ورا الميكرو قلوب تحس تفضلو

[حلم كبير]

السلام عليكم و رحمه الله تعالى وبركاته

أختي الفاضلة بارك الله فيك على الموضوع الرائع
أتحدث على نفسي شاركت في منتدى خليجي منذ ست أو سبع سنوات ،وانسحبت بعد أن حدثت لي مشاكل ووووو
وانقطعت عن النت لم أضع حساب فايسبوك ولا تويتر ولا .....
انقطاع تام حتى قررت أن أنظم الى منتدى جزائري لأتواصل مع إخوتي وأخواتي وأعرف أخبار بلادي ،وأفيد وأستفيد .
في يوم 24-12-2016 ڨعدت نحوس على منتدى جزائري كبير باه ندخل ونسجل ، وكي كتبت في النت منتدى جزائري ،خرجلي منتدى اللمة الجزائرية ،وسجلت فعلا ولقيت روحي بيناتكم .
لڨيت فيكم كل ما هو رائع وجميل ،لڨيت لمة المثقفين والمفكرين والمبدعين .
وعندي لحد الان خمس أشهر في النت فقط بصح ما شاء الله ،تعلمت حوايج بزاف ،وفرغت ڨلبي بالشي اللي قدرت
وحسيت بكل كلمة تڨالت هنا ،وتفاعلت معاكم وكأني نعرف الجميع من قبل
ختي تجربتي مع النت عمرها خمس أشهر فقط ،بصح ما شاء الله ربحت إخوة واخوات يثقلو بالذهب
بارك الله فيك
تقبلي مروري مع فائق الاحترام والتقدير
حلم كبير​

 

[ليليا مرام]

اهلا بيك ياليليا ختي والله ياعالم النت شيء عجب صرااحة
واكيد الخير في الامة مازال وكذالك في اهل الواقع
لكن في النت شيء خااص ومميز وهو العفوية اللي مكانش بالاك في الوااقع
يعني تحكي واش تحب ووقت ما تحب وحتى وااحد ما يقلك علاه
صرااحة انا قبل لا نسجل في اللمة سجلت في منتدى صنعو صاحبي وكان فيه تقريبا 5000 عضو الا مارانيش غالط
ومن ثم بدات مسيرة تعلقي بالمنتديات وتعرفت من خلال هذا المنتدى على صاحبي لانتيم والحمد لله يسكن في المدينة نتاعي
يعزني ونعزو وغير هو اللي نمشي معاه
اما الناس اللي عشقناهم من خلف الشاشات كثيرين ولحد الىن نذكر اسمائهم كاين عضويات لحد الآن مانيش ناسيها وتعنيلي الكثير منهم
على سبيل الذكر :
الاخ نور الاسلام
الاخ شاعر الوجع
الاخ سيد
والاخ نور العيون
وكاين اخوات وابدا باولهن
الاخت روح الجنة الاسم الجديد نتاعها كان ملكة التفاؤل
الاخت رهف
الاخت عاشقة الرياضيات
الاخت نجمة نجومة
يعني هذو اذا نسيتهم نقطع يديا
اما الاخوة هنااا
اكيد مازالهم في الذاككرة ويعرفو كذالك معزتهم عندي يبقى المشكل الوحيد في عالم النت
واللي هو الاخواات يعني تعرف اخت وتتعلق بيهاا كانسانة بعيدا عن سوء الضن
هيا من بعد تتزوج هي او يصرى عندها مشكل ما تقدرش تتواصل معاها وتقعدلك حرقة في قلبك
نحكيلكم قصة تحبو تامنوها تحبو لا ربي يسهل عليكم
كانت اخت ليا في المنتدى الاول خرجت منو وانقطعت اخبارها عني يعني ما تحملتش والحمد لله
كانت عاطيتلي اسمها الحقيقي ولقبها الحقيقي وحد النهار قررت نروح نتقصى اخبارها وبالفعل رحت للجامعة
وحاليا راهي تقرى طب سنة 5 رحت قريت الافيشاج نتاعهم مالغري ما نعرفها لا في وجه لا في صوت يعني مجرد
ردود في المنتدى ونهار شفت الاسم نتاعها في الافيشااج بكيت من الفرحة وقلت الحمد لله راهي بخير
ولكن مداتش نقطة مليحة في موديل طب الاطفال 5.5 هههه هيا ومن بعد كي طمنت عليها هزيت روحي
كنت حاب نتقصى عليها ونسقسي عليها لكن بما انو احنا مسلمين واكيد حساسية الطفلة كبيرة
قلت نديرلها مشكل والناس ما ترحمش هيا رفدت روحي وقلت في قلبي يا .... راني مشيت في الارض نتاعك
وراني سقسيت عليك رغم كل شيء وكل عااائق فقط باش تعرفو انو الوفااء في عالم النت منقطع النظير
اما الذكووور الحمد لله تلاقيت شحال مع وااحد ورانا متواصلين معاهم بالتيليفون وبالفايسبوك يسقسو عليا ونسقسي عليهم
وربي يخلي اللمة واهلها ويجعلنا في حسن ظن الجميع ​

