{ أرض الفراعنة } Part 01

الحالة
مغلق ولا يسمح بالمزيد من الردود.

{هِشام}

:: عضو مُتميز ::
إنضم
19 جانفي 2008
المشاركات
697
نقاط التفاعل
1,720
النقاط
456
محل الإقامة
الجزائر
الجنس
ذكر

p_580namcx0.png


2101239901.gif


يا سادة وسيدات، في أواخر ديسمبر 2014 سافرتُ إلى مصر للقاء شخص ما في إطار اجتماعي/أدبي

( Can I be any vaguer :p )

المهم، لطبيعة الزيارة وكونها غير سياحية بالدرجة الأولى، لم أهتم بالتصوير كثيرا .. غير أنّني كلما فتحت الفيسبوك وقتها

انهمرت عليّ الرسائل : كاش أهرام ؟ وين راهم الأهرامات ؟ ها ورينا الأهرامات ... ويا درا النيل ؟ شربت منه ؟

فكان لا بدّ إذن أن أصوّر.

~

do.php


وصلت السّبت 20 ديسمبر 2014 بعد المغرب، وكنت محتاجا لبطارية الهاتف، لأعثر على سكناي. فـ نو بيكتشرز !

وفعلا وصلتُ إلى محطة المترو المقصودة أخيرا، واستقبلني أحدهم، وقد كان 'ناس ملاح' ههههه جاب لي العشا من عنده مسكين.

وطبعا، كان العشاءُ دجاجا بالأرز، مع إيه ؟

مع الكُشري

do.php


~

كان الوجهة الأولى، يومَ الأحد { القاهرة القديمة }

مسجد الحاكم بأمر الله

do.php


~

هذي دار نسيت اسمها هههه

do.php


do.php


ثمّ مجسّمٌ للقاهرة القديمة كلّها

do.php


~

يوم الإثنين كان يوم جزيرة الرّوضة، وهذه صورة للنيل من هناك

do.php


ثمّ هذه الصّورة الغريبة من متحف أم كلثوم !! وما تسقسونيش علاه رحت متحف أم كلثوم، ما عنديش جواب :p

do.php


~

يوم الثّلاثاء لم يكن يوما حافلا بالتنقّل، إنستيد، جرّبتُ طبخ إندومي

do.php


do.php


وبعد أن انتهى التّحضير، شمّيت المقلوع هههه ريحته تعيّف حاشا نعمة ربي

فتعشّيت تشيكن سترايبس:p

do.php


~

يوم الأربعاء كان يوما تاريخيا، بصح خاطي الموضوع هذا ههههه، المهمّ أنّني زرتُ حديقة الأزهر

Al-Azhar Park

do.php


do.php


do.php


do.php


هذا مسجد الحسين - نظن - من داخل حديقة الأزهر

do.php


وهذه قلعة صلاح الدين، اللي قالولي روح لها ف الليل تبان شابة، وأنا كسول :p

do.php


وهذه الصورة ليست من التقاطي - أوvيسلي :p -

do.php


~

- يُتبع في الردّ الأول -
 
آخر تعديل بواسطة المشرف:
~

ثمّ يوم الخميس، اليوم الموعود، يوم الأهرامات D:

do.php


واضح بلي راني راكب حنطور، ونصيحتي للي رايح اخطيك من الحنطور، ما تدخلش من جيهتهم أصلا. اطلع تمشي، وصوّر روحك،

ما تعطيهمش يصوّروك. ياكلوا دراهمك ف الباطل !

do.php


do.php


do.php


وهذا اللي جاب بيت الشمس ولا ما نعرف شا كان يخرط اللي يسوق ف الحنطور، هو يهدر وخطرة خطرة يقولي

يا Brince ، وأنا تاكل في راسي باغي نقوله إذا بغيت ربي قولها Prince ! ما لهيتش بهدرته على بيوت الشمس ذي

do.php


do.php


وهذا أبو الهول

do.php


~

يوم الجمعة، صلاة الجمعة في الجامع الأزهر طبعا

do.php


do.php


وهذا مقطع فيديو أثناء خروجي من الصلاة

وبعد الصّلاة والغداء، رحت أتمشّى على كوبري النيل

عندهم ف الدخلة تاع الكوبري زوج سبوعة كيما تاعنا في وهران :p

do.php


do.php


وهذا النيل وبرج القاهرة من الكوبري

do.php


وهذا ميدان التحرير - نصوّر فيه خفية كي شغل خايف هههه -


~

يوم السّبت كان يوما اجتماعيا، يعني مكانش تصاوير بزاف !!

