ضيفة العدد الثالث صالون منتدى اللمة الجزائرية للشعر-طموحة

[السلطانة]

​

فرآشآت منتدى عآلم المراة

ركـن التسريحآت والعنآية بالشعر




* بعد الاعلآن عن موضوع بعنوآن :

ضيفة في صالون منتدى اللمة الجزائرية للشعر ! سلسلة


اليوم سنكون مع

ثالث عضوة وقع عليهآ الاختيآر

وهي الأخت

@طموحة





* ستجيب على أسئلة خاصة بشعرهآآ

تطرح من قبل عضوآتنـآآ الطيبآت

على شرط :

ـ الأسئلة تكون خاصة بشعر العضوة وفقط

ـ يمكن للعضوة المستضآفة الاستعآنة بصور

كصور لتسريحآت أو صبغآت للشعر اذا طلب منهآآ ذلك

مع احترآم قآنون الطمس .


نتمنـى تفآآعلكـن في الموضوع حبيبآتي :d

في امآن الله


تحيآتي

 

[السلطانة]

الاسئلة تكون خاصة بالشعر ومجاله بنات ^^

 

[Malika Tlm]

السلام عليكم
مرحبا بيك ختي معانا
نبداو علي بركة الله
شعرك طويل ام قصير؟
هل تستعملين صبغات الشعر؟واذا كنت كدلك ما هو لونك المفضل؟
طموحة ختي هل انت مهتمة بجمال شعرك ام العكس؟
هل تستعملين شامبو معين ولا تغيري؟
نتمني منكونش طولت عليك
تحياتي اخي
اقامة طيبة

 

[بشرى ملاك]

سلام مرحبا بالضيفة..

انا عندي مشكل الصبغة نبغي لي ماش بزاف ونبغيهم vert وسييت كل الالوان وكل الطرق باش نتحصل عليه والو.. ادا عندك معلومة من فضلك باغية نعرف كيفاش ندير باش نصبغ vert وشكرا.

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ


اهلا بك اختي

اقامة طيبة

لن اطيل عليكي ~

1. ماهي الطريقة الصحيحة لتمشيط الشعر

2. وهل تستعملين الزيوت لشعرك ام دهنةمعينة

3.صبغت شعرك من قبل?

4. ماهي نصيحتك لشعر صحي

5. افيدينا بخلطة طبيعية تستعملينها لشعرك


بارك الله فيك
​

 

[ريحـان]

@لؤلؤة قسنطينة
@عآشقة الجنـة
@زهور اليآسمين
@wissam 47
@ايمان الهدى
@الصحافية الساخرة
@بنت سطيف
@أم عبد الله
@سكون الفجر
@ربي اغفرلي
@بثيــــنة 19
@حروف تائهة
@اكرام براءة
@MAROUA HAIBER
​

 

[طموحة]

​

فرآشآت منتدى عآلم المراة

ركـن التسريحآت والعنآية بالشعر




* بعد الاعلآن عن موضوع بعنوآن :

ضيفة في صالون منتدى اللمة الجزائرية للشعر ! سلسلة


اليوم سنكون مع

ثالث عضوة وقع عليهآ الاختيآر

وهي الأخت

@طموحة





* ستجيب على أسئلة خاصة بشعرهآآ

تطرح من قبل عضوآتنـآآ الطيبآت

على شرط :

ـ الأسئلة تكون خاصة بشعر العضوة وفقط

ـ يمكن للعضوة المستضآفة الاستعآنة بصور

كصور لتسريحآت أو صبغآت للشعر اذا طلب منهآآ ذلك

مع احترآم قآنون الطمس .


نتمنـى تفآآعلكـن في الموضوع حبيبآتي :d

في امآن الله


تحيآتي

السلام عليكم شكرا أختي أم ياسمين على الموضوع
وان شاء الله يكون فيه تفاعل
وتكون كاينة الفوائد في هذا الموضوع ​

 

[طموحة]

السلام عليكم
وعليكم السلام ورحمة الله و بركاته
مرحبا بيك ختي معانا
شكرا غاليتي مليكة ربي يحفظك
نبداو علي بركة الله
شعرك طويل ام قصير؟
شعري طويل
هل تستعملين صبغات الشعر؟واذا كنت كدلك ما هو لونك المفضل؟
لا أستعملها وباذن الله لن أستعملها لأنو شعري فاتح نوعا ما {شتان كلار} وكيما تعرفي الصبغة تمحي اللون الأصلي للشعر يولي يخرج قاتممن الأصول اللون المفضل لدي هو شتان وميال و الأشقر كي نشوفهم دايرينهم يعجبوني بزاف و نحب الpلاتين تان كيما لي فالصورة الأولى

