اعادة البكالوريا للمقصيين بسبب التاخر ...مع / ضد ؟

[Salah eddin]

يا خاوتي نتناقشو بلعقل برك
في النهاية راهي مجرد آراء خاطر القرار تم اصدارو وانتهى
حنا هنا نوعيو بعضانا برك ونتشاركو الحديث بلعقل
يعني كل شخص يفهم غيرو بلعقل​

و هو كذلك اختي مريم​

 

[secret de coeur]

السلام عليكم أختي مشكورة على الإشارة
عصا الوزيرة ما تجيش تلعب بمصائر الناس معليناش كان تحذير على التأخير وغيرو ومدتلهم وقت زايد مانيش نقول ماراهمش غالطين مي لو كوني وزيرة ما نحيش نلعب بامتحان مصيري لولاد الناس ونقصيهم علاه ما نضربتش بالعصا على قيادتها الفاسدة للوزارة هي وين كا نت لما العام اللي فاتت تسربو الامتحانات علاه ما نجانضربتش بالعصا على ابتظائيات شفناهم فالشلف وفالقرى النائية اشبه بزريبة حيوانات وقت هي فالشتا تدفا فمكتبها كانو ولاد الناس يموتو للبرد تقوليلي مش هي لالا هي انا عندي عمارة نعرف كل السكانيين وكل الديار هي ليا لازم نعرف كل شي على كل دار يا اختي هذي سياسة الضرب بالعصا باه يورو للي قلتي عليه عاطفي انو اتكل علينا باه تبقى حتى تشيب فالوزارة ماكان حتى وزير يخدم فخدمتو منىبعد يجو يرفدو العصا للشعب بزاف عليهم
راني معاك غلطو مي انت وليدك يغلط تقوليلي لالا ما نعاملوش بعاطفتي لازم ينضرب ايه معاك ينضرب كحل ثاني للعقاب اما تخرمبه من مستقبلو وتقوليلي لالا باه يتربى لالا ماشي هذا الحل
ما نظلموش ولاد الناس ونقولو كانو يستناو فالتسريبات اغلب اللي وراهم كانو نجباء وانهارو لانو ما حضروش
انا مع اعادة الباك لانو هذا مستقبل انسان ما عندهاش الحق تجي هي طفيه خاطر هي وامثالها مأمنين مستقبلهم ومستقبل اولادهم
مشكورة اختي وجزاك الله كل خير

الوزيرة جديدة فالميدان وهذا عامها 3 برك
تسريبات السنة الماضية كانت خارجة عن سيطرة ومهمة حماية المواضيع نظن مش مهمتها برك
تدخل فيها حتى وزارة الداخلية وأمن وووو
المهم اما بالنسبة للإصلاحات هاي امر ثاني ونتمنى يتم تجديد كل ماهو هش ومدارس استعمار التي لم ترمم من قبل للاسف شفنا حال مدارس وتاني مشكل النقل المدرسي فالقرى النائية
اما بالنسبة لتقوليلي تضيع مصير اولادنا ؟ كيفاش هاد الولد ماخافش على مصيرو انا كوزيرة نخترق القوانين ونتهاون في تطبيقها باش نخافلو على مصيرو
خلينا عقلانيين اختي ونفكرو بنضج، شبابنا عاد يحبها طاااااااايبة وسايبة
شباب طائش وكسول والله هادي حالهم دك
كيما العام الي فات فرحو كي عادو يشوفو المواضيع
قال السنة تاني نجربو
نتمناو فقط يقدرو قيمة الدورة الإستدراكية ويفرحو اهاليهم

شكرا لتفاعلك الرزين

 

[طموحة]

اخت طموحة
قريت ردك حرف حرف
و اسلوبك هو تقزيم الحجج تاع الغير
انا نقولك هاك ..ونتي تقولي شكون قالك كذا كذا
كيفاه شكون قالي ...
و الكلمة تاعك الي بينتلي بلي ردك مش منطقي كي قلتي وش علاقة المصداقية بالاعادة تاع الباك
هذي ما نردش عليك فيها ..اسمحيلي راكي بريزيتيني ​