السلام عليكم خويا حكيم
والله خليني اول شي نروح لآخر ردك لانو عجبني بزاف تبارك الله يا حكيم اصيل والله صدقني درت امر والله اسيدي تقول تركي مش جزائري انو صديقة تروح وتسقسي عليها بلاما هي تفيق وتفرح لانو لقيتها بخير سبحان الله هذا المعنى الحقيقي للوفاء تبارك الله يا حكيم
فعلا ناس عرفناهم رجعو كل شي في حياتنا ووالفناهم ولما يغيبو ننظرو خلينا من سوء الظن واحنا شعب يشوف فجهو فالمرايا يشك فيه ذي انا نحطها على جنب نشوف للوفاء للاخوة نشوف لمشاعر حقيقية صادقة بعيدة على خبث العباد وفهمهم الناقص
انا ثاني تلاقيت اخ نعم الاخ ورحت لدارهم ما ولدت مرتو ونحكي معاه فالهاتف مع زوجتو وامو وليومنا علاقة اخوة عندها سنوات وجليل صديق ليا من حوالي سنوات خويا جليل مش صديق والبنات كاين اخت نروح لدارهم وحكيت عيها هذيك ثاني اختي وبزاف بزاف عرفتهم من قبل خاوتي ونحبهم ونفرح لفرحهم ونبكي عليهم لما يصرالهم شي ونتوما وليتو جزء مني ونتقلق لو واحد فيكم صرالو شي ونفرح ونستنى وينتا تتزوجو ونحس خويا اللي تزوج والبنات والله نفرح ما تعرفش قداش نستنى فبشرى ملاك تولد وتكون بخير لانو ولينا خاوتات
الله يخلي اللمة ويجمعنا فالخير يا رب
بارك الله فيك

 

[Oussama.GF]

لي عودة اعدك اختي

 

[ليليا مرام]

السلام عليكم


السلام عليكم مريومة واش راكي

اييييه يا ختي ليليا بلا مانحكي اصلا والله كي نبدا نجبد على المشاعر هادو نولي نتنهد وحدي ههههه
شوفي في الفايس بوك تعرفت على بعض البنات وكلشي بصح ديما الفايس بوك تلقاي العبد يتحسس منو
اما هنا في اللمة والله والله والله ثلاث مرات غير اللمة وأهلها جزء من قلبي يعلم ربي شحال نحبها ونعز ناسها
وكاينة واحد الحاجة مرة صراتلي وكتبت عليها في المدونة تاعي، مرة قاعدة وحدي هكا نخمم في الناس لي فاقدين البصر مساكن
قلت ايماجيني ربي يحرمنا من هاد النعمة قلت ايماجيني مانزيدش نشوف ماما مانزيدش نشوف بابا مانزيدش نشوف ختي
قلت نسمع غير صوتهم ومن بعد قلت اذا والديا نسمع صوتهم بصح ناس اللمة كيفاه ندير؟ مانقدر نسمعهم ولا نقرا كلامهم
صدقيني شبعت بكا هههههه والناس كامل يعرفوني بكاية من الكبار هههه يعني لدرجة صح البلاصة هادي عزيزة عليا


ويا وحد البكاية بعيد الشر عليك يا حوجي نمدك عين ونبقى بعين حتى انا كل شي رشا وراح خلي نمدلك عينيا وانا ما عنديش شكون نشوف نورمال
شفتي الواحد يخمد ربي الف مرة لمجرد التخيل ما قدرتيش يحسن عون خاوتنا المكفوفين والله ربي معاهم
ايه ما تخميش حنا نجيرو جزء نسموه السمعي البصري نسجلو الأصوات غير ما تخميش اوبسيو جديدة يزيدهالكم فتوحي ههههه

