مشكلتي زوجة اخي

[مشكلتي]

السلام عليكم و رحمة اللله و بركاته
مشكلتي تكمن مع زوجة اخي حيث انها بالحمل
و الماء ما تقيسوش كلش نخدم وحدي قشها لخر و نغسلوهولها حنا تجي تقعد تشايخ و تاكل كي تخلص تضرب هديك الضحكة الصفرا و تمشي لشامبرتها
ماهيش فاهما تتوحم غير على الخدمة

و انا بعد مريضة و خويا هادا يعز عليا و خايفة كاش ما يصرا لنخسرو


شاورو عليا كيفاه ندير

 

[همس الوُرود]

السلام عليكم أختي
تم إعتماد الموضوع ولي عودة إن شاء الله

 

[أم لينة]

السلام عليكم . شغل البيت راكي تخدمي فيه بيها و الا بلا بيها حطت يدها الله ما بارك محطتش يدها خليها الله يسهل عليها و زيد الخدمة مش راح تقتل عادي اما تغسليلها قشها ماكيش ملزمة لكن اذا حبيتي ديري مزية اغسليه بدون ما تمني مرة أخرة ديري الخير و انسايه .

 

[❤️كلي أمل❤️]

السلام عليكم
اختي ماتخسريش خوك علي جالها هي أخدمي عادي و وكلي امرك لربي سبحانو
ومهما كان راح تعرف بلي راهي غالطة مع الوقت اذا شافتك مليحة معاها
وممكن راهي دير هاك عمدا باش تهدري انت وتولي قدام خوك ماشي مليحة
نصيحة مني ليك شوفي في وجه خوك ماشي لوجها هي أخدمي عادي و وكلي أمرك لله حبيبتي

 

[همس الجفون 93]

يقولو عندنا الحر حر والخدمة ما ضر يعني اخدمي بصح قشها نو هذي ماكاش منها

 

[chirine zina]

السلام عليكم
إسمعيني ختي أولا الخدمة نتاع الدار لازم ونتي من قبل كنتي تخدمي بيها ولا بلا بيها ومتبعيهاش ومديريش راسك في راسها ....ديري روحك كي شغل ماشفتيهاش متحوسيش عليها مر لاخدمت ولا مخدمتش
كيما يقولو ديريها طرونسبارو
ولاراكي على هي بالحمل وتخدمي عليها وتغسلي قشها
ماعليش ختي آه أغسلي وأخدمي عليها هادو الشهر نتاع لوحم على وجه خوك
ونتي متشوفيش فيها
ديري هدو لحوايج علاجال سبة وحدة
خوك لي تحبيك وتقادريه
ولا هي راهي الدير هكذا بالذمة
ننصحك أنك متشوفيش فيها ڨاع
وتوجور كبري عقلك معاها
وحسسيها أنك أخلاقك متسمحلش أنو الديري كيفها
.....
ختي الخدمة مضرش
وأنك تخدمي عليها ماعليش
نتي ديري لي عليك على وجه خوك لي تحبيه
وهي خليها دير واش تحب
المهم نتي في اللخر رح تخرجي بنتيحة ملحة
خيرمن الديري المشاكل علاجال حاجة مكانش مرة
ويكون الثمن كره خوك ليك​

 

[ريحـان]

السلام عليكم

اختي اولا لزمك تصبري
ثانية كيما قالو كامل الاعضاء
ياك كنتي تخدمي الشغل بيها و لا بلا بيها وزيد علاش قتلك اصبري مرت خوك مراحش تقعد على العام بالحمل يعني قدما تتهرب من الشغل في الاخير هدا يبقى شغل المراة تخدمه عاجلا ام اجلا
لي تخدم يبان على و جها و لي متخدمش تاني يبان على وجها نضيفلك حاجة صبرك رح يخلي مكانتك في البيت واضحة و رح يحبك اخوك اكثر لانه رح يشوف و ش راكي تقدمي للبيت
نعرف بلي فيها تعب شوي لكن ره تجني ثمارك،في ما بعد و اصبري بلاما ربي يجيبلك سعدك و تتهني المهم ماتخليش تفصيل صغير كيما هذا ينوض مشاكل و انتي قلتي هي حامل يعني لو كان تقولي اي شي يقلولك حامل لذلك اختي اصبري
وربي يهديها نزيدلك حاجة علابالي طولت الاخ دايما يلاحظ و حد الامور وحتى لو كان مايبينش مرة كنت نخدم و اختي الصغيرة قاعدة راح ليها و قاللها نوضي عاوني اختك ...فهمتي قصدي​

