أغرب الفقرات .

درت هنا ...و عاودت درت ...و زدت درت
و مافرزت فيها والو ...
القاشي ق يرحي.. و الناس ق تدحي
ناس تكتب.. و ناس تندب
واحد يهدر ..و الاخر يغدر
واحد يقيس بمن سبق ...و الاخر يقيس بمن صدق

....
و الدجاج راه ق خارج داخل ...و الخارج اكثر من الداخل

:cool:


كما قالو ناس زمان المباتة بالشر ولا طعام عكاس الفقر و الغربة ولا صحبة شاتم سبتي و هلاكي لامان في بنادم

مع ناس الشعبي تحلى القعدة

و يرحم العنقة وناس الحكمة في ديك الرقدة

ماسك العود و الشموع ضواية

الهدرة بالمعاني على الدنيا الغدارة

الكلام موزون و العقل مشمول

وبلاد نايل شان و أصول .

:coffee::)
 
السلام عليكم
lake-balaton-sunset-lake-landscape-158045.jpeg


في سفينة النجاة لم يكن أحد إلا أنا وشبحي
الأمواج تتلاطمة كأنها جبال
الامل في النجاة كان ضئيلا ان لم يكن منعدما
لم يكن أي شيء يدعو للكلام او حتى التفكير فيما سيحدث
كل واحد يترقب وينظر الى الآخر في ذهول
قلب يرجف كأن الموت تناديني
لم يبقى أي شيء إلا الدعاء الى الله
لم يبقى إلا التضرع والخشوع لله
وفي دقائق معدودات عاد كل شيء كما كان
أصبح ذلك الهدوء الذي يسبق العاصفة
مع ان العاصفة هي التي سبقت ذلك الهدوء
وبصوت شاحب خافت خائف نطق شبحي
هذا بيرات اوف كرابين ماصراتلوش هكذا
الزكام ومدار فينا
هلوسات ليلية ماك
 
حلويات كحلوشة يتم صنعها من طرف لمكسرة اليدين حيث ستخسر من أجل أبها الزوج التعيش مائة مليون و تزيد تقولك درلي

داري وحدي وفي الأخير تخترعلك كوشة محروقة ، و مايميز هذه الحلوى بأنها صالحة لإصطياد الحيوانات الطائرة والبرية

ويمكنك أن تستفيد منها بطرد الضيوف ولها عدة وظائف تقشفية حيث يتم طحنها ويصنع منها الإسمنت للبناء وأيضا يمكنك

جعلها سماد للحدائق و النباتات النادرة وإذا أحببت يمنك الإستفادة منها في قتل الحشرات وتسميمها بهذا المسحوق المكحلش

ومن فوائد حلويات كحلوشة أنها تقدم للمسجونين كعقاب شديد لهم وأسرى الحروب كي يعترفوا بأسرارهم .

و هذه الحلوى الساحرة يمكنك حفظها لمدة عشر سنوات دون ان تسوس لأن السوس يهرب ويخاف منها وبهذا تستطيع أن تأكلها دون أن


يذهب طعمها ولونها ومن غرائب هذه الحلوى يمكن صنع منها صابون للغسيل حيث تجفف في الشمس لمدة أسبوع ثم يتم

إستعمالها لغسل وجهك المنحوس وصحى عيدكم جميعا .

do.php
 
كما قالو ناس زمان المباتة بالشر ولا طعام عكاس الفقر و الغربة ولا صحبة شاتم سبتي و هلاكي لامان في بنادم

مع ناس الشعبي تحلى القعدة

و يرحم العنقة وناس الحكمة في ديك الرقدة

ماسك العود و الشموع ضواية

الهدرة بالمعاني على الدنيا الغدارة

الكلام موزون و العقل مشمول

وبلاد نايل شان و أصول .