السلام عليكم
الحمد الله هدرت بأسلوب عادي جدا
تقزيم حجج عفوا أنا رديت على كل حجة بواش شفتو منطقي
وماقلتش فولا كلمة شكون قالك
قلت بلي واحد ماقال بلي رمضان حجة للتأخر أي أنا أيضا لا أعتبره حجة
أن ترد أو لا حرتك الشخصية أخي
واسمحلي أنا اذا دخلت في نقاش باش تنبادلو أفكار من بعضنا و نستفادو
ماشي باش صوا نوافقوا صوا معنتها رانا متهجمين
وايدا كان كل واحد داير في بالو بلي راهو داخل الموضوع يذكر موقفو و فقط واما هو و اما لا
ما نشوفش الفايدة بمشاركة الرأي اذن
في أمان الله وسلام ​

 

[Malika Tlm]

يا خاوتي نتناقشو بلعقل برك
في النهاية راهي مجرد آراء خاطر القرار تم اصدارو وانتهى
حنا هنا نوعيو بعضانا برك ونتشاركو الحديث بلعقل
يعني كل شخص يفهم غيرو بلعقل​

السلام عليكم
ايه ختي والله عندك الحق يا اخوان هذي مناقشة برك تعقلوا دوك تقلبوها حاجة كبيرة
بالعقل والنقاش لازم يكون حلو
تحياتي

 

[ليليا مرام]

السلام عليكم
صحيتو جماعة الخير
قلت نرد عليكم ضربة وحدة خير من ان نقتبس كل رد وحدو لانو جماعة ال * مع* عندهم نفس الادلة يعاودو فيها ....
ايا بسم الله
و نرد خصيصا على الاخت @ليليا مرام هه
شوفي و شوفو نتوما كيما راكم
اولا هذي قضية تاع واحد العام كامل و هو يخدم و يقرا و تروحلو في حكاية زوج دقايق هذي ما هيش عذر

اهلا خصصتني انا اوك راح ناقشك
هذي ماراهيش عذر هذي حقيقة ناس ما يرقدوش عام وهو يجري واللي نحاو والديه على روحهم حرمو رواحهم وراحو يقروه جي لالة بن زعبيط نتاعك تحرم وليد الناس مستقبلو شكون هي هذي علاه هوما دايما تطبق عليهم قوانين من راسها وما قالوش من حقنا ما نديروش لوينتا الشعب هذا كالمعيز الراعي اللي حا يسوقو ايه مستقبلهم هذا ماشي عذر بالنسبة ليك ليهم مستقبل مش عذر
لانو اصلا الواحد لازم يدير حسابو لانو الاستدعاء الي فيه المواقيت تاع الامتحانات راه يخرج شهر قبل الباك لذلك ماكشن حتى عذر
وعلاه حنا قلنا ماجاهمش الاستدعاء وصلهم وعارفين ومحضرين وراحةجو ما رقدوش اسمع ناس وصلت روطار بدقيقة دقيقة تحرم عليها انسان من حياتو احنا مش ليهود لو انا مدير مؤسسة لو نعرف نخسر خدمتي هذا ما قعدش بالدقايق ونص ساعة دقيقة دقيقتين اقصى حد فالتاخرات هذا تحرمو بركانا وما تقوليش عذر هذي مش اعذار هذا واقع

امالا المقصيين تاع السنوات الماضية كيما راهم يعاودو ولا كيفاه ؟؟ وين راح حقهم السابقين اذا نعتمدو هذي المنهجية