~

يوم الأحد كان يوم رفاق وتسوّق، مكانش تصاوير ثاني إلاّ فطور الصباح اللي كليتو برّا ذاك النهار، فول وطعمية :p

do.php


وهذا مسجد رابعة (مصوره وأنا ف التاكسي)

do.php


~

وجابولي ملوخية خلّيتها حتى يوم الإثنين ( وصدّقوني، شكلها مقزّز، لكنّ طعمها يذهب العقل - حاجة مليحة زعما ماشي العكس - )

do.php


~

والثّلاثاء كان آخر يوم لي هناك، وعندي حكاية :p

شكون يعرف مدرسة المشاغبين ؟

لا، مكانش فيكم اللي يعرفها، من غير واحد صاحبي من الجامعة حافظها كلمة بكلمة، وكي عارفني نهدر مصرية وناوي نروح لمصر

جا سقساني : هشام، مدرسة المشاغبين قاع فاهمها، بقات لي كلمة "Groppi" ما فهمتهاش. ف المسرحية مع التالي

عادل إمام يقول بلي اديت الأستاذة لـ جروبي هذي.

قلت له: أنا ثاني ما نعرفهاش.

تدور الأيام، هو راح يفوّت العسكر، وأنا كنت حوّاس في مصر، يوم الثّلاثاء 30 ديسمبر 2014

وطلّعت راسي نلقى قهوة سموها Groppi. حتّى رفدت التليفون نعيط له نخبّره، ومن بعد تفكّرت بلي راح يفوّت في لارمي.

ههههه نقوله راني حواس ولقيت جروبي وهو يخلّص مع لارمي، يبلوكيني من مخه D:

do.php


~

وتوتة توتة، خلصت الحدوتة، حلوة غصبا عن عينيكم !

ايه، ف الزيارة هذي كان معايا مصريين، أما في الزيارة الثانية أوت 2015، قعدت شهر، ثلثاه تقريبا وحدي

فالصّور في الزيارة الثانية أكثر، وهذا teaser :p

do.php


فكونوا في الموعد !

و
2101239901.gif

 
السلام عليكم
دخلت على جال المومياء نحوس عليها ساع لقيتها مصدرة كي العروسة في آخر الموضوع هههه
صور جميلة جدا ماشاء الله، عجبوني حوايج أم كلثوم هههه مع أني خاطيني تتبع الموضة والاحذية
وغيرها من الامور بصح عجبوني ^^ فيهم حاجة هكا مميزة وتذكرك بالماضي الجميل
المهم نستنا في الجزء الثاني من الصور باه نشوف الآنسة مومياء مليح :LOL:
بارك الله فيك اخي على الموضوع الجميل
تحياتي ^^
 
السلآم .. صبآح الخير

و الله دربتنﻵ تحويسة هاآيلة و تصاور تاني شابين قتلتني غير حوآيج نتآع
ام كلتوم و تآني الموميآء هآدي خلعتني ..
بصحتك
و لعقبآل لينآ تحوآس هكداا
 
الله الله، رحلة رائعة وإلتقاطات مميزة
ما شاء الله لا قوة الا بالله
اعجبتني تسلسل الأحداث، ممتاز أحسنت أخي
وفقكم الله أخي وفي إنتظار الجزء الثاني
حفظكم الله
في أمان الله
 
ما شاااااء الله تبارك الله
و الله كلش رائع و انت أروع
عندك ذوق راق جدا جدا
ربي يحفظك في انتظار المزيد
 
الله الله واش هاد السرد الرائع خليتني نحس روحي ثما
بصحتك الاجتماع وبصحتنا التحويسة ،، بقيت غير نحوس على المومياء ،،، مزية حطيتها
بالصح لي حيرتني لاه ماخليتناش نشوفوك ههههه
 
السلام عليكم
دخلت على جال المومياء نحوس عليها ساع لقيتها مصدرة كي العروسة في آخر الموضوع هههه
صور جميلة جدا ماشاء الله، عجبوني حوايج أم كلثوم هههه مع أني خاطيني تتبع الموضة والاحذية
وغيرها من الامور بصح عجبوني ^^ فيهم حاجة هكا مميزة وتذكرك بالماضي الجميل
المهم نستنا في الجزء الثاني من الصور باه نشوف الآنسة مومياء مليح :LOL:
بارك الله فيك اخي على الموضوع الجميل
تحياتي ^^

وعليكم السلام ورحمة الله

خلّيت المومياء للتالي لسببين احم احم

الأول، هي من الزيارة الزاوجة، معناها ماهوش موضوعها هذا أصلا.

