- إنضم
- 13 جويلية 2014
- المشاركات
- 3,763
- نقاط التفاعل
- 12,319
- النقاط
- 406
- العمر
- 29
- محل الإقامة
- حوشنا
- الجنس
- أنثى
كيف حالكم احبتي
ان شاء الله كامل راكم لاباس
رمضانكم مبارك و تقبل الله منا و منكم
مرحبا بيكم اليوم في حلقة جديدة من برنامجكم المفضل ( هكا يقولو جماعة التيفي ههههه )
اليوم حلقة من العيار الثقيل و شرشبيل ( هذاك تاع السنافر ) هو لي خططلها بنفسو هههه
ضحياتنا اليوم الديامونتا الزينة @لؤلؤة قسنطينة
بالإشتراك مع الاخت الجميلة @الحلم الوردي
هي نصحتنا نبدلو التكتيك مالا قررنا نبدو بيها هههه
أترككم في المتابعة
انا الشريرة :
السلام عليكم
صحا فطورك اختي مريومة
واش راكي؟
هي الضحية :
مساء الورد حبيبتي
وصح فطورك
الحمد لله نحمدو ربي ونشكروه
انا الشريرة:
الله يسلمك غاليتي
دوم ان شاء الله
حبيت نطلب منك تساعديني في الكاميرا كاشي
اخترنا الاخت الحلم الوردي كضحية هههه
ماعليش تساعدينا؟
هي الضحية:
اممم والله معرف انا يغيضوني العباد ههههه
قوليلي ترا واش دوري ونقولك اذا نقدر، خاطر قادرة تغيضني من اول حرف نبيعلها ههههه
انا الشريرة:
هههههه لا انتي مش راح تحضري للعملية
انا راح نقلها بلي عضوة قاتلي عليها كلام
انها مش مهتمة بمسؤولياتها كمشرفة و لهذا نحاولها الاشراف
مي هذي المرة نحتاج دليل
و نحتاجك تكبيلي هذا الدليل باه نقتسهولها تشوفو
بليز وافقي ههههههه
هي الضحية:
يعني حابتني نمنشر في ملوكة وتهزي رسالتي ديري بيها لافار هههههه هكا !
~~ و بعد مشاورات و مداولات اقتنعت و كتبتلي بعض الكلمات الشريرة
ههههو طبعا بعد ما تأكدت بلي ماهمش متفاهمين عليا خخ
جا دور العمل في الكواليس
~~انا الشريرة:
السلام عليكم و رحمة الله و بركاته
صحا فطورك اختي ملاك تقبل الله منا و منكم صالح الاعمال
واش راكي؟ ان شاء الله راكي مليحة
اختي انا مخرجة : كاميرا كاشي تخلع في الغاشي
حبينا نديرو مقلب للأخت مريم لؤلؤة قسنطينة
ماعليش تساعدينا؟
الممثلة المساعدة:
ايه اهلين حبيبتي
لباس وانت راكي مليحة
قوليلي كيفاش برك
~~ تفاهمنا بلي الأخت ملاك تروح لمريومة زعفانة عليها لأنها تفاهمت معايا ضدها
~~الممثلة المساعدة:
السلام عليكي
صحا فطورك
بون اختي مريم
لحقني خبر بلي انت هدرتي عليا
يعطيك الصحة يا مريم انا الي نقو بلي مريم بنت بلادي تهدري في ظهري
راهي لحقتني واش هدرتي في ظهري ياي اهدريلي ديراكت خير في وجهي
( ماشاء الله عليك اختي ملاك دخلت ديراكت هههه )
هي الضحية:
وعليكم السلام ورحمة الله وبركاته
مساء الورد ملوكة وصح فطورك الزينة
ختي ملاك علابالك بلي مكانتك كبيرة
البارح برك والله وانا نحكي مع عضوة قلتلها بلي ملاك عزيزة عليا بزاف مانحبش حاجة تزعفها