علبالنا كلنا العام اللي فات واش صار تسريبات وقريب راح المحرم فالمجرم بسبة سياسة هوما يديروها والشعب يخلص واش من منهجية هوما شافو انو التأخرات ما تجاوزتش ظقائق الرئيس قرر يمدلهم فرصة الظلم عند ربي مش مليح امهاتهم بكاو نهارو حرام الشي هذا على دقيقة تضيعلو حياتو انت تقبل تبني دار عام وانت تتعب ويجي واحد على شي تافه يهدمها تقبلها وكون صادق
و الي جاتو ظروف قاهرة باه ما يعقبش ..الله غالب ..العام الجاي يقرا حسابو و خلاص
لانو الاعادة تذهب مصداقية الباك و تخلي التساهل في صفوف المترشحين للدورات القادمة
...
اما الي يقول النقل و كذا هذي ق اسمحولنا فيها ...انا شفت بعيني ..النقل متوفر اكثر من الايام العادية ...
...


الحمد لله ماراكش صالح بن غبريط ممكن هي خير منك لو انت تخلي واحد يجوز فالبلاد
النقل وين شفتو فالجلفة طريق فارغة ماكان لا سيركلاسيو لا يديك لا يجيبك انت تعرف شعال تقعد سيركولاسيو فالعاصمة والا غير شفت حولك حكمت على البلاد قاع انت ساتيليت حكمت دزاير والا قتلهم فرغوها راحين يفوتو الباك اهدر هدرة تدخل فالبال وهكذاك وصلو والفارق دقيقة او دقيقتين

زيد ...الصيام و رمضان ..راه على قاع المترشحين ...شني الفرق بين الي قدر يفوت في ظروف عادية و الي تاخر

اسمع اللي تهدر عليهم اللي صامو وغاضوك وفوتو كاين كلاو رمضان وداروه سبب ولخرين وصلو صايمين ودخلو باه يفوتو ورجعوهم قادرين يقولو الاولوية لينا لخرين فاطرين واحنا صايمين بركا صلاح ما تخلط اللي خلاوهم للدورة هذي كانو عارفين راحين يقصوهم كنا نستناو الدورة تتعاود ياك من وقتها فات عليهم العيد كحل القرار سمعناه كلنا يعني ظلموهم لخرين صامو وهذو فطرو
ياو اسمعو صومو قالكم صلاح باه نكون متعادلين


و ما تقولوليش الزهر ...لانو كيما هاك ..راكم تضربو المجهود تاع الناس الي عقبو في الزيرو و تعطو مجهودهم للزهر
....
هذي زهر سمعناها منك قتلك واحد ماكان عارف انو راح يعاودولهم
و جماعة رانا نهدرو بموضوعية ..ما تقولوليش حط روحك في بلاصة المقصي ..لالا ما نحطش روحي في بلاصتو ...لاني نهدر بموضوعية
اواه ما تكونش فبلاصتهم لانو ما عندكش خوك فوت وصراتلو ويماك قلبها محروق ولا اختك تحاول تنتحر لانو حست مستقبلها ضاع يا صلاح اصلا هذا التصرف موضوعي ضاعتلهم فرصة مش بقصدهم ما فيها والو لما تمد فرصة واش راح يصرا واش راح تربح لو ما عاودوش الوزارة تتنظم تصفقو لبن غبريط علامها طالع بيكم بلا بيكم معناها ماكان لاه نعفسو على ولاد الناس باه نقولو فلان عندو الحق وانت مقتنع انو طريقتها كلها غلاط فغلاط

و نتوما اصلا راكم تقولو المقصيين بسبب التاخر ..يا جماعة و كأن التاخر كان حاجة عادية و طبقوها السنة برك ؟؟؟؟؟
التاخر راه من اكبر الاسباب الي يقصى عليها المترشح ...لذلك وجب الاشارة
و الي عندو فكرة اخرى يتفضل مشكور ...
​

انا نعرف شي واحد الظلم ربي ما يحبوش تاخرو علاه نضيع حياة انسان مافيها والو نمد فرصة
مشكور وهذ رأي الخاص

