ورا الميكرو قلوب تحس تفضلو

[ليليا مرام]

السلام عليكم اهل اللمة
ماجانيش الرقاد ونخمم قلت خلي نديرلكم سوجي
بزاف ناس تشكي من النت ومن فايس ومن امور اخرى واحنا نفسنا علقنا عليهم مي ارواحو نضربو طلة على اروع ناس ورا الشاشات والقلوب اللي وراها



ورا الشاشة نتاع الكمبيزتر والا الهاتف ناس حكات وجع بكينا وناس حكينا وجعنا بكاو في وقت اقرب ناس ليك ما حسوش بيكِِِِِِِ......شوفو الفرق


ورا الشاشة ناس تقلقنا عليهم واستنينا اخبارهم وناس تقلقو علينا ويستنو اخبارنا في وقت تبعث لخوك ويعرف عندك امر مهم ويقولك نسيتك الدنيا تلاهي ......شوفو الفرق


ورا الشاشة ناس تزوجت فرحنا وزغرتنا ودرنا حفلة فعالم افتراضي وتبعنا اخبارهم حتى يزيدو اولادهم والعكس وفالواقع لو تتزوج وحدة حتى ختها تحسدها...... شوفو الفرق
ورا الشاشة اهالي لاعضاء ماتو او اعضاء ماتونحسو العزاء عندنا صدقوني كانت عضوة فمنتدى نعرفها وماتت المنتدى كلو شهور حازن عليها وبكينا فبيوتنا وحتى كانو يعرضوني للاعراس ما نروحش ومرضتنفسيا لوفاتها. وفي حين يموتلك واحد واهلك واقاربك يديرو عرس بحجة الفرح قبل من القرح..... شوفو الفرق


ورا الشاشة ناس عندها قلوب ورحمة مش افتراضية انا عندي اصدق من الواقعية في حين قلوب فالواقع. كحلة كان لازم هي تكون افتراضية


ورا الشاشة ناس صدقوني وبعثوني باه نشوف صحتي في حين اقرب الناس ليا يتفرجو فيا هذو انا عندي هم عمامي وخوالي وخاوتي وخوتاتي احسن من عموم وخوال الواقع .....وشوفو الفرق



وورا الشاشة ناس تحبني ونحبهم
اضعاف من ناسعشنا معاهم


ورا الشاشة عند كل واحد فيكم قصةبكا او فرح تعلق بناس او فارق ناس احكونا خلونا ندو العبرة انو مازال الخير فأمتنا
انو عندنا قلوب مش افتراضية قلوب اصدق من القلوب الواقعية


قصصكم.من ورا الشاشة
شكون اثر فيكم شكون خلاكم تتعلقو وتعرفو اخبارو
رايكم فالكوتي الاجابي نتاع عالم النت

وانا نقولكم.ورا شاشتي عرفت ناس قبلكم اهلي وضفتكم ليهم
ورا الشاشة خاوتي فاللمة نفرح نجي ليهم نبكي نجي ليهم
اثرو فيا بزاف الامين اول واحد بنات بعثولي قصصهم وامنوتي على اسرارهم
ورا الشاشة ازواجي ال 10 ههههه فتحي وجماعتو هههههه
وورا الشاشة الغيورين مني كيما مالك سكر محروق

وورا الشاشة قلوبكم اللي ما تتعوضش
وورا الشاشة عالم اللمة دارنا اللي لامتنا وبابانا فتحي اللي نشوفوه من عيد للعيد


الخط ليكم وشكرا

 

[Skor m@k]

السلام عليكم
هههه في نص الليل مزالكي واء الشاشة ههههه
فكرتيني في مقولة تاع رياض الله يرحمو في كل شيء ممكن هههه
كي يقول من وراء الشاشة رانا موجودين ههههههه
هكذاك صراتك انت بصح مانعرف الى شاشة كبيرة ولا صغيرة تاع تيليفون
ههههه ديجا عندو مودا ظهري ماكلانيش قلت سور ماهيش تقدع فيا الليلوشة هذي هههه
حتى كنت راح نطفي الميكرو وياكلني سبع في ظهري قلت سور هدرو عليا وفي الأخير لقيتك انت هههههههه
آه يا ليلوش واش من حاجات تعلمناهم هنا فاللمة وشحال من أصدقاء لقينا وحكينا معاهم
وخرجنا همومنا وهبالنا معاهم هذي هي اللمة ماتذوق البنة حتى تسجل فيها ههههه
على كل حال ماقدرت نشارك فحتى منتدى آخر بغير اللمة ههههه ماعرفتش علاه ااعضاء مايجونيش كيما هنا
ان شاء الله تكوني بخير وكل الأعضاء
واسمحولنا الى رانا مقصرين في حقكم
​

 

[Salah eddin]

السلام عليكم
اختي مرام ..كلامك صحيح و كاين منو
كانين ناس هنا نحسو بيهم و نتعاطفو معاهم
في حين ناس في الحياة الواقعية ما نحسوش ليهم كيما هاك
و هذا امر كاين منو
لان النية الصافية تلحق تلحق
و القلوب الصافية تتلاقى
....
هذا وش نقول

