- الأوسمة
- 26
اليوم عيد ميلاد أميرة اللمة أدخلو تعرفو شكون
- كاتب الموضوع لؤلؤة قسنطينة
- تاريخ النشر
- الأوسمة
- 32
السلام عليكم مريومةالسلام عليكم أهل اللمة الكرام
وصباحكم ورد وفل وياسمين وأسعد الله كل أوقاتكم
من عادتي كل يوم نبدا نهاري بالقراية لكن اليوم حبيت نبدا نهاري بحفلة عيد ميلاد أخت عزيزة عليا بزاااف
وأكيد عزيزة عليكم حتى نتوما خاطر ماكانش لي ما يحبهاش راهي محبوبة الجماهير
شكون لي ما ضحكش معاها وشكون لي ما استفادش منها ومن مواضيعها
وين تحطها تلقاها، إما في مكان الأخت أو الصديقة أو أي مجال توضعها فيه تلقاها فيه
أخت عرفناها بمرحها وبطيبة قلبها وبصفاتها الطيبة ولي من أهمها الصبر والقرب من الله عز وجل
نزيدلكم شوي سيسبانس ولالا ههههه
نظن بديتو تعرفوها هيه هاديك هي بالذات هي أختنا الغالية والعزيزة والمميزة
@ليليا مرام
هاد الوردة الله يبارك اليوم زادت تفتحت عام آخر على هاد الدنيا وعطرتلنا اللمة بعطرها الفواح
ووجودها الطيب وبهاد المناسبة السعيدة نوجه كلام من القلب لهاد الاخت
نقولها ختي ليليا عيد ميلاد سعيد وعمر مديد وكل عام وختي العزيزة بألف خير وسعادة
الله يجعلك هاد اليوم بداية الخير وبداية السعادة والفرح بإذن المولى
نطلب من ربي في هاد اليوم أنو يشفيك ويعافيك ويرزقك كل الخير والصحة والعافية
ربي يخليك ليماك أولا ولينا ثانيا وللمة ككل يا كنز ويا أميرة اللمة
المهم نحليو الحالة شوي بالقاطة والمأكولات باه لي يدخل مايقولش ماكانش ضيافة
المهم يا الخاوة هاد اليوم ماش يوم نورمال حابة اللمة تتقلب هادي هدايا وهادي تهنئة
اليوم نقلبوها بربي ان شاء الله عندي ليليا وحدة في الدنيا ماعندناش غيرها مالا خليونا نقلبوها
هيا نخليلكم ليكم الخط فرحو ختنا ليليا هادا ماش يوم عادي
وكل عام وأنت بخير يا وردة اللمة
تحياتي
اسمحولي طولت ما رديت عليكم
مريم يا مريم واش نقولك احسن قلب فالدنيا ربي يفرحك ويهنيك يا رب اختي
لانو رغم قرايتك وانشغالك وما نسيتينيش ربي يحفظك
الله حسيت كانو راكم عندي ودرتولي حفلة مع انو فدارنا ما درت والو راهي اختي قاتلي شريتلك لاتارت وراهي جاية وراني نصورهالكم لما تجيبها ان شاء الله
مريم ربي يفرحك اختي ويجعلها في ميزان حسناتك ويرزقك ربي الرجل الصالح اللي يعرف قيمتك ويقدرها يا رب
شكرا
- الأوسمة
- 32
اه يا مريومة رفهتيني اليوم يا اختيهادو الهدايا تاوعي
راني جبتلك غير الغالي ههههه
واش نقولك حسيت صج جبتيهم راني نقد فيهم والسنسلة الستيل اللي نحبو سامبل وحاجة كلاص الله يحفظك والتلفون خلي نكونيكتي به معاكم ربي يفرحك مريومة تسالني كادو السوتنونس ان شاء الله يا رب
ربي يخليك اختي ويفرحك
- الأوسمة
- 32
اهلا سمسومتي الغاليةصباحو يا احلى مريامو
شوفي اني غير شفت الااشارة وفقت بلي عيد البوقوسة تعي ليليا بقيت نندب قلت اوياااا سبقتني مريم
ايا معليش كنت متوقعاتك تحطيها انا صباح تلهيت بتنظيف البيت
زيد راني حابة ندير انقلابعلى رؤساء الجمهورية اللماوية الموزنبيقية السيد بوتفتيحة والسيدة بن وريد ، كيفاه الطعطوشة تع ليلا تزيدوها خمسين نقطة على عيد ملاديها وحنا لااااا اواه متشي سوا سوا هههه نقصر برك