:coffee::)
هذي في خاطر اصلي و فصلي ...ضربة نايلي حذاك لهيه
برّ سدي نايل مولا النية و برو زيد لهيه ...اهلو ناس ملاح طاليهم نرحل ....لا بد ياتي نهار و نولي ليه
...
انا بري بالذهب ما يتبدل ...رجال الهمة في الشدة و بكاو عليه
سدي عيسى جارتو عين الحجل ...وسارة و حد الصحاري و ماليه
سدي عامر تامسة حدو يكمل ...مناعة ديوانهم و النية فيه
و الراحة في بوسعادة و الهامل ..جبل مساعد دارين جبالو بيه
عين الملح سليم ضراي نتجول ...المويلح دارو الشيوخ حذا لهيه

....
:coffee::)



 
حلويات كحلوشة يتم صنعها من طرف لمكسرة اليدين حيث ستخسر من أجل أبها الزوج التعيش مائة مليون و تزيد تقولك درلي

داري وحدي وفي الأخير تخترعلك كوشة محروقة ، و مايميز هذه الحلوى بأنها صالحة لإصطياد الحيوانات الطائرة والبرية

ويمكنك أن تستفيد منها بطرد الضيوف ولها عدة وظائف تقشفية حيث يتم طحنها ويصنع منها الإسمنت للبناء وأيضا يمكنك

جعلها سماد للحدائق و النباتات النادرة وإذا أحببت يمنك الإستفادة منها في قتل الحشرات وتسميمها بهذا المسحوق المكحلش

ومن فوائد حلويات كحلوشة أنها تقدم للمسجونين كعقاب شديد لهم وأسرى الحروب كي يعترفوا بأسرارهم .

و هذه الحلوى الساحرة يمكنك حفظها لمدة عشر سنوات دون ان تسوس لأن السوس يهرب ويخاف منها وبهذا تستطيع أن تأكلها دون أن


يذهب طعمها ولونها ومن غرائب هذه الحلوى يمكن صنع منها صابون للغسيل حيث تجفف في الشمس لمدة أسبوع ثم يتم

إستعمالها لغسل وجهك المنحوس وصحى عيدكم جميعا .

do.php


خهههههههخخخههههخخههههههه والله ما تحشم يعني مالقيت ما تكتب قالك حلويات كحلوشة ههعخخ ايا من حلزونات موسخة للحلوبات الكحلوشسة اخااااا ههههههه
عجبتني تمنع التسوسههخخههه
 
ازوييييط انقلبت اللمة هخخخه هنا و هناك .. وراءك من ؟؟

الاخ فتحي الشبح الذي يظهر فجأة ليقول لك : مخالفة

للقوانين ههخخه ،، من أمامك وردية الحمراء تروح و تولي

^^

من هناااك هناااك تنبيهات بالشكاير ذيك النعمة ياه .. اضرب

طلة تضربك الفجعة ههخخه اعجاب و اعجااابات

والحالة فااارغة .. ايا كاين تعليق اضرب طلة تضربك ربع

كلمة هههه قالك شكرا ^^ حشمتني ياو ههههه نسى

ما خلصش ههخههه ايا و لهيه لهيه...

تبدا المشاعر بالسيلان قطرة قطرة التشقف ياو

قالك جات الشتا و الرياح ايه و نساو كي تجي الصيف

والعراس .. الشطيح و التعوجات .. ايا و العريس يستنى

يلم شكاير كما الوزراء .. يلقى برية فيها عشرين الف

باش يشري تقاشير للخرجات هههه ايا ووحدة فارغة

باش يلايم فيه الدينارات هههخخه كادو من عند حبيبنا

والله ما تشسوف فرانك نشبع اللحم و نخلطها بشطحة

غانام ستاي هههخخه

وحني يا لميمة العروسة وجها خضر كي الاجاص قبل

ما يصفار .. و يديها كحولا كيما الغبار .. ايا ختها راها مشنفة

و هبلها الاسمر و لات تضحك سنانها تكشفوا و هذا اللي

كانت خايفة منوا بانت السوسة كي ضحكلها خونا و من

الخلعة طاح و هي طاحلها المجوار ههههه

و العجوز محزمة الصرة و الراس الشاوية بنت القهواجي

بوعلام .. واي خلص القهوة يااااو ...