 

[السلطانة]

وعليكم السلام ورحمة الله وبركاته
كنت بالحمل واول حمل ليا
نطيب لغدا لعشا نخبزنسيق نغسل قشي في هاذاك الشتا البارد
وعمري اشتكيت ولااشنفت ولالعبتها وربي سهلي والحمد لله .

كاين نساء يشتو يلعبوها برك كي شغل تحمل تولي تدلل على راجلها وعليهم
وهي كون جات بدارها وحدها كانت تقضي الشغل كامل وحدها

انتي حاولي على الاقل تقوليلها تطيب لغذا وتغسل لماعن على الاقل ولا لعشا ولماعن وانتي اقضي كامل الشغل
ماش شرط عليك تخدمي عليها اختي
هي راجلها يسال فيها وانتي تسالي في روحك وميمتك وكان عندك خيان خلاف

اما باه هي قاعدة وانتي تخدمي 9 شهور بزااااف يفضو تزيد توالف فيك تولي تتحججلك بوليدها وانتي تبقاي تخدمي عليها
كل واحد حقو في روحو وكان عادت تعبانة يديها خوك لدارهم تدلل كيما حبت
الخدمة في الدار لكبيرة لامزم تتقسم انا نحكيلك عن تجربة اختي بويسك تسكتي صحتك تروح وواحد ميندب عليك من مباعد ولايقولو مسكينة خدمة علينا ياو قيووووووووووو شفنا وشبعنا.
تحياتي اختي

 

[طيب الكلام]

سلام اختي
زوجة اخيك لا تعتبر مسؤولة عن اعمال البيت باعتبارك انت صاحبته يعني هي كي الضيفة في وسطكم
و زيد ياك موالفة نتي تقومي بالدار قبل ما تجي هي . كملي اختي اخدمي نتي داركم و اجرك على الله
ما تقوليش لخوك لا يصراو مشاكل بيناتكم و تخسريه مبعد تندمي
وسعي خاطرك اختي كلش يفوت . اما مسالة قشها فمن حقك تريكلامي . يعني خليهولها تغسلو وحدها
ربي يفرج عليك اختي و يفرحك و يهنيك يا رب

 

[Hakan]

انا نحير نحير يا بن عمي من الخاوة هذو
يعني انت كاخ اذا شكاتلك اختك علاه تاكل في روحك
على جال مرتك حتى هي عبد
ختك تعاون مرتك مرة زوج ثلاثة مي يلحق الوقت شد مرتك على جيهة قال اخدمي خدمتك ولا ربي يسهل
عليك
ياك عندها دار باباها حطها في دار باباها وخليها تتوحم لابغى 10 شهر
علبالي تريح عشر ايام في دار باباها يروحلها الوحم هذاك والدلال نتاع الذر
او شي خاوة يشوف ختو تغسل ودير في قش الدار ومن بعد ما يسقسيها ماوالو
اذا ختك تقادر وتعزك انت ثاني ما تعفس
يارب ومانكونوش كيف الخاوة هذو يارب ..​

 

[الأزرق الملكي]

السلام عليكم

لا باس أختي الكريمة العمل عبادة و البيت بيتك

الإنسان النشيط يزيد شبابه و ينعم بالصحة

و كلما كان صبور تنعم بالطمأنينة

لا تعتبري هذا مشكل و أزيلي من ذهنك بأنها تحاول استغلالك

وحاولي أن تجعلي علاقتك مع زوجة الأخ اجتماعية

و عامليها كأخت لك لان الطيبة تصفي القلوب

ربي يهنيكم​

 

