يد واحدة و تصفق

[يزيد 05]

اختي العمل موضوع اخر وكل شخص يرى هذه الدنيا حسب فهمه
وانا تكلمت في موضوع سابق عن عمل المراه لكني لست ضده بالمطلق لكن بشروط معينه وبظروف معينه
انا في ردي السابق حاب نوصلها بلي هذا زوجك واب اولادك كيما تحبيهم نتي وتخمي عليهم حتى هو راهم ولادو ويتمنى يشوفهم في احسن حال وراه يتالم بلاك اكثر منها لان القوامه عليه هو لكن المفروض تقف معه بالكلمه الطيبه لي تخفف عليه مش نقولو هكذا لازم تصفق وخلاص
علبالنا بلي الفقر صعيب ووالله العظيم مرينا بظروف اضعاف هذه وانا اقصد جيدا ما اقوله واعنيه ولما دخلت للموضوع وقرات الموضوع والردود نقول هذو راهم في رحمه

 

[Princesse Diyor]

اختي العمل موضوع اخر وكل شخص يرى هذه الدنيا حسب فهمه
وانا تكلمت في موضوع سابق عن عمل المراه لكني لست ضده بالمطلق لكن بشروط معينه وبظروف معينه
انا في ردي السابق حاب نوصلها بلي هذا زوجك واب اولادك كيما تحبيهم نتي وتخمي عليهم حتى هو راهم ولادو ويتمنى يشوفهم في احسن حال وراه يتالم بلاك اكثر منها لان القوامه عليه هو لكن المفروض تقف معه بالكلمه الطيبه لي تخفف عليه مش نقولو هكذا لازم تصفق وخلاص
علبالنا بلي الفقر صعيب ووالله العظيم مرينا بظروف اضعاف هذه وانا اقصد جيدا ما اقوله واعنيه ولما دخلت للموضوع وقرات الموضوع والردود نقول هذو راهم في رحمه

اكيد اخي عندك الحق كانت لازم توقف معاه
مكانش اب ميحبش يشري لاولادو و يوفرهم كلش بصح هوالله غالب مسكين
وي اخي صح الواحد يقول الحمد لله على كلش

 

[salah.f]

الله يحسن لعوان لمعيشة غالية وصعيبة وربي ينتقم من الي جعلو الانسان البسيط بتمنى جزء صغير من حقو وربي ينتقم تاني من الناس الي فوطاو على السارقين ههه

 

[زاد الرحيل]

جاوبي انت اختي على السؤال
كيف يتصرف الرجل وزوجته تقوله لازم تصفق وخلاص هكذا بكل سهوله
هكذا تدفعي فيه لاشياء يمكن هو لا يريدها وتضغطي عليه كيما التسلاف ماشي بالساهل تقابل واحد في وجهو وتقولو سلفلي وماشي ساهل تلاقيه كل مره في طريقك ونتا تشوف فيه غير دين في ذمتك
شفتيه قادر يدير ومادارش
عاونيه بالكلمه الطيبه لي تخفف من الحمل لي راه عليه لان حتى هو يتمنى ان تكون حالكم احسن
ربي يفرج على كل مومن

لكان جيت تعرفني كنت تعتذر مني لاني عمري ما ازعجت زوجي و لا طالبته بشيئ اكبر منه و انا والدة و واعية ربما أسلوبي في الطرح صعب شوية بالعكس دائما نقول له انديرو قد حالنا منشوفوش للأعلى و اذا مكانش معلش ،العيد نشوفو المتو سط و هو قربان لله كيفاش نوفره كل شيئ و العيد لالا امور المدرسة ايضا في المتوسط هل ترضى يدخلوا اولادك بالباس القديم و كيفاش ي اجهوهم اصدقائهم و تعرف أطفال اليوم شياطين خاصة الي موسعة عليهم
زوجي حفظه الله لي دائما راضي عني لاني نمكلفوش اكثر من طاقته و لما تكلمت بصغة.الجماعة لكنني مسحتها فيا و المجتمع كله مقبل على هذه الظروف

 

[زاد الرحيل]

