موسوعة نصائح لمكياج مثالي .......مع زُخْرُفَةٌ

[nina2tessy]

لسلام عليكم زوينات كي راكم ، كيف احوالكم ان شاء الله بخير
قررت ..
بعد ما نشوف كل يوم الكوارث المكياجية
اني نحل موضوع
نحط فيه نصائح باه توصل كل زينونة نهار تحط شوية مكياج تولي بدر البدور
مش قدور
و الناس لي يقولو حنا جماعة التبيعي و خاطينا الكيميائي و المكياج ... حبيتي و لا كرهتي يجي نهار رح ديري مكياج
تروحي لعرس
عروسة ... ها رح تتصدري مصفارة ...
و لا حتى بعد الزواج تتزيني في البيت تاعك
ايا شوية تفاعل و نبدا نحط المكياج المثالي خطوة خطوة
و في كل خطوة نستعرض الأخطاء و الكوارث لكل عمي بوعلام و قدور تديرها
ولا لا لونجة بنت الغول مديرهاش :Love::Love:​

 

[السلطانة]

وعليكم السلام ورحمة الله وبركاته
غير حطيلنا هههه ياريت البنات يتلمو

@لاريمان
@الصحافية الساخرة
@بنقابي افتخر
@بشرى ملاك
@Djaouida
@sanaya
@الورد الأحمر
@آميرته

................ وبقية العضوات

 

[Djaouida]

سلام عليكم
ههههههههههههه ختيتو معاك عمك قدور اون باغسون خخخ لي تعرفيه قوليه انا ختك نخاف نبور ههههههههه سليكنا من غبينة و راني مكفلة هنا اوكي ههههههه

 

[nina2tessy]

ههههههههههه لا حبيبتي انتي مش عمي قدرو ... روحي للمراية و قولي يااااااااااااي محلاني :Love::Love::Love::Love:
شوية تفاعل و نبدا ان شاء الله

 

[sanaya]

سلام عليكم
منكذبش عليك أنا لست مدمنة على المكياج ههههه
وأتوجه أكثر للتجميل الطبيعي
وفي نفس الوقت نموت على الميكاب لأنو يعطي إطلالة ساحرة
يعني ممكن خترتين فالسمانة ندير مايكاب تاع الصح ولوقات لخرين نحب نكون نتيرال ونشالله تفيدينا
وكما قلت ملازمش نتجنبوا المكياج كامل بويسك حاجة لازمة سرتو للمزوجات شنو هو الاستعمال العقلاني والصحيح
ونشالله نستفادو منك
و راني متابعة ختي

 

[لاريمان]

السلام عليكم
شكرا على الدعوة اختي ام ياسمين
ياريت اختي تورينا السر
راني في المتابعة
ربي يجازيك كل خير

 

[بشرى ملاك]

صباح النور
انا من محبي الماكياج بصح نبفي ماكياج سامبل وخفيف كلاااااااااااااااغ

رانا نستنو فيك...

 

[nina2tessy]

نبداو على بركة الله
نقولو عندك يوم محدد رح ديري فيه مكياج
مثال جايك عرس و لا أي مناسبة
كبداية نحطو في راسنا ثلاث قواعد
القاعدة الأولى :
ماكانش انسان يعرف للبشرة تاعك و ووش يوالمك أكثر من نفسك ، فمن المفضل تديري المكياج تاعك بنفسك ماكلاه تمدي لجارتك و للحفافة تبدع فيك ... (درتها مرة في حياتي و ندمت عليها )
القاعدة الثانية : ​

​

المكياج على قد ما يكون قريب للطبيعي على ما قد ما يكون أجمل و أرقى أخطينا من ألوان المرحوم حديدوان​

القاعدة الثالثة :​

​

المكياج المثالي يكمن في البشرة المثالية .... يعني لازم تهتمي بيها شوية ... ديري شوية ماسكات الله الله ، أغسلي بماء الورد ، اشربي الماء ، الأكل الصحي ، استعملي الديتوكس و خلصي الجسم تاعك من السموم​

