تجهيزآت العيد ... كوني طبيعية بدون مكيآج

[saho souhila]

اهلآ بنآت اللمة ،، بمأنو العيد قرب حنآ لبنآت كامل نحوسو نبانو بطلة زاهية و بلآ مكيآج
جبتلكم سلسلة من الوصفآت باه تجهزي روحك لنهآر العيد

نبدو على بركة الله :


°•° نزع النقآط السودآء .. بزآف منآ عندهم مشكلة النقاط السوداء و هاهو الحل مجرب
تجيبي 2 مغآرف عصير ليمون .. ملعقة ملح ... ملعقة زيت الزيتون
تمزجيهم و قبل وضع هدا الخليط جيبي منشفة بليها بما سخون و خليها على منطقه الرؤوس السوداء 5 دقايق من بعد ديري الخليط على المنتطقة و بقاي تحركي فيه 3 دقايق و تركيه 5 دقايق و حيبي منشفة و حكي الخليط راح تنزل النقاط كامل معاه


•°• السواد تحت العينين : من قلة الرقاد التعب و الارهاق قلة الاكل سيرتو مين رانا فرمضان ليسونسيال عندي الحل
جيبي مغرف قهوة بودرة و مغرف عسل خلطيهم مليح مليح و ديريهم ما تحت عينيك

•°• تبييض منكقة ما حول الفم : تاني لي عندها هاد لبروبلام جيبي عصير ليمون مع ملعقة عسل و لبن او حليب و سكر خلطيهم كامل و دهني قاع البلاصة خليهاا تطول و منبعد فركي وجهم بالماء ما بارد ما سخون

•°• عندك حبوب في وجهك مي دك لحبوب الحمراء هاتي قطعة ثلج و حطيها عليه تركيها ربع ساعة

•°• خصك تنحي الشعر الرقيق للوجه او مام الرؤوس السوداء و الزوائد لي فوجهك ننصحك تجربي هاد
فحم دقيه مليح حتا يولي بودرة و خلطيه مع غراء مي يكون يلصق و مشي حاد غراء نتاع دراري لي يقراو و ديريه على شكل ماسك لوجهك
و تاني ينتباع لبغيتي تشريه قوليله برك ماسك الفحم

و لي تنظيف الوجه و البشرة عامة و نعومتها ننصحك بزاف بهاد المنتج



•°• نروحو لتحمير الشفايف بلآ احمر الشفاه... بطريقة افضل و اجمل


صنعي خليط لي هو .. سكر + عصير الليمون +ملعقة عسل + زيت اللوز و لا زيت الزيتون
دخليه فالثلاجة بيلاما راكي توجدي فعصير الشمندر
جيبي نص حبة شمندر لي هي بيطراف و لا باربا كيمآ نقولو
رابيهآ و ديريها في قماش و ضغطي عليها حتى يخرجلك قاع العصير نتاعها

من بعدا جيبي لخليط الاول دهني بيه شواربك و خليها 10 دقايق من بعد نحيه عن طريق الحك
و منبعدآكينا جيبي قطنة و غمسيها فالعصير نتاع لبطراف و دهني بيها فمك
اراح يبان رطب و وردي هدا بديل احمر الشفاه طبعا

و اخيرآ ^^ تبييض الوجه و ترطيبه جيبي كسرونة خلطي عصير الليمون و زيديلو بياض البيض مع زيت اللوز و زيديرو فرينة قد مايرجع كيلكريم دهني بيه وجهك مليح

هادو الوصفآت فحال منجحوش مياتروا فوالو قاع طبيعيين

ايآ طولت عليكم تهلآو فرواحكم ... سلآم :kiss:
​

 

[*amani*]

السلام عليكم
اهلا سهيلة...وصفات رائعة .طبيعيةوسهلة
خاصة تاع احمر الشفاه روعة
يعطيك الصحة وسلمت يداك

 

[saho souhila]

السلام عليكم
اهلا سهيلة...وصفات رائعة .طبيعيةوسهلة
خاصة تاع احمر الشفاه روعة
يعطيك الصحة وسلمت يداك

و عليكم السلآم ،،
مخسي حبيبتي على هآد الطلة
يسلممك أمآني :kiss:​

 

[آمِيْرَتُه]

السلام عليك
صحة عيدك
مشكورة على الموضوع

 

[ام تسنيم واحلام]

صح عيدكم
بارك الله في مجهوداتك

 

[Bouchra zarat]

merci hobi