و الله يدوم المودة و الاحترام بين الجميع
والسلام عليكم
​

 

[Cristal BR]

السلام عليكم
صحيح و الله الشخص صار يفصح عمّا في قلبه لأصحابه في العالم الافتراضي أكثر من الموجودين في واقعه .. أنا شخصيا تكلمت مع اشخاص و قدّموا لي نصائح لا تقدّر بثمن .. ساعدوني في ايجاد الطريق و الخروج من تلك الظلمات حتى صرت لا أستطيع النوم دون الاطمئنان عنهم .. و الله في العائلة لا يهمني لا حياو لا ماتوا .. يعني وين وصلنا شي كارثي .. و هاذوك لي لقيناهم واقفين معانا حتى بدعوة ربي يجازيهم الخير ..
كيما صادفت العديد من الأشخاص لي فتحو قلوبهم في عالم النت و تأثرت بزاف للشي لي عاناو منو و حاولنا نساعدوهم بشتى الطرق .. صرنا ندعيولهم بأي مكان نكونوا فيه .. أحيانا ننساو أنفسنا و نتفكروهم هم .. منهم لي تحسنت أمورهم .. منهم لي مازلنا على تواصل معاهم لحد الآن ..
في اللمة أول شي أثر فيا هوا موضوعك من وين يجي الصبر .. اللي عندو يمدلي
من غير هذا ما قريتش مواضيع أخرى ..
ربي يفرّج على كل واحد ..
اما عن الواقع فتبا لواقعنا و لمن فيه .. من غير والديك واحد ما علابالو بيك .. يحتجّوا بالظروف .... حتان يخلونا نبردو من جيهتهم و تصير أخبارهم لا تهمنا أيضا و منه تنقطع العلاقات ...
لا علينا _ بوركت أختاه على الموضوع .. دمت بخير ..

 

[قلم مغرور]

السلام عليكم ورحمة الله تعالى و بركاته
أولا أحييك صاحبة الموضوع المميز المتفرّد
ما وراء الشاشة عالم من بعد ثالث .
ان كنت أنت كما أنت ستجد وراء الشاشة مثلك او افضل منك .أينما تضع نفسك تجد مثيلتها وافضل .. ومهما صادفت الاقل منك في كل شيئ ليس بالسئ لانه يستفيد منك وتفيد منه .
ما وراء الشاشة إخوة كثر ... تقاسمنا معهم الآلام والأفراح ... نسال عن أحوالهم يوميا ننتظر طلاتهم وينتظرون طلاتنا لنتبتسم وننام .
ما وراء الشاشة مع أناس كانوا نعم الإخوة عالم حولناه الى بيت صغير وقربنا المسافات ... نتكلم بالحروف فيخالجنا الاحساس بأنها كلمات بأصوات ...
من وراء الشاشة أناس من . السلام عليكم يفهمون اننا سعداء او حزنين ... من وراء الشاشة من اهلا نفهم حزنهم .. سعادتهم .. قلقهم ...نرى الحياء ويرونه فينا ..
علاقاتنا تمتنت بالصدق والصراحة المطلقة .بالجدية والسرية ...ما وراء الشاشة تندلع شرارات سوء الفهم بيننا نتالم فنصمت ونحن في شوق ولهفة للتكلم ...
من وراء الشاشة استفدنا من اناس منهم من شكرناهم ومنهم من لم تتح لنا الفرصة ...من ورائها كنا قدوة للآخرين .
من وراء الشاشة عالم اللمة الجديد علي التائه أنا فيه ... والمديرة قالت لي يلزمك 500 مشاركة لتغيير اسمك ..فقط كنت اريده اسم يليق بقلمي وليس بقلبي .
في اللمة اثر في موضوع لاخت نست موضوعها .. وباقي المواضيع لم اطلع عليها لضيق وقتي
في الاخير اتمنى من الله العلي القدير ان تدوم المحبة والود بين الجميع ويجعل هذا الصرح قصرا يلم الجميع .
ولان القلم المغرور من لي بديت نكتب وهو يقولي خليني نهدر كلمة راني نخليه يقول جملة
أتمنى أن تستمتعوا مع رقصات أقلامي :p

 

[جيهان جوجو]

وعليكم السلام ورحمة الله وبركاته
معاك الصح في كل شيء غاليتي ليليا
ماشاءالله كاين ياسر اشخاص نحسوا بالراحة والامان معاهم
نتقاسموا معاهم كل شيء سواءا فرح او حزن
نسقسوا عليهم ويسقسوا علينا وهاذ الشي يفرحنا
لان للاسف دركا كل شيئ تغير الناس ومولاتش تفكر كي بكري راحت النية الصافية
راح الحب والعلاقات المتينة والناس ولات بالوجوه .قليل اللي لباس بيهم
في وجهك يبغووك ويلعبووها يساعدوا فيك ! ومن وراك ياا حسراه يطيحوا يسشفاوا وينشروا الاسرار .الثقة انعدمت خخخ
اهنا في اللمة كاين اخوة واخوات الله يبارك
كل ميجينا مشكل نلقوا لمن نحكوا ونرتاحوا بفضل الله ومن دعوات بظهر الغيب منهم
ربي يدوم محبتنا وجمعتنا
بارك الله فيك وجزاك خيرا على الموضوع ^^
في امان الله
​