[فيتامين سي]

كل واحد مسؤول على رده
انا نقولك تعاوني خطرة زوج 3 10 و العبد يكره
صايي بالكرش ربي يعطيها وقفة ساهلة مي مشقاش الكدب
نتي تاني تغسليلها قشها
خليهملها قشها و قش راجلها هي ملزومة فيه تغسلو و لا ترميه و تشري الجديد ربي يسهل و الماكلة ديري صحا و نهار تكوني مرايحاش ديري مديريش ضبر على عمرها و ميناج خدمي خدمته صوالحها ربي يسهل
الدل بزاف تاني ماشي مليح
متهدري متعيي راسك ديريها مكايناش بيها بشغلها
غدوا تولد راني نرضع عامين
راني نربي راني نقري خمي لبعيد

 

[بشرى ملاك]

انا رايي عكسهم تماما خوك لبغا يزعف يزعف في الاخير تاكدي يعرف غير مرته وادا ڨعدتي هاك دزيد هي تطمع كتر وكتر اليوم وحم غدوة نفاس ومبعد تقولك ولدي صغير نربيه ولا نخدم والاخت لي قاتلك انت صاحبة الدار وهي لا العكس هي صاحبة الدار وانت ضيفة يجي نهار لي تروحي فيه لدارك انا لوكان منك هدري معاها قوليلها نوضي سي نو تدخل ماماك واش زعما تتوحم ماتخدمش لوكان جات تسكن وحدها تخدم ولا ياكلها دود الڨاوريات كي تكون بالحمل دير سبور وتجري وتعوم عادي وحنا ماتخدمش شغل دار وتتقلش حتى الصلاة تصليها مجمعة، وادا شفتي كلامك ماجاب حتى نتيجة ضربيها بسقرة خدمي لي قدرتي عليه ولباقي خليه هي تفهم روحها... وسمحيلي على ردي بلاك مايعجبكش بصح تنارفيت مانبغيش الحڨرة..

 

[أم أحمــــد يــسّ]

انا نحير نحير يا بن عمي من الخاوة هذو
يعني انت كاخ اذا شكاتلك اختك علاه تاكل في روحك
على جال مرتك حتى هي عبد
ختك تعاون مرتك مرة زوج ثلاثة مي يلحق الوقت شد مرتك على جيهة قال اخدمي خدمتك ولا ربي يسهل
عليك
ياك عندها دار باباها حطها في دار باباها وخليها تتوحم لابغى 10 شهر
علبالي تريح عشر ايام في دار باباها يروحلها الوحم هذاك والدلال نتاع الذر
او شي خاوة يشوف ختو تغسل ودير في قش الدار ومن بعد ما يسقسيها ماوالو
اذا ختك تقادر وتعزك انت ثاني ما تعفس
يارب ومانكونوش كيف الخاوة هذو يارب ..​

ههههه ايا حكمتلي عليك انت نجاوبك ...
قالك يا سيدي ....(تسمع بمثل الأخت اخت الوسادة؟؟؟) المعنى
اختى هي اللي نعطيها وذني...اختي كاينة ونحبها وجابتنا ام وحدة و...و...وتهز كلشي عني همي وحزني وفرحي.و...و...و..وفجأة هوووووب تتحول الاخت وترمى كالكرة لتأتي مكانها ست الحسن والجمال ويبدأ العوف في سيمفونية( هاكي وذني شديها ولا قطعيها المهم ترضي لعزيزة)
ونزيدلك من الافلام الجزائرية نتاع زوجات الاخ (الحنوووونااااات) انها تكون راقدة الليل كامل ونايضة مع وقت لغدا ومكملتها تيليفون ومسلسلات و...و... وكي يقرب المعلم لباب الدار تدخل للكوزينة وتحكم مابا مغرفة وتشللها بالماء وبلاماتنسى حبكة المسرحية تشلل نص قندورتها وشوي من وجهها ليتيقن ويحلف انها شطورة واموا واختو يكذبو عليها ويخدمولو في مرتوا زعمة مش باغينلو الزيادة في الخير وفي لولاد....
ايا هذي ياسر ...نخلي هم لخوات وزوجاتهم في الاعماق...
واش اداني نهدر ...