فرحت لك ليليا كان غير كنا كيف كيف ربي يبارك فيك عمرك ويشفيك ، والله انتي درر ولؤلؤة تع صبر الله يجزيك الخير ويجعل مقدار صبرك في ميزانك
مريامو مرسي عليك على تنظيم الفرحة وعقبى لتخرجك فرحته عليا باذن الله ، ربي يوفقك ويسدد خطاك
هاكي حقك تع لقاطو راني جبت الضيافة ، هيا زيدينا جويدة
يا لالة انت كنت ورا مريم لانومريم اول وحدة عرفت ميلادي وينتا وانت البارح
الله يبارك القاطوات اشكال والوان اسمعي راني جاية عندكم من يجو الضباف نشرب معاهم القهوة ويجو اخرين نعاود هههه تبارك الله ولو ندير اقاطو مي نحب هاكا واجد هههه يعجبني
ايوا ضرك حسدتيني فالنقاط راهويؤبشني تفتوحي مدهملي البارح ونزيد واقيل نقولكم واش جابلي موتو وما نقلوكمش
غيورة هاكا شدتيها فقلبك يا لالة واليوم خرجت بها ديركت تبا حطمت مشاعري
ربي يحفظك اختي ويهنيك ويخليك وانت غالية عليا بزاف يا سمسوم وراكي عارفة
ربي يحفظك ويحفظ مريومة الغالية مولات الحفلة
- الأوسمة
- 32
السلام عليكم سنايا اهلا سهلا اختي
ربي يحفظك يا رب ويهنيك
ايه وانا قلت ندير حو رومانسي ونتوما طبيتو عليا والراجل هرب حرمتوها عليا ياو معليش اليوم قالي نعاودهالك ههه
امين يا رب ويفرج على كل مومن يا رب
امين اختي الغالية مشكورة
- الأوسمة
- 32
السلام عليكم اختي جيهان ان شاء الله امورك بخير يا ربوعليكم السلام ورحمة الله وبركاته
اوااه اليوم صح راه رووعة راني نقول على واش اليوم مليح هكدا
طلع عيد ميلاد الغالية والحبيبة ليليا
الله يبارك:Love:
ربي يطولك في عمرك في طاعتوا ويبارك فيه وان شاءالله تكون بداية خير وسعادة
ربي يعطيك واش تتمني ويشفيك ويسعدك في الدنيا والاخرة
ربي يوفقك حبيبتي
تفضلي
وحبيبتنا مريومة ماشاءالله دائما تسعى للخير ربي يحفظهالنا
بارك الله فييييييك مريوووومة :kiss::kiss::kiss:
وهاهي باقة ورد لييك:Love:
في امان الله
ربي يحفظك يا رب ويفرحك كلامك فرحني وبزاف عليا والله ربي يخليك يا رب
كل شي قلتوه ندعي ربي باه يكون فميزان حسناتكم يا رب
ونحس فيكم معايا وفدارنا والله يا ريت تمنيت مي لقيت الجو هنا عندكم احتفالي اكثر من دارنا والله
ربي يفرحكم ويفرح مريومة مولات الهدات ربي ينجحها يا رب
- الأوسمة
- 32
السلام عليكم
فتوحي تؤبشني ربي يحفظك يا رب ويفرحك معايا اكيد ركز على هذي بلاك تنساها وهذوك الاعوام نعيشهم معاك ههههههه
وكادوك عارفة فالحفلة الرومناسية اليوم خليهم يموتو تؤبشني
ربي يحفظك يا رب مشكور على لمتنا فالمندى هذا وشكرا على انو واسع بالك معانا ربي يحفظك
شكرا
- الأوسمة
- 32
السلام عليكم
خويا محمد اهلا وسهلا
ربي يخليك يا رب ويهنيك وعمر مديد ليك تعيشو مرتاح ومهني وفرحان يا رب
آمين خويا ويوفقك
- الأوسمة
- 32
السلام عليكم صفاء
اهلا وسهلا ربي يخليك يا رب ويهنيك اختي العزيزة ويحفظك ومشكورة على البطاقة راني نخبيها عندي الله يخليك هايلة
مشكورة
- الأوسمة
- 32
السلام عليكم ميسم اهلا وسهلاعيد ميلاد سعييييد و كل عام و انتي بألف خير أختاه ..