 

[يزيد 05]

@ليليا مرام
@يزيد 05
في رأيي الضرب بعصا صارمة في حق المتأخرين من حق الوزيرة
نعقل وقتنا كاان قليييييييييل الي يجي متأخر رغم انو وقت التأخر كان محدد بنصف ساعة من ابتداء وقت الإمتحان
ويدخلو رئيس المركز وهو يسولاجي فيه وغير بالشوية ويقولو دك تلحق
مي دك عادو يتعمدو التأخر عل وعسى يخرج الموضوع في مواقع التواصل الإجتماعي
ملا كيفاش حابين الوزيرة تردعهم غير بتطبيق صرامة في سن القوانين وكي قالت دقيقة مانقبلش تأخر راه باين علاش بكر اسيدي
انا كنت نروح قبل مانبداو بنصف ساعة المراكز تفتح بكري وماكنش الي يناقشني فيها هادي
ابار كاين الي بعاد والله نبكر ومانفوت على روحي تعب عام
هذا امتحان مصيري ماشي لعب
مي حمد لله صابو رئيس عاطفي او مدلهم فرصة ثانية عقبال اضراب العام الماجي تشوفو ربلة الي ينوضوها متأخري السنة القادمة مطالبين بدورة استدراكية
هذا اذا نجحت هاد الدورة الإستدراكية اصلا
ربي يجيب الخير

اختي الكريمه لما نتكلم على احترام الوقت نعم انا معه ولست ضده لكن يتم تطبيقه على الجميع وليس فئة معينة
اختي الكريمه لما نتكلم عن احترام الوقت نتكلم على كيفيه تربيه النشئ والاجيال عليه من الصغر ليتربوا عليه ويصير عاده حميده بدون اجراءات عقابيه لان استعمال العنف والاجراءات التعسفيه ليس هو الحل
اختي الكريمه لما نتكلم على احترام الوقت نتكلم على المسؤولين الذين يريدون تطبيقه وهم لم يطبقوه على انفسهم كيف تنهى عن خلق وتاتي مثله
اختي الكريمه لما نتكلم عن الظروف القاهره هناك الاف التلاميذ في اماكن مختلفه يمكن يتسبب اي شيء كان سائق او مركبه او ازدحام او او او او في تعطيل التلميذ على الوصول فالوقت المحدد بدون دخل له
اختي الكريمه الالاف التلاميذ يجتازون اختبار مصيري في مسيرتهم العلميه بعضهم يبيت الليل وهو يراجع بسبب حلمه بالنجاح وتحقيق غايته يغلبه التعب ينام وهو مغلوب على امره يتاخر لخمس دقائق نقوم بحرمانه واقصائه سبحان الله ما هذا ورب العالمين عماد الدين وهي الصلاه يقول لك اذا حضرك النوم وانت في تعب نم ثم صلي واذا حضرك الاكل كل وثم صلي لكي تصلي صلاتك بحضور قلب وبخشوع
ما بالنا نحن سبحان الله قلوبنا حجر لا نقيم عذر ولا نرحم
اختي الكريمه لما نتكلم عن كل هذه الاجراءات واصل سببها الاول وهو الغش الذي حدث من قبل نتكلم ايضا عن الطريقه الخاطئه لمداواة هذا الداء ونفس الخطأ وهو استعمال العنف والاجراءات التي لا ليست هي الحل الدائم . لما نتكلم عن الغش نقوم بمحاربته بالطريقه الصحيحه وهي تربيه ابنائنا من الصغر عن نبذ الغش وعلى بذل الجهد لتحصيل المراد لو ربينا ابنائنا هكذا ما كنا نصل لهكذا مواصيل وكان الصادق في طلب العلم حتى ولو وضعت له الحلول امامه لا يقربها ويعتمد على جهده
الشجره لما تكون صغيره نغرسها ونقوم بوضع دعائم لها وهي صغيره تكبر مع الدعامه معتدله وتبقى على حالها معتدله لكن اذا تركناها من الصغر بدون دعامه تكبر معوجه واذا حاولنا اقامتها على كبرها بالعنف تنكسىر
هذا مثال بسيط يلخص كل شيء
ومانكذبوش على بعضانا رانا مناش ملاح فالحوايج هذو احترام وقت او غيره ونبداو نفسرو ونحللو كل واحد على هواه وكل واحد يدير اجراءات لي يحب ويطبق على من حب
هذا يسمى الظلم بعينه .