والسبب الثاني: باش تقراو الموضوع بالسيف حتى للتالي. ( تجي عليا مدير تسويق ).

وسأحبط آمالك هههه، وربما نعاود نكتب الهدرة ذي في الموضوع الثاني، اللي مانيش عارف وقتاش نفرغ له:

المومياء لقيتها في المتحف المصري، والتصوير ثما ممنوع. معناها ذيك الصورة اللي راهي ف هذا الموضوع

مخالفة للقانون الله يغفر لي، فمكانش صور أخرى من غيرها :p (عذرا على تحطيم آمالك ههههه)

~

شكرا على المرور والرد
 
السلآم .. صبآح الخير

و الله دربتنﻵ تحويسة هاآيلة و تصاور تاني شابين قتلتني غير حوآيج نتآع
ام كلتوم و تآني الموميآء هآدي خلعتني ..
بصحتك
و لعقبآل لينآ تحوآس هكداا
وعليكم السلام ورحمة الله

شكرا على مرورك وردك، والله يسلمك

العقوبة لبلايص أخرين، مصر مغبّرة :p ولولا "الحضارة" تيسمسيلت خير من القاهرة ههههه

بربي مكانش مصاروة هنا، يسمعوني ما يخلونيش نرجع عندهم !
 
الله الله، رحلة رائعة وإلتقاطات مميزة
ما شاء الله لا قوة الا بالله
اعجبتني تسلسل الأحداث، ممتاز أحسنت أخي
وفقكم الله أخي وفي إنتظار الجزء الثاني
حفظكم الله
في أمان الله

شكرا على المرور والرد والإطراء والختم.

شكرا كذلك على نشاطك الواضح، الله يعاونك.
 
ما شاااااء الله تبارك الله
و الله كلش رائع و انت أروع
عندك ذوق راق جدا جدا
ربي يحفظك في انتظار المزيد

الله يبارك فيك مراقبنا الملياردير-تو-بي

لو كان لحقت عليا فـ 2009، نورّيك الشرق الجزائري، الكاميرا كانت أحسن والصور أكثر وأفضل

ههههه ديجا ضروك نحوّس عليهم وإذا لقيتهم ندير موضوع :p

شكرا على مرورك، ردّك، لطفك ومديحك.
 
الله الله واش هاد السرد الرائع خليتني نحس روحي ثما
بصحتك الاجتماع وبصحتنا التحويسة ،، بقيت غير نحوس على المومياء ،،، مزية حطيتها
بالصح لي حيرتني لاه ماخليتناش نشوفوك ههههه

الله يسلمك ويفرّحك اليوم

وغطّيت وجهي خوفا من الباباراتزي ههههه

ولا خوفا من الكادنات والسحر ؟

لا لا، نتمسخر. السبب هو أن حكم تصوير ذوات الأرواح فيه اختلاف، وأنا مائل للجواز.

بصّح إذا كنت غالط وهذا ذنب، نرفد ذنبي وحدي بزاف.

وحتى إذا ما كنتش غالط وكاين في المنتدى اللي يؤمن بحرمة تصوير الوجه ما نـ offend ـيهش.

هذا من جهة، ومن جهة أخرى، نظنّ قريت في قوانين القسم بلي ممنوعة صور الأعضاء والله أعلم.

~

شكرا على مرورك وردك.​
 
السلام عليك
بصحتك التحويسة
gولهم يردونا السبع نتاعنا ههههههه
عجبوني صيكان نتاع ام كلثوم ;)
رانا نقارعو في رحلة الثانية
يعطيك الصحة على التحويسة
 
السلام عليك
بصحتك التحويسة
gولهم يردونا السبع نتاعنا ههههههه
عجبوني صيكان نتاع ام كلثوم ;)
رانا نقارعو في رحلة الثانية
يعطيك الصحة على التحويسة


وعليكم السلام ورحمة الله

الله يسلمك، والسبع غالبا حطوه قبلنا، فما غاديش نمرّقها بينا :p

وعلى ذكر شكون حطوا شتاهو قبل شكون، المترو عندهم قديييييم ويوصّل لكل بلاصة

العقوبة لينا D:

وحتى أنا نظن عجبوني صيكان أم كلثوم هههه صوّرتها غير للتبهليل وخلاص.

