السلام عليكم
صباح النور ميلينا عيدكم مبارك وكل عام وانتم بخير اكيد كسوة وليدي واجدة بلاكي تغيري كي تشوفيها خير من كسوتك وتهلاي فالحنة حنيلو يدو
عجبتني عادتكم حنا لا باب الحارة ولا عفاريت عدلي علام كل واحد في دارو عندي جيراني مقربين لبابنا نتبادلو القاطو ةكاين افارقة قدامنا هذا اول عيد ليهم قالت امي نديرلهم الغدا وندولهم صباح القهوة والقاطو ان شاء الله المشكل موالفة انا ندير القاطو يمى تعرف نتاع زمان ونسات البارح قتلها غير خلينا ترونكيل تجي ديري تشاراك يخرجنا بوراك هههه
شوفي قضية تسلام انا نخليها ونطلع للدار تخيلي انت طالعة وشعب هابط للمقبرة ما جياش تسلمي عليهم كامل وتقولي عيب العيد وحباباتي علاه هذو حباباتك حتى مولات 20 فمرة سلمت على مرا كبيرة سلمت عليها وهذبك جاية واحد 5 عرايس سلمت عليهم اواه انا ما تخرجش عليا كملتهم قتلهم روحي كملي رجالهم هاهم واقفين يستناو دالتهم هههههه اكره ما اكره عندي تسلام العيد كرهتو من يمى عقدتني
ولما نروحو للمقبرة قبر والدي واختي صغيرة واقارب بعدو تفوت قبر عمها مسعود شكون هذا كان صاحب بابا ايه الله يرحمهم ترحمنا وقرينا القرآن شوي ايه هالتي العلجة شكون هذي كانت جارتنا فدوار الفلاني قرينا حتى نقولاو وضرك كيفاه نظابزو على جال الموتى نتف شعري والا ندخل معاهم التحت نديرو قهوة وسقسي خالتك العلجة على الاجواء فلاخرة ههههههه نمشو وندابزو فالطريق
ربي يفرحك قولي لوليدك راني مع المهابل عداوني
نهارك مبروك