السلام عليكم
اولا ربي يكون معاكم و يفرج عليكم
....
صراحة في دزاير ماكانش طبقة متوسطة
كاين الي الله يبارك ربي باسطلهم الرزق
و كاين الطبقة الكادحة
...
و بالنظر الى الطبقة الكادحة ... الناس الي الله قالب عليهم
و الي المخاليق مش لاحقين ...رمضان يجبد ...و الصيف و التحواس يجبد و الدخلة تاع ليكول تجبد و العيد الكبير يجبد
و اخدم ارضك يا فلاح ...
بصح صراحة ... محدودي الدخل ... كاين الي يشتو يكلفو رواحهم و يروحو لامور اكبر منهم و من مقدورهم
مثلا انسان بعيالو .. هاتلو كفاه يجيب اللقمة تاع نهارو
علاه يتكلف و يروح يحوس في الشواطئ و كذا و يخسر قريب 5 و لا 10 ملاين
هذا راه كلف نفسو ما لا طاقة له به
و التحواس مش ضروري ق لي يحب يقمقم روحو و يعاند الناس
و زيد ... اضحية العيد ...ماهيش ضرورية على محدودي الدخل ... و الناس تشتي تتفاخر و كذا و ينساو الصح
و يهملو الاصل و يروحو للفرع
الاولى انك تعهيش وليداتك و اهلك ... مش تتفاخر و تحوس و تضحي و مبعد تقعد للضحك
و الراي هو نص اساس المعيشة
الي عندو الراي الصواب يعيش مهني و الي يسمع ياسر لكلام الناس عمرو ما يتهنى
و محدود الدخل هذا مش لازم يحسو بيه الناس
هاهو لي لازم يحس بروحو مش الناس تحس بيه
لانو اذا هو اساء التصرف كفاه يحوس الناس يراعو ليه
هذا وش نقدر نقول بهذا الخصوص
...
ولا يكلف الله نفسا الا و سعها
​

يعني انت محدود الدخل عندك يموت و احنا عموما
خلنا محدود لكن مرتفع نوعا ما و الحمد لله و البحر اعلاه تصرف 10ملاين 4تكفي مع سياسة التقشف ،تكري بيت رخيص و تطبخ في البيت و 3ايام و ماش كل عام مرة على مرة تكفي و الخروف متوسط قد الحال و ربي يتقبا منا لانه من المفروض كبش كبير لانه قربان لله و ليس للأكل ،اما الدخلة من عامة الشعب منشوفوش للفوق للمتوسط أيضا ،نقص من هنا شويه و من هنا شوية توفر الثالثة و هذي قاعدة لازم تحفضها لزوجة المستقبل باش متحرمهاش و متخنقكش هي
و كاينين ناس في امس الحاج لكل شيئ بصح ميهدرو ش و هما الطبقة الفقيرة حقا حتى الناس نساوهم ، و حديثنا هذا يخص الطبقة المتوسطة الغالبة في المجتمع الجزائري أما الغنية ما تعرفنا ما نعرفوها عندها عالمها الخاص

 

[Salah eddin]

يعني انت محدود الدخل عندك يموت و احنا عموما
خلنا محدود لكن مرتفع نوعا ما و الحمد لله و البحر اعلاه تصرف 10ملاين 4تكفي مع سياسة التقشف ،تكري بيت رخيص و تطبخ في البيت و 3ايام و ماش كل عام مرة على مرة تكفي و الخروف متوسط قد الحال و ربي يتقبا منا لانه من المفروض كبش كبير لانه قربان لله و ليس للأكل ،اما الدخلة من عامة الشعب منشوفوش للفوق للمتوسط أيضا ،نقص من هنا شويه و من هنا شوية توفر الثالثة و هذي قاعدة لازم تحفضها لزوجة المستقبل باش متحرمهاش و متخنقكش هي
و كاينين ناس في امس الحاج لكل شيئ بصح ميهدرو ش و هما الطبقة الفقيرة حقا حتى الناس نساوهم ، و حديثنا هذا يخص الطبقة المتوسطة الغالبة في المجتمع الجزائري أما الغنية ما تعرفنا ما نعرفوها عندها عالمها الخاص

يا اخي انا ما قلتش محدود الدخل بحار عليه
انا قلت علاه يكلف روحو
مثلا الاضحية تاع العيد
محدود الدخل نورمالمو ما يضحيش
و التحواس 4 ملاين راها دراهم يا اختي
معاناها يخير يا التحواس يا الاحضية
و اذا قدر يديرهم في زوج
معناها ما هوش محدود الدخل
هذا التفسير تاعها ​

 

[الأزرق الملكي]

السلام عليكم

صحيح أن مصاريف كَثُرَتْ و المعيشة غالية زائد الفواتير لكن يجب اخذ الحسابات مسبقًا وتخصيص ميزانية لهذه المناسبات

وذلك بالإقتصاد في الراتب و يقتطع منه كل شهر لأن العام طويل و الرزق على الله ، فالرجل الذي حاله متوسط ويعاني من

ضائقة مالية من الأفضل أن لا يذهب إلى الإستجمام فبدل أن يصرف في العطلة يدّخر أمواله بشراء كبش العيد ومصاريف الدخول

المدرسي كي لا يستدين وكل واحد يمشي على حساب جيبوا وإذا كان زوالي وراتبه متواضع جدا لدرجة أنه لا يكفي حتى لتلبية

الحاجيات الأساسية يمكن أن تعمل زوجته في البيت بصنع الحلويات أو المطلوع أو الخياطة وهذا ما تفعله الكثير من الفحلات

باه تعاون زوجها زيد الطفل كي يكبر شوي لازم يبريكولي في الصيف باه يعاون والديه في المصاريف

يمكن هذه الحلول المناسبة للخروج من الأزمة .