 

[❤️كلي أمل❤️]

انا نحير نحير يا بن عمي من الخاوة هذو
يعني انت كاخ اذا شكاتلك اختك علاه تاكل في



روحك
على جال مرتك حتى هي عبد
ختك تعاون مرتك مرة زوج ثلاثة مي يلحق الوقت شد مرتك على جيهة قال اخدمي خدمتك ولا ربي يسهل عليك
ياك عندها دار باباها حطها في دار باباها وخليها تتوحم لابغى 10 شهر



علبالي تريح عشر ايام في دار باباها يروحلها الوحم هذاك والدلال نتاع الذر
او شي خاوة يشوف ختو تغسل ودير في قش الدار ومن بعد ما يسقسيها ماوالو

اذا ختك تقادر وتعزك انت ثاني ما تعفس
يارب ومانكونوش كيف الخاوة هذو يارب ..​

هههههه خويا حكيم فكرتني في قصة واحد تانيت كان قبل مايتزوج يقول انا مرتي لوكان تغلط مع يما ولا مع ختي مانسحقهاش عندي تروح لدار باباها
انا مرتي لوكان تخلي يما تخدم شغل الدار نقلبها وانا مرتي وانا مرتي ....الخ ههههههه
لما جات ست الحسن والجمال واش رجع يقول ليماه
شوفي مانسحقش مرتي تخدم علي بناتكم ماشي حتي خياتي هههههه وكي يجي ويلقاها مشنفة يروح عند يماها ويقولها واش درتيلها نعرفك انت وبناتك السبة ممم
يعني بالمختصر المفيد "الوسادة تغلب الولادة"
كيما يقولو خاوتنا المصريين هههه
المهم ربي يجيب الخير برك هاد واش نقولو الاخ قبل الزواج لكن بعد الزواج يولي غرييييييب ولله

 

[السلطانة]

انا رايي عكسهم تماما خوك لبغا يزعف يزعف في الاخير تاكدي يعرف غير مرته وادا ڨعدتي هاك دزيد هي تطمع كتر وكتر اليوم وحم غدوة نفاس ومبعد تقولك ولدي صغير نربيه ولا نخدم والاخت لي قاتلك انت صاحبة الدار وهي لا العكس هي صاحبة الدار وانت ضيفة يجي نهار لي تروحي فيه لدارك انا لوكان منك هدري معاها قوليلها نوضي سي نو تدخل ماماك واش زعما تتوحم ماتخدمش لوكان جات تسكن وحدها تخدم ولا ياكلها دود الڨاوريات كي تكون بالحمل دير سبور وتجري وتعوم عادي وحنا ماتخدمش شغل دار وتتقلش حتى الصلاة تصليها مجمعة، وادا شفتي كلامك ماجاب حتى نتيجة ضربيها بسقرة خدمي لي قدرتي عليه ولباقي خليه هي تفهم روحها... وسمحيلي على ردي بلاك مايعجبكش بصح تنارفيت مانبغيش الحڨرة..

بويسك حنا شفنا مليح

انا مرت سلفي دارت هك
قادرناها مافهمت روحها
وليت انا واخت راجلي نخدمو عليها وهي تتكسل تمكيج وتتفرج لقيتها من قبل والفت في اخت راجلي مسكينة 7 سنين وهي تحرث عليها حتى هي كانت تقول خويا خويا وعلى وجه خويا ومرت خوها خلاص سيطرت عليها تتكسل بالحمل ولابلاشي حمل
وكي جيت انا قلت معليهش على وجه ربي انا واختو نخدمو وهي تتكسل ايا
حتان فقت لعمري نفضت لغبار على روحي
وكي حملت انا كاس تاع ماء مامدتهوليش
ايمالا هاذو الناس تعملي معاهم الخير تطفر فيك
الخدمة تتقسم واذا ماتقسمتش بين النساء في بيت العايلة او واحد يحقر على واحد ولي يسكت ديما تجي فيه
:kiss:

 

[بشرى ملاك]

بويسك حنا شفنا مليح

انا مرت سلفي دارت هك
قادرناها مافهمت روحها
وليت انا واخت راجلي نخدمو عليها وهي تتكسل تمكيج وتتفرج لقيتها من قبل والفت في اخت راجلي مسكينة 7 سنين وهي تحرث عليها حتى هي كانت تقول خويا خويا وعلى وجه خويا ومرت خوها خلاص سيطرت عليها تتكسل بالحمل ولابلاشي حمل
وكي جيت انا قلت معليهش على وجه ربي انا واختو نخدمو وهي تتكسل ايا
حتان فقت لعمري نفضت لغبار على روحي
وكي حملت انا كاس تاع ماء مامدتهوليش
ايمالا هاذو الناس تعملي معاهم الخير تطفر فيك
الخدمة تتقسم واذا ماتقسمتش بين النساء في بيت العايلة او واحد يحقر على واحد ولي يسكت ديما تجي فيه
:kiss:

عندك الصح والله لوكان دير معاهم هاك يحقروك احسن حاجة الدالة كل وحدة تخدم دالتها دبر راسها وڨاع لي ديريه لا حمد لا شكر انا لوكان منها نخليها تنوض تخدم ولا بغا يزعف يزعف مبعد يعرف غير مرته..

 

[Hakan]

لا وسادة لا سرير لا هم الزمان اللي اصلو راجل يقعد راجل لا بغى تجيه ما نعرف واش تجيه
راني قلت واحد ما يدخل في خدمة لاخر نهار من نهارات جبدت الحكاية هذي ميمتي
قتلها كي يلحق الوقت نديرلكم توقيت ونحطو عند باب الكوزينة اللي تخرب في نهار لخرى بحسن نية ولا حابة نعاونها
العقوبة نتاعها سمانة كاملة تخدمها هي ههه مالغري على حساب ماراني نشوف
خاوتاتي ماهومش قاعدين وحدة في الصيف رايحة ولخرى العام اللي بعدو على اكثر تقدير بحول الله
ومن بعد ندير عملية الروشارش خخخخخ صحيتو ياحي راني عايش في وسط مجتمع ياحافيظ ..​

 

[آمِيْرَتُه]

السلام عليك
لجايح جايح و لموسخ موسخ بالحمل و لا بالحمل
دير شغل ليخصك أنت نتاع داركم برك

 

[ليليا مرام]

السلام عليكم أختي
اول شي هذي بالكرش مش معاقة حركيا راني مكسرة من عظمي كلو ونوقف مع البوتاجي ونغسل على الاقل الماعن ربي يهديها شغل داركم ما تستنايهاش هذي داركم اما هي تاكل وانت تغسلي وزيدي تغسلسلها حوايجها كثرتها انت ما ديري زعاف لخوك ما تخليها تشوفك خدامة عندها لو انا نغسل لدارنا خوك معليش اعتبري ما عندوش مرا اما حوايجها خليهم يفوحو هناك تشوفي تولي تنوض وتغسلهم لقاتك ساكتة طلعتلك فوق راسك اما لو تعرفي خوك ما يزعفش ويصدقك احكي معاه تخدم دارها وراجلها هذي لو قريب تولد وتعاونيها عندك اجر لو نافسة وترفديها معليش اما تاكل كالبقرة وتنوض انا هذي لو طاحت معايا نديرلها راسها فالقدرة خويا على راسي وعينيا اما خدامة عند مرتو وهي تضحك عليا تحبلها تولدها يماها عشرين مرة صراحة راحة انت ولفتيها لقاتها واجدة
الله يهديهم يديرو المنكر