المهم ملاك ختي الزعاف لا يليق بك ههههه
قوليلي شكون بعتك لهاد المهمة هههه
( هنا بدانا الشك بلي فايقة بينا هههه تبا ماهذا هههه لازمتها تدخل طارئ
)انا الشريرة للضحية:
اختي مريم
ملاك زعفت مني و ماحبتش ترضى
قلتلها كاميرا كاشي مي بقات زعفانة
شندير
هي الضحية لي أنا :
قوليلي واش درتيلها بالضبط؟
درك نفري الامر
انا الشريرة للضحية:
انا بعد مادرتلها الكاميرا كاشي بقات زعفانة
ماعرفتش كيفاه نرضيها
قلتلها بلي عاونتيني حسبتها راح ترضى كي نقلها بلي انتي معايا
مي بقات زعفانة
احكي معاها ربي يجزيك الخير مريم
انا ماقصدتش نضرها
~~ هنا مريومة الطيوبة صدقت و بقات غير تهدّي فيا انا لي راني في حالة
و غايضني الحال ههههو كملنا التمثيلية الشريرة هههه
~~الممثلة المساعدة:
بغيت نعرف شكون الي هدر هذ الهدرة ليا
زعفت بزااااف
الضحية:
يا بنتي راكي مادرتي حتى حاجة تتطلبانو انسان يتكلم عليك
ولو انسان يتكلم عليك قوليلي انا بنفسي نروح نهدر معاه
راكي خاطيك المشاكل خلاص شكون هادا لي يهدر فيك يعني؟
الممثلة المساعدة:
واشمن مهمة انتي لي بعثتلي هذيك الطفلة و قالت فيا لكلام
هذاك زعما انا فنيانة
الضحية:
يا اختي ملاك ركزي معايا مليح
قوليلي بالضبط واش كاين وانا نفهمك
الممثلة المساعدة:
المهم وحدة قاتلي كاينة وحدة راهي غي تهدر عليك
وقاتلي راهي قريبة منك
قولتها شكونها قاتلي بنت بلادك
انا قولتلها مكاش منها مي هي قاتلي بلي انت تبدلتي كيفاش كنتي وكيفاش وليتي
( هههه اختي ملاك راكي جايبتها
)~~ في هذي الاثناء انا الشريرة كنت نشكي و نبكي للضحية
نياهاها ~~انا الشريرة للضحية:
اختي مريم راها مش ترد عليا
قوليلها تسمحلي ربي يخليك
الضحية لي انا:
ماتخلعي روحك ماوالو ياك طلبتي السماح وقلتيلها كاميرا كاشي
خلاص درك انا نشوفها
اوكي حبيبتي؟
( شحاااال طيوووووبة حبيبة ربي يسعدها :Love: )
~~ و ذرك نرجعو لمسرح الجريمة هههههه ~~
الضحية:
اختي ملاك قوليلي شكون زعفك وواش لي زعفك
احكيلي بالتفصيل واش كاين بالاك نقدر نساعدك
المهم هي قلبها حنين الله يبارك
( ههههه والله انتي لي قلبك حنين حبيبة :kiss: )
الممثلة المساعدة:
المهم حبيبتي
ان شاء الله ماتقلقتيش مني حبوبة
ياخي انت اعز من اختي
صحا حنونة
مالا اسمحيلها كنتي معانا في الكاميرا كاشي هههه
~~ و تجيني الضحية ههههه ~~
الضحية لي انا :
اه يا ستوتة ملاك زعفت منك اه ههههه
نحكمك نقتلك وانا زعما غضتيني
انا الشريرة:
هههههههه بصحتك مريومة تعيشي و تاكلي غيرها ههههههه
ربي يديم المحبة بيناتكم حبيباتي مريم و ملاك :kiss:
.
.
.
هذي كانت حلقة اليوم
ان شاء الله تكون نالت إعجابكم
انتظرونا في الحلقة القادمة مع المميزة الاخت @فيتامين سي
في أمان الله