طموحة ختي هل انت مهتمة بجمال شعرك ام العكس؟
طبعا مهتمة لأنو اهمال شعر يقوده للاتلاف و صراتلي مرة شعري معرفتوش كيفاش ولة
هل تستعملين شامبو معين ولا تغيري؟
نغير ولما يعجبني شامبو أستعمله لفترة طويلة
نتمني منكونش طولت عليك
لا لا حبيبتي أسئلتك كانو خفاف و شكرا على مرورك
تحياتي اخي
اقامة طيبة
شكرا ^^

 

[طموحة]

سلام مرحبا بالضيفة..
وعليكم السلام و رحمة الله و بركاته
و بيك ألف مرحبا ختيتو

انا عندي مشكل الصبغة نبغي لي ماش بزاف ونبغيهم vert وسييت كل الالوان وكل الطرق باش نتحصل عليه والو.. ادا عندك معلومة من فضلك باغية نعرف كيفاش ندير باش نصبغ vert وشكرا.
صراحة معنديش معلومات عن الصبغة بزااف لكن كيفاش حبتهم أخضر أخضر و لا هداك لي مخلط بالرمادي؟
هي الأحسن مديرهمش وحدك لأنو نتي كي تشوفي لاكور ماشي معنتها كي ديرها تخرج هكداك على حساب لابازتشعرك تخرج و حدة شعرها كلار و وحدة فونصي ماشي كيف كيف
وان شاء الله كي نروح هادي سمانة مع ختي دير ليماش تعرسها نسقسيهالك لأنو هادي بزاف بروفيسيونال

 

[MAROUA HAIBER]

سلام عليكم
مرسي بززاف الأخت ياسمين ياسو على الإشارة لأنو لولاك ماكنت شفت الموضوع
مرحبا بيك الأخت طموحة نتمنى تفيدينا بأفكارك
بون أنا عندي أسئلة فيم يخص الشعر:
- أول حاجة بغيت وصفة لتكثيف الشعر فعالة إذا عندك
- حبيت نصبغ شعري طبيعيا أكاجو يعني بنفسجي محمر شويا إذا عندك وصفة
- ووصفة لترطيب الشعر كالحرير إذا عندك
- آسكو عندك اهتمامات و طريقة خاصة للعناية بشعرك ؟
- ماهي موضة الشعر 2017 -2018 في اللون و القيس و التسريحة
نتمنى تكون عندك فكرة حبيبة و تفيدينا شكررا

 

[بشرى ملاك]

شعري رطب بزاف وبلخف تخرج صباغة درت لي ماش غري جاوني شابين بصح في خاطري vert ماعرفتش واش نخلط الوان باش يخرجلي كيما هاد الصور مثلا

وشكرا حبيبة

 

[طموحة]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ
وعليكم السلام و رحمة الله و بركاته


اهلا بك اختي
هلاو غلا بك ياسمينة

اقامة طيبة
طيبة بوجودكم

لن اطيل عليكي ~

1. ماهي الطريقة الصحيحة لتمشيط الشعر
منستعملش طريقة محددة لكن منحبش الأمشاط الحادة على الشعر وكذلك منحبش التمشيط بقوة
نحب هادي الأمشاط متقطعش الشعر

2. وهل تستعملين الزيوت لشعرك ام دهنةمعينة
نحب السيروم و خاصة سواليس أما الزيوت فمنستعملش الزيوت بماركات مثلا فاتيكا و لا أملا ... لكن اذا استعملت نستعمل
من عند العطار زيت البابونج و لا لوز الحلو و لا الخروع لكن كاين لي يقتمو لون الشعر أما البابونج يحفظلك على اللون الفاتحفي شعرك
3.صبغت شعرك من قبل?
لا أبدا و ان شاء الله منصبغوش