 

[sanaya]

عندك الحق حنونة
أنا نهار اللي ضياق عليا الحال و صراولي بزاف مشاكل مع راجلي
فتحت أول صفحة فالفايسبوك و سجلت فاللمة
مع أنو راجلي ممنعنيش نستعمل النت ولكن كنت لاهية ببناتي
صدقيني لقيت صديقة فالفايس متتعوضش بمال الدنيا
بالرغم من أنو بعيدة و مش مسلمة
ولكن وقفت معايا و يماها تاني عرفتني فالوقت اللي حتى واحد علابالو بيا ولا بالحرقة اللي فقلبي
وهنا فاللمة مالڨري مجاتش الفرصة نحكي على واش صرامعايا مي لقيت أخوان وأخوات فالقمة
فريمون حسيتهم يعزوني و هذا شي يفرحني بزاف مام ديفوا نكتب حاجة مقلقتني يعطو ردود تبرد القلب سبحان الله
المهم
ومبعد تسڨمو شويا أوضاعي مي مقدرتش نباعد على اللمة و لا على صاحبتي
وكما قلت النت عندها الجانب الإيجابي مي حنا ديما نشوفوا فالسلبي
مشكورة على موضوعك
سلام

 

[صانعة الإبتسامة]

السلام عليكم اهل اللمة
ماجانيش الرقاد ونخمم قلت خلي نديرلكم سوجي
بزاف ناس تشكي من النت ومن فايس ومن امور اخرى واحنا نفسنا علقنا عليهم مي ارواحو نضربو طلة على اروع ناس ورا الشاشات والقلوب اللي وراها



ورا الشاشة نتاع الكمبيزتر والا الهاتف ناس حكات وجع بكينا وناس حكينا وجعنا بكاو في وقت اقرب ناس ليك ما حسوش بيكِِِِِِِ......شوفو الفرق


ورا الشاشة ناس تقلقنا عليهم واستنينا اخبارهم وناس تقلقو علينا ويستنو اخبارنا في وقت تبعث لخوك ويعرف عندك امر مهم ويقولك نسيتك الدنيا تلاهي ......شوفو الفرق


ورا الشاشة ناس تزوجت فرحنا وزغرتنا ودرنا حفلة فعالم افتراضي وتبعنا اخبارهم حتى يزيدو اولادهم والعكس وفالواقع لو تتزوج وحدة حتى ختها تحسدها...... شوفو الفرق
ورا الشاشة اهالي لاعضاء ماتو او اعضاء ماتونحسو العزاء عندنا صدقوني كانت عضوة فمنتدى نعرفها وماتت المنتدى كلو شهور حازن عليها وبكينا فبيوتنا وحتى كانو يعرضوني للاعراس ما نروحش ومرضتنفسيا لوفاتها. وفي حين يموتلك واحد واهلك واقاربك يديرو عرس بحجة الفرح قبل من القرح..... شوفو الفرق


ورا الشاشة ناس عندها قلوب ورحمة مش افتراضية انا عندي اصدق من الواقعية في حين قلوب فالواقع. كحلة كان لازم هي تكون افتراضية


ورا الشاشة ناس صدقوني وبعثوني باه نشوف صحتي في حين اقرب الناس ليا يتفرجو فيا هذو انا عندي هم عمامي وخوالي وخاوتي وخوتاتي احسن من عموم وخوال الواقع .....وشوفو الفرق



وورا الشاشة ناس تحبني ونحبهم
اضعاف من ناسعشنا معاهم


ورا الشاشة عند كل واحد فيكم قصةبكا او فرح تعلق بناس او فارق ناس احكونا خلونا ندو العبرة انو مازال الخير فأمتنا
انو عندنا قلوب مش افتراضية قلوب اصدق من القلوب الواقعية


قصصكم.من ورا الشاشة
شكون اثر فيكم شكون خلاكم تتعلقو وتعرفو اخبارو
رايكم فالكوتي الاجابي نتاع عالم النت

وانا نقولكم.ورا شاشتي عرفت ناس قبلكم اهلي وضفتكم ليهم
ورا الشاشة خاوتي فاللمة نفرح نجي ليهم نبكي نجي ليهم
اثرو فيا بزاف الامين اول واحد بنات بعثولي قصصهم وامنوتي على اسرارهم
ورا الشاشة ازواجي ال 10 ههههه فتحي وجماعتو هههههه
وورا الشاشة الغيورين مني كيما مالك سكر محروق

وورا الشاشة قلوبكم اللي ما تتعوضش
وورا الشاشة عالم اللمة دارنا اللي لامتنا وبابانا فتحي اللي نشوفوه من عيد للعيد