عقبال 100 سنة ان شاء الله
امين اختي ربي يفرحك يا رب ويهنيك مشكورة اختي
لا شكر على واجب ...أنت غاليه والطلب رخيص....خبي البطاقه عندك ...وين تشوفيها ...تفكريني.....أحبك في الله...
1
- الأوسمة
- 21
السلآم عليكم و رحمة الله تعالى و بركاته
عيد ميلاد سعيد كل عام و انتي بخير اختي الغالية
ان شاء الله ربي يكبرك في طاعتو
ان شاء الله يكون هدا العام فال خير عليك زينة
عيد ميلاد سعيد كل عام و انتي بخير اختي الغالية
ان شاء الله ربي يكبرك في طاعتو
ان شاء الله يكون هدا العام فال خير عليك زينة
- الأوسمة
- 25
عيد ميلاد سعيد غاليتنا @ليليا مرام
أتمنى لك كل الخير مما يرضاه الله و أسأل الله ان يشفيك انه قادر على كل شيئ
أتمنى لك كل الخير مما يرضاه الله و أسأل الله ان يشفيك انه قادر على كل شيئ
- الأوسمة
- 32
الله يتقبل منك والله دعواتك الصادقة عندي خير الف مرة من الف هديةالسلام عليكم و رحمه الله تعالى وبركاته
شكرا على الدعوى للحفلة أختي
@لؤلؤة قسنطينة
وبارك الله فيك على الالتفاتة الطيبة
السلام عليكم اهلا وسهلا
خويا حليم
فعلا بارك الله في الاخت مريم وفيكم جميعا
عيد ميلاد سعيد فرفوشة اللمة وكل عام وانت جميلة ومتألقة ... والعاقبة لأعوام يتركك فيها المرض ويغادرك كما تغادر الورقة الغصن في فصل الخريف الى غير رجعه يا رب....
أهديكي هذه الكلمات
اتمنى أن تقبلي هديتي البسيطة
ربي يهنيك خويا ويفرحك وين ما كنت ويخليلك اولادك يا رب
آمين الله يقبل منك يا رب ويشفي بنتك يا رب
ليليا يا ليل هادىء بنسيم بارد
ليليا بسمة البراعم عند صباح ندي شارد
ليليا أزمة الرجال وعند كلماتها تجف الاقلام
ليليا طفولة بريئة بين ثناياك وعند مشاعرك بالآخرين ينحني السلام
كل عام وأنت بعطر الأخوة تعطرين المكان
وكل عام وأنت فرفوشة وتزرعين الابتسامة واجمل الالحان
أدعو الله أن تعيشي وتعيشي وتحكي حكايتك لأحفادك ....
أدعو الله القدير أن تمري على مراحل حياتك القادمة وأنت واقفة ومتألقة ....