 

[Salah eddin]

السلام عليكم
الحمد الله هدرت بأسلوب عادي جدا
تقزيم حجج عفوا أنا رديت على كل حجة بواش شفتو منطقي
وماقلتش فولا كلمة شكون قالك
قلت بلي واحد ماقال بلي رمضان حجة للتأخر أي أنا أيضا لا أعتبره حجة
أن ترد أو لا حرتك الشخصية أخي
واسمحلي أنا اذا دخلت في نقاش باش تنبادلو أفكار من بعضنا و نستفادو
ماشي باش صوا نوافقوا صوا معنتها رانا متهجمين
وايدا كان كل واحد داير في بالو بلي راهو داخل الموضوع يذكر موقفو و فقط واما هو و اما لا
ما نشوفش الفايدة بمشاركة الرأي اذن
في أمان الله وسلام ​

يا اختي ماذابيا نستفاد من الاخذ و الرد في الموضوع
في النقاش هذا راه ما عندي لا ناقة و لا جمل
رانا نهدرو برك بالاك كاشما نخرجو بفايدة
بصح انا باه نجيب حجة و يجين واحد اخر يقزم الجة تاعي هاك برك دون دليل هذي اكيد مش راح تعجبني
و مانيش جاي باه نمدر ايي برك و خلاص
راني تحت الموضوع للجميع و لكل الاراء
بصح الواحد كي يمد راي مخالف لرايي ..اكيدر اني رايح نبين بطلان رايو و نسعى لذلك و هو ايضا
هذا الهدف من الموضوه
و راكي شايفة بلي كي رديت عليك ما قلتش السلام ...راني عطيتلك الحق في الرد
اما اذا كان الواحد عارف بلي كي يلقى الي يعارضو يزعف و يقول السلام عليكم تاع خلاص ما نشوفش ردكم
هذي هي لي ماناش رايحين ندو منها الفايدة​

 

[فارس الروح]

بالمختصر المفيد بروكولاجح... وسياسة الترقيع...

 

[Salah eddin]

انا نعرف شي واحد الظلم ربي ما يحبوش تاخرو علاه نضيع حياة انسان مافيها والو نمد فرصة
مشكور وهذ رأي الخاص

راني عارف بلي هذا راي
ماكيش مظطرة تقولي هذ اراي كل مرة
اما بخصوص كلامك
اعادة عام ماهيش ضياع لحياة انسان . انما هي درس يتعلمه الانسان .​

 

[secret de coeur]

