ليليا تسلم عليكم حصريا

[Soumia hadj mohammed]

السلام عليكم ورحمة الله وبركاته
حياكم الله وبياكم

احبتي في الله ليليا مرام تسلم عليكم كلكم
مراهيش تقدر تكونكتي باغسكو معندهاش انترنت
الاخت @ميلينا ليلا تسلم عليك. بزاف وتعتذر منك انتي راكي تعيطيلها فموبيليس قاتلك راني نحيت موبيليس راهي دايرة جيزي على جال سبيطار يعيطولها

راهي خرجت ليزاناليز توعها والاحد ان شاء الله رح دير عملية على رجلها الاولى المتضررة لانو رح تتكسر ورح يعملولها بروش

انا نورمالمو الاحد منقراش الا اذا عيطلنا الاستاذ بخصوص مناقشة المذكرة
وين ما لقيت فرصة نحكي مع والداتها ونقلكم ان شاء الله

هه بالمناسبة انا ثان توحشتكم مش ق ليليا هه ق هدي تع صلاح المخضرم

دعواتكم
في امان الله وحفظه .

 

[cosette]

14زوار
واو
السلام عليك
شكرًا علی الاستفسار عنها اختي سميّۃ
ربي ييرحعها بخير يارب

 

[sanaya]

الحمد لله كراهي بخير

 

["viola"]

ربي يكون معاها ان شاء الله و يشافيها
صحيتي سامو ​

 

[بشرى ملاك]

شكرا بنت العموم سلميلنا عليها

 

[ضآحكة مستبشرة]

السلام عليكم
يعطيك الصحة حنونتي كي طمنتينا عليها
ربي يجيب لها الشفاء ان شاء الله
تعيشي قوليلي واشمن سبيطار راهي فيه
و ربي يخفف عليها​

 

[Tama Aliche]

السلام عليكم و رحمة الله

بلغيلها سلامي قولها فطوم توحشتك بزاااف ، وربي يجازيك ختي سومة حتى انتيا راكي ماكانش توحشتك وييينك ؟؟

و ليلوش ربي يجيبلها الشفاء ان شاء الله تخرج بخير ، و الله ليبروش واعرين سيرتوا فالشتاء ،، ربي ييسر عليها ان شاء الله .. ديما فالمستشفى ليليا مسكينة متمنية نسمع خبر يفرح عنها يااا رب فرحها

 

[Soumia hadj mohammed]

سلام عليكم لبات تحية لكل وحدة باسمها
ختي اسما دوكا ني رايحة نقرا لعشية ان شاء الله نخبرك وش من مشفى وزيد هي دوك مزالها فدار

صحافية هه وي توحشتك يا هلالية العيون راني عايشة وطايشة وكل مرة يبانولي طموحات هبال هه كابابل نروح نقرا طب فالصين اي بوغكوا نو ولا ايربانيزم فلالمان هاربين يا جدك
مهم قالك فيشار زادو ميادورو فالخبز هه زادة لمخابز غلقو حاجة مليحة بوغ موا للرجيم هه ق نضحك
بعثيلي رقمك فالخاص

 

[Soumia hadj mohammed]

يوصل باذن الله بنت لعموم

 

[Salah eddin]

السلام عليكم و رحمة الله و بركاته
...
الله يجيبها زينة ان شاء الله للاخت ليليا و الله يشافيها
و يرزقها الراحة بعد التعب
و شكرا ليك اختنا سمية على حرصك
و هذي ال"ق" راني مسامحلك هه استعمليها قد ما تحبي

هه بالمناسبة انا ثان توحشتكم مش ق ليليا هه ق هدي تع صلاح المخضرم

شكرا
​

 

[❤️كلي أمل❤️]

ربي يشفيها ويسهلها
ولله توحشناها بزااف

 

[زاد الرحيل]

السلام عليكم ورحمة الله وبركاته
حياكم الله وبياكم

احبتي في الله ليليا مرام تسلم عليكم كلكم
مراهيش تقدر تكونكتي باغسكو معندهاش انترنت
الاخت @ميلينا ليلا تسلم عليك. بزاف وتعتذر منك انتي راكي تعيطيلها فموبيليس قاتلك راني نحيت موبيليس راهي دايرة جيزي على جال سبيطار يعيطولها

راهي خرجت ليزاناليز توعها والاحد ان شاء الله رح دير عملية على رجلها الاولى المتضررة لانو رح تتكسر ورح يعملولها بروش

انا نورمالمو الاحد منقراش الا اذا عيطلنا الاستاذ بخصوص مناقشة المذكرة
وين ما لقيت فرصة نحكي مع والداتها ونقلكم ان شاء الله

هه بالمناسبة انا ثان توحشتكم مش ق ليليا هه ق هدي تع صلاح المخضرم

دعواتكم
في امان الله وحفظه .