حطي في بالك يا أيتها الزينونة بلي المكياج لي رح نديروها للزييييينة و ليس لخديعة المؤمنين ههههههه و أصلا كي تبدا تغطي تغطي رح تباني مش طبيعية ، انا الهدف تاعي شوية ألوان تنحيلك الصفورية فقط
ايه و كي قلت تغطي
ارواحي لهنا ، لا نقصد اسمعيني الا حابة تجي مرحبا بيك ههههه
الشعر والشعر و الشعر ، لازم يتنحى ، راكي كي تديري المكياج راهو ميتغطاش ، راهو يزيدة يبان
و الله نشوف بنات يوجعني قلبي ، تلقاها مدايرة فون دو تان و زايدة غوج الافغ الله الله ... هي في بالها راهي شااااابة ... بصح سمحولي ماكانش فرق بينها و بين أبو شهاب .... نحوهم على وجه ربي ... و مش بلا سيغ ... دير التجاعيد و ضر البشرة ... تعلمو نحو بالخيط .... راهي كاين يوتيوب و كاين الانترنت الحمد لله تتعلمو كل شيء
شاركوني بأرائكم و أفكاركم في هاذي النقطة
نكمل ولا منكملش ؟؟؟
​

 

[بشرى ملاك]

نبداو على بركة الله
نقولو عندك يوم محدد رح ديري فيه مكياج
مثال جايك عرس و لا أي مناسبة
كبداية نحطو في راسنا ثلاث قواعد
القاعدة الأولى :
ماكانش انسان يعرف للبشرة تاعك و ووش يوالمك أكثر من نفسك ، فمن المفضل تديري المكياج تاعك بنفسك ماكلاه تمدي لجارتك و للحفافة تبدع فيك ... (درتها مرة في حياتي و ندمت عليها )
القاعدة الثانية : ​

المكياج على قد ما يكون قريب للطبيعي على ما قد ما يكون أجمل و أرقى أخطينا من ألوان المرحوم حديدوان
القاعدة الثالثة :​

المكياج المثالي يكمن في البشرة المثالية .... يعني لازم تهتمي بيها شوية ... ديري شوية ماسكات الله الله ، أغسلي بماء الورد ، اشربي الماء ، الأكل الصحي ، استعملي الديتوكس و خلصي الجسم تاعك من السموم
حطي في بالك يا أيتها الزينونة بلي المكياج لي رح نديروها للزييييينة و ليس لخديعة المؤمنين ههههههه و أصلا كي تبدا تغطي تغطي رح تباني مش طبيعية ، انا الهدف تاعي شوية ألوان تنحيلك الصفورية فقط
ايه و كي قلت تغطي
ارواحي لهنا ، لا نقصد اسمعيني الا حابة تجي مرحبا بيك ههههه
الشعر والشعر و الشعر ، لازم يتنحى ، راكي كي تديري المكياج راهو ميتغطاش ، راهو يزيدة يبان
و الله نشوف بنات يوجعني قلبي ، تلقاها مدايرة فون دو تان و زايدة غوج الافغ الله الله ... هي في بالها راهي شااااابة ... بصح سمحولي ماكانش فرق بينها و بين أبو شهاب .... نحوهم على وجه ربي ... و مش بلا سيغ ... دير التجاعيد و ضر البشرة ... تعلمو نحو بالخيط .... راهي كاين يوتيوب و كاين الانترنت الحمد لله تتعلمو كل شيء
شاركوني بأرائكم و أفكاركم في هاذي النقطة
نكمل ولا منكملش ؟؟؟
​

راكي مليحة كملي

 

[sanaya]

نبداو على بركة الله
نقولو عندك يوم محدد رح ديري فيه مكياج
مثال جايك عرس و لا أي مناسبة
كبداية نحطو في راسنا ثلاث قواعد
القاعدة الأولى :
ماكانش انسان يعرف للبشرة تاعك و ووش يوالمك أكثر من نفسك ، فمن المفضل تديري المكياج تاعك بنفسك ماكلاه تمدي لجارتك و للحفافة تبدع فيك ... (درتها مرة في حياتي و ندمت عليها )
القاعدة الثانية : ​

المكياج على قد ما يكون قريب للطبيعي على ما قد ما يكون أجمل و أرقى أخطينا من ألوان المرحوم حديدوان
القاعدة الثالثة :​

المكياج المثالي يكمن في البشرة المثالية .... يعني لازم تهتمي بيها شوية ... ديري شوية ماسكات الله الله ، أغسلي بماء الورد ، اشربي الماء ، الأكل الصحي ، استعملي الديتوكس و خلصي الجسم تاعك من السموم
حطي في بالك يا أيتها الزينونة بلي المكياج لي رح نديروها للزييييينة و ليس لخديعة المؤمنين ههههههه و أصلا كي تبدا تغطي تغطي رح تباني مش طبيعية ، انا الهدف تاعي شوية ألوان تنحيلك الصفورية فقط
ايه و كي قلت تغطي
ارواحي لهنا ، لا نقصد اسمعيني الا حابة تجي مرحبا بيك ههههه
الشعر والشعر و الشعر ، لازم يتنحى ، راكي كي تديري المكياج راهو ميتغطاش ، راهو يزيدة يبان
و الله نشوف بنات يوجعني قلبي ، تلقاها مدايرة فون دو تان و زايدة غوج الافغ الله الله ... هي في بالها راهي شااااابة ... بصح سمحولي ماكانش فرق بينها و بين أبو شهاب .... نحوهم على وجه ربي ... و مش بلا سيغ ... دير التجاعيد و ضر البشرة ... تعلمو نحو بالخيط .... راهي كاين يوتيوب و كاين الانترنت الحمد لله تتعلمو كل شيء
شاركوني بأرائكم و أفكاركم في هاذي النقطة
نكمل ولا منكملش ؟؟؟
​