اختي الكريمه لما نتكلم على احترام الوقت نعم انا معه ولست ضده لكن يتم تطبيقه على الجميع وليس فئة معينة
اختي الكريمه لما نتكلم عن احترام الوقت نتكلم على كيفيه تربيه النشئ والاجيال عليه من الصغر ليتربوا عليه ويصير عاده حميده بدون اجراءات عقابيه لان استعمال العنف والاجراءات التعسفيه ليس هو الحل
اختي الكريمه لما نتكلم على احترام الوقت نتكلم على المسؤولين الذين يريدون تطبيقه وهم لم يطبقوه على انفسهم كيف تنهى عن خلق وتاتي مثله
اختي الكريمه لما نتكلم عن الظروف القاهره هناك الاف التلاميذ في اماكن مختلفه يمكن يتسبب اي شيء كان سائق او مركبه او ازدحام او او او او في تعطيل التلميذ على الوصول فالوقت المحدد بدون دخل له
اختي الكريمه الالاف التلاميذ يجتازون اختبار مصيري في مسيرتهم العلميه بعضهم يبيت الليل وهو يراجع بسبب حلمه بالنجاح وتحقيق غايته يغلبه التعب ينام وهو مغلوب على امره يتاخر لخمس دقائق نقوم بحرمانه واقصائه سبحان الله ما هذا ورب العالمين عماد الدين وهي الصلاه يقول لك اذا حضرك النوم وانت في تعب نم ثم صلي واذا حضرك الاكل كل وثم صلي لكي تصلي صلاتك بحضور قلب وبخشوع
ما بالنا نحن سبحان الله قلوبنا حجر لا نقيم عذر ولا نرحم
اختي الكريمه لما نتكلم عن كل هذه الاجراءات واصل سببها الاول وهو الغش الذي حدث من قبل نتكلم ايضا عن الطريقه الخاطئه لمداواة هذا الداء ونفس الخطأ وهو استعمال العنف والاجراءات التي لا ليست هي الحل الدائم . لما نتكلم عن الغش نقوم بمحاربته بالطريقه الصحيحه وهي تربيه ابنائنا من الصغر عن نبذ الغش وعلى بذل الجهد لتحصيل المراد لو ربينا ابنائنا هكذا ما كنا نصل لهكذا مواصيل وكان الصادق في طلب العلم حتى ولو وضعت له الحلول امامه لا يقربها ويعتمد على جهده
الشجره لما تكون صغيره نغرسها ونقوم بوضع دعائم لها وهي صغيره تكبر مع الدعامه معتدله وتبقى على حالها معتدله لكن اذا تركناها من الصغر بدون دعامه تكبر معوجه واذا حاولنا اقامتها على كبرها بالعنف تنكسىر
هذا مثال بسيط يلخص كل شيء
ومانكذبوش على بعضانا رانا مناش ملاح فالحوايج هذو احترام وقت او غيره ونبداو نفسرو ونحللو كل واحد على هواه وكل واحد يدير اجراءات لي يحب ويطبق على من حب
هذا يسمى الظلم بعينه .

معك في كل كلمة قلتها اخي
مي ماشفتش اقصائهم كظلم
علاش نقولو حنا مش تاع احترام الوقت وانظباط هاد عامل من العوامل الي خلاونا في ذيل الأمم للأسف
أمم قامت باحترام دساتيرها
خلينا مانهدروش ع المسؤولين قال قال هاد الكبار راح وقتهم
شكون راح يحكم الجزائر منا على 30 سنة ؟؟ واحد من هادو الي راهم يفوتو الباك دك
لازم ننشؤو جيل جديد وننساو الجيل المستهتر القديم
رديتلك فقط على كلمة الوقت هادي
حكاية ظلم وماشي ظلم كل واحد وتفكيرو وكل واحد وعقليتو وكيفاش يشوفها
وبالتوفيق لكل طالب ثابر وجد

 

[Salah eddin]

بالمختصر المفيد بروكولاجح... وسياسة الترقيع...

الله غالب
و لا قيين الي يشدلهم الكروشي تاع الترقيع​

 

[ليليا مرام]

فالاخير نقول كل واحد ورأيو نحترموكم جميعا
وهذا ماكان لاه ناقشوه ولو قادرة للصباح نقعد فالموضوع لكن نقاش عقيم لانو هوما راحين يعاودو الحمد لله فكل الأحوال نتوما شفتو الموضوع بزاويتكم وحنا شفناه بزاويتنا
وانت صلاح تقول تقزمو فالحجج وتهدرو نفس الهرة لانو هي هدرة وحدة تاخر لبعض دقائق ما يتوجبش تجبد حكايات نتاع عشرين سنة فاتو لو هكذاك نجبدو للوزيرة النظام القديم ونجو مناك ونحاسبو كل عام وعامو وكل سنة واش يصرا فيها ونرقدو ونوضو القوانين يخرجو
مشكورين نخرج من الموضوع اصلا مديت رأيي
شكرا