 
السلام عليكم
عجبتني تاع الحلويات تطرد الضيوف هههه وزيد يتعاقبو بيها المساجين هههه
المحروقيات نورمالمو يسميوهم ماش الحلويات
والمعروف ايضا أنو الحلويات هادي يقدرو يديروها رهج للفيران ههههه وطُعم للتماسيح في الادغال ههه
ربي يثبت علينا العقل ان شاء الله هههه
خويا صلاح تصلح شاعر نحتاجوك في قسم البوح
وتحية كبيرة لناس الجلفة الطيبين ^^
خويا مالك هادي هلوسات ليلية ولا هلوسات شبحية ههه تصلح تكتب افلام الرعب
فطيطمة رايحة نتوحش هبالك هادا هههه، وعندك الحق رمضان شهر الخير حتى في التنبيهات ههه
بكري تدخلي تلقاي 7 تنبيهات ماكسيموم درك تدخلي تلقاي 40 و45 تنبيه
ربي يدومها نعمة ان شاء الله
وصح عيدكم مسبقا استمتعنا حقا بهاد الموضوع ولو أنو كان في الدقائق الاخيرة ههه
شكرا لصاحب الموضوع وشكرا لكل من شاركنا فيه
ضحكنا وفرحنا وزهينا ربي يدومها فرحة علينا وعليكم ان شاء الله
ولعقوبة للعام الجاي ان شاء الله
وكل عام وأنتم بخير
تحياتي :giggle:
 
السلام عليكم

الأيام تجري و قد إنقضى شهر رمضان بسرعة ووصلنا إلى إعلان النتائج المشاركين معنا في هذه القعدة الطيبة

كان معنا الإخوة و الأخوات الكرام : @ليليا مرام ، @حلم كبير ، @يونس قاسم ، @Skor m@k ،

@الصحافية الساخرة ، @لؤلؤة قسنطينة ، @habchisalaheddin ، @حفيدة الخنساء

أشكركم من كل قلبي على روحكم الظريفة وحسكم الفكاهي الذي أعطى للفكرة نجاح والدليل إرتفاع نسبة المشاهدة في وقت وجيز

لهذا أعتبر جميعكم فائزين دون إستثناء لأنكم صنعتم البسمة على وجوه المارين من هنا رغما أني كنت أتمنى مشاركة البقية

لكن ماعساي أن أقول أردنا فقط الضحك لتبديل الجو أتمنى إن شاء الله تكون أعجبتكم هذه الفسحة الخفيفة وتكرر مرة أخرى في

المناسبات القادمة لكن لا يعني أني سأترككم دون تقديم شيء فقد حجزت لكم مائدة راكم معروضين تفضلوا وبالصحة والعافية :giggle:.