4. ماهي نصيحتك لشعر صحي
لشعر الصحي أول شيء
لازم تغذية مليحة لأنو في بعض الأحيان نجد فتاة تقولك جربت كامل الوصفات لكن شعري لازال يتساقط و تالف و...
وهي تلقايها لا تتغذى جيدا
و ثانيا الاعتناء به بحممات زيتية من فترة لأخرى و استعمال شامبو موثوق اضافة لسيروم و عدم تمشيطه بحدة و عدم استعمال الأمشاط الحادة
5. افيدينا بخلطة طبيعية تستعملينها لشعرك
من فترة لأخرى ندير ملعقة زيت زيتون و ملعة بلسم الشعر و القليل من المارغرين الذائبة
{في بعض الأحيان كي كون متوفر موز ندير موز مع مارغرين ذائبة }
ونخلطهم و نطبها على شعري ساعة أو ساعتين قبل الحمام بعدها أشطف شعري جيدا
تولي تحسي شعرك خفيف و حيوي


بارك الله فيك
و فيك يبارك الرحمان ​

 

[طموحة]

سلام عليكم
وعليكم السلام و رحمة الله و بركاته
مرسي بززاف الأخت ياسمين ياسو على الإشارة لأنو لولاك ماكنت شفت الموضوع
مرحبا بيك الأخت طموحة نتمنى تفيدينا بأفكارك
و بيك مرحبا ختيتي نتمنى نقدرنفيدكم
بون أنا عندي أسئلة فيم يخص الشعر:
- أول حاجة بغيت وصفة لتكثيف الشعر فعالة إذا عندك
صراحة أنا شعري كثيف لله الحمد و لا مرة عانيت من التساقط يعني الوصفة لي راح نقولهالك ماشي مجربتها أنا لكن مجربة من طرف قريباتي
وهي وصفة عصير البصل لي تتحصلي عليه بعد ما تكرفجي البصل و يقولو بلي كيكون البصل أحمر أحسن و تطبقيه على فروة الرأس وتغلفي شعرك بسيلوفان ههه لمدة 3 ساعات على الأقل بعدها تغسلي شعرك و استعمليها يوم بيوم لكي تلاحظ النتيجة مبكرا قريبتي قتلي لاحظت فرقو بلي بدا نمو الشعر في المناطق ليكانت فارغة
- حبيت نصبغ شعري طبيعيا أكاجو يعني بنفسجي محمر شويا إذا عندك وصفة
للأسف منعرفش
- ووصفة لترطيب الشعر كالحرير إذا عندك
و الوصفة لي جربتها هي ليذكرتها للأخت ياسمين مارغارين ذائبة ومغرف زيت زيتون و بلسم الشعر لمدة ساعة قبل الحمام
و أيضا كي كنت نستعملشامبو فرانك برفوست بالبلسم ديالو كان شعري حريري جدا
أما الوصفة لي سمعت عليها بزااف بلي مليحة هي هادي
هندية أنقذت شعري

- آسكو عندك اهتمامات و طريقة خاصة للعناية بشعرك ؟
نستعمل برك شامبو مليح بالبلسم ديالو مع بعد الغسل سيروم و لا زيت مليح لكن زيت بعدغسل يحط بشكل خفيف جدالأنو الزيت يقتل الشعر ايدا كان مطبق بكمية كبيرة و لفترة طويلة ماشي كيما كي تكوني راح ديريه قبل الغسل يتشبععادي لأنك مراحش تبطاي بيه { أنا نستعمل زيت البابونج }
- ماهي موضة الشعر 2017 -2018 في اللون و القيس و التسريحة
صراحة سواء اللون و لا قيس و لا تسريحة منشوفش بلي على حساب لامود لكن على حساب شكل الوجه و على حساب لابو ديالك ايدا سمرة و لا بيضة .... كل وحدة واش يخرج عليها
أما لي يعجبوني أنا

نتمنى تكون عندك فكرة حبيبة و تفيدينا شكررا
شكرا لكرم مرورك و ان شاء الله نكون فدتك شوية بأجوبتي ^^

 

[MAROUA HAIBER]

شكررا بززاف ختيتة والله نصائحك روعة إن شاء الله غادي نطبقها في المستقبل القريب

 

[chirine zina]

السلام عليكم
مرحبا بيك ختي طموحة
حبيت نسقسيك
*واشمن جال دوش تستعمليه؟
* هل تستعملين غسول للوجه ؟ وهل أفادك؟
* ماهو نوع بشرتك؟
* ما إسم الصابون اللذي تستخدينه
* إسم الشامبو اللذي تستعملينة
* شعرك جاف أو مجعد أو أملس أو خشن او مزيت ؟
*قولي لي وصفة جربتها وأفادتك في صحة وكثافة شعرك ؟