ودرك لدرجة الاخوة والاخوات قراب لينا بزاف عدت كلما نقرا خبر في التلفاز على منطقة معينة مثلا نقولو حريق في ولاية معينة
طول يجيني في بالي العضو ولا العضوة لي يسكنو في هاديك الولاية نولي نجري نكونيكتي غير نشوف العضو (ة) كونيكتا ولا كونيكتات
نتطمن اما اذا لقيتهم ماكانش نهبل ههههه نولي غير ندعي في ربي، اصلا هنا في اللمة تشاركنا مشاكلنا وهمومنا واسرارنا وافراحنا
بالاك كن تحكمي عبد من اللمة تسقسيه عليا يعطيك معلومات لي مايعرفوهمش ناس يعرفوني في الواقع خاطر خلاص ولينا عايلة وحدة
ناقصتنا نقمة وحدة ونوليو خاوة صح هههه، وللآن مازلنا لما واحد يمرض نتقلقو عليه ولي حزين نبكيو معاه ولي فرحان نفرحو معاه
كاين قيم بزااف جامعتنا هنا في اللمة وان شاء الله ماتضيعش مع انو رايح يجي يوم بالاك كل شخص يشوف حياتو بصح اللحظات
هادي والله تبقى في قلوبنا للأبد (اصلا راني رايحة نبدا نبكي بعد مانتحملش هاد الكلام هههه)
ربي يخلينا لبعض كإخوة وكيد واحدة وربي يحملينا اللمة لي جمعتنا
المهم نحبس هنا خاطر كن نكمل اني علابالي مانسكتش هههه وراني نستنا في رمضان غير على اللمة الطيبة لي تجمعنا
ورمضان كريم مسبقا على كل اهل اللمة ربي يوفقنا جميعا للخير
هيا بزاف هههه (ماتزيديش ديريلي مواضيع كيما هكا علابالك سبيسياليتي تاعي ههه)
تحياتي​

وانا علاه درت الموضوع لازملي نشوف واحد المترا رد نتاعك باه نرتاح ههههه يا مريومة يا معليكش الحلوة
الراجل اللي راح يدي مريم لازملو مهر كاميو نتاع بابي مشوار من النوع الرفيع اللي يشرب الدموع ههههه لانو راح يعاني من حساسيتها مسكين ربي يكون معاه يعطس تولي مريمة تبكي ههههه
تؤبشيني شو حنونة
والله رانا خوتات ونا صح كلما نشوف حادث او شي نجي نشوف ونخمم ونحتار والفتكم الله وكل وحدة فيكم عندها بلاصة عندي واكيد ازواجي ال ربي يخليهملي ههههه هوما الاولين ههه
وتحياتي يا الغالية

 

[ليليا مرام]

sa7 lsanki 7abibti
wallahi kont matmanya natla9a bnas kimaantoma fi 2ard elwa9i3 lakin mayhamch elmohim rana m3a ba3d 7ata wala fi 3alam iftiradi
nafra7 man 9albi ki nchofkom far7anin
w nbat nkhamam 3la kol wa7ad 7zin
w rabi chahad fi kol sojod 9bal manad3i lro7i nad3ilkom antom 9bal
rabi yajma3na fi elfirdaws el2a3la kima jm3ana fi ellama ya rab

السلام عليكم اهلا وسهلا زهور نورتيني اختي
ان شاء الله نتلاقو فالجنة يا رب
قلبك الطيب يخليك تدعينا وانت تدعيلك الملايكة في غيابنا وربي يفرحكم كلكم وانا ديما ندعيلكم كلكم ونحبكم لما يقولو تلمسان نتفكرك ومليكة واخ ليا كان فمنتدى اخر وختنا ام منير سيدتنا الفاضلة ولما نقول وهرن نتفكر هبة وحسين وختها وزاف ناس وهن
وبالعباس خويا الحبيب وسعيدة سمسمومة وقسنطينة مريومة وتبسة محمد وبزاف صديقاتي من تبسة نبيل ربي يحفظو صديق ليا من سنوات من تبسة اغلى الناس عندي وبزاف وسارة كنت نفوت عيها نتفكر حكيم ونقول وين راه نشوفو والجلفة صلوحي يؤبش عظامي
يعني فكل ولاية كيما قال حكيم تدخلها تتفكر اللمة ديركت
الله يخلي لمتنا لمة احباب فالجنة يا رب
شكرا

 

[ليليا مرام]

السلام عليكم ورحمة الله وبركاته

ايه يا لييا صح كاين منها من وا الشاشة كاين ناس حسو بينا وحسينا بيهم بصح في الواقع تلقى أقرب الناس ليك ما يحسوش بيك وممكن حتى احنا ما نحسوش بيهم.