do.php
 
ماشاء الله من أجمل المنازل في العالم هي البيوت الشامية
الطاولة الفارغة هادي واحد مايحط عينو عليها محجوزة ليا وليليا وفاطيمة وحفيدة الخنساء هههه
بارك الله فيكم خويا على الكرم والضيافة ربي يدومها جمعة ان شاء الله
والله شهر عدا يجري البارح نشفى عليها دخلت للمة الصباح بكري وكان أول يوم من رمضان
ولقيت الحالة خالية الشعب كامل راقد ههه، وغدوة لا كتب ربي قادر نستقبلو العيد ونودعو شهر الخير
والله الايام تجري ماتبقى غير الذكريات الجميلة والجمعة الطيبة
نسأل الله عز وجل أن يبلغنا رمضان العام المقبل، وان شاء الله تكون لينا جمعات طيبة كيما هاد السنة
ربي يغفرلنا ذنوبنا ويستر عيوبنا ويرحمنا برحمتو الواسعة
ربي يتقبل منا الصيام والقيام وصالح الاعمال ان شاء الله
ربي يوفق كل شخص للخير ان شاء الله ونتمنى يكون رمضان هاد العام هو فاتحة خير لكل من ضاقت بيه
ربي يشفي ختنا @ليليا مرام وترجعلها الضحكة في الواقع كيما شفناها هنا في العالم الافتراضي وربي يحققلها تروح عمرة كيما متمنية ويحفظلها يماها ويطولها في عمرها
الاخت @حفيدة الخنساء ربي ينجحك حبيبتي وتجيبي أعلى المراتب يارب نعرفك قافزة ومجتهدة الله يبارك
الاخت @الصحافية الساخرة ربي يوفقك لكل خير حبيبتي وربي يخليلك الضحكة دايما على وجهك وايامك تكون سعادة وفرح
الاخ @حلم كبير ان شاء الله ترجع على خير لبلادك وتكون وسط عايلتك وناسك هادا اول رمضان ليك معانا فرحنا بتواجدك والله
الاخ @يونس قاسم ربي يوفقك خويا في العمل راك تخرجت ودرك تبدا مرحلة جديدة ربي يوفقك فيها وان شاء الله تكون فاتحة خير يارب
الاخ @Skor m@k ربي يوفقك كذلك خويا لكل خير ويسهلك كل ماهو صعب كل عام تزهينا بمواضيعك وبهبالك ههه ربي يهنيك خويا
الاخ @habchisalaheddin ربي يوفقك خويا تكمل دراستك وتلحق لواش حاب ان شاء الله وربي يرحم الوالد ويجعل قبرو روضة من رياض الجنة والله مانسيتو بالدعوات
الاخ @الأزرق الملكي بارك الله فيك اخي على الموضوع، ربي يوفقك اخي لكل خير ان شاء الله ويناولك لي في بالك ان شاء الله
نتمنى القعدة معانا في هاد الشهر تكون عجبتك
ربي يدوم جمعتنا ان شاء الله في الدنيا والآخرة في جنات النعيم ان شاء الله
الدعوات هنا بالمعريفة هههه لي دخل للموضوع ندعيولو لي مادخلش طفرت فيه ههه
غير نضحك ناس اللمة كامل ربي يفرج على كل واحد فيهم وربي يحققلكم كل واش في بالكم ان شاء الله رمضان هاد العام يكون فاتحة خير ليكم
وصح عيدكم تعيدو بالصحة والهنا ربي يدوم جمعتنا، رايحين تبكيوني :cry:
هيا بزاف عليكم خلصلي الستيلو ههه
اتهلاو في رواحكم وصح فطوركم، سلام :)
 
السلام عليكم

بارك الله فيك أختي الكريمة على هذه الأدعية هذا ما نحتاجه وأنت أيضا ربي ينجحك في حياتك و يسرلك أمورك و تتحقق جميع

طموحاتك ويعينك في كل خطوة تخطوها ويفتح عليك باب الخير من كل صوب آمين يارب

ندعو الله في هذا العيد المبارك أن يمسح الحزن على كل المهمومين ويفرج كربة جميع المسلمين وينصر كل مظلومين ويرزق كل المحرومين

و ينزل السلام على بلاد الشام و جميع أوطاننا الإسلامية و يكون رمضان خير و باب فرج وبداية جميلة للجميع .

سبحان الله الوقت أصبح يركض ولم نعد نشعر به هذه هي سنة الحياة لايدوم إلا الأفعال يذهب كل شيء وتبقى الذكريات تحكي عن
نفسها

ربي يوفقنا في بلوغ الجنة ممتن لكم جميعا في لقاءات اخرى إن شاء الله .


اللهم صلِّ على سيدنا محمد وعلى آله وصحبه أجمعين

في آمان الله وحفظه.