من اروع ما قرأت دون مجاملة روعة جزاك الله كل خير يا رب واسعدك فالدارين
أدعو الله لك كأخ وكأب وكعائلة تجمع شتات أفرادها ،أدعو لك بقلب أبيض ونور يملأ هذه الاسطر أن تري أياما حلوة وتعيشي دنيا كما رسمتيها ....
أدعو وأدعو ولا أملك سوى الدعاء
كل عام وأنت بخير والعام القادم أحسن من هذا العام إن شاء الله
تقبلي مروري مع فائق الاحترام والتقدير
حلم كبير
الله يجازيك بالجنة
امين يا رب عليا وعليكم
لك مني كل التقدير
- الأوسمة
- 32
انت لاحقتني فالراجل ولاحقتني حتى فخونا حلم كتبلي ليا يكتبلك يالطيف ياو م تخافيش ندي قاع رجال المنتدى الا حليم راه خويا تهني وحلي عينك نشوفك منا والا منا هني نعس فيك ايوا كثرتيها
راه يقولي راسي نعطيك ديركت
- الأوسمة
- 32
السلام عليكم
اهلا وسهلا اختي ربي يحفظك ويهنيك
بارك الله فيك
- الأوسمة
- 32
اه عجبتني بزاف خدمتيها روعة وراني سجلتها عندي والله خرجت هايلة لانو من قلبك ووصلتنيياهوووو جييييت الحمد لله كاينين اللي يديرولنا اشارة ترن رن رن هههه بصح فعيد ميلادنا ما تفكرونا ترن رن رن حبيت نجيبها كما اغنية الحمد لله ما بقى استعمار فبلادنا ههه ماعليش جات شوية مخلطة نهديلك اختي "ليليا" هذي من عندي
السلام عليكم فطيطمة
ابه كايبن ابسيو نتاع البيباج
اياو حتى انت مع المخلوقة نتاع صفاء ها برك زردة ثاني تبعتوني ويا فطيطمة واش معولة انت وصفاء
ايه شهر الضحك أنا وأنتي هههه المشكل انو احنا اكثر تعاسة كش ماراكي فاهمة
ان شاء الله تعجبك و احتفظي بيها كصورة عندك فالهاتف ^^ معرف لكان جبتها باهية مي خرجت من القلب@ليليا مرام
ربي يحفظك يا رب ويهنيك
شكرا
- الأوسمة
- 32
السلام عليكم اهلا وسهلا جزاك الله كل خير
مالغري ماعرضتنيش لؤلؤة بصح نجي على خاطرك ان شاء الله هاد العام تكون الاخبار السارة
الله يخليك اختي ويهنيك وبارك الله فيك لالا مريومة والله عارفة تعرض الكل ونتوما اهل الدار وعلى راسي وتنورينا يا رب
راكي مولات العرضة والهدة وشكون اللي ستالا الحالة ورتب الطابلة مالغري راكي قريب توليد واحنا نجو كامل نرفدوك ونقومو بيك
الله يطلعك على خير وتجيبينا الطمينة
ربي يحفظك اختي
- الأوسمة
- 32
السلام عليكم اهلا وسهلا
الله يحفظك اختي مليكة وينورك يا رب وما نجي نوصل لتلمسان نولي فعمري 90
مشكورة اختي على الدعوة وراهم جايين البنات انا نجي فالطيارة هههه
تسلمي يا رب ربي يحفظك
- الأوسمة
- 32
السلام عليكم متفائلة اهلا وسهلاالسلآم عليكم و رحمة الله تعالى و بركاته
عيد ميلاد سعيد كل عام و انتي بخير اختي الغالية
ان شاء الله ربي يكبرك في طاعتو
ان شاء الله يكون هدا العام فال خير عليك زينة
ربي يخليك يا رب ويهنيك ويفرحكم كلكم لانو والله حسيتكم اكثر من الاهل
ومشكورين على الورد لانو نحبو بزاف
ربي يخليكم
شكرا