المجاعة DZ (مشاركة في مسابقة خفيف ظريف)

[فيتامين سي]

السلام عليكم احبابي •ิ.•ั صحا رمضانكم و فطوركم وسحوركم ل 30 يوم ◕｡◕
رمضان ناس ترجع تسخف اكثر من اللازم:X3: كل واحد يشري دوبل لي من المفروض ياكلوه و كل انسان يتسبب انا راجلي يبغي طابلة معمرة انا بابا يبغي يشوف كلش بالزيادة انا عجوزتي انا شيخي و من بعد كي تتنرمى الله غالب بقات و الحمان وين نحطوها ولا في دارنا مناكلوش البايت
مدولي رايكم في الموضوع و السؤال الاهم هل الخبز كي يبات او اي ماكلة ترجع غير صالحة للاكل ؟ كفاش نقدرو نتخلصو من هذي الظاهرة ؟رمضان الاجر ام التبذير ؟
​

 

[زاد الرحيل]

هذي الغفلة و الفساد و عدم معرفة المعني الحقيقي لرمضان
اعلاه يديرو بزاف حتى يرميو و وين هي الثلاجة هو رمضان المبذرين

 

[فيتامين سي]

هذي الغفلة و الفساد و عدم معرفة المعني الحقيقي لرمضان
اعلاه يديرو بزاف حتى يرميو و وين هي الثلاجة هو رمضان المبذرين

للاسف لما تخرجي تشوفي واش رماو تحيري علاش نتعب روحي نحضر اكثر من اللازم
الثلاجة اذا انا و انتي نرفدو فيها و نعاودو نستخدموه بصحبزاف ناس ضهرت عندهم عبارة ماكلة صابحة اي تاع البارح و مناكلوهاش
اسعدني مورك غاليتي

 

[Hakan]

السلام عليكم اهلا بالفيتامين سي هبة
يااختي مشكلة التبذير واقعة في كثير من الاحيان
انا نحكيلك على دارنا ولله الحمد وربي يدومها نعمة الوالدة نتاعي مع الاخوات والشيفان نتاع الكوزينة
يعني سبحان الله تقول حاسبين السعرات الحرارية ههه
ياودي الطباسا يجو معمرين يرجعو فارغين ماكان لا تبذير لا والو
والمتبقي ناكلوه في السحور نورمال
انا اللي يحيروني جماعة السخيف يسخف على كل شيء والمشكلة يسخف على اشياء ما ياكلهاش وهذا الفساد بام عينه
ربي يهديهم شكرا وبالتوفيق ​

 

[الامين محمد]

هههههههههههههه أهلا سلطانة الفيتامينات هههههه
انا نظن لازم اطباء نفسيين باش يعالجوا هاذ المرض
لأننا اصبحنا جيعانيين نفسيا
لازم نمفهموا رواحنا اننا ممكن نشبع حتى و لو بالتاي و الخبز
يعني تشبع تشبع علاه الاسراف
يعطيك الصحة فيتامين

 

[فيتامين سي]

السلام عليكم اهلا بالفيتامين سي هبة
يااختي مشكلة التبذير واقعة في كثير من الاحيان
انا نحكيلك على دارنا ولله الحمد وربي يدومها نعمة الوالدة نتاعي مع الاخوات والشيفان نتاع الكوزينة
يعني سبحان الله تقول حاسبين السعرات الحرارية ههه
ياودي الطباسا يجو معمرين يرجعو فارغين ماكان لا تبذير لا والو
والمتبقي ناكلوه في السحور نورمال
انا اللي يحيروني جماعة السخيف يسخف على كل شيء والمشكلة يسخف على اشياء ما ياكلهاش وهذا الفساد بام عينه
ربي يهديهم شكرا وبالتوفيق ​

ربي يخليهالكم
ههههههههههه احسن حاجة كلش بالحساب قدو حدو
الحمد لله
ايوا يسخف على حاجة دجا مياكلهاش و باينة تترمى و من كل حاجة يخص ينحط وفي الاخير مناكلوش علاش الله اعلم
كاين لي قالولي عيب ينحط اكل تاع البارح يعني تاع البارح لي بقا و نزيدو واش خص برك ماشي لازم كلشي من جديد
ربي يهدينا برك و منكونوش من المبذرين
اسعدني مروروك

 

[فيتامين سي]

هههههههههههههه أهلا سلطانة الفيتامينات هههههه
انا نظن لازم اطباء نفسيين باش يعالجوا هاذ المرض
لأننا اصبحنا جيعانيين نفسيا
لازم نمفهموا رواحنا اننا ممكن نشبع حتى و لو بالتاي و الخبز
يعني تشبع تشبع علاه الاسراف
يعطيك الصحة فيتامين

اهلا بيك اخي الكريم
هذي غيبة
ان شاء الله تكون بخير انت و الاهل
للاسف هذا لي نشوف مرض نفسي عقلي انساني
تشبع و تزيد الهنا لا ضمير يانبك و لا قلب يوجع ..يخص يديرو توعية
المشكلة حتى توعية و ناقصة
وحدة يتيمةحطت صورت المائدة كانت عبارة على حساء و خبز فطورها مع الوالدة اقسم بالله كرهولها حياتها متزيديش تصوري علاش صورتي عيب عليك :X3: مشكلتنا التكبر حتى في الاكر رغم هداك البسيط ياكل صحي و بلا ذنوب
فقط نقولو ربي يهدينا
الله يسلمك اخي الكريم
اسعدني مرورك

 

[دعاء الجنات]