 
السلام عليكم و رحمة الله

اولا شكرا لك اخي الطيب @الأزرق الملكي على هذه المبادرة الرائعة بدلنا جو و ضحكنا واستكتعنا مع الاعضاء ربي يحفظكم ان شاء الله و يفرحكم ياا رب .. مشكورة اختي @لؤلؤة قسنطينة بارك الله فيك و ربي يجازيك كل خير ما شاء الله اخلاق و طيبة ربي يحفظك من العين وان شاء الله تعيدوا بالصحة و الهناء ياا رب
 
السلام عليكم

وفيك ألف شكر أختي الكريمة ممتن لتواجدك بيننا في هذه الفسحة من الترفيه

ربي يعطيك ما تتمنيه من خير و يوفقك في حياتك

عيدكم مبارك و تقبل الله منا صالح الأعمال

بارك الله فيكم .

 
السلام عليكم
يعطيك الصحة خويا والله موضوع فور خصارا مكانش من أول رمضان
ان شاء الله العام الجاي بحول الله
الشكر موصول للأعضاء لي شاركو فيه وزهاونا الحالة بردودهم الشيقة

بصح ياخويا قلتنا نخيرو أحسن رد دبر راسك خير هههههههه
انت صاحب الموضوع شوف لي عجباتك وقولنا
خاطرش وعدتنا بكأس لبن وسبع تمرات ودعاوي الخير هههه :LOL:
والوعد لازم مايتخلفش هههههه
ولا نديرو إضراب هههههههه

 
السلام عليكم

شكرا لتواجدك معنا أخي الكريم ربي يحفظك ويعطيك ما تتمنى و يسرلك أمورك

نعم لو كان في أول رمضان أحسن لكن كما تعرف الأفكار لا تأتي إلا في وقتها مثل المطر

المهم إكتشفنا فكرة جديدة ستكون ممتعة في الأعداد القادمة إن شاء الله

قد وعدت الفائز بكأس لبن و تمرات لكن وجدتكم كلكم فائزون لأنكم صنعتم البسمة و المرح هذا الأسبوع

لهذا خصصت لكم جلسة شامية أطلب ما شئت و تذوق أيضا المتة السورية مشروب رائع حقا

عيدكم مبارك جميعا و تقبل الله منا صالح الأعمال

بارك الله فيك
 
السلام عليكم
و الله الله يحفظكم كيما راكم على الكلام الطيب الزين
و خويا الازرق و الله راك فسحتلنا فسحة زينة ياسر هنا باه نضحكو و نقسرو على مرام و الصحافية
ههه
وش نقولك الله يجازيك من كل خير و يحفظك
و الاخت @لؤلؤة قسنطينة الله يحفظك و يجازيك من كل خير
و يحفظك لاهلك و ناسك
و الجماعة هنا كامل
نقولكم صح عيدكم و كل عام و انتم بالف الف الف خير
ههه

 
السلام عليكم

شكرًا أخي الكريم ربي يرزقك من فضله و يوفقك في حياتك

قد عشنا أسبوع ممتع داخل اللمة غيرنا فيه بعض من الأجواء

يسرني أن الفكرة أعجبتكم وقضيتم وقت ممتع وكلكم تستحقون الفوز لروحكم الخفيفة

عيدكم مبارك وكل عام والأمة الإسلامية بألف خير

بارك الله فيكم
 
ياودي قالك جا العيد جا و راح شهر الرحمة و الغفران ( دمعة تطيح صح ... اجمل شهر ذهب )
صح عيدكم خاوتي و طلب من المشرفين يخلونا هذا الموضوع مايغلقوه و الله غير لهبال عايشين بيه
 