 

[ليليا مرام]

الله غالب
و لا قيين الي يشدلهم الكروشي تاع الترقيع​

كيما بن غبريط لقات اللي يصفقلها وين تروح

 

[Salah eddin]

فالاخير نقول كل واحد ورأيو نحترموكم جميعا
وهذا ماكان لاه ناقشوه ولو قادرة للصباح نقعد فالموضوع لكن نقاش عقيم لانو هوما راحين يعاودو الحمد لله فكل الأحوال نتوما شفتو الموضوع بزاويتكم وحنا شفناه بزاويتنا
وانت صلاح تقول تقزمو فالحجج وتهدرو نفس الهرة لانو هي هدرة وحدة تاخر لبعض دقائق ما يتوجبش تجبد حكايات نتاع عشرين سنة فاتو لو هكذاك نجبدو للوزيرة النظام القديم ونجو مناك ونحاسبو كل عام وعامو وكل سنة واش يصرا فيها ونرقدو ونوضو القوانين يخرجو
مشكورين نخرج من الموضوع اصلا مديت رأيي
شكرا

كيما بن غبريط لقات اللي يصفقلها وين تروح

شكرا على مشاركتنا رايك
سلام​

 

[ليليا مرام]

الوزيرة جديدة فالميدان وهذا عامها 3 برك
تسريبات السنة الماضية كانت خارجة عن سيطرة ومهمة حماية المواضيع نظن مش مهمتها برك
تدخل فيها حتى وزارة الداخلية وأمن وووو
اهلا اختي
لالا مهمتها هي يعني اوراق الامتحان وامانها مسؤولية الامن لا هذي اول مرة نسمعها انت وزيرة حولك طاقم خائن ما تقدريش تتحكمي فاوراق مكتبك تجي تسيري مؤسسات وتحوسي تزيري على اجيال 3 سنةات حكم وبينت انها فاشلة وتقفاز على اللي ضعيف الاولى تبدا من وزارتها وتجي بيها حتى يكون تلميذ صارم استاذ يكون كذلك والمدير والوزارة ككل وكل هذا ما يهمش قدام مهامك انت كوزيرة خدمتها تحمي الاوراق وتأمن عليها
المهم اما بالنسبة للإصلاحات هاي امر ثاني ونتمنى يتم تجديد كل ماهو هش ومدارس استعمار التي لم ترمم من قبل للاسف شفنا حال مدارس وتاني مشكل النقل المدرسي فالقرى النائية
اما بالنسبة لتقوليلي تضيع مصير اولادنا ؟ كيفاش هاد الولد ماخافش على مصيرو انا كوزيرة نخترق القوانين ونتهاون في تطبيقها باش نخافلو على مصيرو
التلميذ هذا حريص ما راهش غاب وقلنالها عاوديلو ولا قالها خممي على مستقبلي كوني هانية حتى هي يهمها اولادها احفادها اسرتها الباقي للبحر تمد قوانين وطبق اكيد تلعب بمصيرهم شكون مدلها الحق انا نقرا ونعيا وعام واهلي يجبدو نجري لظرف ما الله غالب تصرانا كلنا رمشة دقيقة نوصل عند الباب تجي هي تقول لالا راح الباك نقتلها نورمال هذي حياتي ما نسمح لحتى واحد يضيعها


خلينا عقلانيين اختي ونفكرو بنضج، شبابنا عاد يحبها طاااااااايبة وسايبة
شباب طائش وكسول والله هادي حالهم دك
كيما العام الي فات فرحو كي عادو يشوفو المواضيع
قال السنة تاني نجربو
نتمناو فقط يقدرو قيمة الدورة الإستدراكية ويفرحو اهاليهم