الخط ليكم وشكرا

حنونتي ليليا...مشكووورة وعندك الحق...أنا ثاني حكيت أوجاعي في هاذ المنتدى وشاركتكم آلامي...وبكيت على قصصكم وضحكت معااكم ..المهم منأذوش بعضانا...ياك رانا خاوة...ونحترم أراء بعضانا...وإن شاء الله منكونش زعفت واحد وأنا مانيش حااسه ...ولي زعفتو يسمحلي

 

[ليليا مرام]

السلام عليكم
هههه في نص الليل مزالكي واء الشاشة ههههه
السلام عليكم
اهلا وسهلا مالك افندي عاش من شافك والا شاف غيرتك
يا سيدي هجرتنا امزيا كي جيت طل علينا على الأقل
ايه نص ليل مازال ورا الشاشة نعس فبلاصتكم ونتوما راقدين


فكرتيني في مقولة تاع رياض الله يرحمو في كل شيء ممكن هههه

هذا الشي حضرت لرياض الله يرحمو وتقول انا صغير ياخي باير

كي يقول من وراء الشاشة رانا موجودين ههههههه
هكذاك صراتك انت بصح مانعرف الى شاشة كبيرة ولا صغيرة تاع تيليفون
المهم شاشة ولوكان تكون نتاع الغراف المهم انا عاستكم

ههههه ديجا عندو مودا ظهري ماكلانيش قلت سور ماهيش تقدع فيا الليلوشة هذي هههه
حتى كنت راح نطفي الميكرو وياكلني سبع في ظهري قلت سور هدرو عليا وفي الأخير لقيتك انت هههههههه

سبع ياكلك ان شاء الله قلنا ما تهدروش على السبع قدامي
ظهرك ياكل روح للحمام جاي لموضوعي ياخي راجل غيور هنا تحرقني باه كان مي بعيدة عليك يا الغيور يا السكر المحروق
آه يا ليلوش واش من حاجات تعلمناهم هنا فاللمة وشحال من أصدقاء لقينا وحكينا معاهم
وخرجنا همومنا وهبالنا معاهم هذي هي اللمة ماتذوق البنة حتى تسجل فيها ههههه
على كل حال ماقدرت نشارك فحتى منتدى آخر بغير اللمة ههههه ماعرفتش علاه ااعضاء مايجونيش كيما هنا
ان شاء الله تكوني بخير وكل الأعضاء
واسمحولنا الى رانا مقصرين في حقكم
​

المهم قتلي ليلوش وكل شي راح
الله صح انا عفت ناس فمنتديات اخرى ولو كل واحد فحالو مي ربي يوفقهم وين كانو وناس مازالت على علاقة بيهم وووجة عضوة رحت لدارهم واهلها كانهم اهلي وعلاقتنا اخوة اي منسبة عندهم يعرضوني
ةهنا راني معروفة كثر من عمو فتحي الله راه روشيرشي من دياراس المنتدى
ايه راك مقصر وما نسمحوش انت خيرت هذا الوقت ورحت وقلت ما نوليش هايا خونا رانا محتاجين نشاط خفو ارجعو بزاف غياب
الحمد لله عرفت واحد مهبول كيما انت كان لازم شوي هبال
ربي يحفظك مالك

 

[ليليا مرام]

السلام عليكم
اختي مرام ..كلامك صحيح و كاين منو
كانين ناس هنا نحسو بيهم و نتعاطفو معاهم
في حين ناس في الحياة الواقعية ما نحسوش ليهم كيما هاك
و هذا امر كاين منو
لان النية الصافية تلحق تلحق
و القلوب الصافية تتلاقى
....
هذا وش نقول

و الله يدوم المودة و الاحترام بين الجميع
والسلام عليكم
​

السلام عليكم أهلا صلوحي
الحمد لله وانت والاهل
ايه قلت كلام شباب ما القلوب والنية تكون صافية اكيد القلوب تتلاقا وياما ناس في حياتنا الواقعية ولانو قلوبهم كحل ربي بعدهم علينا ما نعرفوش الخير من وين يجينا
ربي يحفظك صلاح والحمد لله عرفناكم معرفتكم كنز لينا
آمين
الله يحفظك
وعليكم السلام

 

[ليليا مرام]