مشكلة يسخفو بزاف في رمضان كي يعود الواحد صايم الخبز يولي يشوف فيه عسللللل...
ايه واش راح تدير
هاذي مسرحية دارها مراد صاولي وأنا كنت حاضرلتها حكا على واحد كي يعود صايم يشري راس تاع البقرة أي بوزلوف يغيرو هذاك لسان لي خارج والنعناع لي في وذننها ههههه
ومن بعد كي يفطر ويشوف الراس يقول : شكون هاذ المهبول لي شرا هاذ الشي؟؟؟
والتبذير حرام حرام بصح الله غالب ولينا مانديروش قيمة للحرام ربي يغفرلنا ويهدينا ​

 

[فيتامين سي]

مشكلة يسخفو بزاف في رمضان كي يعود الواحد صايم الخبز يولي يشوف فيه عسللللل...
ايه واش راح تدير
هاذي مسرحية دارها مراد صاولي وأنا كنت حاضرلتها حكا على واحد كي يعود صايم يشري راس تاع البقرة أي بوزلوف يغيرو هذاك لسان لي خارج والنعناع لي في وذننها ههههه
ومن بعد كي يفطر ويشوف الراس يقول : شكون هاذ المهبول لي شرا هاذ الشي؟؟؟
والتبذير حرام حرام بصح الله غالب ولينا مانديروش قيمة للحرام ربي يغفرلنا ويهدينا ​

ههههههههههههههه راس بقرا و يسخف مع الصيام الخبز ريحته ترجع شااااااابة بزاف تشميه على بعد كلم
هي حساب مشفت رجال يسخفو كثر في صيام نسا اكثرهم و منهم انا غير تاع شوفو شاطيبت انا قافزة بلابلابلا اما الفطور اه الراجل كرشه غالباتو
خطرة وحدة في الفاسبوك لقيتها صورت الخبز بزاااااااااااف و تضحك قالتلهم نخبيه في الكونجيلاتور كان اليوم الاول راجلها مخلا مجاب و هما غير زوج بيهم :X3: قالتلنا شهر نورمالمو منشروش
انا عام ليفات كنت نسخف هذا العام بيا غير اللمة نتلمو على الخبز والما
اكيد كون دوك دراهم يديروهم على جيه و ليلة 27 يشروهم ملابس للايتام :Love::Love::Love:
التبذير حرام و في رمضان اكثر لوين لازم تحسي بالي معندوش نرجعو نرمو اكثر
اسعدني مرورك غاليتي ​

 

[Tama Aliche]

اهلا اهلا فيتامينتنا ، ايه مجاعة يا ختي هههههه
يقولوا رمضان يجي و يجيب معاه الخير ، اييه بصح تان يخرجولنا معاه مجاعات افريقية ههههه فالسحور و فالفطور هههه ربي يهدي من خلق
مرسي على الموضوع الجميل الخفيف و الظريف كيما قال خونا "حكيم"
بالتوفيق

 

[GI Joe]

c simple awel youm dkhalt f fcb lguit l hala tkhaltet desabonit men gdeh n groupe w men bezf les pages, bzeeef ywedj3oli guelbi on dirait jamais klaw !!
li yskhef w nombreux f dar bssahethom bssah tabdhir hadek leeeh !!? w yzido yfokho !!! ooh ana papa djabli saumon gali dirihli skhaf 3lih b hadik la façkn ta3 hna mssaken ta3 chorba w bourek bark manach ta3 plawet
aaah 9albi !!y9al9ounii

وللاجابة عالسؤال nooon chi 3bed mayetbelouch teb9a hakda malheuresement

 

[فيتامين سي]

اهلا اهلا فيتامينتنا ، ايه مجاعة يا ختي هههههه
يقولوا رمضان يجي و يجيب معاه الخير ، اييه بصح تان يخرجولنا معاه مجاعات افريقية ههههه فالسحور و فالفطور هههه ربي يهدي من خلق
مرسي على الموضوع الجميل الخفيف و الظريف كيما قال خونا "حكيم"
بالتوفيق

اهلا بيك حنونة
مجاعة dz
رمضان شهر الخير و اللمة و الاجر مي شعبنا واش نديرو عقليته بيزاغ هذوك دراهم لي يرموهم في النعمة نورمالمو يمدوهم و يدو الاجر خير من ذنوب باطل ولا ياسيدي خرجيها مترميهاش
عفوا حنونتي ان شاء الله عجبك الموضوع
#خفيف_ضريف:Love::Love::Love:

 

[فيتامين سي]

c simple awel youm dkhalt f fcb lguit l hala tkhaltet desabonit men gdeh n groupe w men bezf les pages, bzeeef ywedj3oli guelbi on dirait jamais klaw !!
li yskhef w nombreux f dar bssahethom bssah tabdhir hadek leeeh !!? w yzido yfokho !!! ooh ana papa djabli saumon gali dirihli skhaf 3lih b hadik la façkn ta3 hna mssaken ta3 chorba w bourek bark manach ta3 plawet
aaah 9albi !!y9al9ounii

وللاجابة عالسؤال nooon chi 3bed mayetbelouch teb9a hakda malheuresement

هههههه و انا لي كل ما نخرج يدخلوني تاع تشوفي بسيف
ههههههه انا تاع فلفلة و مطلوع بزاف عليا علاش نخلط
الحمد لله دارنا مياكلوش داخ الخلاط كون هبلت
تحطلك 5 بلاوات باش يرموهم :X3::X3n)
للاسف ميتبدلوش ..ابو طبيع ما يجوز عن طبعه