شكرا لتفاعلك الرزين

جيل مرخي وفاشل ووالف ياكلها ويرقد مي انا وانت واي واحد ما نحكمش ونقول هذا الكلام على الناس الكل ناس قرات وناس تعبت ما ننساوهاش
انا برك نقول فرصة ماراح تنحي لحتى واحد كلية
مشكورة أختي سرني نقاشك

 

[بنفسج]

السلام عليكم
انا ضد الدورة لاسباب بزاااف ذكروها الاخوة قبلي ...
+انااا عن نفسي قلبي ضرني مبقاا لاباك لا والو كلش فقد معنااه
+ لاعذر على التاخر الا لظروف قاهرة وماشي دوك الملاين كامل ضروفهم قاهرة حتى يعاودولهم الباك
انا الليسي لي عقبت فيهااا ماشي بعيدة بزااف ونخرج قبل الوقت بساعتين من خوفي لايضيع تعبي نتاع عام كاامل
يجوني حتى نهاراات مرقدتش باش ميفوتنيش الحااال
لي تعب صح جااامي يسمح يروح عليه العام علاجال دقايق منحكيش على لي الله غالب
الظروف مساعداتوش
ربي يجيب الخير وخلاص
تحياتي​

 

[شيماء05]

اخي @habchisalsheddin ممكن انا بالغة في ردت فعلي شوي لانو كي تجي تشوفى فالمكان لي نعيش فيه وتشوف الطلبة كيفاش يحكيو على الظلم الي تعرضولو من طرف الادارة وحتى الحراس كان لهم دور في هذا الظلم تفهم علاش انا مع اعادة الباك

 

[شيماء05]

اخي @habchisalsheddin ممكن انا بالغة في ردت فعلي شوي لانو كي تجي تشوفى فالمكان لي نعيش فيه وتشوف الطلبة كيفاش يحكيو على الظلم الي تعرضولو من طرف الادارة وحتى الحراس كان لهم دور في هذا الظلم تفهم علاش انا مع اعادة الباك

 

[حفيدة الخنساء]

انا مع و ضد اعادة البكالوريا..
مع ، من ناحية انو كاين تلاميذ صح تعرضو للظللم
كاين لي قرا وجبد من بداية العام مع اللخر يُقصى لمدة خمس سنوات ! هاكا راح المستقبل
و ثاني نزيد بلّي انا حاسة بيهم لأنو كي عقبت الباك وصلت غير ثلاثة دقائق و خلعت بزاااف وقريب تعرضت للاقصاء
يعني اللي اقصاوهم يغيضو والله ...
ومن ناحية اخرى .. انا ضد الاعادة ، ليس بسبب العدل وللاّ ربي معاهم سواء صايمين ولا فاطرين
هو لازم يكون فيه تكافؤ الفرص والجميع يدي حقّو ،،
وإنما بسبب المصداقية .. يعني قادرين المترشحين تع العام الجاي يديرو نفس المشكل يتأخروا ويزيدو يعاودو وبلاك في ظروف احسن
وهكذا حتى يصبح البكالوريا لعبة وتصبح الجزائر في دوامة ،، والآخرين يتفرجون و يضحكون علينا ،’,
ربي يجيب الخير للبلاد !​

 

[أم منيــــــر]

انا كنت متعاطفة معاهم و قلت لا حرج
بصح رايحين يخلطولنا كامل الاوراق
احنا نتستناو 15 جويلية بفارغ الصبر و يجيو اليوم بعض النقابات يقولك لازم النتيجة تكون في يوم واحد
يعني نزيدو نسناو شهر ول اكثر
رجعونا مشكلة درك حتى الاساتذة رافضين الاعادة قالك لازم يتحملو مسؤولياتهم و باش ما تصبحش عادة عند الطلاب
كل عام مشكلة مين سلكنا من مشكل التسريبات و قلنا الحمد لله جازت لاباس جاو هادو يخلقولنا مشكلة