السلام عليكم
صحيح و الله الشخص صار يفصح عمّا في قلبه لأصحابه في العالم الافتراضي أكثر من الموجودين في واقعه .. أنا شخصيا تكلمت مع اشخاص و قدّموا لي نصائح لا تقدّر بثمن .. ساعدوني في ايجاد الطريق و الخروج من تلك الظلمات حتى صرت لا أستطيع النوم دون الاطمئنان عنهم .. و الله في العائلة لا يهمني لا حياو لا ماتوا .. يعني وين وصلنا شي كارثي .. و هاذوك لي لقيناهم واقفين معانا حتى بدعوة ربي يجازيهم الخير ..
كيما صادفت العديد من الأشخاص لي فتحو قلوبهم في عالم النت و تأثرت بزاف للشي لي عاناو منو و حاولنا نساعدوهم بشتى الطرق .. صرنا ندعيولهم بأي مكان نكونوا فيه .. أحيانا ننساو أنفسنا و نتفكروهم هم .. منهم لي تحسنت أمورهم .. منهم لي مازلنا على تواصل معاهم لحد الآن ..
في اللمة أول شي أثر فيا هوا موضوعك من وين يجي الصبر .. اللي عندو يمدلي
من غير هذا ما قريتش مواضيع أخرى ..
ربي يفرّج على كل واحد ..
اما عن الواقع فتبا لواقعنا و لمن فيه .. من غير والديك واحد ما علابالو بيك .. يحتجّوا بالظروف .... حتان يخلونا نبردو من جيهتهم و تصير أخبارهم لا تهمنا أيضا و منه تنقطع العلاقات ...
لا علينا _ بوركت أختاه على الموضوع .. دمت بخير ..

السلام عليكم اختي اهلا وسهلا
كلامك صح خاصة انو وقت الضيق تلاقاي ناس ينصحوك وتاكدي نصيحتهم تكون من القلب لانهم بعاد عليك ما عندهم حتى فايدة لما يأذوك فاكيد نصيحتهم مهما كانت انا نشوفها صادقة بعكس فالواقع ممكن انسان يغير منك يجي ننصحك بالعكس حتى ما يشوفكش ناجحة او يشوفك فالظلام ويكمل يرميك فيه وهذا الفرق بين الواقعي والافتراضي
بارك الله فيك وعلى تفاعلك فموضوعي جزاك الله كل خير
شكرا جزاك الله كل خير

 

[ليليا مرام]

السلام عليكم ورحمة الله تعالى و بركاته
أولا أحييك صاحبة الموضوع المميز المتفرّد

السلام عليكم اخي ضحية قلب جزاك الله كل خير على رأيك بالموضوع

ما وراء الشاشة عالم من بعد ثالث .
ان كنت أنت كما أنت ستجد وراء الشاشة مثلك او افضل منك .أينما تضع نفسك تجد مثيلتها وافضل .. ومهما صادفت الاقل منك في كل شيئ ليس بالسئ لانه يستفيد منك وتفيد منه .
ما وراء الشاشة إخوة كثر ... تقاسمنا معهم الآلام والأفراح ... نسال عن أحوالهم يوميا ننتظر طلاتهم وينتظرون طلاتنا لنتبتسم وننام .
ما وراء الشاشة مع أناس كانوا نعم الإخوة عالم حولناه الى بيت صغير وقربنا المسافات ... نتكلم بالحروف فيخالجنا الاحساس بأنها كلمات بأصوات ...
من وراء الشاشة أناس من . السلام عليكم يفهمون اننا سعداء او حزنين ... من وراء الشاشة من اهلا نفهم حزنهم .. سعادتهم .. قلقهم ...نرى الحياء ويرونه فينا ..
علاقاتنا تمتنت بالصدق والصراحة المطلقة .بالجدية والسرية ...ما وراء الشاشة تندلع شرارات سوء الفهم بيننا نتالم فنصمت ونحن في شوق ولهفة للتكلم ...
من وراء الشاشة استفدنا من اناس منهم من شكرناهم ومنهم من لم تتح لنا الفرصة ...من ورائها كنا قدوة للآخرين .
من وراء الشاشة عالم اللمة الجديد علي التائه أنا فيه ... والمديرة قالت لي يلزمك 500 مشاركة لتغيير اسمك ..فقط كنت اريده اسم يليق بقلمي وليس بقلبي .

راح توالف اللمة الجديدة واحنا ما حبيناش الشكل فالاول مي ضك نشوفو مليح وفيه بزاف امور تفيد وساهلة الاستعمال
اما علاقة اسمك بقلبك فربما مكتوب انو يبقى اسمك ضحية قلب وانا عاجبني لانو فعلا شعال من مرة كنا ضحايا لقلبنا اللي تقل نمدو للكلب ياكلو هههه حاشاكم

في اللمة اثر في موضوع لاخت نست موضوعها .. وباقي المواضيع لم اطلع عليها لضيق وقتي
في الاخير اتمنى من الله العلي القدير ان تدوم المحبة والود بين الجميع ويجعل هذا الصرح قصرا يلم الجميع .
ولان القلم المغرور من لي بديت نكتب وهو يقولي خليني نهدر كلمة راني نخليه يقول جملة
أتمنى أن تستمتعوا مع رقصات أقلامي :p

شكون هذي الاخت اللي نست موضوعها هههه هذي عندها زهايمر
امين يا رب واقلامك رقصو واحنا صفقنا
ربي يحفظك

 

[ليليا مرام]