من وراء الشاشة تعرفت على ناس بزاف منهم لي نفتخر بمعرفتي بيهم ومنهم لي ندمت لي عرفتهم ومنهم لي ندمت لي خسرتهم ومنهم لي لليوم مازالني نعرفهم ومنهم لي صارو أعز ناس لقلبي ومنهم لي صارت أقرب صديقة ليا.

وكي نقول وراء الشاشة تجيني في بالي غير اللمة على خاطر ما تفاعلت مع ناس من غير ناسها وضحكت فيها وبكيت فيها وتبهدلت في سبتها مي الحمد لله في الدنيا هذي كل واحد يمدلو ربي على قد نيتو وعلى قد قلبو.

الله يهني كل إنسان وراء الشاشة يقرا في ردي والله يحفظك أختي ليليا ويشفيك والله يحفظ كل أهل اللمة ومشكورة ع الموضوع.

السلما عليكم اختي الورد الاحمر
فعلا والله اختي نشوف نو اللي فالادارة فوجه فالمدفع فالصراحة ما نتخيلش روحي مراقبة او مسؤولة ويجي عضو يهيني او يقلل احترام وانا نشهد شهادة حق انو قلبك كبير وكنت نراسلك تعذري تصرف عضو وعادي تفوتيها برغم لو انا فبلاصتك والله ما نفوتها هنا نقولك والله انتي اللي بارك الله فيك
ورا الشاشة ناس صح حسو بينا في وقت اللي اقرب لينا بعاد بزاف
الله يهني كل انسان واللي عرفناهم وفارقنا الزمن او سوء فهم انا نقولهم مسامحين وسمحولي وبلاصتكم هي هي
مشكور اختي

 

[ليليا مرام]

سلام عليكم
كيما يقول الڨاوري : Ne me parle pas de la nostalgie..parce ke jt'avoue ke mon coeur est trop fragile ^^
نقطة ضعفي هكذا مواضيع..بما أنني نعشق البكاء على الأطلال
تنهدت لوهلة عند قراءة كلماتك
تعرفنا من وراء الشاشة على شخصيات متنوعة
جميعها ترك فينا اثرا سواء كان سلبيا او ايجابيا
وراء الشاشة...أشخاص عشنا معهم حياتهم الخاصة وتقاسموا معنا اسرارا لم نتجرأ على البوح بها لهؤلااء الذين يجمعنا بهم الواقع
وراء الشاشة ...اشخاص تربطنا بهم مجرد حروف..لكنهم أقرب إلينا من أنفسنا
وراء الشاشة ...أشخاص فرحوا لفرحنا وشاركونا أحزاننا...كانوا لنا داء ودواء في آن واحد
وراء الشاشة..أشخاص جعلونا نضع ايدينا على افواهنا من فرط الضحك...واشخاص ارغمونا على وضع ايدينا على افواهنا خشية ان يسمعنا احدهم ونحن نبكي بسببهم
وراء الشاشة ...اشخاص كانو أحباء وصاروا ثقلاء على القلوب...بل اضحوا مجرد ا ذكرى
وأصدقاء لازالوا على العهد باقون
وراء هذه الشاشة...عالم لا نهاية له
تحياتي

السلام عليكم اختي الشاوية والفحلة
حتى انت ومريومة من جيل عماد حمدي اسيدي اش راه عبد الحليم ههه
والله كلامك روعة صح فرحنا بصمت معاهم وبكينا بصمن وانجرحنا منهم وسامحنا ناس ونتفكرو ناس ومرات نمشي ونتخيل بلاك اللي فالكار قدامي عضو معايا فاللمة بلاك الشوفور فتحي هههه يجوني تخيلات تضحك مرة سمعت وحدة باتنية فالسوق قريب رحت سقسيتها قلت بلاك انتي هههه شفتي الهبال نتاع اللمة واش يدير ههه
فعلا كاين كناو احباء وصارو اغرب م الغريب فالواقع او رجعو لبلاصتهم الاولى
تحياتي يا الفحلة

