وصفة صابلي للأعياد سهلة من تطبيقي

MAROUA HAIBER

:: عضو مُتميز ::
إنضم
23 أوت 2014
المشاركات
1,303
النقاط
71
العمر
21
محل الإقامة
الجزائر-سطيف
السلام عليكم يا مجمع الخير
هاذي وصفة صابلي هايلة جربتها للأخت نبض الحياة وهي دارتها على الأخت أم أماني يذوب فالفم تاع الصح


المقـــــــــآدير:

500غ مرغرين طرية، 200غ سكر رطب، فاني، 4 بيض ( 2 كاملين+ 2 صفار)، 1 خميرة كيميائية، 2 كيسان مايزينة (نشاء)، فرينة.

طريقة التحضيــــــر:

نخدم الزبدة والسكر جيدا، نضيف لافاني، البيض، النشاء، الخميرة ونلموا العجينة بالفرينة،

لازم العجينة تكون طرية، ماهي يابسة ولا مطلوقة بزااف،
نغلفوها بالبلاستيك او النيلون، وندخلوها للثلاجة مدة 30 د

وكل مآ ناخذو جزء منها، الجزء المتبقي لازم يبق في الثلاجة،

على طآولة العمل، نرشو الفرينة ( شوية برك)

نبسط العجينة بالحلال لسمك متوسط ماشي عالي ولا رقيق بزاف

نقطع وردآت بطآبع الصآبلي
صفتتهم في صينية فرن، ودخلتهم للفوغ

مالازمش يحمارو بزاف، الاحسن يبق لونهم ابيض
خليتهم بردو ونحيتهم من الصينة،

لصقت كل حبتين بقليل من المربى

ومن بعد التزيين اختياري لك الحرية التامة أختي
في أن تبدعي في تزيين حلوياتك

 
Top