أطباقي في رمضان

[Djaouida]

صحا فطوركم وسحوركم لحباب
ليوم جبتلكم مشاركتي بسيطة ان شاء الله يعجبوكم آطباقي

نبداو علي بركة الله
طبق رئيسي حريرة لي معروفة بزاف عند ناس لغرب
ليوم جبتهالكم علي طريقتي
آولآ
ديري في لاكوكوت شوية ماء مع كمية تاع لحم و 4حبات زرودية. وخليهم مع بعض وشعلي عليهم نار حتي يغلو مع بعض

ومن بعد زيدي عليهم 2حبات طماطم و 2 حبات بصل وحبات بطاطا يكون كبار شوية فوق زرودية ولحم

ومن بعد ديري زوج مغارف طوماطيس تاع العلبة و زوج ماجيقو
وملح و كسبر و حرور و كركم وسكن جبير و كركب وكروية
يعني لي زيبيس تاع لحريرة وزيدي عليها لماء
ملآحظة :
هذه كمية درتها تاع 3يوم

وخليه يطبخ ومن بعد بلعي كوكوت تاعك و نقصي عليها للفور
وخليها طيب علا هواها و لمدة تتراوح بين 2 حتي3 سوايع وعلا نار هادئة
وفي هاد لوقت نديرو كمية من فرينة وما ( هنا منقدرش نحدد لكمية خاطر كل وحدة وكيفاش تحب كثافة تاع لحريرة تاعها )

ومن بعد حلي كوكوت ونحي لحم تاعك وميكسي لخضرة تاعك بل
ميكسار ومن بعد بل رحة تاع لحريرة هادي تاع بكري تقليدية هههه

ومن بعد ديريها فوق نار وخليها تغلي وديري فرينة تاعك و حركي لازم بلخف بها فرينة مديرش دوك لحبيبات

وفجيهة اخري ديري فل مهراس 3فصوص ثوم وقسبر لي زيبيس خلطيهم مليح وديرهم فل لحريرة تاعك و زيديزيدي
2مغارف كبار تشيشة وخليها يطبخو مليح وطفي عليها نار وخلي لحريرة تاعك بجيهة ومن بعد حطيها وشهية
طيبة

​

 

[Djaouida]

يتبع
طبق جانبي ~دجاج محمر ~

بون هنا نحتاجو جاجة مقاطعة
الي الاربعة

وكمية زيت و3 ماجيقو و كركم و آكياس تاع لجاج فقط

بون نتبلو جاج تاعنا و دخلوهم في دوك آكياس و نغلقو عليهم ونديروهم يطيبو

وكي نحسو بيهم طابو نحو هم من اكيآس و نقطعو حبة بصل ونديروها من فوق وشوية زعتر و نعاودو نبلعو عليها ونخلوها تحمار ونحطوها ف طبق التقديم

 

[zyd87]

ايه احنا فالشرق ماناكلوش هذي

 

[zyd87]

ايه احنا فالشرق ماناكلوش هذي لحريره,مي تتبان مليحه,والطبق الثاني فكره ولا اروع وسهله,تعطيك الصحه وصحا سحورك انت تانيت.شكرا.

 

[Djaouida]

يتبع
~.~ سلطة~.~

هنا نحتاجو أرز + كمية من خضار فايرين+ مايونيز+ ذرة تاع سلطة +
طو + كاتشوب
بون خضرة انا درت بطاطا + زرودية + بيطراف جوسي باَ كي تسموه نتوما
اولا حاجة خضرة نديرو عليها كيمة قيلة من زيت ومن ملح
و أرز ندير فيه ذرة + طو + لاموتارد+ فرماج + مايونيز
وفي طبسي ديري روز تاعك علي شكل مربع ومن فوق ديري طبقة قليلة من مايونيز
وبل كاتشيب رشميها من فوق و لخضرة ديريها فل جوانب كيما راهي ف صورة

وفل الأخير زينيها بزيتون و خطوط تاغ مايونيز​

 

[Djaouida]

يتبع

"تحلية"

نحلية درتها بل مشماش
بون نحتاجو كمية من مشماش نحولو نواة
ونديروه في كاسرونة مع تقريباَ كاَس سكر عادي
وكمية تاع لما { المهم لما هنا كي ديريه فوق مشماش ميتغطاش كامل يقعد يبان شوية }
وديريهم فوق نار يطيبو

وكي يطيبو صفي مشماش من داك عصير

وداك لعصير خليه فوق نار حتي يعقد شوية وزيدي عليه 2 مغارف مايزينة
وقعدي تحركي حتي تتقال وتولي عندك كريمة