 

[ليليا مرام]

السلام عليكم و رحمه الله تعالى وبركاته
وعليكم السلام خويا حليم ان شاء الله امورك بخير وعائلتك لاباس

أختي الفاضلة بارك الله فيك على الموضوع الرائع
وبارك الله فيك خويا يا صاحب الفضل والاحترام كله مشكور

أتحدث على نفسي شاركت في منتدى خليجي منذ ست أو سبع سنوات ،وانسحبت بعد أن حدثت لي مشاكل ووووو
وانقطعت عن النت لم أضع حساب فايسبوك ولا تويتر ولا .....
انقطاع تام حتى قررت أن أنظم الى منتدى جزائري لأتواصل مع إخوتي وأخواتي وأعرف أخبار بلادي ،وأفيد وأستفيد .
في يوم 24-12-2016 ڨعدت نحوس على منتدى جزائري كبير باه ندخل ونسجل ، وكي كتبت في النت منتدى جزائري ،خرجلي منتدى اللمة الجزائرية ،وسجلت فعلا ولقيت روحي بيناتكم .
احسن ما فعلت على الاقل تحس انو راك فالبلاد تتوحش الدبزة من الشعر خبرني برك ونفرجط فيهم والا تتوحش التعراش فالحومة والعياط من التواقي قول برك هههه ماكانش مشكل رانا هنا كامل مهبولات بلاما نقولك خموس علينا ههه
خاصة اللي متغرب ولله احسن شي يديرو يكون فمنتدى جزائري والحمد لله انك معانا

لڨيت فيكم كل ما هو رائع وجميل ،لڨيت لمة المثقفين والمفكرين والمبدعين .
وعندي لحد الان خمس أشهر في النت فقط بصح ما شاء الله ،تعلمت حوايج بزاف ،وفرغت ڨلبي بالشي اللي قدرت
وحسيت بكل كلمة تڨالت هنا ،وتفاعلت معاكم وكأني نعرف الجميع من قبل
ختي تجربتي مع النت عمرها خمس أشهر فقط ،بصح ما شاء الله ربحت إخوة واخوات يثقلو بالذهب
بارك الله فيك
تقبلي مروري مع فائق الاحترام والتقدير
حلم كبير​

هذا كان شرف لينا انك معانا الحمد لله واحسن شي درتو وان شاء الله تستمر سنوات معانا واحنا والفنا وجودك واكيد تغيب نحسو لغيابك وانو سي جامي يهبولك الفرنسيين ما تخممش آبلي نو ابخي مي نوي هههههه وتشوف النيف الجزئري ندخلو على فرنسا من تحت الارض ههه
ربي يحفظك يا رب وانت تقبل منا كل احترام
شكرا

 

[ليليا مرام]

لي عودة اعدك اختي

اهلا مشاغب
يا مول الحفرة انا راح نطيح فيها ونشوف واش دير انا نحب اللي يتحداني هههه
مرحبا بيك عندي وقت ما تحب مشكور يا العاقل

 

[البحر الهادي]

علابالك فتحت الشاشة باه نشوف واش كاين وراءها لقيت البياسات والخيطان
واش داني نحوس واش كاين ورا الشاشة فسدت الشاشة نتاعي
علابالك تخلصيلي الشاشة ولانرفع شكوى للإدارة ضدك
ههههههه
شكرا لك
صح هناك أسرة اخرى رائعة
إخوة لم تلدهم لنا أمهاتنا أفضل من إخوتنا يواسوننا ويحزنون معنا ويفرحون لفرحنا
رب يبارك فيهم

 

[آمِيْرَتُه]

السلام عليك
ورا الشاشة قلوب تعشق ورا الشاشة قلوب تكره ورا الشاشة قلوب تحب ورا الشاشة قلوب حزينة ورا الشاشة فرحانة
ورا شاشة قلوب تحبلك الخير ورا الشاشة قلوب تحبلك الشر
ورا الشاشة قلوب مختلفة
ورا الشاشة عرفت ناس بزاف منها لي بغاتلي الخير ومنها لي بغاتلي الشر
منها لي بغيتها و عاشرتها ومنها لي بعدت عليها
ورا الشاشة عرفت ناس راهي درك أعز ناسي و أعز أحبابي و أغلى ما عندي
ورا الشاشة عرفت وحدة من خلال مواضيعها حبيتها من صبرها تعلمت
من ورا الشاشة خلتني نحمد ربي على كل نعمة عطاهالي
من ورا الشاشة عرفت انسانة كان اسمها مريم الصابرة
كنت نتابعها في الفايس بوك و في منتدى الجلفة و منبعد في اللمة
اذا نسيتيني يا مريومة أنا منيني صحبت خديجة التيارتية ' راني درتلك اعلان ههه'
من ورا الشاشة تعلمنا بكينا فرحنا حبينا كرهنا