​

 

[آمِيْرَتُه]

السلام عليك
مرحبا بالآخت منورة الموضوع
كيف تعتني بشعرك ؟

 

[طموحة]

السلام عليكم
مرحبا بيك ختي طموحة
وعليكم السلام و رحمة الله و بركاته
وبك أهلا و مرحبا ختي شمس الضحى
حبيت نسقسيك
*واشمن جال دوش تستعمليه؟
صراحة ماشي دايمن نستعمل جال دوش كي ننستعمل نستعمل بون بون ماليزيا
ملقيتش صورة ت جل دوش مي نفس ماركة هاد العطر روعة

* هل تستعملين غسول للوجه ؟ وهل أفادك؟
لا أستعمل غسول
* ماهو نوع بشرتك؟
بشرتي عادية ما راهي دهنية بزاف ماراهي جافة
* ما إسم الصابون اللذي تستخدينه
في أغلب الأحيان دوف
* إسم الشامبو اللذي تستعملينة
حاليا سواليس
* شعرك جاف أو مجعد أو أملس أو خشن او مزيت ؟
أملس لكن كي نهملو يوليلي جاف لأنه كثيف و يحتاج نعتني بيه
*قولي لي وصفة جربتها وأفادتك في صحة وكثافة شعرك ؟
لا أستعمل وصفات للتكثيف لأنو هو أصلا كثيف و لله الحمد لكن للعناية به
مين داك ندير الخلطة تزيت زيتون مع بلسم الشعر ومارغاريت دايبة مغرف مغرف ونخلطهم
و نطبق على شعري قبل الحمام ترجعلك شعرك خفيف و حريري
شكرا حبيبتي على المرور و على الأسئلة الدراف

​

 

[طموحة]

السلام عليك
وعليكم السلام و رحمة الله و بركاته
مرحبا بالآخت منورة الموضوع
وبيك أهلا و ألف مرحبا منور بوجودكم و بأسئلتكم
كيف تعتني بشعرك ؟
كيما سبق و قلت للأخوات نستعمل شامبو مليح حاليا سواليس أحيانا ماشي دايمن ندير قبل الاستحمام الخلكة ت البلسم و الزيت الزيتون و المارغارين و بعد الاستحمام اما سيروم سواليس هو الأروع و لا زيت لكن نديرو بشكل خفيف لأنوأكثار الزيت و يكون مطبق على الشعر لمدة كثرمن 5 ساعات يقتل حيوية الشعر و الزيت المفضل زيت البابونج يرجع الشعر روعة و لا يقتم لونه عكس باقي الزيوت كالخروع و الصبار ....
بارك الله فيك أخيتي على كرم مرورك

 

[طموحة]

شعري رطب بزاف وبلخف تخرج صباغة درت لي ماش غري جاوني شابين بصح في خاطري vert ماعرفتش واش نخلط الوان باش يخرجلي كيما هاد الصور مثلا

وشكرا حبيبة

اسمحيلي بشرى حبيبتي فكرت رديت عليك و أنا تجاوزت ردك اسمحيلي
و الله صح بزاف شابين هادو ليماش و نظن متقدريش تديريهم وحدك روحي عن حفافة مليحة و وريلهوملها
وهي على حساب لون شعرك تعرف و شمن الصبغة لي تطبقهالك باش تخرجلك هكدا
اسمحيلي معنديش خبرة في الصبغات و شكرا حبيبتي و اسمحيلي بزاف على التجاوز لي درتو

 

[بشرى ملاك]

اسمحيلي بشرى حبيبتي فكرت رديت عليك و أنا تجاوزت ردك اسمحيلي
و الله صح بزاف شابين هادو ليماش و نظن متقدريش تديريهم وحدك روحي عن حفافة مليحة و وريلهوملها
وهي على حساب لون شعرك تعرف و شمن الصبغة لي تطبقهالك باش تخرجلك هكدا
اسمحيلي معنديش خبرة في الصبغات و شكرا حبيبتي و اسمحيلي بزاف على التجاوز لي درتو

لا نورمال حبيبة مانزعفش منكم ابدا..
انا بعثلك هادو وريهم لختك لي قلتيلي بلاك تعطينا نيميرو لي نديروه وشكرا لك