راكي فور
شنو هو لاسيغ

 

[الورد الأحمر]

السلام عليكم ورحمة الله وبركاته

ايه غير حطي أكيد إلا ما نستفادو بشي معلومة

في الانتظار

 

[آمِيْرَتُه]

السلام عليك
في المتابعة آختي و مشكورة

 

[nina2tessy]

راكي فور
شنو هو لاسيغ

لا سيغ هي الحلاوة لي تستعمل في نزع الشعر و لا الشمع

 

[zohor kfz]

rana nastanaw fa lba9i ... zidina ... wallahi gjir okhtaki hna 0

 

[nina2tessy]

نكملو البنات بما أنو كاين تفاعل الله الله يفتح النفس
اسمحولي شوية الوقت معنديش مع الامتحانات بصح في خاطركم ولو ما يغلى عليكم

وصلنا قلنا لازم نعتنيو بالبشرة تاعنا

قلنا شوية ماسكات ، على شوية تقشير ( تقشريها مش جوارب ههه )

و لازم تهتمي بالطعام و تعملي ديتوكس

انت لازم ديما تشوفي البشرة تاعك و تحاولي تفهمي هي وش محتاجة ، ترطيب ، بثور و حبوب ؟ حاولي تفهميها و هادا الحاجة متقدريش تفهميها غير بالاهتمام المتواصل
كل واحدة و نوع البشرة تاعها ، رح نمدلكم ماسكات يمشيو مع جميع أنواع البشرة

و بمواد طبيعية و متواجدة في كل منزل بصح هادا في موضوع آخر لأنو حنا رح نحكيو على المكياج

حاليا نبداو بماء الورد ، كل يوم قبل ما ترقدي دير قطنة فيها شوية ماء ورد و مرريها على الوجه و الرقبة و اليدين و الصباح أغسلي

بعدما عرفتي نوع البشرة تاعك و درجة اللون تاعها شريتي مكياج الخاص بيك و استقاملك هاداك الشيء

لازم تعرفي بلي المكياج حاجة شخصية ، تاعك وحدك ، حتى أختك مستعملش معاك ، ممكن كريم الأساس ، لكن خاصة خاصة الماسكارا و أحمر الشفاه ، العين راهي جددددد حساسة و الفم أكثر منطقة مليئة بالمكروبات ، كل وحدة تحكم ميكروباتها أه نقصد الأحمر تاعها ...و لا تروحي لشكون تسلفيه ، و ين علابالك آخر مرة غسلت وجها المخلوقة ... ليس للتجريح ، بصح لازم نخليكم تعيفو باش متمدوش حوايجكم و هاد الشيء ينطبق على الملابس و على الاكسسوارات .. لازم نديرو حملة انتي تسلاف ، لا تسلفي لا يسلفولك

نقولو جاء اليوم الموعود لي ديري فيه مكياج الله الله
الخطوة الأولى ، وش هي ؟ ... لا لا مش كريم أساس ،،، الترطيييب ،،، لازم ديري طبقة خفيفة من كريم مرطب
مش لازم واحد غالي بزاف ... شخصيا نستعمل واحد يدير 150 دج برك ... اسمو سنوناس
إضغط هنا لرؤية الصورة بحجمها الطبيعي.