وعليكم السلام ورحمة الله وبركاته
معاك الصح في كل شيء غاليتي ليليا
ماشاءالله كاين ياسر اشخاص نحسوا بالراحة والامان معاهم
نتقاسموا معاهم كل شيء سواءا فرح او حزن
نسقسوا عليهم ويسقسوا علينا وهاذ الشي يفرحنا
لان للاسف دركا كل شيئ تغير الناس ومولاتش تفكر كي بكري راحت النية الصافية
راح الحب والعلاقات المتينة والناس ولات بالوجوه .قليل اللي لباس بيهم
في وجهك يبغووك ويلعبووها يساعدوا فيك ! ومن وراك ياا حسراه يطيحوا يسشفاوا وينشروا الاسرار .الثقة انعدمت خخخ
اهنا في اللمة كاين اخوة واخوات الله يبارك
كل ميجينا مشكل نلقوا لمن نحكوا ونرتاحوا بفضل الله ومن دعوات بظهر الغيب منهم
ربي يدوم محبتنا وجمعتنا
بارك الله فيك وجزاك خيرا على الموضوع ^^
في امان الله
​

السلام عليكم جيهان اهلا وسهلا
الله فعلا اللي وجعونا هم ناس عشنا معاهم سواء جيران والا اهل والا صحابات الاذى ماجانش من ناس ورا الشاشات على العكس كل واحد بهمو وكل واحد يجي هنا او فالفايس يرمي همو ويحكي مع اناس جدد حتى يحس انو عندو قيمة ما لقاهاش حتى وسط اهلو
انا والله ما نشوف فالنت امور سلبية بقدر ما نشوفها امر اجابي انو نتعرفو على ناس وندخلو عالم خاص بينا على الاقل الواحد يهرب من واقع مر
امين الله يدوم اللمة اللي تتزوج ربي يهنيها وما تنساناش واللي مريض ربي يشفيه واللي خدام ربي يعاونو مهم نلقاو وقت ونتلمو هنا
وفيك بارك الرحمن شكرا جيهان

 

[ليليا مرام]

عندك الحق حنونة
أنا نهار اللي ضياق عليا الحال و صراولي بزاف مشاكل مع راجلي
فتحت أول صفحة فالفايسبوك و سجلت فاللمة
مع أنو راجلي ممنعنيش نستعمل النت ولكن كنت لاهية ببناتي
صدقيني لقيت صديقة فالفايس متتعوضش بمال الدنيا
بالرغم من أنو بعيدة و مش مسلمة
ولكن وقفت معايا و يماها تاني عرفتني فالوقت اللي حتى واحد علابالو بيا ولا بالحرقة اللي فقلبي
وهنا فاللمة مالڨري مجاتش الفرصة نحكي على واش صرامعايا مي لقيت أخوان وأخوات فالقمة
فريمون حسيتهم يعزوني و هذا شي يفرحني بزاف مام ديفوا نكتب حاجة مقلقتني يعطو ردود تبرد القلب سبحان الله
المهم
ومبعد تسڨمو شويا أوضاعي مي مقدرتش نباعد على اللمة و لا على صاحبتي
وكما قلت النت عندها الجانب الإيجابي مي حنا ديما نشوفوا فالسلبي
مشكورة على موضوعك
سلام

السلام عليكم سنايا اهلا وسهلا
والله حتى انا صرالي كيما انت عندي صديقة عرفتها فمنتدى ما نقلش صديقة نقول اختي نروح لدارهم نضيف وباباها يقول ما طبطبيش فالباب انت وحدة من بناتي والله صدقيني الكلام هذا ما سمعتو من عمومي ووقفت معايا هي واهلها وديما يسقسو عليا خوتاتها متزوجات كل وحدة فدارها ويعيطولي فالتلفون ويسقسو عليا يعني نعم الاهل ونعتبرهم اهلي
ايه تفرحي لما تحسي روحك فبلاصة ناس من كل ولاية ويحبوك حب صادق ويتقلقو علي ويسقسو وينصحوك ويهمهم امرك بعكس الواقع اللي لافامي الكل تستنى في حاجة غير باه تستشفا وعلى هذا قلت النت فيها امور اجابية مش غير الامور السلبية
ان شاء الله امورك استقرت ةيا رب تتهناي في حياتك والصبر كل دار فيها مشاكل وربي يحفظ بناتك المهم كوني قافزة واعرفي ترتاحي فدارك وتحافظي على اسرتك
العفو شكرا لك

 

[ليليا مرام]

حنونتي ليليا...مشكووورة وعندك الحق...أنا ثاني حكيت أوجاعي في هاذ المنتدى وشاركتكم آلامي...وبكيت على قصصكم وضحكت معااكم ..المهم منأذوش بعضانا...ياك رانا خاوة...ونحترم أراء بعضانا...وإن شاء الله منكونش زعفت واحد وأنا مانيش حااسه ...ولي زعفتو يسمحلي

السلام عليكم صفاء
لالا الله لا يجعلنا نأذوبعضانا لالا انا كنت نشارك فمنتديا ت وتشوفي الهمس واللمس الكلام فالخفاء وواحد يحفر لاخر وهذا خلاني نبعد ونجبد روحي بعكس هنا الكل واضح وصريح نضحكو ووقت المواضيع نكتب ونتلمو في فرح او قرح الله يجعل ايامنا كلها افراح
الحمد لله صح لمة واسمها لمة نتاع الصح لانها تجمع ما تفرق
اتنا زعفتيني وما نسامحش خاطر راح نذبحك على حكيم هههه
شكرا