ماشاء الله من أجمل المنازل في العالم هي البيوت الشامية
الطاولة الفارغة هادي واحد مايحط عينو عليها محجوزة ليا وليليا وفاطيمة وحفيدة الخنساء هههه
بارك الله فيكم خويا على الكرم والضيافة ربي يدومها جمعة ان شاء الله
والله شهر عدا يجري البارح نشفى عليها دخلت للمة الصباح بكري وكان أول يوم من رمضان
ولقيت الحالة خالية الشعب كامل راقد ههه، وغدوة لا كتب ربي قادر نستقبلو العيد ونودعو شهر الخير
والله الايام تجري ماتبقى غير الذكريات الجميلة والجمعة الطيبة
نسأل الله عز وجل أن يبلغنا رمضان العام المقبل، وان شاء الله تكون لينا جمعات طيبة كيما هاد السنة
ربي يغفرلنا ذنوبنا ويستر عيوبنا ويرحمنا برحمتو الواسعة
ربي يتقبل منا الصيام والقيام وصالح الاعمال ان شاء الله
ربي يوفق كل شخص للخير ان شاء الله ونتمنى يكون رمضان هاد العام هو فاتحة خير لكل من ضاقت بيه
ربي يشفي ختنا @ليليا مرام وترجعلها الضحكة في الواقع كيما شفناها هنا في العالم الافتراضي وربي يحققلها تروح عمرة كيما متمنية ويحفظلها يماها ويطولها في عمرها
الاخت @حفيدة الخنساء ربي ينجحك حبيبتي وتجيبي أعلى المراتب يارب نعرفك قافزة ومجتهدة الله يبارك
الاخت @الصحافية الساخرة ربي يوفقك لكل خير حبيبتي وربي يخليلك الضحكة دايما على وجهك وايامك تكون سعادة وفرح
الاخ @حلم كبير ان شاء الله ترجع على خير لبلادك وتكون وسط عايلتك وناسك هادا اول رمضان ليك معانا فرحنا بتواجدك والله
الاخ @يونس قاسم ربي يوفقك خويا في العمل راك تخرجت ودرك تبدا مرحلة جديدة ربي يوفقك فيها وان شاء الله تكون فاتحة خير يارب
الاخ @Skor m@k ربي يوفقك كذلك خويا لكل خير ويسهلك كل ماهو صعب كل عام تزهينا بمواضيعك وبهبالك ههه ربي يهنيك خويا
الاخ @habchisalaheddin ربي يوفقك خويا تكمل دراستك وتلحق لواش حاب ان شاء الله وربي يرحم الوالد ويجعل قبرو روضة من رياض الجنة والله مانسيتو بالدعوات
الاخ @الأزرق الملكي بارك الله فيك اخي على الموضوع، ربي يوفقك اخي لكل خير ان شاء الله ويناولك لي في بالك ان شاء الله
نتمنى القعدة معانا في هاد الشهر تكون عجبتك
ربي يدوم جمعتنا ان شاء الله في الدنيا والآخرة في جنات النعيم ان شاء الله
الدعوات هنا بالمعريفة هههه لي دخل للموضوع ندعيولو لي مادخلش طفرت فيه ههه
غير نضحك ناس اللمة كامل ربي يفرج على كل واحد فيهم وربي يحققلكم كل واش في بالكم ان شاء الله رمضان هاد العام يكون فاتحة خير ليكم
وصح عيدكم تعيدو بالصحة والهنا ربي يدوم جمعتنا، رايحين تبكيوني :cry:
هيا بزاف عليكم خلصلي الستيلو ههه
اتهلاو في رواحكم وصح فطوركم، سلام :)
السلام عليكم و رحمه الله تعالى وبركاته
بارك الله فيك اختي الكريمة
حقا أنا سعيد أنني متواجد في أسرة اللمة الرائعة
قضيت اوقاتا رائعة بينكم
صح عيدكم وكل عام وانتم بألف خير
حلم كبير
 
ياودي قالك جا العيد جا و راح شهر الرحمة و الغفران ( دمعة تطيح صح ... اجمل شهر ذهب )
صح عيدكم خاوتي و طلب من المشرفين يخلونا هذا الموضوع مايغلقوه و الله غير لهبال عايشين بيه
السلام عليكم

شكرا أخي الكريم لتواجدك معنا ربي يحفظك ويسهلك أمورك ويرزقك ما تتمناه في حياتك

كنتم مثل العسل وخفة دمكم تروي الأفواه بالبسمات العفوي

سنشتاق فعلا لهذا الشهر العظيم و أجواؤه المميزة

عيدكم مبارك وكل عام و الأمة الإسلامية بخير

بارك الله فيك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top