وفي جيهة أخري ديري 1لتر حليب + 4 مغارف مايزينة + 5مغارف سكر عادي
وديرهم فوق نار حتي يتقالو نحيه

وفل كيسان لي ديري فيهم تحيلة حاجة لولا لي ديريها قاطو داك لي ينباع تاع صغار

وفوقها ديري كريمة المايزينة و داك لمشماش لي طيبتيه

وطبقة وحد لاخري من مايزينة وفل أخير كريمة تاع مشماش و زينيها كيما تحبي نتي

تحياتي
​

 

[عاصفة الورود]

يعطيك الصحة اختي كلش بالطبع ​

 

[سكون الفجر]

ما شاء الله لا قوة إلا بالله
أطباق شهية وتقديم رائع
تسلم ايديكِ حبيبتي، الله يديم عليكم النِعم
عجبني الدجاج المحمر وفكرته رووعة
بالتوفيق يا الغالية

أخوواتي المشاركات لا تخيبوا أمالنا كما حدث من أطباق الأخت أم ياسمين
نرجوا منكم الإلتزام بالوقت
بدأ الوقت وبقي منه 66 ساعة
وفقكن الله​

 

[Oum Loukmane]

السلام عليكم
أطباق رائعه نرجو من الا خوات التفاعل فالأطباء سهله ورائعة
في رمضان كل شئ موجود في البيت الجزائري لا تخيبو ضن بنتي أيا شويه نشاط ههه

 

[لؤلؤة قسنطينة]

السلام عليكم
يعطيك الصحة ختي جويدة أطباق رائعة وتشهي
تاكلوهم بالصحة والهنا ان شاء الله
ربي يحفظلك هادوك اليدين ان شاء الله
وصح فطورك غاليتي
تحياتي​

 

[Djaouida]

ايه احنا فالشرق ماناكلوش هذي لحريره,مي تتبان مليحه,والطبق الثاني فكره ولا اروع وسهله,تعطيك الصحه وصحا سحورك انت تانيت.شكرا.

ايه احنا فالشرق ماناكلوش هذي

سلام عليك
وي هادو معروفين فل الغرب بزاف ايا مزية لي عجبوبك
الله يسلمك ومام نتي حبيبة
نورتيني​

 

[Djaouida]

يعطيك الصحة اختي كلش بالطبع ​

الله يسلمك مرسي​

 

[Djaouida]

ما شاء الله لا قوة إلا بالله
أطباق شهية وتقديم رائع
تسلم ايديكِ حبيبتي، الله يديم عليكم النِعم
عجبني الدجاج المحمر وفكرته رووعة
بالتوفيق يا الغالية

أخوواتي المشاركات لا تخيبوا أمالنا كما حدث من أطباق الأخت أم ياسمين
نرجوا منكم الإلتزام بالوقت
بدأ الوقت وبقي منه 66 ساعة
وفقكن الله​

اَهلاَ حبوبتي سكون
الله يسلمك حبيبة ربي يخليك
وي ساهل وفنفس لوقت يجي شباب بزاف
مشكورة ختيتو
​

 

[Djaouida]

السلام عليكم
أطباق رائعه نرجو من الا خوات التفاعل فالأطباء سهله ورائعة
في رمضان كل شئ موجود في البيت الجزائري لا تخيبو ضن بنتي أيا شويه نشاط ههه

وعليك سلام خالتو
وي ان شاء الله راه ناقص شوية تفاعل هنا
مشكورة حبيبة ربي يخليك
ههههه مرسي زينة والله فرحتيني ب ردك
رائعه هيه ان شاء الله يعجبوهم ويطبقوهم
تحياتي ليك خالتو
وصحا فطورك​

 

[Djaouida]

السلام عليكم
يعطيك الصحة ختي جويدة أطباق رائعة وتشهي
تاكلوهم بالصحة والهنا ان شاء الله
ربي يحفظلك هادوك اليدين ان شاء الله
وصح فطورك غاليتي
تحياتي​

وعليك سلام حبيبة
مرحبا بيك
مرسي زينة هادا من ذوقك
ان شاء الله
امين يارب مشكورة
الله يسلمك ختيتو ومام نتي صحا فطورك
نورتي ​

 

[سكون الفجر]

أين التطبيقات يا أخوات؟؟!
في إنتظار مشاركاتكن​

 

[سكون الفجر]

للرفع​

 

[Djaouida]

ايا بنوتات رانا نستناو فيكم
@saho souhila

 

[أشــواق 19]

هل تم الغاء المسابقة؟؟؟

 

[آمِيْرَتُه]

السلام عليك
يعطيك الصحة
صحة رمضانك