2
- الأوسمة
- 19
مساء الخير ان شاء الله الكل بخير
الله يبلغنا رمضان بالصحة والعافية ويقدرنا على صيامو
ويتقبلوا منا ~ اللهم آمين
//*//*//*//*//*//*//
اليوم حبيت ندشن القسم الرمضاني بالموضوع هذا البسيط
نشرح فيه طريقتي في إعداد الجريوات {الكوسا}
أنا نموت عليها مقلية مالا كل مرة نحب ناكلها بطريقة
ليام لي فاتو كنت صايمة خلطت طريقة فيها عجبني ذوقها
هيا عاودتها اليوم وقلت نوريلكم الطريقة
أولا وقبل ما نروح للصور خليني نقوللكم أنو الطريقة هذي
ممكن تعتمدوها كشحو لفطيرة ما بصح ضيفو عليها اللحم المفروم
وزيدو قطعو الدوائر بعد القلي إلى قطع أصغر
نروحو للطريقة
أولا نقطع الجريوات لدوائر ونقليهم عادي {أنا نحبهم جيست مقليين مش محمرين}
//*//*//*//*//*//*//
بعدها نجيب نص كاس حليب ونحط فيه قطعة جبن متوسطة الحجم ونحاول نحلل
الجبن في هذاك لحليب حتى تتغير كثافتو {ممكن تسخنو لحليب باه يذوب ليه ليه}
بعد ما نكمل تحليل الجبن نضيف شوية ملح للحليب وممكن إضافة بهارات أنا ضفت
شوية فلفل أسود باه يعطيني نكهة إضافية
//*//*//*//*//*//*//
بعدها نحط الجريوات في مقلاة ونضيف عليها خلطة الحليب بالجبن الذايب ونخلط حتى
تزيد كثافة الحليب ونوصلو للكثافة لي نحبوها {كيف البيشامال يعني}
//*//*//*//*//*//*//
//*//*//*//*//*//*//
في النهاية نعمل لمسة أخيرة بالجبن المبشور حين التقديم في الصحن :Love:
وشهية طيبة للجميع
ورمضان كريم
آخر تعديل:
.