 

[ليليا مرام]

علابالك فتحت الشاشة باه نشوف واش كاين وراءها لقيت البياسات والخيطان
واش داني نحوس واش كاين ورا الشاشة فسدت الشاشة نتاعي
علابالك تخلصيلي الشاشة ولانرفع شكوى للإدارة ضدك
ههههههه
شكرا لك
صح هناك أسرة اخرى رائعة
إخوة لم تلدهم لنا أمهاتنا أفضل من إخوتنا يواسوننا ويحزنون معنا ويفرحون لفرحنا
رب يبارك فيهم

اهلا سهلا
ايه وانت شكون قالك روح طبق اه زعمى لو قتلك ارواح تخطبني ما تجيش ههههه كي قلت شاشة رحت تجري شح قالو نخلصلك انا قلت ورا الشاشة وانت وش داك كي حرودي رحت تجري تخلط شوانا زوج صوالح ما تقوليش عليهم
شعال عندك وخلصيلي ههههه
بارك الله فيك خويا الحبيب ربي يحفظك
صح رجعتو خاوتنا الا ازواجي ال5 ماراهمش خاوتي هههه ههه
ويبارك فيك

 

[ليليا مرام]

السلام عليك
ورا الشاشة قلوب تعشق ورا الشاشة قلوب تكره ورا الشاشة قلوب تحب ورا الشاشة قلوب حزينة ورا الشاشة فرحانة
ورا شاشة قلوب تحبلك الخير ورا الشاشة قلوب تحبلك الشر
ورا الشاشة قلوب مختلفة
ورا الشاشة عرفت ناس بزاف منها لي بغاتلي الخير ومنها لي بغاتلي الشر
منها لي بغيتها و عاشرتها ومنها لي بعدت عليها
ورا الشاشة عرفت ناس راهي درك أعز ناسي و أعز أحبابي و أغلى ما عندي
ورا الشاشة عرفت وحدة من خلال مواضيعها حبيتها من صبرها تعلمت
من ورا الشاشة خلتني نحمد ربي على كل نعمة عطاهالي
من ورا الشاشة عرفت انسانة كان اسمها مريم الصابرة
كنت نتابعها في الفايس بوك و في منتدى الجلفة و منبعد في اللمة
اذا نسيتيني يا مريومة أنا منيني صحبت خديجة التيارتية ' راني درتلك اعلان ههه'
من ورا الشاشة تعلمنا بكينا فرحنا حبينا كرهنا

السلام عليكم اختي اهلا وسهلا
اهلا حنونة وانا نقول شكون هي تعرفني من وقت الجلفة اهلا وسهلا حنونة من ريحة حنونتي خديجة اللي كليت ملحهم فدارهم ورحت للداموني ورحبو بيا والله يا منيني علاه ما قلتيليش راني انا وانا واله لما قلت نعرفها مريم بقيت نخمم شكون فرحت بزاف تعرفي كل خبرتيني شكن انت راني مازلت مع تواصل مع خديجة من مدة برك ما تواصلناش سنوات وانا معاها اختي هذيك
شرف ليا انك متبعتني من ذاك الوقت والله يا اصيلة ربي يخليك نفرح انو تجربتي مدت صبر للغير ولو تحملت ذل كبير وراكي عارفة اختي بلاما نقولك
فرحت بزاف بيك والله

 

[البحر الهادي]

وانت علاه تقولي وراء الشاشة
واك القراية قاري بصح الفهامة ناقص
أنا نرفع شكوى ضدك تخلصي الشاشة وصاي

 

[ليليا مرام]

وانت علاه تقولي وراء الشاشة
واك القراية قاري بصح الفهامة ناقص
أنا نرفع شكوى ضدك تخلصي الشاشة وصاي

اوك مستر سحاب ورعدة ومش عابرة قاعدة فوق دارنا
روح اشكي شوف كاين لابوليس ومن بعدو ليجوندارم وزيد الحماية المدنية اختار وين تشكي وانا بالخدمة
نورمالمو اليوم عيد ميلادي انت تخلص خونا وين راه كادويا