الله يعطيك الصحة، وشكرا على المرور والرد.
 
الله يسلمك ويفرّحك اليوم

وغطّيت وجهي خوفا من الباباراتزي ههههه

ولا خوفا من الكادنات والسحر ؟

لا لا، نتمسخر. السبب هو أن حكم تصوير ذوات الأرواح فيه اختلاف، وأنا مائل للجواز.

بصّح إذا كنت غالط وهذا ذنب، نرفد ذنبي وحدي بزاف.

وحتى إذا ما كنتش غالط وكاين في المنتدى اللي يؤمن بحرمة تصوير الوجه ما نـ offend ـيهش.

هذا من جهة، ومن جهة أخرى، نظنّ قريت في قوانين القسم بلي ممنوعة صور الأعضاء والله أعلم.

~

شكرا على مرورك وردك.​
يفرحني اليوم ويفرحك كل يوم ان شاء الله
وآسفة على سؤالي ماتوقعتش كل هاد الاسباب :oops:
 
يفرحني اليوم ويفرحك كل يوم ان شاء الله
وآسفة على سؤالي ماتوقعتش كل هاد الاسباب :oops:

آمين، وانتي كل يوم.
ولا عليك فاطمة، ممتنّ لطرحك السؤال، كنت باغي نكتب التفسير، وسؤالك أعطاني الفرصة

=)​
 
السلام عليكم :giggle:

الله الله هذي تحويسة هايلة ;)
حجة و حجيجة هههه كيما نقولو احنا :ROFLMAO:
التقاطات و السرد كل شي رائع :)
لدرجة تقول احنا رحنا لتم ماشي انت ههه:p
المومياء اخر مرة شفتها في ناشيونال جيو غرافي :cool:
زوينة متخوفش الا ادا ناضت :sneaky:ههه

يعطيك الصحة اخي على مشاركتنا
رحلتك
في انتظار الجزء الثاني :p
 
السلام عليكم :giggle:

الله الله هذي تحويسة هايلة ;)
حجة و حجيجة هههه كيما نقولو احنا :ROFLMAO:
التقاطات و السرد كل شي رائع :)
لدرجة تقول احنا رحنا لتم ماشي انت ههه:p
المومياء اخر مرة شفتها في ناشيونال جيو غرافي :cool:
زوينة متخوفش الا ادا ناضت :sneaky:ههه

يعطيك الصحة اخي على مشاركتنا
رحلتك
في انتظار الجزء الثاني :p

وعليكم السلام ورحمة الله
شكرا على الإطراء، والمومياء للأمانة أنا وركبني شوية خوف كي كنت ثمّا.
منقّصين الضو باش ما يخسّرش المعروضات، ومطوّلين غرف العرض، تضرب سمانة من الباب للباب.
هههههه والمشكلة كي تلحق للباب وتقول تهنّيت من هذو المومياوات الرّاقدين، يلقاوك ف القاعة الأخرى وحيد واقفين.
ايه حقا هذا رد احم، شكرا على مرورك وإطرائك وردّك.
 
آخر تعديل:
الله يبارك فيك مراقبنا الملياردير-تو-بي

لو كان لحقت عليا فـ 2009، نورّيك الشرق الجزائري، الكاميرا كانت أحسن والصور أكثر وأفضل

ههههه ديجا ضروك نحوّس عليهم وإذا لقيتهم ندير موضوع :p

شكرا على مرورك، ردّك، لطفك ومديحك.
هههههههههههههههه خلاص اتفقنا انا انتظر موضوع الشرق
 
سلام عليكم
الله يبارك تحويسة تع الصح يااه مليح هاو ليقلشو رواحتيهم :giggle:
بصحتك وربي يزيدلك من خيراته
صور جميلة
و لعقوبة لينا ان شاء الله قل امين :geek:
مليح ديتنا لأم الدنيا وعقبال دول اخرى
صار وهراني:unsure: وبورتو من كلامك تبانلي انك من الشرق وياخي حالة وياخي حالة:p لاعلينا المهم جزائري دانا نحوسوا الى مصر وهذا شيء جميل جدًا
بالتوفيق لكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top