 

[Hakan]

اهلا بيك ياليليا ختي والله ياعالم النت شيء عجب صرااحة
واكيد الخير في الامة مازال وكذالك في اهل الواقع
لكن في النت شيء خااص ومميز وهو العفوية اللي مكانش بالاك في الوااقع
يعني تحكي واش تحب ووقت ما تحب وحتى وااحد ما يقلك علاه
صرااحة انا قبل لا نسجل في اللمة سجلت في منتدى صنعو صاحبي وكان فيه تقريبا 5000 عضو الا مارانيش غالط
ومن ثم بدات مسيرة تعلقي بالمنتديات وتعرفت من خلال هذا المنتدى على صاحبي لانتيم والحمد لله يسكن في المدينة نتاعي
يعزني ونعزو وغير هو اللي نمشي معاه
اما الناس اللي عشقناهم من خلف الشاشات كثيرين ولحد الىن نذكر اسمائهم كاين عضويات لحد الآن مانيش ناسيها وتعنيلي الكثير منهم
على سبيل الذكر :
الاخ نور الاسلام
الاخ شاعر الوجع
الاخ سيد
والاخ نور العيون
وكاين اخوات وابدا باولهن
الاخت روح الجنة الاسم الجديد نتاعها كان ملكة التفاؤل
الاخت رهف
الاخت عاشقة الرياضيات
الاخت نجمة نجومة
يعني هذو اذا نسيتهم نقطع يديا
اما الاخوة هنااا
اكيد مازالهم في الذاككرة ويعرفو كذالك معزتهم عندي يبقى المشكل الوحيد في عالم النت
واللي هو الاخواات يعني تعرف اخت وتتعلق بيهاا كانسانة بعيدا عن سوء الضن
هيا من بعد تتزوج هي او يصرى عندها مشكل ما تقدرش تتواصل معاها وتقعدلك حرقة في قلبك
نحكيلكم قصة تحبو تامنوها تحبو لا ربي يسهل عليكم
كانت اخت ليا في المنتدى الاول خرجت منو وانقطعت اخبارها عني يعني ما تحملتش والحمد لله
كانت عاطيتلي اسمها الحقيقي ولقبها الحقيقي وحد النهار قررت نروح نتقصى اخبارها وبالفعل رحت للجامعة
وحاليا راهي تقرى طب سنة 5 رحت قريت الافيشاج نتاعهم مالغري ما نعرفها لا في وجه لا في صوت يعني مجرد
ردود في المنتدى ونهار شفت الاسم نتاعها في الافيشااج بكيت من الفرحة وقلت الحمد لله راهي بخير
ولكن مداتش نقطة مليحة في موديل طب الاطفال 5.5 هههه هيا ومن بعد كي طمنت عليها هزيت روحي
كنت حاب نتقصى عليها ونسقسي عليها لكن بما انو احنا مسلمين واكيد حساسية الطفلة كبيرة
قلت نديرلها مشكل والناس ما ترحمش هيا رفدت روحي وقلت في قلبي يا .... راني مشيت في الارض نتاعك
وراني سقسيت عليك رغم كل شيء وكل عااائق فقط باش تعرفو انو الوفااء في عالم النت منقطع النظير
اما الذكووور الحمد لله تلاقيت شحال مع وااحد ورانا متواصلين معاهم بالتيليفون وبالفايسبوك يسقسو عليا ونسقسي عليهم
وربي يخلي اللمة واهلها ويجعلنا في حسن ظن الجميع ​

 

[لؤلؤة قسنطينة]