ربي يجازيك خير على الخبر
الحمد لله على سلامتها و ربي يكون معها و يشفيها

 

[السلطانة]

الحمد لله كي طمنتينا على ليلوش
ان شاءالله ربي معاها وتفوت العملية بنجاح
ربي يعطيك برنوس الستر سمية

 

[الامين محمد]

يا الله ليليا ختي مسكينة
ربي يرزقها الشفا . طهور إن شاء الله
سمية رجاءا بقاي على اتصال بيها و خبرينا بكل جديد

 

[ربي اغفرلي]

يارب


ناداك نـوح عليه السلام فنجيته مـن كربـه....

ونـاداك أيـوب عليه السلام فكشفـت مابـه مـن ضـر ....

ونـاداك يونـس فنجيتـه مـن غمـه

ونـاداك زكــريا عليه السلام فوهبـت لـه ولـدا مـن صلـبه....بعـد

يـأس أهلـه وكبـر سنـه ....

ونـاداك إبراهيـم عليه السلام فأنقذتـه مـن نــار عد وه

وأنجيـت لـوطـا عليه السلام وأهلـه مـن الـعذاب النـازل كلـه ....

سبحـان الله الذي دمَـر أبـرهـة بطيـر أبابيـل ....

يامـن هـو فـوق عبـاده ظاهـر....

يامـن هو مطلـع عليهـم وناظـر....
أعنا يارب على ذكرك وشكرك وحسن عبادتك....
يااااارب ندعوك ونتوسل عليك ان تشفي اختنا ان يشفيها شفاء لا يغادر سقما
يااااارب ان تجعل أوجاعها والامها تكفيرااا لذنوبها
يارب نجهاا من كل كرب وغم ....
وأكشف ما بهاا من ضر...
انك سميع مجيب الدعاااااء

والصلاة والسلام على رسولنا الامين

والحمد لله رب العالمين

 

[Soumia hadj mohammed]

اللهم باررك الله فيكم
ام ياسمين دعوة زينة رب يزين يامك
الامين مكش مشكل باذن الله

 

[Malika Tlm]

مشكورة ختي
ربي يشافيها ويعافيها يارب
ربي يجازيك خيرا

 

[Soumia hadj mohammed]

ختيتو اسما عاشقة الجنة
ماشي سور نهار لحد دير عملية خاطر على حساب الصاديبو يعني : اذا كانو كاينين فراملا ديرها ادا مكش تستنى
ولوبيتال في زرالدة _ دويرة _
ربي اغفرلي راني حكيت معاها دك نبعثلك رقمها فالخاص

 

[ليليا مرام]

السلام عليكم جميعا
اولا نشكر أختي ميلينا على اتصالها بيا قبل ايام واسمحيلي نحيت لابوس علجال خليت رقمي فالسبيطار نشكرك على الموضوع اللي درتيه وإسمحيلي قلقتك وحيرتك قلبي معلق عندكم الله غالب كملت عليا النت ما عنديش فالدار
سمية يا كشرودة ربي يحفظك على اتصالك وانك طمنتيهم ربي يطمن قلبك
كل عضو وعضوة دعالي وسقسىعليا وتحير ما نذكرش أسماء نخاف نقصر فحقكم فرحتوني وانا عندي زهر لانو عندي بزاف خوتات وخاوة والله فقمة وجعي وربي عالم بواش نعاني وحالتي النفسية مش ساهلة عليا عمليتين فوقت واحد والف مشكل ومشكل لكن مرتاحة لأنو أمر الله ولأنو فرحتوني نطلب منكم تدعولي وتكثرولي الدعاء كل من تقوم الليل أو تصلي او اللي يروح للجامع يتفكرني الله يخليكم دعولي ربي يخفف عليا ويكون معايا فالعملية اللي جاية
واليوم حتى رجلي اللي عملتها العملية لما طحت مش عارفة واشييها دعولي دعولي ربي بزاف
الله يفرحكم كل من متمني حاجة ريي يحققهالو اضعف شي نمدولكم هو الدعاء اسمحولي لو بيدي نرجعلكم خيركم نرجعو اضعاف نتوما وكل اللي من قبلكم عاونوني مي انا ندعي ربي هو يردولكم وقت تحتاجو وتكونو في ضيق ندعي ربي يكون معاكم
ربي يخليكم ومن هنا وقت ندخل للسبيطار نحاول نشارك قد ما نقدر
شكرا على كل شي

 

[لؤلؤة قسنطينة]

ماجيت نفيق للموضوع لقيت الأخت ليليا مباشرة دخلت طمنتنا عليها
ربي يكون معاك ختي ليليا وربي يشفيك وربي يوفقك لكل خير
ان شاء الله تلقايها قدامك خضرا يا رب وتتنور حياتك ان شاء الله
ورانا هنا معاك ندعيولك حتى الآخر، والله الصباح تفكرتك قلت يا درا واش احوالها
والحمد لله دخلتي وشفناك وتطمنا عليك
ربي معاك ان شاء الله وحنا كذلك معاك بدعواتنا
ماكانش أغلى من أختنا ​