كاميرا كاشي تخلع في الغاشي ماجدة لي ربها ساجدة

[زهرة اللمة]

السلام عليكم

دائما ضمن سلسلة كاميرا كاشي تخلع في الغاشي
مع جماعة الحلف الكاشاوي

اليوم حكمت عضوة غالية على قلبي و نبغيها
@ماجدة لربها ساجدة

انا المظلومة بديت القصف ديراكت :

السلام عليكم
خبيتي ظني فيك ماجدة

حبيبة قلبي بكل براءة :

سلام عليكم اهين ايمانو خبارك
خير ان شاء الله واش درتلك

انا المظلومة :

ماجدة علابالك انت عزيزة عندي
بصح راكي تزعفي فيا
كيفاه تقوليلي انت حبيبتي و اختي و نبغيك
و انت في الشهر تسقسي عليا مرة
على الاقل كلمة كيراكي تكفيني و الله

حبيبة قلبي حنا حطمتني برد تاعها بصح كملت :

والله سامحيني
ربي يعلم انا عمبالك مرات كي نخلي المنتدى تاعي محلول عمبالك راني داخلة فيه غير في رمضان راني داخلة اما الاشهر لي فاتو غير محلول وانا مانيش ندخل فيه
والله معزتك عندي ربي يعلمها
وسامحيني قصرت في حقك
ايا بلا زعاف
قوليلي واش خبارك وخبار صحتك واش رمضان غالبك ولا غالبتيه

انا المظلومة :

لا لا كيفاه مانزعفش
و الله غير نبغيكم و نحب دايما نسمع اخباركم
علابالك رجعتيني نشك في روحي
نقول بلاك انا زعفتها

حبيبة قلبي خربشتلي ليسونتيمو :

والله والو ايمان ماتقوليش هكا انتي اكثر وحدة نعزها ونحبها
راكي كثر من اختي وكيفاش تزعفيني نتي اكثر واحد يفرحني كي ندخل للمنتدى
وانا من جيهتي سامحيني ماشي قصدي وربي عالم

انا المظلومة بغيت نتقلش شوية :

غايضني لحال بزااف
حتى و لو لو كان قولتيلي ماتخلينيش نتقلق عليك

حبيبة قلبي حنا حطمتني و ماقدرتش نقاوم :

والله ماصرات ايمان زعما رمضان وماتسامحيني
ماعرفتكش هكا نتي انسانة قلبك طيب ومايشد الحقد
خلاص فوتي الموضوع هذا

انا الشريرة حن قلبي:

علاه حبيبة قلبي انا نزعف من عينيا
اسمحيلي شاركتي معايا في كاميرا كاشي

بعدها طولت خفت تكون زعفت :

و الله غير نبغيك حبيبةو علابالي عاذراتك
ماتزعفيش ياك

حبيبة قلبي :

هههههههههه حكمتني والله يعطيك الصحة
معزتك في قلبي وربي يخليك ليا يااختي حبيبة قلبي
وصح فطورك قريب ياذن

اسمحيلي اختي لعزيزة و انا نبغيك
ربي يحفظك ليا و ماتخافيش قلبي احمر مانزعفش ^^​

 

[حروف تائهة]

السلام عليكم
هههههه ايمو باينة غاضاتك هههه ماطولتيش
يعطيك الصحة حبيبة
و بصحتك اختي ماجدة تعيشي و تاكلي غيرها هههه

 

[لؤلؤة قسنطينة]

السلام عليكم وصح فطوركم
المخلوقة ظهرت مسكينة عاقلة كتر عليا هههه
كن انا والله من الحرف اللول نقولها كاميرا كاشي هههه
غاضتني مسكينة، الحمد لله لي ماقلقتوهاش بزاف
ولعقوبة مع البقية هههه
شكرا ايمانو على الموضوع​

 

[Hakan]

خخخخ لوكان الكاميرا كاشي قاع كيما هاك لوكان النا راهي تحب في بعضاها ههه واشمن حنية واشمن معزة
اللهم ادمها كاميرا كاشي خخخ​

 

[Gül Bahar]

ههههههه يعطيك الصحة ايمانو
والله غير درتيها بيا وانا صدقتك

العقوبة لي بقاو :p:p
ديرو بالكم من ايمان الشريرة ههههه​

 

[ريحـان]

يعطيك الصحة ايمانو
اختي ماجدة تكبري وتنسايها هه
يعطيكم الصحة

 

[*amani*]

السلام عليكم
الطفلة عاقلة خلاص مسكينة معدبتكش ههههههه
شكراااااا وبصحتك ماجدة

 

[أشــواق 19]

Hhhhhhhhhhh yaatikom sahaaa raki jaybetha khtiiii

 

[Salah eddin]

يعطيك الصحة ام يقطين
وقيلا نرسمك مع الجماعة
​

 

[sanaya]

شريرات ههههههههههههههههههههه

 

[aljentel]

ما كملتي ليش ...ههههههه
كشفتي المغطى بسرعه