 

[البحر الهادي]

اوك مستر سحاب ورعدة ومش عابرة قاعدة فوق دارنا
روح اشكي شوف كاين لابوليس ومن بعدو ليجوندارم وزيد الحماية المدنية اختار وين تشكي وانا بالخدمة
نورمالمو اليوم عيد ميلادي انت تخلص خونا وين راه كادويا

آآآآآآآآآ
اليوم ولدت صح راني جاي عندكم مع الكادو
حذاري ماتفتحيش الباب
المهم خلصيلي الشاشة وبهادوك الدراهم نجيبلك الكادوا مش بزاف غير مليون ونصف

 

[ليليا مرام]

آآآآآآآآآ
اليوم ولدت صح راني جاي عندكم مع الكادو
حذاري ماتفتحيش الباب
المهم خلصيلي الشاشة وبهادوك الدراهم نجيبلك الكادوا مش بزاف غير مليون ونصف

ايه اليوم يوم النحس العالمي
شوف من ردك نتاع بدراهمي نشريلك شاشة امنتك باللي استاذ والله هههههه ومليون ونص ياه علاه شاشة مكيرو نتاع البلاد نتاع لافيل واقيل هههه ياخي راجل ضحكتني
الباب مفتوح جيلالي ههههه مرحبا ونشوف واش من كادو وبلاك تشريلي الريحة ما نحتاجش نبخر النعناع ولا ذيك الريحة ياك اللي يقرو كامل يشرو الريحة اللي يديروها للميت تتباع 15 ميل هههههههه

 

[البحر الهادي]

ايه اليوم يوم النحس العالمي
شوف من ردك نتاع بدراهمي نشريلك شاشة امنتك باللي استاذ والله هههههه ومليون ونص ياه علاه شاشة مكيرو نتاع البلاد نتاع لافيل واقيل هههه ياخي راجل ضحكتني
الباب مفتوح جيلالي ههههه مرحبا ونشوف واش من كادو وبلاك تشريلي الريحة ما نحتاجش نبخر النعناع ولا ذيك الريحة ياك اللي يقرو كامل يشرو الريحة اللي يديروها للميت تتباع 15 ميل هههههههه

لالا مش الريحة
ماتخافيش :نجيبلك القرويش والمقروظ والبقلاوة ومعاها باقة ورد هههههه بصح فيها الريحة نتاع ديودورو

 

[ليليا مرام]

لالا مش الريحة
ماتخافيش :نجيبلك القرويش والمقروظ والبقلاوة ومعاها باقة ورد هههههه بصح فيها الريحة نتاع ديودورو

امممم شهيتني وصح عندي مدة حابه ناكل البقلاوة
الورد نحبو بزاف احسن هديه عندي
اواه الريحه نتاع الموتى لالا
ربي يحفظك

 

[Hakan]

السلام عليكم خويا حكيم
والله خليني اول شي نروح لآخر ردك لانو عجبني بزاف تبارك الله يا حكيم اصيل والله صدقني درت امر والله اسيدي تقول تركي مش جزائري انو صديقة تروح وتسقسي عليها بلاما هي تفيق وتفرح لانو لقيتها بخير سبحان الله هذا المعنى الحقيقي للوفاء تبارك الله يا حكيم

خخخخخ كي قلتيلي تركي هههه ربي يهديك
والله نورمال الاخت كانت عندها معزة نتاع اخت في قلبي كيما بعض الاخوات هنا
بعد ما جابت الباك نتاعها سنة 2012 انقطعت اخبارها فجاة العام هذا برك
درتلها زيارة مفاجأة ولقيت اسمها وفرحت تقول عطاولي سكنة ههه
وكنت حاب نشوفها الصرااحة مي ما حبيتش بيسك اصلا ما نعرفش الشكل نتاعها
عولت نسقسي عليها بعض البنات مي كذالك قلت سوء الضظن راهو معشش
يقلك واش يدير بطفلة هو ما يعرفش لونها وقيلا حاب يقتلها ههه هيا من بعد قلت المهم راهي بخير
مالغري هيا نساتني او ممكن تتفكرني مي ما تعرفش اخباري لكن صرااحة والله ربي شااهد لحد الآن نتفكرها مالغري من 2012 ما سمعت عليها والو ​