تسلمي ​

 

[السلطانة]

صعيب الشي اختي
كي تزيد المسؤوليات خاصة والولاد يكبرو وتزيد مسؤولياتهم
الله المستعان

 

[زاد الرحيل]

السلام عليكم

صحيح أن مصاريف كَثُرَتْ و المعيشة غالية زائد الفواتير لكن يجب اخذ الحسابات مسبقًا وتخصيص ميزانية لهذه المناسبات

وذلك بالإقتصاد في الراتب و يقتطع منه كل شهر لأن العام طويل و الرزق على الله ، فالرجل الذي حاله متوسط ويعاني من

ضائقة مالية من الأفضل أن لا يذهب إلى الإستجمام فبدل أن يصرف في العطلة يدّخر أمواله بشراء كبش العيد ومصاريف الدخول

المدرسي كي لا يستدين وكل واحد يمشي على حساب جيبوا وإذا كان زوالي وراتبه متواضع جدا لدرجة أنه لا يكفي حتى لتلبية

الحاجيات الأساسية يمكن أن تعمل زوجته في البيت بصنع الحلويات أو المطلوع أو الخياطة وهذا ما تفعله الكثير من الفحلات

باه تعاون زوجها زيد الطفل كي يكبر شوي لازم يبريكولي في الصيف باه يعاون والديه في المصاريف

يمكن هذه الحلول المناسبة للخروج من الأزمة .

تسلمي ​

من حق كل فرد الاستجمام كبقية الناس و حسب قدرته حتى لو نزهة يوم و الطريقة تعتمد على حسن التصرف و اذا مكانش خلاص يقعد و يسكت اما الاضحية فهذه لله ملاز مش نهدروا فيها أبدا الا المغلوب على أمره
بكل تاكيد كثير من النساء راه تساعد في زوجها بالطرق الي ذكرتها انت
دائما الله هو المعين و المرأة لازم تساعد زوجها هذه نظرتي للموضوع الي صغته باسلوب سخرية و نسبته لي حتى اعتقد الجميع اني صاحبة الراي الذي لا يرحم و الأنانية. اني نحتم زوجي لكل شيئ و نقول له صفق و لو بيد واحدة

 

[يزيد 05]

لكان جيت تعرفني كنت تعتذر مني لاني عمري ما ازعجت زوجي و لا طالبته بشيئ اكبر منه و انا والدة و واعية ربما أسلوبي في الطرح صعب شوية بالعكس دائما نقول له انديرو قد حالنا منشوفوش للأعلى و اذا مكانش معلش ،العيد نشوفو المتو سط و هو قربان لله كيفاش نوفره كل شيئ و العيد لالا امور المدرسة ايضا في المتوسط هل ترضى يدخلوا اولادك بالباس القديم و كيفاش ي اجهوهم اصدقائهم و تعرف أطفال اليوم شياطين خاصة الي موسعة عليهم
زوجي حفظه الله لي دائما راضي عني لاني نمكلفوش اكثر من طاقته و لما تكلمت بصغة.الجماعة لكنني مسحتها فيا و المجتمع كله مقبل على هذه الظروف

اهلا اختي
اذا لاحظتي اني اخطأت في ردي انا اعتذر
لكن اظن لم اخطئ لاني عقبت على الكلام المكتوب في موضوعك كما هو ولو احسنت التعبير عن القصد من كلامك كان سيكون لي رد مختلف
ربي يصلح احوالكم والسلام عليكم.

 

[زاد الرحيل]

معك حق و بارك الله فيك

 

[أماني أماني]

كلام صائب أختي
العامل الجزائري في هاد الوقت يعاني من المصروف و رب العائلة بزيادة ربي ايكون فالعون و على هادا ولا الراجل شرطو المراة العاملة هوا يحليلو المصروف كثر عليه لازم يصرف الضروري فقط واذا تحتم الامر السلف هو الحل الانسب المهم ايكمل الشهر ياما شفنا ناس كبرو ولادهم بالكريدي ودوك الحمد لله ربي فرج عليهم لازم الانسان يحتسب الاجر و يعرف كيفاش يصرف بالاساسيات و يكون على يقين بلي هذه الايام تمر وبلي ربي حيفرجها حتما و يكبروا ولادو و المراة لازم تراعي ظروف تاع راجلها خاطرش هاد المسؤلية مشتركة بيناتهم و ياما نساء باعوا الذهب تاعهم لتامين الاكل لولادهم و ربي ايكون فالعون خاطرش الامر صعيب و ربي يفرج على كل واحد
ربي يوفق اختي