السلام عليكم
اييييه يا ختي ليليا بلا مانحكي اصلا والله كي نبدا نجبد على المشاعر هادو نولي نتنهد وحدي ههههه
شوفي في الفايس بوك تعرفت على بعض البنات وكلشي بصح ديما الفايس بوك تلقاي العبد يتحسس منو
اما هنا في اللمة والله والله والله ثلاث مرات غير اللمة وأهلها جزء من قلبي يعلم ربي شحال نحبها ونعز ناسها
وكاينة واحد الحاجة مرة صراتلي وكتبت عليها في المدونة تاعي، مرة قاعدة وحدي هكا نخمم في الناس لي فاقدين البصر مساكن
قلت ايماجيني ربي يحرمنا من هاد النعمة قلت ايماجيني مانزيدش نشوف ماما مانزيدش نشوف بابا مانزيدش نشوف ختي
قلت نسمع غير صوتهم ومن بعد قلت اذا والديا نسمع صوتهم بصح ناس اللمة كيفاه ندير؟ مانقدر نسمعهم ولا نقرا كلامهم
صدقيني شبعت بكا هههههه والناس كامل يعرفوني بكاية من الكبار هههه يعني لدرجة صح البلاصة هادي عزيزة عليا
ودرك لدرجة الاخوة والاخوات قراب لينا بزاف عدت كلما نقرا خبر في التلفاز على منطقة معينة مثلا نقولو حريق في ولاية معينة
طول يجيني في بالي العضو ولا العضوة لي يسكنو في هاديك الولاية نولي نجري نكونيكتي غير نشوف العضو (ة) كونيكتا ولا كونيكتات
نتطمن اما اذا لقيتهم ماكانش نهبل ههههه نولي غير ندعي في ربي، اصلا هنا في اللمة تشاركنا مشاكلنا وهمومنا واسرارنا وافراحنا
بالاك كن تحكمي عبد من اللمة تسقسيه عليا يعطيك معلومات لي مايعرفوهمش ناس يعرفوني في الواقع خاطر خلاص ولينا عايلة وحدة
ناقصتنا نقمة وحدة ونوليو خاوة صح هههه، وللآن مازلنا لما واحد يمرض نتقلقو عليه ولي حزين نبكيو معاه ولي فرحان نفرحو معاه
كاين قيم بزااف جامعتنا هنا في اللمة وان شاء الله ماتضيعش مع انو رايح يجي يوم بالاك كل شخص يشوف حياتو بصح اللحظات
هادي والله تبقى في قلوبنا للأبد (اصلا راني رايحة نبدا نبكي بعد مانتحملش هاد الكلام هههه)
ربي يخلينا لبعض كإخوة وكيد واحدة وربي يحملينا اللمة لي جمعتنا
المهم نحبس هنا خاطر كن نكمل اني علابالي مانسكتش هههه وراني نستنا في رمضان غير على اللمة الطيبة لي تجمعنا
ورمضان كريم مسبقا على كل اهل اللمة ربي يوفقنا جميعا للخير
هيا بزاف هههه (ماتزيديش ديريلي مواضيع كيما هكا علابالك سبيسياليتي تاعي ههه)
تحياتي​

 

[zohor kfz]

sa7 lsanki 7abibti
wallahi kont matmanya natla9a bnas kimaantoma fi 2ard elwa9i3 lakin mayhamch elmohim rana m3a ba3d 7ata wala fi 3alam iftiradi
nafra7 man 9albi ki nchofkom far7anin
w nbat nkhamam 3la kol wa7ad 7zin
w rabi chahad fi kol sojod 9bal manad3i lro7i nad3ilkom antom 9bal
rabi yajma3na fi elfirdaws el2a3la kima jm3ana fi ellama ya rab

 

[الورد الأحمر]

السلام عليكم ورحمة الله وبركاته

ايه يا لييا صح كاين منها من وا الشاشة كاين ناس حسو بينا وحسينا بيهم بصح في الواقع تلقى أقرب الناس ليك ما يحسوش بيك وممكن حتى احنا ما نحسوش بيهم.

من وراء الشاشة تعرفت على ناس بزاف منهم لي نفتخر بمعرفتي بيهم ومنهم لي ندمت لي عرفتهم ومنهم لي ندمت لي خسرتهم ومنهم لي لليوم مازالني نعرفهم ومنهم لي صارو أعز ناس لقلبي ومنهم لي صارت أقرب صديقة ليا.

وكي نقول وراء الشاشة تجيني في بالي غير اللمة على خاطر ما تفاعلت مع ناس من غير ناسها وضحكت فيها وبكيت فيها وتبهدلت في سبتها مي الحمد لله في الدنيا هذي كل واحد يمدلو ربي على قد نيتو وعلى قد قلبو.

الله يهني كل إنسان وراء الشاشة يقرا في ردي والله يحفظك أختي ليليا ويشفيك والله يحفظ كل أهل اللمة ومشكورة ع الموضوع.

 

[باتنية و نص]

سلام عليكم
كيما يقول الڨاوري : Ne me parle pas de la nostalgie..parce ke jt'avoue ke mon coeur est trop fragile ^^
نقطة ضعفي هكذا مواضيع..بما أنني نعشق البكاء على الأطلال
تنهدت لوهلة عند قراءة كلماتك
تعرفنا من وراء الشاشة على شخصيات متنوعة
جميعها ترك فينا اثرا سواء كان سلبيا او ايجابيا
وراء الشاشة...أشخاص عشنا معهم حياتهم الخاصة وتقاسموا معنا اسرارا لم نتجرأ على البوح بها لهؤلااء الذين يجمعنا بهم الواقع
وراء الشاشة ...اشخاص تربطنا بهم مجرد حروف..لكنهم أقرب إلينا من أنفسنا
وراء الشاشة ...أشخاص فرحوا لفرحنا وشاركونا أحزاننا...كانوا لنا داء ودواء في آن واحد
وراء الشاشة..أشخاص جعلونا نضع ايدينا على افواهنا من فرط الضحك...واشخاص ارغمونا على وضع ايدينا على افواهنا خشية ان يسمعنا احدهم ونحن نبكي بسببهم
وراء الشاشة ...اشخاص كانو أحباء وصاروا ثقلاء على القلوب...بل اضحوا مجرد ا ذكرى
وأصدقاء لازالوا على العهد باقون
وراء هذه الشاشة...عالم لا نهاية له
تحياتي