خليو هاد الخطوة يومية تحت كريم واقي الشمس ... مهم جدااا ا
كيفاش ديري المرطب ، مش تجيبي نصف العلبة و تبداي تحكي
الحك لاااااا ... أولا اذا كانت البشرة تاعك جافة ، رح توجعك
ثانيا اذا كنتي مش مقشرة البشرة تاعك ، هاداك حك رح يقشرها و ممبعد في الأخير تحت الكريم يبانو قشور و الكريم يبان مش مستوي ... علابالي هاد المشكلة يعانيو منها بزااف
المرطب خودي كمية قليلة بين الأصابع تاعك ، حكيها شوية .. شوية مش حتى تروح كامل في يدك ... و مبعد ابداي اضربي بشوية على البشرة تاعك .. بشوية مش تزرقي روحك ... بحيث المرطب يدخل في البشرة و ممبعد مرري اليد نتاعك باش تحصلي على بشرة كاملة مستوية ... ديروها تشوفو الفرق

الخطوة الثانية رح تقولو هاداك لي يغطي العيوب ... PRIMER .... شوفي .... في بلاصة متخسري دراهمك في هاد الحاجة ، اشري كريم أساس يغطي مليح ... انا شخصيا منستعملوش
اذن الخطوة الثانية هي كريم أساس
كريم الأساس لازم تشوفي واحد نفس اللون تع البشرة تاعك .. متبيضيش روحك ... الأوروبيات و الماريكانيات راهم يتقاتلو غير على جال باش تولي عندهم لون البشرة السمراء الحلوة هاديك ....... اللون تاعك كيما خلقك ربي هو لي يوالم ملامحك مش أقل و لا أكثر ... و باش تعرفي .. روحي خودي شوية من الكريم و حطيه على عظم الفك ... يكون عندو نفس لون بشرة الرقبة


ولا كنتي عند الحانوت و حابة تختاري متنحيش حجابك . تقولولي قاتلي هاديك في المنتدى ... روحي ليدك . بصح على ظهر اليد كيما في الصورة

نرجعو درك لكيفاش نديروه ..هل لازم هاديك الاسفنجة لي كيما الدمعة .. بيوتي بلندر زعمة ... شوفي انتي وش يساعدك



كاين بشرة يدخل فيها مليح و كاين بشرة لا .... شخصيا نستعمل هادوك الاسفنجات ، تجي مسطحة و فيهم أشكال عدة ، كاين مربعة كاين دائرية ، هوما عاملينهم لكريم الأساس لي يجي بودرة ،،،،، علابالي 4 منهم ب 250 دج .. هايليين متحقروهمش
و نحط شوية على يدي ، ناخد بالاسفنجة و نبدا نطبطب . ويلا موالفة بيدك كملي بيدك ، متخلي حتى واحد يشوفك بصح ههههههه

نبدا بنصف الوجه ..يعني النيف و الخديدات و نطلع بشوية
و مننساش الرقبة ... حاولو ميكونش كاين فرررق


بعدها
الناس لي عندها مسام مفتوحة ... الا متحبيش يبانو المسام تاعك نمدلك طريقة مليحة
رح نستعمل ريشة تع كريم أساس ، تكون شوية كبيرة لازم ... ملعد نجي في المنطقة لي عندي فيها مسام مفتوحة و ندير حركات دائرية للدخل
دوري ... رح تشوفي الكريم دخل في المسام و زاد غطاها مليح


تفكرو حنا محطيناش PRIMER رح نشوف الأماكن لي فيهم العيوب و نزيد فوقهم طبقة تع كريم أساس الا كان مغطاهمش مليح
مش الوجه كامل ... حنا مش حابين نبانو دايرين ماسك نخلعو لي بيبي

كاين هاديك العفسة السامطة ، بعد ماديري المكياج تاعك و تروحي تسلمي على كاش وحدة و تطبعيلها وجها كامل
ولا تلبسي االملابس تاعك و يبدا يلبز في الدنيا
كيفاه نحلوهاد المشكلة ... متكونش الكمية تع الكريم أكثر من اللازم
و الخطوة الثانية ... ديري كريم أساس بودرة فوق كريم أساس ... ميتحركشششش سر هذا بيني و بينك
مبعد نروحو لتغطية الهالات السوداء
المرة القادمة ان شاء الله​

 

[soumia92]

يعطيك الصحة أختي كملي
نحن في المتابعة..........

 

[{مُدَلَّلَتُهُ}]

السلآم عليكم

الله عليك أختي نينا مواضيعك هايلين

متابعة ليك كاش ما ندي فايدة اختك ما غير الغيسيل و الكحل و الغوج ما تعرف تدير والو خخخخخ

طاgـوني كي تحط الأستااذة الجديد تعيشو خياتي

 

[آمِيْرَتُه]

السلام عليك
مشكورة تجنبي وضع روابط لمنتديات اخرى
تم التعديل

 

[دعاء الجنات]

بارك الله فيك اختي ،والله عجبوني النصائح تاعك وزيديلنا الجديد ،نحن في الإنتظار^^

 

[Cristal BR]

جزاك الله خيرا أختاه على الافادة