاية نصحك والله لوكان مجيتيش غالية على قلبي مراح نفكر نصحك
وعلى هاذ المنوال جيبي النصيحة تاعك وربي يسهلك
وأحيي فيك حرصك على صديقتك فالصداقة الحقيقية لاتظهر إلا في مثل هذه المواقف سلام
 
والله راهي مشكلة عامة وانتشرت بكثرة
حكيلها قصص على لي غدروهم الشباب مبعد نصحيها مالغري علابالي ماغاديش دير عليك تقولك واه عندك الصح وغاديا نبطل بصح راهي في سن واعر وتسمع غير صوتها وممكن توصل تكذب عليك تقولك سايي كملت معاه وهي توجور معاه وننصحك ماتخوفيهاش باهلها لانها على حساب حكايتك طائشة وتقولهاله وممكن يديرلك المشاكل هاد الشاب
حكيلها حكايات الحب الفاشلة بلاك تخاف ادا مادارتش عليك يبقالك غير الدعاء ليها وخلاص.... وربي يستر كل ولية.....
 
أنا برأيي حاولي تحكيلها قصة تشبه قصتها وتكون عاقبتها وخيمة ممكن تفيق
والا اذا عندك خوك كبير قوليلها بلي شافك مع الشاب ورايح يقول لباباك بالاك تولي تخاف

 
السلام عليكم ورحمة الله وبركاته

بصراحة الموضوع من كثر ما هو منتشر أصبحنا لا نستطيع النصح والمشكل كل بنت مصاحبة واحد ويكذب عليها باسم الحب والمشاعر وما رافقها من أمور تأمن وتقول أنا ما يصراليش كيف فلانة لي لعبو بيها ويبقى احتمال أنو صح نيتو مليحة معاها ضعيف قدام الاحتمال بالعكس.

والمشكل أنو وقت تنصح وحدة في هذا الموضوع بالذات تحسبك تغيري منها وإذا فكرتيها بربي تشوف ليك كمعقدة يخي عاد لي يخاف ربي معقد وقديم.

انتي حاولي تقوليلها واش تعرفي ع المخلوق هذا وفكريها في عمرها وفكريها واش المشوار لي مازال قدامها باه تقدر تعرف إذا صح ناويها والباقي عليها كل واحد يتحمل مسؤولية نفسو بالآخر.

ربي يهديها صاحبتك.
 
Salam 3alaykoum
Hhhh wana ngoul wchbihoum mawlawch yktbou machakilhoum fmouchkilatiii ah ya khti 3aicha haka!? Hhhh
Ngoulou lkhti l3oudwa lmajhoula had tefla rouhi neshiha bhoudoue goulilha 7edri menou berk wbalaki tgoulilha cheft wgalouli pusq akid wehda mn 2 ima tgoulek lela mouhal wla tgoul fi gelbha kedaba tghir meni
Tani hawli tjebdi sujet goudamha hy tesma3 wnti goulih mtalan kamawdou3 3am beli hram wmakanch kima wehda tkoun m3a rajelh flehlal dirih kamawdou3 blama thessiha beli tma3ni khliha tsm3k berk wkhlas wtani d3ilha rebi yehdiha nchallah dou3ae houwa lhal

Rebi yhafdak khtk wytbtak
 
بارك الله فيكن اخواتي

الاخت قرأت الردود واستفادت كثيرا من النصائح

ربي يوفقها في نصح صديقتها ان شاءالله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top